note10.1ປັດຈຸບັນ Tablet ເປັນອຸປະກອນເອເລັກໂຕຣນິກອີກຢ່າງນຶ່ງທີ່ໄດ້ຮັບຄວາມນິຍົມບໍ່ນ້ອຍຫນ້າ Smart Phone ເຊິ່ງບໍລິ ສັດ ຍັກໃຫຍ່ທີ່ມີຊື່ສຽງໃນການຜະລິດ Tablet ກໍມີຫຼາຍນຶ່ງໃນນັ້ນກໍມີ Samsungແລະໃນສະບັບນີ້ຜູ່ຂຽນມີ Tablet ຄຸນນະພາບຈາກ Samsung ມານໍາ ສະເໜີນັ້ນກໍຄື Galaxy Note 10.1 ເຊິ່ງມີຈຸດເດັ່ນທີ່ເປັນ Android Tablet ທີ່ສາມາດໃຊ້ S Pen ໃນການຂຽນໜ້າຈໍໄດ້ແບບ Galaxy Note ແຖມຍັງມາ ພ້ອມ Spec ທີ່ແຮງໃຊ້ໄດ້ ເຊິ່ງຫາກໍ ປ່ອຍອອກສູ່ຕະຫລາດຫວ່າງບໍ່ດົນມານີ້. ມາຕິດຕາມນໍາກັນເລີຍວ່າມັນຈະມີຫຍັງແດ່ທີ່ ໜ້າສົນໃຈກ່ອນອື່ນມາເບິ່ງ Spec ກັນເລີຍ.

  • ໜ້າຈໍຂະຫນາດ 10.1 ນິ້ວ WXGA (1280 x 800) LCD display + Digitizer Capacitive (ລະບົບໜ້າຈໍສຳຜັດທັງນິ້ວມື ແລະ ປາກກາ)
  • ຫນວ່ຍປະມວນຜົນຄວາມໄວ 1.4GHz Exynos quadcore (ໂຕດຽວກັນກັບ Galaxy S3)
  • RAM 2GB
  • ກ້ອງຫລັງ 5 ລ້ານພິກເຊລ (ສາມາດ Auto Focus ແລະ Zoom ໄດ້)
  • ກ້ອງໜ້າ 1.9 ລ້ານພິກເຊລ
  • ຫນ່ວຍຄວາມຈຳພາຍໃນ 16GB ແລະເພີ່ມພາຍນອກໄດ້ອີກສູງສຸດ 64GB ຜ່ານ microSD  Card
  • Bluetooth 4.0 (ຮັບຮອງ Apt-X Codec)
  • WiFi    802.11a/b/g/n (2.4 & 5 GHz) + Wi-Fi Direct + Wi-Fi Channel Bonding
  • GPS    A-GPS (ໃນຮຸ່ນ 3G), S-GPS (ໃນຮຸ່ນ WiFi), Glonass
  • ແບັດເຕີຣີຂະຫນາດ 7, 000mAh
  • ລະບົບປະຕິບັດການ Android 4.0 Ice Cream Sandwich
  • ຄວາມໜາ 8.9ມມ, ນໍ້າໜັກ 597 ກຣາມ
  • ຮອງຮັບ 3G ໄດ້ແລະໂທລະສັບໄດ້ (ແຕ່ຕ້ອງຜ່ານ Speaker ຫລື ຫູຟັງ)

ຮູບຮ່າງພາຍນອກ

1

ຮູບດ້ານໜ້າເປັນຝາແຝດກັບ Galaxy Tab 2 10.1 ເລີຍ ເວົ້າໄດ້ວ່າຖ້າວາງຮຽງກັນແມ່ນແຍກບໍ່ອອກ ຖ້າເບິ່ງແຕ່ດ້ານໜ້າ

2

ມາດ້ານຫລັງຈຶ່ງເຫັນຄວາມຕ່າງແນ່ ເພາະແບບຊົງກ້ອງຈະບໍ່ຄືກັນ ແຕ່ສ່ວນອື່ນແມ່ນຄືກັນອ້ອຍຕ້ອຍ ແຕ່ຍົກເວັ້ນມີຮູໃສ່ S Pen ດ້ານຂວາລຸ່ມຂອງໂຕ ເຄື່ອງ (ຊ້າຍລຸ່ມໃນພາບ)
3ມາເບິ່ງພາຍນອກເຊິ່ງໄລ່ຈາກຊ້າຍສຸດໃນພາບຄື ປ່ອງໃສ່ຊິມແບບສະປິງກົດ, ຮູຫູຟັງ 3.5 mm, ມີໂຕຮັບອິນຟາເຣດ ເອົາໄວ້ໃຊ້ເປັນຣີໂຫມດຄວບຄຸມໂທ ລະທັດຂອງ Samsung ໄດ້ (ມີ App ໃຫ້), ຊ່ອງໃສ່ microSD, ປຸ່ມເພີ່ມ-ຫລຸດສຽງ ແລະ ອັດທ້າຍດ້ວຍປຸ່ມ Power ດ້ານລຸ່ມເປັນ Dock 30-Pin ຄືກັບ Galaxy Tab 2 ຫລື Tab ກ່ອນໜ້ານີ້

4-1S-Pen ມີຂະໜາດພໍດີມື ບໍ່ຍາວຫລາຍ, ບໍ່ສັ້ນເກີນໄປ, ຈັບງ່າຍ ທາງ Samsung ບອກວ່າເອົາໄປໃຊ້ກັບ Galaxy Note ໂຕ 5 ນິ້ວໄດ້ຄືກັນຫລື ເອົາຂອງ 5.3 ນິ້ວມາໃຊ້ກັບ Note 10.1 ກໍໄດ້

4-2

ສ່ວນທາງໃນ
5

ໜ້າຈໍ Home ຄືກັບ Tablet ຮຸ່ນອື່ນໆທີ່ເປັນ ICS ຂອງ Samsung ປຸ່ມເບື້ອງຊ້າຍທາງລຸ່ມແມ່ນ Navigation, ສ່ວນເບື້ອງຂວາເປັນ Notification. ໂດຍມາດ ຕະຖານທາງກາງມີ Mini Apps ຄື Galaxy Tab 2

6
S-note ໃຊ້ວຽກໄດ້ດີກວ່າ Galaxy Note 5.3 ບ່ອນທີ່ວ່າມີພື້ນທີ່ກວ້າງໃຫ້ຂຽນສະບາຍຂຶ້ນ. Samsung ບອກວ່າ S-Pen ອັນນີ້ມີການປັບປຸງ ຫລາຍຂຶ້ນກວ່າ S-Pen ໂຕເກົ່ານໍາ
7-1

7-2

Killing Feature ຫລືຄວາມສາມາດເດັດທີ່ໃຊ້ນັອກຄູ່ຕໍ່ສູ້ ມີສອງຢ່າງທີ່ໜ້າສົນໃຈຄື Multiscreen ທີ່ດຶງພະລັງ Quad-core ແລະ RAM 2 GB ອອກມາໄດ້ຢ່າງ ເຕັມທີ່. (ຕາມຮູບ) ເບື້ອງຊ້າຍມືແມ່ນ Web Browser ຂອງໂຕເຄື່ອງ ໃນຂະນະທາງຂວາເປັນ S-Note ສາມາດເປີດໃຊ້ສອງແອັບ ພ້ອມກັນໃນລັກສະນະນີ້ໄດ້ເລີຍ  ເຊິ່ງຕອນນີ້ App ທີ່ຮອງຮັບມີ S-note, Internet, Video Player, Gallery, Email ແລະ Polaris office ທາງ Samsung ເປີດ SDK ໃຫ້ນັກພັດທະນານຳໄປ ພັດທະນາແອັບຂອງຕົນໃຫ້ຮອງຮັບສ່ວນນີ້ໄດ້ນຳອີກ. ສະນັ້ນໃນອະນາຄົດໜ້າຈະໄດ້ເຫັນສິ່ງດີໆ ເພິ່ມຂຶ້ນ. ສ່ວນອີກຈຸດນຶ່ງທີໜ້າສົນໃຈຫລາຍບໍ່ນ້ອຍໜ້າກັນ ແມ່ນການແກ້ສົມຜົນທາງຄະນິດສາດ ເຊິ່ງເຮົາສາມາດຂຽນສົມຜົນຂຶ້ນມາແລ້ວ Note 10.1 ຈະຄໍານວນຄໍາຕອບໃຫ້ເຮົາໄດ້ຢ່າງງ່າຍດາຍໂດຍອັດຕະໂນມັດ

8

ອັດທ້າຍກັນດ້ວຍ True Multitasking ຫລືການເຮັດວຽກຫລາຍໂປຣແກຣມພ້ອມກັນແທ້ໆຈະເປັນແນວໃດຖ້າຫາກເຂົ້າເວັບ, ແຕ້ມຮູບ,ໄລ່ເລກແລະ ໂທລະສັບ (Mini Apps) ໄປພ້ອມໆກັນ ຜົນກໍຄືດ້ວຍພະລັງຈາກຫນ່ວຍປະມວນຜົນສີ່ແກນທີ່ມາພ້ອມ Ram ຂະຫນາດ 2GB ເຮັດໃຫ້ສາມາດໃຊ້ ຫລາຍໆແອັບພ້ອມກັນ ແບບບໍ່ຊ້າໃຫ້ເຫັນເລີຍ ສໍາຫລັບຜູ່ອ່ານທ່ານໃດອ່ານແລ້ວຮູ້ສຶກຢາກໄດ້, ຕ້ອງການຢາກໃຊ້ກໍສາມາດໄປຈັບຈອງຊື້ໄດ້ຮັບຮອງທ່ານ ຈະບໍ່ຜິດຫວັງກັບ Samsung Galaxy Note 10.1 ແນ່ນອນ