Untitled

ຍົນພະລັງງານແສງອາທິດ “Solar Impulse 2” ເດີນທາງຮອດຮາວາຍເປັນທີ່ຮຽບຮ້ອຍແລ້ວ ເຊິ່ງເຮັດສະຖິຕິໂດຍບໍ່ພັກ 5 ມື້ ຂ້າມມະຫາສະມຸດປາຊິຟິກມາຈາກປະເທດຢີ່ປຸ່ນ ໃນການກິດຈະກຳບິນຮອບໂລກ. ສຳນັກຂ່າວຕ່າງປະເທດລາຍງານຈາກລັດຮາວາຍປະເທດສະຫາລັດອາເມລິກາ ເມື່ອວັນທີ່ 4 ກໍລະກົດ ວ່າ: ຍົນພະລັງງານແສງອາທິດ “Solar Impulse 2” ເປັນຍົນບ່ອນ​ນັ່ງ​ດຽວຂັບໂດຍນັກບິນ Andre Borschberg  ເດີນທາງມາເຖິງສະໜາມບິນ Kalaeloa ເປັນສະໝາມບິນນ້ອຍໆນອກເມືອງ Honolulu ລັດຮາວາຍ ເມື່ອວັນສຸກທີ່ຜ່ານມາເຊິ່ງການເດີນທາງ 5 ມື້ ຫຼື 120 ຊົ່ວໂມງ ຂ້າມມະຫາສະໝຸດປາຊິຟິກຈາກເມືອງ Nagoya ປະເທດຢີ່ປຸ່ນເປັນການເຮັດສະຖິຕິໂລກທີ່ບິນໄດ້ດົນທີ່ສຸດໂດຍບໍ່ພັກຜ່ອນ ຈາກການເປີດເຜີຍຂອງທີມງານຍົນພະລັງງານແສງອາທິດ “Solar Impulse 2” ແຕ່ກ່ອນໜ້ານີ້ Steve Fossett ນັກປະຈົນໄພອາເມຣິກາຜູ້ລ່ວງຫຼັບໄປແລ້ວເຄີຍເຮັດສະຖິຕິໄວ້ທີ່ 76 ຊົ່ວໂມງ ເມື່ອຄັ້ງທີ່ເພີ່ນຂັບຍົນໄອພົ່ນທີ່ອອກແບບເປັນພິເສດເດີນທາງຮອບໂລກເມື່ອປີ 2006.

ແຕ່ນັກບິນ Andre Borschberg ເດີນທາງດ້ວຍເຄື່ອງບິນພະລັງງານແສງອາທິດໂດຍບໍ່ໃຊ້ເຊື້ອໄຟແຕ່ກັບໃຊ້ພະລັງງານຈາກແຜງ  Solar Cell ທີ່ຕິດຢູ່ໃນປີກ 17,000 ເຊວ ສຳລັບຊາກແບັດ​ເຕີ​ຣີເພື່ອໃຫ້ບິນໄດ້ ແລະ ພະລັງງານແບັດ​ເຕີ​ຣີທີ່ສະສົມນີ້ສາມາດໃຊ້ໃນການບິນໃນເວລາກາງຄືນໄດ້ສາມາດເຮັດຄວາມໄວໄດ້ 28Miles/H ແລະເພີ່ມຄວາມໄວເປັນສອງເທົ່າໃນລະຫວ່າງການບິນໃນຊ່ວງເວລາກາງເວັນຕອນທີ່ແສງແດດກ້າ ສ່ວນຕົວເຄື່ອງບິນເປັນຄາບ້ອນໄຟເບີ້ ນໍ້າໜັກ 5000 ປອນ ເທົ່າກັບລົດ​ຕູ້ ຫຼື ລົດບັນທຸກຂະໜາດກາງ.

ນັກບິນ Andre Borschberg ໄດ້ສະລັບກັນຂັບກັບຜູ້ຊ່ວຍນັກບິນ Bertrand Piccard ໃນການບິນອ້ອມໂລກເພື່ອສະແດງໃຫ້ເຫັນເຖິງສະ​ກະ​ຍະ​ພາບຂອງພະລັງງານສະອາດເຊິ່ງໄດ້ຮັບການພັດທະນາໃຫ້ມີປະ​ສິດທິພາບຫຼາຍຂຶ້ນເຖິງຈະຍັງບໍ່ພ້ອມທີ່ຈະນຳມາໃຊ້ໃນ​ເຊີງ​ການ​ຄ້າ​ຂາຍ​ໃນຂະນະນີ້ກໍຕາມ ໂດຍເລີ່ມຕົ້ນເດີນທາງມາຈາກ Abu Dhabi ເມື່ອເດືອນ ມີນາ ທີ່ຜ່ານມາຫຼັງຈາກຢຸດພັກທີ່ Hawaii ແລ້ວຈຸດໝາຍຕໍ່ໄປຂອງຍົນ “Solar Impulse 2” ຄື ເມືອງ Phoenix ແລະ New York, USA.

ສາມາດເບິ່ງວິດີໂອຍາວ 5 ຊົ່ວໂມງດ້ານ​ລຸ່ມ​ໄດ້​ເລີຍ

ທີ່ມາ : solarimpulse.com