10527913_947734901909024_480213987226318946_n

ບານເຕະໂລກຮອບຊິງຊະນະເລີດເຮັດສະຖິຕິໃໝ່ໃນ Facebook
ປະຊາກອນ Facebook 88 ລ້ານຄົນເວົ້າເຖິງບານເຕະໂລກນັດຊິງຊະນະເລີດ

ເສິກບານເຕະລະດັບໂລກຮອບຊິງຊະນະເລີດມື້ຄືນວັນອາທິດ (ວັນທີ່ 13 ເດືອນ ກໍລະກົດ ປີ 2014) ທີ່ຜ່ານມານີ້ ເປັນມະຫາກຳກິລາທີ່ຍິ່ງໃຫຍ່ທີ່ສຸດໃນປະຫວັດສາດຂອງ Facebook ທີມຂໍ້ມູນຂອງ Facebook ໄດ້ສຳຫຼວດປະລິມານການໂອ້ລົມຈາກທົ່ວໂລກກ່ຽວກັບຄູ່ຊິງຊະນະເລີດລະຫວ່າງ ທິມຊາດເຢຍລະມັນ (Germany) ກັບ ທິມຊາດອາກຊັງຕິນ (Argentina) ມື້ຄືນວັນອາທິດທີ່ຜ່ານມາ.

ເຫັນວ່າ ຜູ່ຄົນຈຳນວນ 88 ລ້ານກວ່າຄົນທົ່ວໂລກມີການໃຫ້ຄວາມຄິດເຫັນໃນ Facebook ຫຼາຍກວ່າ 280 ລ້ານເທື່ອ (ລວມທັງ ໂພດຂໍ້ຄວາມຕ່າງໆ, ໃຫ້ຄວາມຄິດເຫັນ, ກົດຖືກໃຈ ແລະ ກົດແບ່ງປັນ) ກ່ຽວກັບການແຂ່ງຂັນນັດສຸດທ້າຍຂອງເສິກບານເຕະລະດັບໂລກທີ່ ທິມຊາດເຢຍລະມັນ (Germany) ພົບກັບ ທິມຊາດອາກຊັງຕິນ (Argentina) ເຊິ່ງປະກອບດ້ວຍ 10.5 ລ້ານຄົນໃນປະເທດສະຫະລັດ ອາເມລິກາ (USA), 10 ລ້ານຄົນໃນປະເທດເບຼຊິລ (Brazil), ຫຼາຍກວ່າ 7 ລ້ານຄົນໃນປະເທດອັດຊັງຕິນ (Argentina) ແລະ 5 ລ້ານຄົນໃນປະເທດເຢຍລະມັນ (Germany).

ການແຂ່ງຂັນນັດນີ້ໄດ້ທຳລາຍສະຖິຕິການໂອ້ລົມສູງສຸດໃນ Facebook ເມື່ອປຽບທຽບກັບການແຂ່ງຂັນກິລາລະດັບໂລກອື່ນໆທີ່ຜ່ານມາທັງໝົດ (ເຊິ່ງອັນດັບທີ່ສອງແມ່ນ American football ຄັ້ງທີ່ 47 ເມື່ອວັນທີ່ 3 ກຸມພາ 2013 ໂດຍມີການເວົ້າເຖິງທັງໝົດ 245 ຄັ້ງ).

ນັກເຕະທີ່ໄດ້ຮັບການເວົ້າເຖິງຫຼາຍທີ່ສຸດໃນ Facebook ແມ່ນ ມາຣິໂອ ກ໋ອດເຊ (Mario Gotze) ຈາກທິມຊາດເຢຍລະມັນ ແລະ ລີໂອເນລ ເມັສ໌ຊີ (Lionel Messi) ຈາກທິມຊາດ ອັດຊັງຕິນ.

3 ຊ່ວງເວລາທີ່ສຳຄັນຍອດນິຍົມໃນໂລກຂອງສັງຄົມອອນລາຍແມ່ນ

ອັນດັບທີ່ 1: ຊ່ວງເປົ່່າໝາກຫວີດໝົດເວລາການແຂ່ງຂັນຄູ່ຊິງຊະນະເລີດສົ່ງຜົນໃຫ້ທິມຊາດ ເຢຍລະມັນ (Germany) ຄອບຄອງແຊມໂລກເປັນສະໄໝທີ່ 4.

ອັນດັບທີ່ 2: ມາຣິໂອ ກ໋ອດເຊ (Mario Gotze) ຍິງເຂົ້າປະຕູຈາກລູກສົ່ງສຸດງາມຂອງ ອັງເດຣ ເຊີເລີ (Andre Schürrle) ສົ່ງຜົນໃຫ້ທິມຊາດເຢຍລະມັນຂຶ້ນນຳ 1-0 ຊ່ວງຕໍ່ເວລາ (ນາທີທີ່ 113).

ອັນດັບທີ່ 3: ລີໂອເນລ ເມັສ໌ຊີ (Lionel Messi) ເຕະລູກຟຼີຄິກຂ້າມຄານໃນຊ່ວງໃກ້ທີ່ຈະໝົດເວລາ (ນາທີທີ່ 120).

760182760181

 

 

 

ຂໍ້ມູນຈາກ:  www.dailynews.co.th