196_1311141122598D

ທາງ e-Corner Online ມື້ນີ້ມີວິທີຊື້ແອັບຯແທ້ແບບຟ​ຣີໆ ບໍ່ຕ້ອງເສຍເງິນມາຝາກ. ກ່ອນອື່ນຈະແນະນຳຫຼັກການເຮັດວຽກຂອງມັນກ່ອນວ່າ ເປັນຫຍັງມັນຄ່ອຍສາ​ມາດດາວໂຫຼດແອັບຯ ຫຼື ຈະຊື້ສະຕິກເກີ້ໃນ Line ໄດ້.

Free my Apps ເຮັດໜ້າທີ່ຄືເປັນເຄືອ​ຂ່າຍທີ່ຂາຍການໂຄສະນາແອັບຯໃຫ້ນັກພັດທະນາ ແອັບຯທີ່ມີຄົນດາວໂຫຼດຫຼາຍຈະຕິດ Top Charts ເຊິ່ງຄົນທີ່ເຮັດແອັບຯຈະຈ່າຍເງິນໃຫ້ Free My Apps ເພື່ອໃຫ້ແອັບຯຂອງນັກພັດທະນານັ້ນມີຍອດດາວໂຫຼດສູງຂຶ້ນໄປຈົນຕິດ Top Chart.

ໂຈດກໍຄື ເຮັດແນວໃດຄົນເຖິງຈະຍອມດາວໂຫຼດແອັບຯຈາກ Free My Apps? ຄຳຕອບກໍຄື Free My Apps ຈະໃຫ້ແຕ້ມສະສົມເມື່ອເຮົາດາວໂຫຼດແອັບຯຈາກ Free My Apps ແລະເມື່ອສະສົມຄົບຕາມຈຳນວນທີ່ກຳນົດ ເຮົາສາມາດນຳແຕ້ມໄປແລກປ່ຽນລາງວັນໄດ້ ເຊັ່ນ: iTunes Gift Card, Google Play Gift Card , Amazon Gift Card ແລະຍັງມີອີກຫຼາຍບໍລິການໃຫ້ແລກ ເຊິ່ງມັນຈະໃຫ້ມາເປັນລະຫັດໄວ້ເຕີມເງິນກັບບັນຊີຂອງເຮົາ ເຮົາກໍສາມາດເອົາເງິນໃນບັນຊີຂອງເຮົານີ້ໄປເຮັດຫຍັງກໍໄດ້ ບໍ່ວ່າຈະຊື້ແອັບຯ, ຊື້ສະຕິກແລະອື່ນໆ ຕາມທີ່ໃຈຕ້ອງການ.

Free my Apps ມີທັງຂອງ iOS ແລະ Android ໂດຍຖ້າເປັນ iOS ຈະໃຊ້ງານຜ່ານໂປ​ຣ​ແກ​ຣມ​ທ່ອງ​ເວັບ Safari ສ່ວນ Android ມີແອັບຯໃຫ້ເຊິ່ງທັງສອງລະບົບປະຕິບັດການມີວິທີໃຊ້ງານທີ່ຄືກັນ.

ວິທີສະສົມແຕ້ມກັບ Free My Apps ສຳລັບ iOS.

ເປິດແອັບ Safari ຂຶ້ນມາແລ້ວເຂົ້າໄປທີ່ m.freemyapps.com ແຕ່ຖ້າເຮົາມີໝູ່ທີ່ເຮັດຢູ່ກໍໃຫ້ສົ່ງລິ້ງໃຫ້ເພື່ອໃຫ້ໝູ່ຂອງເຮົານັ້ນໄດ້ແຕ້ມໄປນຳ

ເຂົ້າມາແລ້ວເຮົາຈະພົບກັບໜ້າຈໍແບບນີ້ໃຫ້ກົດ Get Started ແລ້ວມັນຈະບອກໃຫ້ເຮົາ Enroll your device ກົດປຸ່ມ Okay ເລີຍ.

1

ມາໜ້ານີ້ກໍກົດ install ເລີຍ

2

ຈາກນັ້ນໜ້າຈໍເຮົາຈະເດັ້ງກັບມາໜ້າ Free My Apps ອີກເທື່ອນຶ່ງ ໃນການເລີ່ມໃຊ້ງານເທື່ອທຳອິດ ມັນຈະບອກໃຫ້ເຮົາ Unlock Apps ກ່ອນ ສັງເກດວ່າຈະມີແອັບຯຕົວນຶ່ງທີ່ມີຮູບກະແຈສິຂຽວຢູ່ (ແອັບຯອາດຈະບໍ່ຄືໃນພາບປະກອບແລ້ວແຕ່ຊ່ວງເວລາ ແຕ່ມັນຈະເປັນຮູບກະແຈສີຂຽວຄືກັນ)

ກົດ Install ແລ້ວ Okay ເພື່ອດາວໂຫຼດ

3

ສຳລັບແອັບຯໃນ Free My Apps ຈະເປັນແອັບຯທີ່ໃຫ້ດາວໂຫຼດຟ​ຣີທັງໝົດ.

4

ຫຼັງຈາກດາວໂຫຼດມາແລ້ວ ລອງເຂົ້າມາໃນ Free my Apps ຈະເຫັນວ່າຈາກ install ມັນປ່ຽນມັນ Launch ແລ້ວໃຫ້ເຮົາເປີດແອັບຯທີ່ໂຫຼດມາປະໄວ້ປະມານ 30 ວິນາທີ ແຕ່ສ່ວນຫຼາຍຈະມັກເປີດຖີ້ມໄວ້ນຶ່ງນາທີເລີຍ ຈາກນັ້ນປິດແອັບຯ ເຂົ້າມາເບິ່ງໃນ Free My Apps ອີກເທື່ອນຶ່ງ ຈະເຫັນເຮົາໄດ້ກະແຈສີຂຽວມາແລ້ວ.

5

ຫຼັງຈາກນີ້ເຮົາຈະສາມາດສະສົມແຕ້ມໄດ້ແລ້ວ ຈາກຮູບພາບຈະເຫັນວ່າມີແອັບສະປອນເຊີ້ຢູ່ຫຼາຍອັນ ແຕ່ລະແອັບຯຈະໄດ້ແຕ້ມບໍ່ເທົ່າກັນ ເຊິ່ງແອັບຯສ່ວນຫຼາຍຈະມີເພີ່ມເຂົ້າມາປະມານມື້ລະ 1-2 ແອັບຯ ແລ້ວແຕ່ມື້ ຫຼືບາງມື້ອາດບໍ່ມີແອັບຯຂື້ນມາໃຫ້ໂຫຼດເລີຍ ແຕ່ແອັດມິນຈະເຂົ້າກວດຊ່ວງເຊົ້າຮອບນຶ່ງ ກ່ອນນອນອີກຮອບນຶ່ງ ມື້ລະສອງເທື່ອ ຢ່າລືມໄດ໋ເນາະ ແອັບຯທີ່ໂຫຼດມາເຮົາຕ້ອງເປີດແອັບຯນັ້ນໄວ້ 30 ນາມີ ແຕ້ມຄ່ອຍຂຶ້ນ.

6

ແອັບຯທີ່ເຮົາດາວໂຫຼດແລະໄດ້ແຕ້ມແລ້ວ ສາມາດລົບອອກຈາກເຄື່ອງໄປໄດ້ເລີຍ ແຕ້ມທີ່ສະສົມບໍ່ຫາຍ.

ຫຼັງຈາກເຮົາໄດ້ແຕ້ມຄົບແລ້ວ ເຮົາກໍສາມາດມາແລກຂອງລາງວັນກັນເລີຍ ດ້ານເທິງໃຫ້ເຮົາກົດທີ່ໄດ້ Gifts ຈະເຫັນມີລາງວັນໃຫ້ແລກຫຼາຍຢ່າງ ເຊິ່ງແອັດມິນກໍຈະແລກ iTunes Gift Card ເອົາໄວ້ເຕີມເງິນໃນບັນຊີ ເຊິ່ງເຮົາຈະເອົາໄປໃຊ້ຫຍັງກໍໄດ້ ​ບໍ່​ວ່າ​ຈະຊື້ແອັບຯ ຫຼືອື່ນໆໄດ້ໝົດເລີຍ.

ຕອນນີ້ແອັດມິນມີ 3210 ແຕ້ມເຮົາສາມາດແລກຫຍັງໄດ້ແນ່ ຕົວຢ່າງ iTunes Gift Card ມູນຄ່າ $10 ໃຊ້ 3000 ແຕ້ມ ແອັດມິນແລກຕົວນີ້.

7

ມັນຈະຖາມວ່າຢືນຢັນຈະແລກລາງວັນນີ້ບໍ່ ຈຸດນີ້ຕ້ອງລະວັງເນາະ ກົດແລ້ວກົດເລີຍບໍ່ສາມາດແກ້ໄຂໄດ້ ມັນຈະໃຫ້ໂຄດເຮົາມາ ເຮົາສາມາດນຳໂຄດຕົວນີ້ໄປ Redeem ເຕີມໃນ Apple ID ເຮົາໄດ້ເລີຍ

ກົດ Redeem Now

8

App Store ເຮົາຈະເປີດຂື້ນມາ ໃຫ້ໃສ່ລະຫັດ Apple ID ຂອງເຮົາ ເມື່ອໃສ່ຮຽບຮ້ອຍແລ້ວກົດ OK ມາທີ່ໜ້າ Redeem ກົດປຸ່ມທີ່ຝາກເບື້ອງຂວາເພື່ອ Redeem ເຕີມເງິນໄດ້ເລີຍ.

9

ຮຽບຮ້ອຍແລ້ວເງິນເຂົ້າໃນບັນຊີເຮົາແລ້ວ ^_^

10

ຢ່າລືມເນາະ Apple ID ທີ່ຈະ Redeem ໄດ້ Apple ID ຂອງເຮົາຕ້ອງເປັນ Account US ເທົ່ານັ້ນບໍ່ຊັ້ນກໍຈະ Redeem ບໍ່ໄດ້ ໃຫ້ເຮົາເຂົ້າໄປປ່ຽນບັນຊີຂອງເຮົາຈາກ ທີ່ບໍ່ແມ່ນ US ໃຫ້ເປັນ US ກ່ອນ ວິທີປ່ຽນກໍບໍ່ຢາກເລີຍ ເຂົ້າໄປ  Settings > iTunes & App Store > Apple ID : > View Apple ID > Country/Region > US ເທົ່ານີ້ກໍເປັນອັນຈົບ ຫາກມັນໃຫ້ໃສ່ທີ່ຢູ່ລອງໃຊ້ Google ຊອກຫາທີ່ຢູ່ຂອງປະເທດນັ້ນເລີຍ ສ່ວນຫາກຍັງໃຫ້ບັງຄັບໃສ່ Redeem Code ກໍເອົາ Code ທີ່ເຮົາຫາໄດ້ມາໃສ່ເລີຍ.

ເທັກນິກການເກັບແຕ້ມດ້ວຍການຊວນໝູ່

ຖ້າເຮົາຊວນໝູ່ມາຫຼິ້ນ Free My Apps ໄດ້ເຮົາຈະໄດ້ 200 ແຕ້ມຕໍ່ນຶ່ງຄົນ ໂດຍໝູ່ເຮົາຕ້ອງປົດລ໋ອກກະແຈກ່ອນ ເຮົາເຖິງຈະໄດ້ແຕ້ມ. ການຊວນໃຫ້ເຮົາເອົາລິ້ງໃຫ້ໝູ່ກົດເພື່ອສະໝັກ ໂດຍລິ້ງເບິ່ງໄດ້ຈາກເມນູ Share.

11

ວິທີສະສົມແຕ້ມກັບ Free My Apps ສຳລັບ Android

1

ສຳລັບໃຜທີ່ໃຊ້ Android ກໍມາອ່ານທາງນີ້ເລິຍ ສາມາດໃຊ້ Free my Apps ໄດ້ເຊັ່ນກັນ ວິທີການຕິດຕັ້ງກໍຄືກັບ iOS ດ້ານເທິງນັ້ນເລີຍ ຫຼັງຈາກເຮົາກົດ Sign in With Facebook ເພື່ອເຂົ້າໃຊ້ແອັບຯ Free My Apps ນັ້ນເອງ.

2

ໜ້າທຳອິດຂອງ Free My Apps ກໍຈະມີລາຍຊື່ຂອງແອັບຯ Sponsors ເຊິ່ງຖ້າເຮົາດາວໂຫຼດມາຕິດຕັ້ງກໍຈະໄດ້ Credit ເພີ່ມ ແຕ່ລະແອັບຯກໍມີຈຳນວນ Credit ທີ່ແຕກຕ່າງກັນໄປ ວິທີດາວໂຫຼດກໍໃຫ້ເຮົາກົດທີ່ແອັບຯນັ້ນ ຫຼັງຈາກນັ້ນກໍເດັ້ງມາຄືພາບທີ່ສອງ ໂດຍຖ້າເຮົາສັງເກດດີໆ ຈະມີຂຽນວ່າ “Download And Try For 30 Seconds” ນັ້ນໝາຍຄວາມວ່າ ເມື່ອດາວໂຫຼດແລ້ວ ເຮົາກໍຕ້ອງເປີດແອັບນັ້ນໄວ້ຢ່າງໜ້ອຍ 30 ວິນາທີ ແລະ ໃຫ້ເຮົາກົດ Okay ກໍຈະເດັ້ງໄປໜ້າ Play Store ແລະກົດຕິດຕັ້ງແອັບຯຕາມປົກກະຕິ.

3

ຕໍ່ມາໃຫ້ເຮົາເປີດແອັບຯທີ່ໂຫຼດໄວ້ຢ່າງໜ້ອຍ 30 ວິນາທິ ແລ້ວເປີດແອັບ Free my Apps ຂຶ້ນມາອີກເທື່ອນຶ່ງ ຈະເຫັນວ່າມີແຕ້ມ Credit ບ່ອນເບື້ອງຂວາຂຶ້ນມາແລ້ວ ຖ້າໃຜແຕ້ມບໍ່ຂຶ້ນໃຫ້ປິດແອັບຯ Free my Apps ໃນ Multi-Task ກ່ອນ ແລ້ວລອງເປິດໃໝ່ອີກເທື່ອນຶ່ງ ສ່ວນ Credit ຖ້າເຮົາສະສົມໄວ້ຫຼາຍ ເຮົາກໍສາມາດນຳໄປແລກໃນ Section ຂອງ Gifts ໄດ້ ໂດຍສາມາດແລກເພື່ອໄປຊື້ສະຕິກເກີ້ Line ຫຼື ແອັບຯຕ່າງໆໄດ້.

4

ໂດຍລວມແລ້ວ ການໃຊ້ແອັບ Free My Apps ເທິງ Android ນັ້ນຄ້າຍໆກັນກັບ iOS ເລີຍ ແລະຖ້າເຮົາແບ່ງ​ປັນລິ້ງດາວໂຫຼດນີ້ໃຫ້ໝູ່ກໍຈະໄດ້ຮັບແຕ້ມເພີ່ມຂຶ້ນອີກ ນອກຈາກນີ້ໃນ Free My Apps ຍັງມີແອັບຯອື່ນໆ ທີ່ໜ້າສົນໃຈໃຫ້ດາວໂຫຼດອີກຫຼາຍ.

ຈາກຄວາມຄິດເຫັນຂອງທາງ E-Corner Online

ກໍເປັນທາງເລືອກທີ່ດີ ໄດ້ແອັບຯຂອງແທ້ມາເກັບໄວ້ໃນ Apple ID ຂອງເຮົາອັບເດດໄດ້ຕະຫຼອດ ຖາມວ່າໃຊ້ເວລາດົນປານໃດຈຶ່ງ​ໄດ້​ແອັບຯ? ດາວໂຫຼດແອັບຯຈາກສະປອນເຊີ້ຢ່າງດຽວ $10 ຈະໃຊ້ເວລາເກືອບເດືອນ ແຕ່ໃຜມີໝູ່ຫຼາຍ ລອງຊວນມາຫຼິ້ນ ກໍອາດໄດ້ໄວກວ່ານັ້ນ ຕ້ອງລອງເບິ່ງເນາະ ^_^