now-you-see-me-posterມາ​​ເບິ່ງ​ໂສມ​ຫນ້າ​ນັກ​ສະແດງ​ນຳ​ຈາກ Now You See Me 2 ໜັງ​ພາກ​ຕໍ່​ທີ່​ໃຜ​ຫລາຍ​ຄົນ​ລໍ​ຄອຍ ກັບ​ພາລະ​ກິດ​ປຸ້ນຄັ້ງ​ໃໝ່​ຂອງ​ແກ໊​ງຈະຕຸ​ອາ​ຊາ ນຳ​ໂດຍ​ທີມ​ນັກ​ສະແດງ​ທັງ​ໜ້າ​ເກົ່າ​ແລະ​ໜ້າ​ໃໝ່.

 

 

vlsrkge

 

Surreal. Truly. #NowYouSeeMe2

A photo posted by Jon M Chu (@jonmchu) on

​ໃນ​ວັນ​ທີ 17 ມັງກອນ 2015  Facebook ທາງ​ການ Now You See Me ຮ່ວມ​ກັບ ເວັບ​ໄຊ Fandango ເຜີຍ​ພາບທຳ​ອິດ​ຢ່າງ​ເປັນ​ທາງ​ການ​ຂອງ​ເຫລົ່າ​ນັກ​ສະແດງ​ຈາກ Now You See Me 2 ອອກ​ມາ​ໃຫ້​ໄດ້​ຊົມ. ພ້ອມ​ກັນ​ນີ້, ​ຜູ່​ກຳ​ກັບ​ຂອງ​ເລື່ອງ​ຢ່າງ ຈອນ ເອັມ ຊູ (Jon M. Chu) ກໍ​ໄດ້​ໂພສ​ພາບ​ທີ່​ Instagram ​ສ່ວນ​ໂຕ​ດ້ວຍ​ເຊັ່ນ​ກັນ ​ເຊິ່ງ​ຫາກ​ເບິ່ງ​ຈາກ​ໃນ​ພາບ​ຈະ​ເຫັນ​ນັກ​ສະແດງ ຫລັກ​ຈາກ​ພາກທຳ​ອິດ​ມາ​ກັນ​ຄົບ​ທີມ ປະກອບ​ດ້ວຍ Mark Ruffalo,  Jesse Eisenberg, Woody Harrelson,  Dave Franco, ແລະ​ Michael Caine ແຖມ​ຍັງ​ພ້ອມ​ເສີມ​ທັບ​ຄວາມ​ມັນ​ດ້ວຍ Daniel Radcliffe, Lizzy Caplan ແລະ​ Jay Chou

ຫາກ​ໃຜ​ເປັນ​ຄົນຊ່າງ​ສັງເກດ​ຄົງ​ເຫັນ​ແລ້ວ​ວ່າ​ໃນ​ຮູບ​ນີ້​ພະ​ເອກ​ໜຸ່ມ Jesse Eisenberg ມາ​ໃນ​ຊົງ​ຜົມ​ໃໝ່! ຜົມ​ສັ້ນ​ແປກ​ຕາ ​ເຊິ່ງ​ນັ້ນ​ອາດ​ຕີ​ຄວາມ​ໄດ້​ວ່າບົດ ເລັກຊ ລູ​ເທີ ທີ່​ເຂົາ​ຮັບ​ໃນ Batman v Superman ນັ້ນ​ຕ້ອງ​ແຖ​ຫົວ​ແນ່ນອນ ຫລັງ​ຈາກ​ມີ​ຂ່າວ​ລື​ ຫລາຍ​ກ່ຽວກັບ​ຊົງ​ຜົມ​ຂອງ Jesse Eisenberg ໜັງ​ຊຸບເປີຮີ​ໂຣ​ເລື່ອງ​ນີ້.

ສຳຫລັບ​ການ​ກັບ​ມາ​ອີກຄັ້ງ​ຂອງ Now You See Me 2 : The Second Act ຈະ​ເລົ່າ​ເຫດການ 1 ປີ​ຫລັງ​ຈາກ​ແກ໊​ງຈະຕຸ​ອາ​ຊາ ຫລື The Four Horsemen ປັ່ນ​ຫົວ​ເຈົ້າ​ຫນ້າທີ່ FBI ແລະ​ໄດ້ຮັບ​ການ​ສັນ​ລະເສີນ​ຈາກ​ຜູ່​ຊົມ​ໃນ​ພາກແລ້ວນີ້. ມາຄັ້ງ​ນີ້​​ພວກເຂົາ​ກັບ​ມາ​ອີກ​ຄັ້ງ​ພ້ອມ​ຜະເຊີນ​ໜ້າ​ກັບ​ຄູ່​ປັບ​ລາຍ​ໃໝ່ ​ເຊິ່ງ​ເປັນ​ຈຸດ​ເລີ່ມ​ຕົ້ນ​ຂອງ​ພາລະ​ກິດ​ປຸ້ນ​ທີ່​ອັນຕະລາຍ​ກວ່າ​ເດີມ ໂດຍໃນ​ພາກ​ນີ້​ຈະ​ຖືກ​ເລົ່າ​ຜ່ານ​ຝີ​ມື ຂອງ​ຜູ່ກຳ​ກັບ ຈອນ ເອັມ ຊູ ພ້ອມ​ດ້ວຍ​ທີມ​ຂຽນ​ບົດ​ຄຸນນະພາບ​ຢ່າງ Ed Solomon ແລະ Pete Chiarelli ໂດຍ Now You See Me 2 : The Second Act ມີ​ກຳຫນົດ​ເຂົ້າ​ສາຍ​ໃນ​ວັນທີ  10 ມິ​ຖຸ​ນາ 2016.

 

ຂໍຂອບໃຈຂໍ້ມູນຈາກ Facebook Now You See Me, Fandango