jimmy

ພິທີຖະແຫຼງຂ່າວເປີດໂຕເລີ່ມເຮັດວຽກຢ່າງເປັນທາງການກັບ Google Street View ໃນລາວ

Date . Posted in IT News

IMG_20140723_113017 - Copyມາຮອດລາວແລ້ວສໍາລັບນຶ່ງໃນເຕັກໂນໂລຊີທີ່ເປັນປະໂຫຍດຕໍ່ກັບສັງຄົມຈາກ ບໍລິສັດ Google ທີ່ມີຊື່ວ່າ
Google Street View ຫຼາຍຄົນກໍຄົງໜ້າຈະຮູ້ເນາະ ເພາະເວລາທີ່ເຮົາຈະໄປປະເທດໃດນຶ່ງແລ້ວເຮົາ
ເຂົ້າໄປສຶກສາເສັ້ນທາງ ຕຶກອາຄານຂອງປະເທດນັ້ນຈາກ Google Maps ແລ້ວມັນຈະມີຮູບຫຸ່ນໂຕ
ນ້ອຍໆ ສີເຫຼືອງທີ່ຢູ່ທາງລຸ່ມ ເຊິ່ງວ່າເຮົາສາມາດລາກໄປໄວ້ບ່ອນທີ່ເຮົາຕ້ອງການຈະເບິ່ງແລ້ວ
ເຮົາຈະເຫັນສະຖານທີ່ນັ້ນເປັນ 360 ອົງສາ ກັນເລີຍຄືກັບວ່າເຮົາໄປຢູ່ສະຖານທີ່ຈິງເລີຍ
(ອັນນີ້ແມ່ນອະທີບາຍສໍາລັບຄົນທີ່ຍັງບໍ່ເຄີຍນໍາໃຊ້ເນາະ) ສາມາດເຂົ້າທົດລອງໄດ້ທີ່ http://maps.google.la

ມາເວົ້າເຖິງພິທີຖະແຫຼງຂ່າວເນາະ ຫຼັງຈາກທີ່ທາງທີມງານຜູ່ກ່ຽວຂ້ອງໄປມາລົມກັບລັດຖະບານລາວໃນ 2 ປີກ່ອນ ແລ້ວໃນມື້ນີ້
ລັດຖະບານເພີ່ນກໍໄດ້ເຫັນຄວາມສໍາຄັນຂອງມັນຈຶ່ງໄດ້ຕົກລົງໃຫ້ມີເຕັກໂນໂລຊີດັ່ງກ່າວເກີດຂຶ້ນໃນບ້ານເຮົາ ໂດຍພິທີດັ່ງກ່າວ
ແມ່ນໄດ້ຈັດຂຶ້ນໃນເວລາ 10 ໂມງເຊົ້າຂອງວັນທີ 23 ກໍລະກົດ 2014 ທີ່ ໂຮງແຮມ ດອນຈັນພາເລດ ໂດຍໄດ້ຮັບການຮ່ວມມືຈາກ
ກະຊວງ ໄປສະນີ, ໂທລະຄົມມະນາຄົມ ແລະການສື່ສານ ຂອງສປປລາວ, ໃນງານທີມງານວິສະວະກອນຈາກ Google ທີ່ເບິ່ງແຍ່ງໃນ
ໂຄງການນີ້ ໄດ້ນໍາສະເໜີ ແຜນທີ່ Google Street View ໃນລາວຕໍ່ແຂກທີ່ເຂົ້າຮ່ວມ ພ້ອມທັງສື່ມວນຊົນທັງຫຼາຍ ແລະຍັງມີຊ່ວງ
ຕອບຄໍາຖາມທຸກຄວາມສົນໃຈໃນເຕັກໂນໂລີໂຕນີ້ຈາກທາງສື່ມວນຊົນ, ເຊິ່ງມັນເປັນນະວັດຕະກໍາທີ່ປ່ຽນມຸມ ແລະປະສົບການໃໝ່
ໃນການເບິ່ງປະເທດ ແລະວັດທະນະທໍາໃຫ້ແກ່ຄົນລາວ ແລະນັກທ່ອງທ່ຽວຈາກທົ່ວໂລກນໍາອີກ. ເຊິ່ງເພິ່ນຈະເລິ່ມເກັບພາບພາຍໃນ
ນະຄອນຫຼວງນີ້ກ່ອນ ແລ້ວຄ່ອຍຂະຫຍາຍໄປໃນທົ່ວປະເທດ, ສໍາລັບໄລຍະເວລາຂອງໂຄງການແມ່ນຂຶ້ນກັບຫຼາຍປັດໄຈມີ
ສະພາບອາກາດ, ຖະໜົນຫົນທາງເປັນຕົ້ນ. ການຖ່າຍພາບແມ່ນຈະເລີ່ມເກັບຢູ່ສະເພາະທາງທີ່ເພິ່ນໄດ້ຕົກລົງກັບລັດຖະບານກ່ອນ
ເພາະການຈະລົງເກັບພາບແຕ່ລະເສັ້ນທາງແມ່ນລັດຖະບານຈະຕ້ອງເຫັນດີນໍາ, ແລ້ວຈະເກັບພາບແຕ່ສະເພາະຕອນກາງເວັນ
ທີ່ມີແດດອອກເທົ່ານັ້ນ ເພາະຕອນກາງຄືນຈະບໍ່ໄດ້ພາບທີ່ສວຍງານ ແລະໄລຍະນີ້ກໍເປັນໄລຍະທີ່ມີຝົນຕົກຢູ່ ເພີ່ນກໍບໍ່ສາມາດ
ທີ່ຈະເກັບໄດ້ເທື່ອຕ້ອງລໍຖ້າມື້ທີ່ມີແດດດີ, ແລ້ວສໍາລັບທາງທີ່ມີການເສຍຫາຍຢູ່ເປັນຂຸມເປັນໂນນແມ່ນເພິ່ນຈະຍັງບໍ່ເກັບ
ເພາະຈະເຮັດໃຫ້ພາບມົວໄດ້. ສ່ວນເລື່ອງຄວາມເປັນສ່ວນໂຕໃນເວລາເກັບພາບແມ່ນເພິ່ນຈະມີການເບີຣໜ້າຄົນ, ປ້າຍລົດ,
ສະຖານທີ່ສໍາຄັນໃຫ້ມົວທັງໝົດ ຫຼືໃຜທີ່ເຂົ້າໄປເບິ່ງແລ້ວ ເຫັນບ້ານຕົນເອງ ແລ້ວບໍ່ຕ້ອງການໃຫ້ສະແດງ ກໍສາມາດຕິດຕໍ່ຫາ
ທາງທີມງານເພິ່ນໃຫ້ລຶບອອກໃຫ້ໄດ້ ແລ້ວສໍາລັບຄົນທີ່ຄັບລົດຄັນນີ້ກໍ່ເປັນຄົນລາວ 100% ເພາະວ່າຈະໄດ້ຮູ້ເສັ້ນທາງດີ.
ໄລຍະນີ້ເຮົາກໍຈະເຫັນລົດຄັນນີ້ທີ່ມີໜ້າຕາແປກໆແດ່ແລ່ນຕາມຖະໜົນຫົນທາງບ້ານເຮົານີ້ລະ ສໍາລັບໃຜພົບເຫັນກໍຊ່ອຍ
ອໍານວຍຄວາມສະດວກໃຫ້ເພິ່ນແດ່ເນາະ ເພື່ອພາບທີ່ໄດ້ອອກຈະສວຍສົດງົດງາມ.

ສາມາດເບິ່ງວິດີໂອຕົວຢ່າງການເຮັດວຽກຂອງ Google Street View ໜ້າຮັກ ໜ້າຮັກໄດ້ທີ່ນີ້ເລີຍ:

ທ້າຍນີ້ຝາກເຖິງຜູ່ອ່ານທັງຫຼາຍຈົ່ງຊ່ອຍກັນຮັກສາຄວາມສະອາດຕາມຖະໜົນຫົນມາງ ບ້ານເຮືອນຊ່ອຍກັນເນາະ
ເພາະເວລາລົດເພິ່ນແລ່ນກາຍ ແລະຖ່າຍຮູບໄປແລ້ວເຫັນແນວບໍ່ຈົບບໍ່ງາມ ມັນກໍບໍ່ສະອາດງາມຕາຕໍ່ປະເທດເຮົາເອງເນາະ.

ຂໍຂອບໃຈ

ສາມາດຊົມຮູບບັນຍາກາດງານທາງລຸ່ມໄດ້:

IMG_20140723_114750 IMG_20140723_104116IMG_20140723_113017 IMG_20140723_110928 IMG_20140723_110627

ສະແດງຄວາມຄິດເຫັນ