Android-Logo-1ເຊື່ອວ່າມີຫຼາຍຄົນທີ່ໃຊ້ລະບົບປະຕິບັດການແອນດຣອຍມາເປັນໄລຍະໜຶ່ງແລ້ວ ອາດຈະເຫັນວ່າເຄື່ອງນັ້ນ ເຮັດວຽກຊ້າລົງ ຫຼື ອາດກິນແບັດເຕີຣີຫຼາຍກວ່າຕອນທີ່ຊື້ມາໃໝ່ໆ ເຊິ່ງມີສາເຫດມາຈາກການທີ່ເຮົາດາວ
ໂຫຼດ ແອັບມາລົງໃນເຄື່ອງຫຼາຍຂຶ້ນ ຫຼື ເປີດແອັບປະໄວ້ຫຼາຍໆແອັບ ລວມທັງສາເຫດອື່ນໆອີກຫຼາຍໆຢ່າງ
ມື້ນີ້ພວກເຮົາຈຶ່ງໄດ້ນຳເອົາວິທີການເພີ່ມປະສິດຕິພາບການເຮັດວຽກຂອງລະບົບແອນດຣອຍໃຫ້ໄວຂືຶ້ນກວ່າ ເກົ່າມາແນະນຳທັ້ງ 12 ຂໍ້ດ້ວຍກັນຄື:

 

 

1. ທຳຄວາມຮູ້ຈັກກັບອຸປະກອນຂອງເຮົາກ່ອນ

ທຳອິດທີ່ຄວນເຮັດກໍ່ຄືການທຳຄວາມຮູ້ຈັກກັບອຸປະກອນແອນດຣອຍຂອງເຮົາກັນກ່ອນ ວ່າມີສະເປັກ ແລະ ຄຸນສົມບັດແນວໃດແດ່ ເຊິ່ງຄວນເລືອກ ໃຊ້ແອັບທີ່ເໝາະສົມກັບສະເປັກຂອງເຄື່ອງ ເພື່ອບໍ່ໃຫ້ແອັບນັ້ນກິນຊັບພະຍາກອນເຄື່ອງຫຼາຍເກີນໄປນັ້ນເອງ.

2. ອັບເດດແອນດຣອຍເປັນເວີຊັ່ນໃໝ່ລ່າສຸດຢູ່ສະເໝີ

ແອນດຣອຍໄດ້ມີການພັດທະນາ ແລະ ອັບເດດຢູ່ເລື້ອຍໆ ດັ່ງນັ້ນເຮົາຈຶ່ງຄວນອັບເດດໃຫ້ເປັນເວີຊັ່ນລ່າສຸດຢູ່ສະເໝີ ເນື່ອງຈາກແອນດຣອຍທີ່ຖືກ ພັດທະນາເປັນເວີຊັ່ນໃໝ່ໆ ນັ້ນໄດ້ມີການປັບປຸງໃຫ້ສາມາດໃຊ້ງານໄດ້ຢ່າງສະດວກໄວວາ ແລະ ມີປະສິດຕິພາບຫຼາຍຂຶ້ນເລື້ອຍໆ.

2-Updates

3. ລຶບແອັບທີ່ບໍ່ໄດ້ໃຊ້ງານອອກ

ທຸກໆແອັບທີ່ເຮົາໄດ້ລົງໄວ້ຈະໃຊ້ພື້ນທີ່ໜ່ວຍຄວາມຈຳໃນເຄື່ອງ ແລະ ອາດຈະກິນຊັບພະຍາກອນເຄື່ອງນຳຫາກແອັບນັ້ນເປີດເຮັດວຽກແບບ ອັດຕະໂນມັດ ເຊິ່ງເປັນສາເຫດໃຫ້ເຄື່ອງມີອາການອືດ ແລະ ເຮັດວຽກຊ້າລົງ ເຮົາຈຶ່ງຄວນເລືອກລຶບ (Uninstall) ແອັບທີ່ບໍ່ໄດ້ໃຊ້ງານ ຫຼື ບໍ່ຈຳເປັນອອກໄປ ແລະ ເລືອກລົງສະເພາະແອັບທີ່ຕ້ອງການໃຊ້ວຽກແທ້ໆເທົ່ານັ້ນ.

3-Running-Apps

4. ປິດການເຮັດວຽກຂອງແອັບທີ່ບໍ່ຈຳເປັນ

ດ້ວຍຄວາສາມາດ Performance assistant ທີ່ເພີ່ມເຂົ້າມາໃນແອນດຣອຍ 4.0 ICS ນີ້ ສາມາດໃຫ້ເຮົາສາມາດປິດການເຮັດວຽກ (Disable) ແອັບທີ່ເຮົາບໍ່ໄດ້ໃຊ້ງານຊ່ວງໄລຍະເວລານຶ່ງ ແຕ່ຕ່າງຈາກກັບການລຶບແອັບອອກຈາກເຄື່ອງບ່ອນທີ່ໂຕແອັບ ຍັງຄົງຢູ່ໃນເຄື່ອງຄືເກົ່າ ພຽງແຕ່ບໍ່ ສະແດງໃນໜ້າ Home Screen ຫຼື ເມນູເລືອກແອັບເທົ່ານັ້ນ ເຊິ່ງສາມາດເປີ່ດໃຫ້ເຮັດວຽກໃໝ່ໄດ້ໃນເມື່ອທີ່ຕ້ອງການມາໃຊ້ງານແອັບນັ້ນໆ.

4-Performance-Assistant5. ອັບເດດແອັບຢ່າງສະໝ່ຳສະເໝີ

ທຸກໆແອັບທີ່ດາວໂຫຼດມາຈາກ Google Play ມັກມີການອັບເດດຈາກຜູ້ພັດທະນາຢູ່ເລື້ອຍໆ ເຊິ່ງເຮົາຄວນອັບເດດແອັບໃຫ້ເປັນເວີຊັ່ນໃໝ່ຫຼ້າສຸດ ຢູ່ສະເໝີ ເນື່ອງຈາກຜູ່ພັດທະນາຈະປັບປຸງ ແລະ ແກ້ບັນຫາຕ່າງໆຂອງແອັບໃຫ້ມີປະສິດຕິພາບໃນການໃຊ້ງານທີ່ດີຂຶ້ນ ແລະ ອາດເຮັດວຽກໄດ້ໄວ ຂຶ້ນກວ່າເກົ່າອີກດ້ວຍ.

5-Update-Apps

 

6. ເລືອກໃຊ້ກາດໜ່ວຍຄວາມຈຳຄວາມໄວສູງ

ເຖິງວ່າສະມາດໂຟນຈະມີໜ່ວຍຄວາມຈຳໃນຕົວເຄື່ອງຢູ່ແລ້ວ ແຕ່ເມື່ອເຮົາໃຊ້ງານຈົນເຫຼືອພື້ນທີ່ຫນ້ອຍລົງ ອາດສົ່ງຜົນໃຫ້ເຄື່ອງເຮັດວຽກຊ້າລົງ ເຊິ່ງການ ໃສ່ກາດໜ່ວຍຄວາມຈຳ (Memory Card) ເພີ່ມນັ້ນຍ່ອມຊ່ວຍແກ້ໄຂນີ້ໄດ້ ເພາະການມີເນື້ອທີ່ໜ່ວຍຄວາມຈຳວ່າງຫຼາຍຂຶ້ນ ຈະຊ່ວຍ ໃຫ້ລະບົບສາມາດເຮັດວຽກໄດ້ໄວຂຶ້ນບໍ່ຫຼາຍກໍ່ໜ້ອຍ ໂດຍໃຫ້ເລືອກກາດໜ່ວຍຄວາມຈຳທີ່ມີຄຸນະພາບດີ ແລະ ຄວາມໄວສູງ ເພື່ອໃຫ້ໄດ້ປະສິດ ຕິພາບໃນການໃຊ້ງານທີ່ຫຼາຍຂຶ້ນ.

6-Storage-Space7. ໃຊ້ Widget ໃຫ້ໜ້ອຍລົງ

Widget ທີ່ເປັນລູກຫຼິ້ນຕ່າງໆ ເອົາໄວ້ວາງເທິງໜ້າຈໍ Home Screen ນັ້ນຈະເຮັດວຽກຕະຫຼອດເວລາ ຕ່າງກັບແອັບທົ່ວໄປທີ່ມັກເຮັດວຽກສະເພາະ ຕອນທີ່ເຮົາເປີດໃຊ້ເທົ່ານັ້ນ ເຊິ່ງການວາງ Widget ໄວ້ເທິງໜ້າຈໍ Home Screen ຫຼາຍໆຢ່າງ ກໍ່ຈະກິນຊັບພະຍາກອນເຄື່ອງຫຼາຍ ແລະ ສົ່ງຜົນ ໃຫ້ເຄື່ອງເຮັດວຽກຊ້າລົງ ດັ່ງນັ້ນ, ຈຶ່ງຄວນເລືອກໃຊ້ Widget ໃຫ້ເໝາະສົມກັບສະເປັກຂອງເຄື່ອງ ແລະ ໃຊ້ເທົ່າທີ່ຈຳເປັນເທົ່ານັ້ນ.
7-Less-Widgets

8. ຫຼີກຫຼ່ຽງການໃຊ້ Live Wallpaper

Live Wallpaper ຫຼື ພາບພື້ນຫຼັງແບບເຄື່ອນໄຫວໄດ້ ນັ້ນເປັນສິ່ງທີ່ຖືກໃຈກັບຜູ່ຄົນທີ່ໃຊ້ລະບົບແອນດຣອຍຫຼາຍໆຄົນ ເນື່ອງຈາກມັນເບິ່ງສວຍງາມ ແລະ ເພີ່ມຄວາມຫຼູູຫຼາໃຫ້ກັບອຸປະກອນແອນດຣອຍໄດ້ດີ ແຕ່ກົງກັນຂ້າມ Live Wallpaper ກໍ່ເປັນຄວາມສາມາດໜຶ່ງທີ່ກິນຊັບພະຍາກອນເຄື່ອງ ແລະ ແບັດເຕີຣີບໍ່ແມ່ນໜ້ອຍຄືກັນ ເຊິ່ງຫາກເຮົາຮູ້ສຶກວ່າເຄື່ອງເຮັດວຽກຊ້າ ຢາກໃຫ້ເຮັດວຽກໄວຂຶ້ນ ຫຼື ແບັດເຕີຣີໃຊ້ໄດ້ດົນຂຶ້ນ ກໍ່ຄວນຫັນໄປໃຊ້ ພາບພື້ນຫຼັງແບບປົກະຕິແທນ.

9. ໃຊ້ລະບົບ Auto Sync ເທົ່າທີ່ຈຳເປັນ

ລະບົບ Auto Sync ຂອງແອນດຣອຍເປັນສິ່ງທີ່ມີປະໂຫຍດຫຼາຍ ເນື່ອງຈາກມັນສາມາດເຊື່ອມຕໍ່ກັບ Server ແລະ Google ເພື່ອລໍຖ້າລາຍງານ ແຈ້ງເຕືອນການອັບເດດຕ່າງໆ ໃຫ້ເຮົາຮູ້ໄດ້ທັນທີໄດ້ຕະຫຼອດເວລາ ເຊັ່ນ: ໄດ້ຮັບອີເມວໃໝ່, ໄດ້ຮັບຂໍ້ຄວາມໃໝ່, ອັບເດດແອັບເວີຊັ່ນໃໝ່ ແລະ ອື່ນໆ ແຕ່ມັນກໍ່ມີຂໍ້ເສຍເຊັ່ນກັນ ເພາະເຄື່ອງຈະເຮັດວຽກຕະຫຼອດເວລາເພື່ອເຊື່ອມຕໍ່ຮັບຂໍ້ມູນອັບເດດເປັນໄລຍະ ໄລຍະ ເຊິ່ງຫາກວ່າເຮົາໃຊ້ແອັບ ອື່ນໆ ໄປພ້ອມໆກັນ ມັນກໍ່ອາດເຮັດໃຫ້ເຄື່ອງເຮັດວຽກຊ້າລົງໄດ້ ລວມທັງຍັງກິນແບັດເຕີຣີຫຼາຍຂຶ້ນອີກດ້ວຍ.

9-Sync-Off10. ປິດການໃຊ້ອິນເຕີເຟສແບບເຄື່ອງໄຫວ

ອິນເຕີເຟສແບບເຄື່ອນໄຫວ (Animation) ຄືການເຄື່ອນໄຫວຂອງອິນເຕີເຟສເວລາທີ່ເຮົາໃຊ້ນິ້ວລາກ ຫຼື ເລື່ອນເມນູ ຫຼື ແຖບຕ່າງເທິງໜ້າຈໍ ເຊິ່ງເປັນຄວາມສາມາດທີ່ກິນຊັບພະຍາກອນເຄື່ອງບໍ່ແມ່ນໜ້ອຍເລີຍ ໂດຍຖ້າເຮົາປິດຄວາມສາມາດນີ້ ເວລາທີ່ເຮົາລາກນິ້ວໄປມາຈະບໍ່ມີການ ເຄື່ອນໄຫວໃດໆເທິງໜ້າຈໍ ແຕ່ມັນກໍ່ເຮັດໃຫ້ເຄື່ອງເຮັດວຽກໄດ້ໄວຂຶ້ນພໍສົມຄວນເລີຍ.

10-Animations-Off11. ໃຊ້ແອັບປະເພດ Task Killer

ແອັບປະເພດ Task Killer ຫຼື Task Maneger ນັ້ນມີຄວາມສາມາດໃນການປິດແອັບທີ່ເປີດໃຊ້ງານປະໄວ້ໂດຍບໍ່ຈຳເປັນ ເຊິ່ງສາມາດຕັ້ງເປັນແບບ ອັດຕະໂນມັດໄດ້ ຖືວ່າເປັນແອັບທີ່ມີປະໂຫຍດ ແລະ ຄວນມີຕິດຢູ່ໃນເຄື່ອງໄວ້.

12. ເລືອກໃຊ້ແອັບທີ່ມີຂະໜາດນ້ອຍ

ແອັບປະເພດດຽວກັນ ອາດມີຂະໜາດທີ່ບໍ່ເທົ່າກັນກໍ່ໄດ້ ບາງແອັບອາດມີຂະໜາດນ້ອຍ ແຕ່ບາງແອັບກໍ່ອາດມີຂະໜາດໃຫຍ່ ຊຶ່ງແອັບທີ່ມີຂະໜາດ ໃຫຍ່ຈະສົ່ງຜົນໃຫ້ກິນຊັບພະຍາກອນເຄື່ອງໂດຍສະເພາະ RAM ໃນຂະນະໃຊ້ງານຫຼາຍແອັບທີ່ມີຂະໜາດນ້ອຍ ດັ່ງນັ້ນ, ເຮົາຈຶ່ງຄວນເລືອກໃຊ້ແອັບ ທີ່ມີຂະໜາດນ້ອຍກວ່າ ໃນກໍລະນີທີ່ແອັບມີຄຸນສົມບັດຄ້າຍໆກັນ ຫຼື ໃກ້ຄຽງກັນ ກໍ່ຄວນເລືອກໃຊ້ແອັບທີ່ມີຄວາມສາມາດເທົ່າທີ່ເຮົາຕ້ອງການໃຊ້ກໍ່ພໍ ບໍ່ຈຳເປັນຕ້ອງໃຊ້ແອັບຂະໜາດໃຫຍ່ທີ່ມີຄວາມສາມາດຫຼາຍເກີນຄວາມຈຳເປັນທີ່ເຮົາໃຊ້ງານ.
ທີ່ມາຂອງຂໍ້ມູນ : www.kapook.com