ເທັກນິກການເລືອກຊື້ເລນກ້ອງ-DSLR 150ກັບມາພົບກັນອີກຄັ້ງກັບເລື່ອງຂອງ dSLR ໃນບົດຄວາມນີ້ ແລ້ວທີ່ໄດ້ຍົກເອົາ
ເລື່ອງຂອງກ້ອງຖ່າຍຮູບ dSLR ມາແນະນຳໃຫ້ທ່ານຜູ່ອ່ານໄດ້ສຶກສາໄປນຳກັນ.
ຈາກບົດກ່ອນໜ້ານີ້ ຫາກໃຜທີ່ໄດ້ອ່ານກໍຈະຮູ້ວ່າ ໄດ້ເວົ້າເຖິງ ການແນະນຳເບື້ອງ
ຕົ້ນຂອງກ້ອງປະເພດນີ້ ແລະການເລືອກຊື້ກ້ອງ dSLR ເຊິ່ງກໍຈະມີ ຫຼາກຫຼາຍຮຸ່ນ
ຫຼາກຫຼາຍ ລາຄາ ຕັ້ງແຕ່ 4,500,000 ກີບ ໄປຈົນຮອດ 80,000,000 ກີບ ກໍມີ ແລະກໍແນ່ນອນສຳລັບໃຜທີ່ຍັງບໍ່ໄດ້ ອ່ານ ແລະຢາກອ່ານ ກໍສາມາດກັບໄປອ່ານ
ເພີ່ມເຕີມໄດ້. ຫຼັງຈາກທີ່ເຮົາໄດ້ສຶກສາກັນໄປແລ້ວ ໃນບົດຄວາມກ່ອນກ່ອນ ວ່າມັນ
ແມ່ນຫຍັງ ມີຂໍ້ດີຂໍ້ເສຍແນວໃດ ຈະເລືອກຊື້ແນວໃດ ສະນັ້ນໃນບົດຄວາມນີ້ ເຮົາກໍ
ມາຕໍ່ກັນແມ່ນຈະເວົ້າ ເຖິງເລື່ອງ ເລນ (Lens) ຂອງກ້ອງ dSLR ວ່າມັນເປັນແນວໃດ ມີແບບໃດກັນແດ່ ເພາະຖ້າໃຜຍັງຈື່ໄດ້ ຜູ່ຂຽນໄດ້
ເຄີຍລະບຸໄປ ແລ້ວວ່າ ຄວາມສາມາດໃນການປ່ຽນເລນນັ້ນ ນັບເປັນຄຸນສົມບັດ ເດັ່ນອັນນຶ່ງ ຂອງກ້ອງ dSLR ເລີຍ.03

ຮູບແບບຂອງເລນ
ເລນຂອງກ້ອງ dSLR ແມ່ນມີຢູ່ຫຼາກຫຼາຍແບບຫຼາກຫຼາຍຍີ່ຫໍ້ ແຕ່ກໍສາ ມາດແບ່ງອອກເປັນສອງຮູບໃຫຍ່ໄດ້ຄື Prime lens ແລະ Zoom lens.

Prime lens

04Prime lens ຍີ່ຫໍ້ Zeiss

ຄຳວ່າ Prime lens ໝາຍເຖິງຮູບແບບຂອງເລນທີ່ບໍ່ສາມາດປັບປ່ຽນ ທາງຍາວໂຟກັສຂອງເລນໄດ້ ເຊັ່ນ ຫາກວ່າເປັນເລນ 50mm ກໍຈະມີໄລຍະ ທາງຍາວໂຟກັສຢູ່ 50mm ຕະຫລອດເວລາ ບໍ່ສາມາດປ່ຽນໃຫ້ກາຍເປັນ 28mm ຫຼື 85mm ໄດ້ ດ້ວຍເຫດນັ້ນ ມັນຈຶ່ງມີຊື່ເອີ້ນອີກຊື່ນຶ່ງວ່າ Fixed lens.
+ ຂໍ້ດີ
ໂດຍປົກກະຕິແລ້ວ Prime lens ສ່ວນໃຫຍ່ ຈະມີຄຸນນະພາບແກ້ວ ຫຼື Optic quality ສູງ ສາມາດຖ່າຍທອດສີສັນ ແລະຄວາມຄົມຊັດຂອງພາບ
ໄດ້ດີ, ມີນ້ຳໜັກເບົາ ເນື່ອງຈາກຖືກອອກແບບ ມາໃຫ້ເຮັດວຽກໃນໄລຍະຂອງທາງຍາວໂຟກັສໃດນຶ່ງ ຈຶ່ງໃຊ້ແກ້ວທີ່ຮັບແສງໜ້ອຍ ແຕ່ມີປະສິດ
ທິພາບດີ ສົ່ງຜົນໃຫ້ເລນແບບນີ້ມີຂະໜາດນ້ອຍ. ການອອກ ແບບ Prime ເລນນັ້ນ ເນື່ອງຈາກມັນເປັນເລນທີ່ມີໄລຍະທາງຍາວໂຟກັສໃດນຶ່ງ
ເທົ່ານັ້ນ ທາງຜູ່ຜະລິດຈຶ່ງ ມັກຈະເຮັດໃຫ້ມີຮູຮັບແສງທີ່ກວ້າງ ເຊັ່ນ 50mm f/1.4 ເປັນຕົ້ນ ເຊິ່ງຫາກວ່າຖ້າເປັນ Zoom lens ແລ້ວ ກໍເປັນການ
ຍາກຫຼາຍທີ່ຈະເຮັດຮູຮັບແສງກວ້າງຂະໜາດນີ້. ນອກຈາກຄຸນນະພາບ, ນ້ຳໜັກ ແລະຂະໜາດແລ້ວ Prime lens ຍັງມັກຈະມີລາຄາ ຖືກກວ່າ
Zoom lens ເຊິ່ງຈະກ່າວຕໍ່ໄປອີກນຳ.
+ ຂໍ້ອ່ອນ
ການທີ່ Prime lens ມີຄຸນນະພາບດີນັ້ນ ແມ່ນ ເພາະເນັ້ນໃສ່ວ່າອອກແບບມາໃຫ້ເຮັດວຽກໄດ້ດີທີ່ ສຸດໃນໄລຍະຂອງມັນ ເຊັ່ນເລນໄລຍະ 85mm ມັນກໍຈະຖືກອອກແບບມາໃຫ້ຖ່າຍທອດລາຍລະອຽດ ຕ່າງໆໄດ້ດີທີ່ສຸດໃນໄລຍະນັ້ນ ເຊິ່ງກໍກາຍເປັນ ຂໍ້ອ່ອນຢ່າງນຶ່ງ ເພາະເຮົາບໍ່ສາມາດປ່ຽນແປງ
ໄລຍະ ຂອງມັນໄດ້ ເຊັ່ນວ່າ ເຮົາຕ້ອງຖ່າຍພາບຄົນ ເຊິ່ງ ໄລຍະ 85mm ເປັນໄລຍະທີ່ກຳລັງເໝາະສົມ ແຕ່ ຢາກປ່ຽນມາຖ່າຍຮູບກຸ່ມຄົນ ເຊິ່ງຕ້ອງ
ໃຊ້ເລນທີ່ມີອົງສາການຮັບພາບກວ້າງກວ່າ ເຊັ່ນເລນ 28mm ກໍຈະເປັນການຍາກ ເພາະຕ້ອງຖອຍຫ່າງອອກ ໄປໄກຫຼາຍ ຈຶ່ງຈະເຮັດໃຫ້ອົງສາການ
ຮັບພາບຂອງເລນ 85mm ນັ້ນ ກວ້າງພໍຈະຖ່າຍຮູບກຸ່ມຄົນໄດ້ ຈຶ່ງຈຳເປັນຕ້ອງປ່ຽນໄປໃຊ້ ເລນທີ່ມີອົງສາ ການຮັບພາບກວ້າງກວ່າ ກໍເຮັດໃຫ້
ເສຍເວລາ ປ່ຽນເລນໄປໃນໂຕ. ໃນທາງກົງກັນຂ້າມ ຖ້າເຮົາໃຊ້ເລນ 28mm ແລ້ວຢາກຖ່າຍຮູບຄົນ ກໍຕ້ອງໄດ້ຍັບເຂົ້າໄປໃກ້ ເພື່ອໃຫ້ຮູບບໍ່
ກວ້າງເກີນໄປນັ້ນເອງ.
ສະຫຼຸບແລ້ວ Prime lens ຫຼື Fixed lens ຫຼືເລນທີ່ປ່ຽນ ໄລຍະທາງຍາວໂຟກັສບໍ່ໄດ້ນັ້ນ ເໝາະສຳລັບງານທີ່ບໍ່ຟ້າວຫຼາຍ ເນັ້ນຄວາມລະອຽດ ແລະສະເພາະທາງຈຶ່ງຈະເໝາະສົມ ເຊັ່ນການຖ່າຍພາບໃນ Studio ເປັນຕົ້ນ.

Zoom lens05

ເລນ Canon 15-88mm

ມາຕໍ່ກັນກັບຄຳສັບວ່າ Zoom lens ຄຳວ່າ Zoom lens ນີ້ ໝາຍເຖິງຮູບແບບຂອງເລນ ທີ່ກົງກັນຂ້າມກັບ Prime lens ຫຼື Fixed lens ນັ້ນກໍຄື ສາມາດປ່ຽນແປງທາງຍາວໂຟກັສໄດ້ ຫຼືທີ່ຄົນລາວເຮົາມັກເອີ້ນວ່າ ຊູມ ນັ້ນເອງ.
+ ຂໍ້ດີ
ສຳລັບເລນ Zoom ນັ້ນ ຂໍ້ດີກໍເປັນໄປຕາມຊື່ຂອງມັນເລີຍ ກໍຄື ສາມາດທີ່ຈະຊູມໄດ້ ເຊັ່ນເຮົາຖ່າຍພາບວິວກວ້າງໆ ແລ້ວຢາກຊູມເຂົ້າໄປຖ່າຍ
ຈຸດໃດຈຸດນຶ່ງໃກ້ໆ ກໍສາມາດເຮັດໄດ້ ເພາະເລນປະ ເພດນີ້ສາມາດປັບປ່ຽນທາງຍາວໂຟກັສໄດ້ນັ້ນເອງ. ເລນປະເພດ ນີ້ ເປັນທີ່ນິຍົມກັນຫຼາຍ
ເພາະຜູ່ໃຊ້ ສາມາດປັບປ່ຽນທາງຍາວໂຟກັສໄດ້ຕາມທີ່ເລນນັ້ນໆ ຖືກອອກແບບມາ ເຊັ່ນເລນ 18-135 mm ໝາຍຄວາມວ່າ ເຮົາສາມາດໃຊ້
ທາງຍາວ ໂຟກັສຕັ້ງແຕ່ 18mm ໄປຈົນ 135mm ແລະນັ້ນກໍຈະຄອບຄຸມໄລຍະ 28mm 35mm 50mm 85mm ແລະ 135mm ເຊິ່ງເປັນ
ໄລຍະຫຼັກໆ ທີ່ໃຊ້ໃນການຖ່າຍຮູບກັນ.

+ ຂໍ້ອ່ອນ
ເນື່ອງດ້ວຍເຫດວ່າ Zoom lens ຖືກອອກແບບມາໃຫ້ເຮົາ ສາມາດ ປ່ຽນທາງຍາວໂຟກັສ ຫຼືຊູມໄດ້ ຈຶ່ງເຮັດໃຫ້ການ ອອກແບບນັ້ນ ຈຳເປັນຈະ
ຕ້ອງມີຄວາມຊັບຊ້ອນຫຼາຍກວ່າ Prime lens ເຮັດໃຫ້ມີຂະໜາດໃຫຍ່ກວ່າ ຍາວກວ່າ ແລະ ແນ່ນອນວ່າ ໜັກກວ່າ ແຕ່ຄຸນນະພາບຂອງແກ້ວ
ຜັດດ້ອຍກວ່າ Prime lens ຢ່າງເຫັນໄດ້ຊັດ (ຍົກເວັ້ນໃນ Zoom lens ທີ່ມີລາຄາແພງ ຄຸນນະພາບຈະສູສີກັນ). ນອກຈາກນັ້ນແລ້ວ ຮູຮັບແສງ
ຫຼື Aperture ຂອງ Zoom lens ຍັງແຄບກວ່າ ເຮັດໃຫ້ຖ່າຍຮູບໃນເວລາແສງໜ້ອຍດີບໍ່ສູ້ Prime lens ທີ່ມີຮູຮັບແສງ ກວ້າງກວ່າ. ສຸດທ້າຍ
Zoom lens ສ່ວນໃຫຍ່ ຈະມີລາຄາແພງ ກວ່າ Prime lens ໂດຍສະເພາະ Zoom lens ທີ່ມີຄຸນນະພາບ ສູງ ເຊັ່ນ Nikon AF-S 70-200
f/2.8 VR II ຈະມີລາຄາສູງເຖິງ 22,000,000 ກີບ! ແພງກວ່າກ້ອງ dSLR ລະດັບກາງອີກ.

ສະຫຼຸບແລ້ວ Zoom lens ເໝາະສຳລັບຄົນທີ່ບໍ່ຢາກປ່ຽນເລນເລື້ອຍໆ ເຊັ່ນເວລາເຮົາເດີນທາງໄປທ່ອງທ່ຽວ ຖ່າຍພາບຄົນ ຖ່າຍທິວທັດ
ຖ່າຍຫຼາຍໆ ອັນ ຫຼາຍໆ ແນວສະຫລັບສັບປ່ຽນກັນ ໄປ ກໍຈະບໍ່ເປັນການຍາກ ເພາະເຮົາສາມາດປ່ຽນທາງຍາວໂຟກັສໄດ້ຢູ່ເລນເລີຍ
ແລ້ວກໍບໍ່ຕ້ອງແບກ Prime lens ໄປຫຼາຍໆອັນໃຫ້ ໜັກກະເປົາອີກ.06

ປະເພດຂອງເລນ
ຫຼັງຈາກເບິ່ງ ຮູບແບບຂອງເລນ ໄປແລ້ວ ກໍຍັງບໍ່ໝົດພຽງ ເທົ່ານັ້ນ ທັງໃນ Prime lens ແລະ Zoom lens ກໍຈະມີປະເພດ ຂອງມັນຕື່ມ ວ່າຖືກອອກແບບມາໃຫ້ເປັນເລນປະເພດໃດ ເຊັ່ນ ເລນບາງໂຕ ອາດຈະຖືກອອກແບບມາເພື່ອໃຫ້ຖ່າຍຮູບມຸມກວ້າງ ຫຼືບາງໂຕ ອາດຖືກອອກແບບມາໃຫ້ຖ່າຍໃກ້ໆ ໄດ້ເປັນຕົ້ນ ເຮົາ ມາເບິ່ງກັນເລີຍວ່າມີແບບໃດແດ່:

Normal lens

07
ໂດຍປົກກະຕິແລ້ວ ຈະໝາຍເຖິງເລນທີ່ມີອົງສາການຮັບພາບ ຫຼື angle of view ທີ່ 50mm ເຊິ່ງເປັນໄລຍະທີ່ໃກ້ຄຽງກັບ ສາຍຕາຂອງຄົນເຮົາ ເປັນໄລຍະທີ່ນິຍົມໃຊ້ກັນຫຼາຍ. ອີກຄວາມ ໝາຍນຶ່ງ ແມ່ນໝາຍເຖິງເລນ Kit ຫຼືເລນທີ່ມາພ້ອມກັບກ້ອງ ເຊິ່ງ ກໍນິຍົມເປັນ Zoom lens ເຊັ່ນ
17-55mm ເປັນຕົ້ນ.

Wide-angle lens08
ເລນມຸມກວ້າງ ຫຼື wide-angle lens ເປັນເລນທີ່ມີອົງສາການ ຮັບພາບກວ້າງ ສາມາດຖ່າຍພາບວິວໄດ້ດີ ເພາະເກັບພາບໄດ້ ກວ້າງຫຼາຍ ໂດຍປົກກະຕິຈະມີອົງສາການຮັບພາບຕັ້ງແຕ່ 35mm ລົງໄປຈົນ 14mm ຫຼືຫຼາຍກວ່ານັ້ນກໍມີແຕ່ຫາກຍາກ ແລະແພງ ຫຼາຍ ຫາກຕ່ຳ
ກວ່າ 12mm ສ່ວນໃຫຍ່ຈະເປັນ Fish-eye lens ແທນທີ່ຈະເປັນເລນມຸມກວ້າງຕາມປົກກະຕິ. ເລນມຸມກວ້າງ ຈະມີຂໍ້ອ່ອນເລື່ອງ
Distortion ຫຼືຄວາມບິດບ້ຽວຂອງພາບທີ່ສູງ ແຕ່ຈະສູງຫຼາຍຊ່ຳໃດນັ້ນ ກໍແລ້ວແຕ່ເລນແຕ່ລະໂຕວ່າຖືກ ອອກແບບມາແນວໃດ.

Telephoto lens

usm-super-telephoto-lens
ກົງກັນຂ້າມກັບ Wide-angle lens ເພາະ Telephoto lens ຈະມີອົງສາການຮັບພາບທີ່ແຄບຫຼາຍ ແຄບກວ່າ Normal lens
ໂດຍປົກກະຕິຈະມີໄລຍະຕັ້ງແຕ່ 85mm ຂຶ້ນໄປຈົນຮອດ 200mm ແລະຖ້າສູງກວ່ານັ້ນ ມັກຈະເອີ້ນວ່າເປັນ Super-telephoto lens
ເຊັ່ນ 500mm ແລະ 800mm ເປັນຕົ້ນ. ເລນ ປະເພດນີ້ ເໝາະສຳລັບການຖ່າຍພາບຄົນແບບ Portrait, ເໝາະ ສຳລັບການຖ່າຍ
ພາບນົກ ຫຼືສິ່ງທີ່ຢູ່ໄກໆ ເປັນຕົ້ນ. ເລນທີ່ມີໄລຍະ ທາງຍາວໂຟກັສສູງໆ ຕັ້ງແຕ່ 200mm ຂຶ້ນໄປ ມັກຈະມີລະບົບ ກັນສັ່ນໃນໂຕນຳ
ເຊັ່ນ Nikon AF-S 70-200mm f/2.8 VR II ຈະມີລະບົບກັນສັ່ນທີ່ເອີ້ນວ່າ Vibration Reduction ເຊິ່ງໃນ Canon ຈະມີຊື່ເອີ້ນວ່າ
IS ທີ່ຫຍໍ້ມາຈາກ Image Stabilizer

Macro lens

10
ສຳລັບ Macro lens ຫຼືບາງຄັ້ງກໍເອີ້ນ Micro lens ໝາຍເຖິງເລນທີ່ອອກແບບມາໃຫ້ສາມາດຖ່າຍໃກ້ໆ ແບບສຸດໆ ໄດ້ ເຊັ່ນ
ຖ່າຍແມງໄມ້ຂະໜາດນ້ອຍໆ ໃກ້ໆ ຈົນເບິ່ງແລ້ວເປັນໂຕໃຫຍ່ໆ ເຫັນລາຍລະອຽດທຸກຮູຂຸມຂົນຊັດເຈນ ເພາະນອກຈາກຈະຖືກ
ອອກແບບມາໃຫ້ຖ່າຍໄລຍະໃກ້ໆ ໄດ້ແລ້ວ ຍັງຖ່າຍທອດ ລາຍລະອຽດ ຄວາມຄົມຊັດໄດ້ຢ່າງດີນຳ.

Fisheye lens

11
ຫຼ າຍຄົນຄົງຈະເຄີຍພົບກັບເລນປະເພດນີ້ມາກ່ອນແລ້ວ ແຕ່ ອາດບໍ່ຮູ້ວ່າເຂົາເອີ້ນວ່າແນວໃດ ສຳລັບ Fisheye lens ຫຼື ເລນຕາປາ
ນັ້ນ ຄຸນສົມບັດຂອງມັນຄື ເລນປະເພດນີ້ສ່ວນໃຫຍ່ ສາມາດຖ່າຍມຸມກວ້າງຫຼາຍໆໄດ້ ແລະມີລັກສະນະພາບເປັນ ວົງມົນ ໂດຍທາງກາງ
ຈະເປັນຈຸດທີ່ນູນຂຶ້ນມາຢ່າງຊັດເຈນ ເໝາະສຳລັບຖ່າຍພາບແນວແປກໆ.

Mirror lens

12
ເລນກະຈົກ ຫຼື Catadioptric lens ເປັນເລນພິເສດປະເພດ ນຶ່ງທີ່ຫາຄົນໃຊ້ໄດ້ຍາກ ເພາະບໍ່ຄ່ອຍນິຍົມກັນ ເລນປະເພດນີ້ ປະກອບ
ສ້າງດ້ວຍກະຈົກຕາມຊື່ ອາໄສການສະທ້ອນແສງໄປມາລະຫວ່າງກະຈົກທີ່ຢູ່ພາຍໃນເລນເພື່ອໃຫ້ເກີດພາບ ການ ອອກແບບເລນ
ປະເພດນີ້ ຂະໜາດຂອງເລນຈະສັ້ນຫຼາຍ ຫາກ ທຽບກັບເລນປົກກະຕິໃນໄລຍະທາງຍາວໂຟກັສດຽວກັນ.
ລັກສະນະເດັ່ນດ້ານດີຂອງເລນປະເພດນີ້ຄື ທາງຍາວໂຟກັສສູງ ເຊັ່ນ 500mm ໄປຈົນ 800mm ກໍມີ, ນ້ຳໜັກເບົາ, ລາຄາຖືກ
ແລະຂະໜາດນ້ອຍ ສ່ວນລັກສະນະເດັ່ນດ້ານອ່ອນນັ້ນ ກໍຖືວ່າ ໜັກພໍສົມຄວນ ເພາະເລນກະຈົກຈະໄດ້ພາບຄຸນນະພາບຕ່ຳ,
ສີຈືດກວ່າ, ຮູຮັບແສງກວ້າງ ແລະຍັງບໍ່ພໍຍັງປັບຮູຮັບແສງບໍ່ໄດ້ອີກ.

Tilt/Shift lens

24mm-tilt
ເປັນເລນປະເພດນຶ່ງທີ່ຖືກອອກແບບມາເປັນພິເສດ ເພື່ອຖ່າຍ ສະຖາປັດຕະຍະກຳ ເຊັ່ນ ຕຶກ ແລະບ້ານເຮືອນຕ່າງໆ ໂດຍເລນ ປະເພດນີ້ ຜູ່ໃຊ້ສາມາດປັບອຽງແກ້ວເລນເພື່ອຄວບຄຸມ perspective ຂອງພາບໄດ້ໂດຍມີສອງສ່ວນຄື ການປັບມຸມກົ້ມ ເງີຍຂອງເລນເອີ້ນວ່າ Tilt ແລະການເຄື່ອນເລນເອີ້ນວ່າ Shift. ໂດຍປົກກະຕິແລ້ວ ເລນປະເພດນີ້ ເປັນເລນສະເພາະທາງ ແລະມີລາຄາແພງຫຼາຍ.

ການເລືອກເລນ
ຫຼັງຈາກທີ່ຮູ້ຈັກປະເພດ ແລະຮູບແບບຂອງເລນກັນໄປແລ້ວ ເຮົາກໍມາຕໍ່ກັນໃນຫົວຂໍ້ການເລືອກເລນສຳລັບກ້ອງຂອງເຮົາ ວ່າຈະເລືອກ
ແບບໃດດີ? ແນ່ນອນວ່າ ການເລືອກເລືອກເລນນັ້ນ ກໍຄືກັບການເລືອກຊື້ອຸປະກອນຕ່າງໆຂອງກ້ອງ ນັ້ນຄື ຕ້ອງເບິ່ງ ຈຸດປະສົງເປັນຫຼັກ
ວ່າເຮົາຈະໃຊ້ເພື່ອຫຍັງ? ມັກການຖ່າຍພາບ ແບບໃດເປັນພິເສດ? ເຊັ່ນ ຫາກເຮົາມັກຖ່າຍພາບຄົນ ຖ່າຍ Portrait ກໍຄວນຊື້ເລນ
Telephoto ເປັນແບບພວກ Prime lens ເຊັ່ນ 85mm ຫຼື 135mm ກໍຈະກົງກັບຄວາມຕ້ອງການ ຫຼາຍກວ່າຈະ ໄປຊື້ເລນ 17-50mm
ເຊິ່ງເປັນ Zoom lens ໄລຍະ Wide-Normal ແຕ່ກ່ອນຈະຮູ້ວ່າເຮົາມັກຖ່າຍພາບແບບໃດເປັນພິເສດນັ້ນ ກໍຕ້ອງມີການຖ່າຍໄປເລື້ອຍໆ
ກ່ອນ ດັ່ງນັ້ນບົດຄວາມນີ້ ຈະແບ່ງການເລືອກເລນອອກເປັນ 3 ລະດັບ:

ລະດັບເລີ່ມຕົ້ນ
ສຳລັບຜູ່ຮຽນຖ່າຍພາບໃໝ່ໆ ທີ່ຍັງບໍ່ຮູ້ວ່າ ຕົນເອງມັກຮັກ ໃນການຖ່າຍພາບ “ແນວ” ໃດເປັນພິເສດນັ້ນ ກໍຄວນຈະເລີ່ມ ຕົ້ນດ້ວຍ
Zoom lens ກ່ອນ ໂດຍສະເພາະແມ່ນທີ່ມາກັບກ້ອງ ສ່ວນໃຫຍ່ຄື Kit lens ເຊັ່ນ 17-55mm ກໍຈະໄດ້ເລນທີ່ພໍໃຊ້ ມາໂຕນຶ່ງ ມາລອງ
ຖ່າຍກັນ ແລະອາດຈະຂະຫຍາຍໄປຊື້ເລນ 55-200mm ມາເສີມຊ່ວງ Tele ແລະຮຽນຮູ້ການຖ່າຍພາບ ເບື້ອງຕົ້ນ ເຊັ່ນ ການໃຊ້ກ້ອງ
ການຈັດອົງປະກອບພາບ ເປັນຕົ້ນ. ເລນໃນໄລຍະນີ້ລາຄາຈະບໍ່ແພງຫຼາຍ ເຊັ່ນ 17-55mm f/3.5-4.5 ນັ້ນ ມີລາຄາປະມານ
950,000 ກີບເທົ່ານັ້ນ ຫຼື ຫາກເປັນ 50mm f/1.8 ກໍລາຄາປະມານ 900,000 ກີບ ກໍເໝາະສຳລັບມືໃໝ່ທີ່ເລີ່ມຕົ້ນການຖ່າຍພາບ.

ລະດັບກາງ
ຫຼັງຈາກທີ່ພໍຮູ້ແລ້ວວ່າ ຕົນເອງມັກການຖ່າຍພາບແນວໃດເປັນພິເສດ ກໍຄ່ອຍອັບເກຣດເລນຂຶ້ນມາໃຫ້ເໝາະສົມ ເຊັ່ນຫາກຮູ້ວ່າ
ມັກຖ່າຍວິວ ຖ່າຍທິວທັດ ທຳມະຊາດ ກໍອາດຈະຊື້ເລນ Wide-angle ເຊັ່ນພວກ 12-24mm ມາເພີ່ມ ຫາກມັກແນວ Macro
ຖ່າຍແມງໄມ້ ຖ່າຍສິ່ງນ້ອຍໆ ໃຫ້ເປັນສິ່ງໃຫຍ່ໆ ກໍເລືອກຊື້ Macro lens. ເລນໃນລະດັບນີ້ ຈະມີລາຄາເລີ່ມສູງຂຶ້ນ ອາດ ຈະແພງກວ່າ
ກ້ອງທີ່ເຮົາໃຊ້ກໍມີ ເຊັ່ນ Nikon AF-S 12-24mm f/4G ລາຄາສູງເຖິງ 9,600,000 ກີບເລີຍ.

ລະດັບສູງ
ເມື່ອເຮົາຊ່ຽວຊານຈົນຮອດລະດັບທີ່ໝັ້ນໃຈຮັບງານໄດ້ແລ້ວ ຫຼືອາດຈະເລີ່ມຮັບງານໄປແລ້ວ ກໍຮອດເວລາທີ່ຈະອັບເກຣດເລນ
ໃຫ້ເປັນຮຸ່ນ Pro ຫຼືເກຣດ Pro ກັນ ເພາະເລນທີ່ຜູ່ຜະລິດເຮັດ ອອກມາໃຫ້ຊື້ໃຊ້ກັນນັ້ນ ຈະມີການແບ່ງເກຣດເປັນຫຼາຍໆ ເກຣດ
ເຊັ່ນເລນ 50mm ອາດຈະມີຫຼາຍລາຄາຕັ້ງແຕ່ 900,000 ກີບ, 3,400,000 ກີບ ໄປຈົນ 10,000,000 ກີບ ແຕ່ລ້ວນແລ້ວ
ແຕ່ເປັນ ເລນໄລຍະ 50mm ນຳກັນ ແຕ່ສິ່ງທີ່ບໍ່ຄືກັນ ນັ້ນຄື ຄຸນນະພາບ ຫຼື ເກຣດຂອງເລນນັ້ນໆ ເຊັ່ນ 900,000 ເປັນເລນ
ທີ່ມີຮູຮັບແສງ f/1.8 ວັດສະດຸເປັນຢາງ ສ່ວນ 3,400,000 ເປັນ 50mm ທີ່ມີ ຮູຮັບແສງ f/1.4 ວັດສະດຸເປັນໂລຫະເກືອບ
ໝົດທຸກສ່ວນ ແລະ 10,000,000 ເປັນເລນ 50mm ຮູຮັບແສງ f/1.2 ເຊິ່ງກວ້າງຫຼາຍ ແລະມີວັດສະດຸການຜະລິດໂລຫະຢ່າງດີ
ນັ້ນກໍເປັນຄວາມແຕກ ຕ່າງຂອງເລນເກຣດຕ່າງໆ ທີ່ເມື່ອຜູ່ຖ່າຍພາບ ຖ່າຍພາບມາຈົນ ລະດັບທີ່ໝັ້ນໃຈແລ້ວວ່າມັກແທ້
ແລະຢາກໄປຕໍ່ (ແລະມີປັດໄຈ ພຽງພໍ) ກໍຈັດການອັບເກຣດໄປລະດັບສູງກັນເລີຍ ກໍຈະໄດ້ເລນ ໄລຍະທີ່ເຮົາມີ ແຕ່ຮູຮັບແສງກວ້າງຂຶ້ນ
ຖ່າຍພາບໄດ້ຄົມຊັດ ຂຶ້ນ ມີວັດສະດຸດີຂຶ້ນເປັນຕົ້ນ.13

ຍີ່ຫໍ້ຫຍັງດີ?
ນອກຈາກຈະເບິ່ງລະດັບແລ້ວ ກໍຍັງມີເລື່ອງຂອງການເລືອກຍີ່ຫໍ້ນຳ ວ່າເຮົາຊື້ເລນ ເຮົາຄວນຈະຊື້ຍີ່ຫໍ້ຫຍັງດີ? ໃນເບື້ອງຕົ້ນນັ້ນ ຕ້ອງມາທຳຄວາມເຂົ້າໃຈກັນກ່ອນວ່າ ຍີ່ຫໍ້ເລນ ຈະແບ່ງອອກເປັນ ສອງແບບຄື 1. ເລນຄ້າຍ ແລະ 2. ເລນນອກຄ້າຍ ຄຳວ່າ
ເລນນອກຄ້າຍ ໝາຍເຖິງ 3rd party lens ກໍຄື ເລນຈາກບໍລິສັດ ຜູ່ຜະລິດເລນອື່ນໆ ທີ່ເປັນຄົນລະບໍລິສັດກັບກ້ອງທີ່ເຮົາໃຊ້
ເຊັ່ນເຮົາໃຊ້ກ້ອງ Canon ແຕ່ໃຊ້ເລນ Tamron ກໍຖືວ່າ ໃຊ້ເລນ ນອກຄ້າຍ ຫຼືເລນ 3rd party ນັ້ນເອງ.

ເລນຄ້າຍ
ໃນກໍລະນີທີ່ເປັນໄປໄດ້ ການເລືອກຊື້ເລນ ຄວນເບິ່ງທີ່ເລນ ຄ້າຍເປັນອັນດັບທຳອິດ ເພາະເລນຂອງຄ້າຍທີ່ຜະລິດກ້ອງໂດຍ
ກ້ອງ ເຊັ່ນກ້ອງ Canon ໃຊ້ເລນ Canon ຈະມີປະສິດທິພາບ ດີກວ່າ ກ້ອງ Canon ແຕ່ໃຊ້ເລນ Tamron ເພາະຜູ່ຜະລິດກ້ອງ
ຍ່ອມຮູ້ວ່າຈະເຮັດແນວໃດ ໃຫ້ເລນທີ່ອອກມານັ້ນ ໃຊ້ໄດ້ດີທີ່ສຸດ ກັບກ້ອງໂຕເອງ. ເລນຄ້າຍ ສ່ວນໃຫຍ່ ຈະມີຄຸນນະພາບດີ
ມີຄວາມຫຼາກຫຼາຍໃຫ້ເລືອກຕັ້ງແຕ່ Wide ໄປຈົນ Tele ຮວມເຖິງ ເລນທີ່ ອອກແບບມາໃຊ້ສະເພາະທາງຢ່າງຄົບຖ້ວນ
ແຕ່ຈະມີ ລາຄາແພງ ເມື່ອທຽບກັບເລນນອກຄ້າຍ.

ເລນນອກຄ້າຍ
ຕໍ່ຈາກຫຍໍ້ໜ້າກ່ອນໜ້ານີ້ ເລນນອກຄ້າຍ ສ່ວນໃຫຍ່ມັກຈະມີລາຄາຖືກກວ່າເລນຄ້າຍ ແຕ່ຄຸນນະພາບ ກໍຈະດ້ອຍກວ່າ
ເລັກນ້ອຍ ແລ້ວແຕ່ເລນ ແລ້ວແຕ່ຍີ່ຫໍ້ ໂດຍຫຼັກແລ້ວຕະຫຼາດ ເລນນອກຄ້າຍ ຈະມີມາຈາກບໍລິສັດຕ່າງໆ ຄື Sigma,
Tamron, Tokina ແລະ Samyang ເປັນຕົ້ນ.
ການເລືອກເລນຄ້າຍ ຫຼືເລນນອກຄ້າຍນັ້ນ ນອກຈາກຈະມີ ເລື່ອງລາຄາ ແລະເລື່ອງຄຸນນະພາບໃຫ້ຄິດແລ້ວ ຍັງມີເລື່ອງຂອງ
ສີສັນນຳ ເລນຂອງບາງຍີ່ຫໍ້ ຈະມີສີສັນຈັດກວ່າເລນຍີ່ຫໍ້ອື່ນໆ ອັນນີ້ຕ້ອງເບິ່ງເປັນກໍລະນີໄປວ່າມັກຫຼືບໍ່ ເປັນອີກປັດໄຈນຶ່ງທີ່ອາດ
ຕ້ອງພິຈາລະນາ ແຕ່ຢ່າງໃດກໍດີ ເລນນອກຄ້າຍ ກໍເປັນໂຕເລືອກທີ່ໜ້າສົນໃຈສຳລັບຜູ່ຮຽນຮູ້ໃນການຖ່າຍພາບເນື່ອງດ້ວຍລາຄາ
ທີ່ຖືກກວ່າເລນຄ້າຍຫຼາຍ.

Lens mount14
ເລືອກລະດັບກັນໄປແລ້ວ ເລືອກຄ້າຍກັນໄປແລ້ວ ກໍຢ່າລືມ Lens mount ຄຳວ່າ Lens mount ຫຼືປາກເລນນັ້ນ ໝາຍເຖິງ
mount ຂອງເລນນັ້ນໆ ວ່າຖືກອອກແບບມາສຳລັບກ້ອງໂຕໃດ ເພາະກ້ອງແຕ່ລະຍີ່ຫໍ້ ຈະມີ Lens mount ທີ່ແຕກຕ່າງກັນ
ເຊັ່ນ Canon ໃຊ້ EF ແລະ EF-S mount, Nikon ໃຊ້ F mount ແລະ Pentax ໃຊ້ K mount ເປັນຕົ້ນ ການເລືອກຊື້ ກໍຢ່າລືມ
ກວດສອບວ່າ ເລນທີ່ເຮົາຈະຊື້ມາໃຊ້ນັ້ນ ໃຊ້ໄດ້ກັບ Lens mount ຂອງກ້ອງເຮົາບໍ່.
ສຸດທ້າຍ ກ່ອນຈະສິ້ນສຸດເລື່ອງຂອງເລນນັ້ນ ຢາກຂໍກ່າວເພີ່ມ ເຕີມເລັກນ້ອຍ ກ່ຽວກັບ “ເກຣດ” ຂອງເລນ ເຖິງແມ່ນວ່າເລນ
ປະເພດຕ່າງໆ ຮູບແບບຕ່າງໆ ນັ້ນ ຈະມີຈຸດປະສົງ ແລະທີ່ມາ ທີ່ໄປແຕກຕ່າງກັນ ເຊັ່ນ ທີ່ບອກວ່າ Prime lens ສ່ວນໃຫຍ່
ຈະມີຄຸນນະພາບດີ ແລະມີຮູຮັບແສງກວ້າງນັ້ນ ກໍບໍ່ແມ່ນທັງໝົດ ກໍມີບາງສ່ວນຂອງເລນປະເພດນີ້ທີ່ຖືກອອກແບບມາໃຫ້
ມີລາຄາຖືກ ແຕ່ກໍແລກມາດ້ວຍຄຸນນະພາບທີ່ດ້ອຍກວ່າເລນອື່ນໆ ເຊັ່ນຜູ່ຜະລິດອາດຈະຫຼຸດຂະໜາດຮູຮັບແສງລົງ ຈາກ f/1.4
ເປັນ f/1.8 ແລ້ວໃຊ້ເລືອກວັດສະດຸທີ່ເປັນຢາງແທນທີ່ຈະເປັນໂລຫະເປັນຕົ້ນ. ອີກຕົວຢ່າງນຶ່ງແມ່ນ Zoom lens ທີ່ບອກວ່າ
ສ່ວນໃຫຍ່ແລ້ວ ຈະມີນ້ຳໜັກຫຼາຍ ກໍບໍ່ສະເໝີໄປ Zoom lens ບາງໂຕໃຊ້ ວັດສະດຸເປັນຢາງລ້ວນໆ ກໍເຮັດໃຫ້ນ້ຳໜັກເບົາໄດ້
ແລະແນ່ນອນ ວ່າ ຈະເຮັດໃຫ້ຄວາມຄົງທົນຂອງເລນນັ້ນໆ ຕ່ຳລົງໄປນຳ. ສະນັ້ນ ແລ້ວ ເວລາເລືອກເລນ ຫຼືເບິ່ງເລນ ຄວນເບິ່ງ
ທີ່ເກຣດຂອງເລນນຳ ຖ້າເປັນເລນເກຣດດີ ກໍຈະມີຄຸນນະພາບດີ (ແລະລາຄາແພງ) ນຳ.

ປິດທ້າຍເລື່ອງບົດຄວາມ dSLR ດ້ວຍພາບ ຈາກເລນປະເພດຕ່າງໆ ເພື່ອໃຫ້ເປັນແນວທາງກັນ ແລະສະບັບ ໜ້າ ມາພົບກັບ
ເລື່ອງອົງສາການຮັບພາບ ຫຼື Angle of View ແລະຄຳສັບທີ່ມັກພົບເຫັນກ່ຽວກັບກ້ອງ dSLR ກັນ.

16

ພາບຈາກເລນ 50mm f1/4 (Model: Nok)

17

ພາບມຸມກ້ອງຈາກເລນ 24mm

15

ພາບຈາກ Macro lens ໂດຍ emrank

18

ພາບຈາກເລນ Fisheye 16mm

ໂດຍ ທະນະວໍລະກິດ ກຸນທະວັດພິນໂຍ