Bye Facebook Invite

ຫາກ Facebook ຂອງ​ທ່ານ​ເຕັມ​ໄປ​ດ້ວຍ​ຄຳ​ເຊີນຫຼິ້ນ​ເກມ, ຮົກ​ປານ​ຂີ້​ເຫຍື້ອ, ບໍ່​ຮູ້​ສິ​ເຮັດ​ແນວ​ໃດ ບາງ​ຄົນ​ກໍ​ໄປ​ໂພ​ສບອກ​ໃຫ້​ໝູ່​ເຊົາ invite ມາ ບໍ່​ຊັ້ນ​ສິ unfriend… ແຕ່​ນັ້ນ​ບໍ່​ແມ່ນ​ທາງ​ອອກ​ທີ່​ຖືກ​ຕ້ອງ​ເລີຍ ທາງ​ອອກ​ທີ່​ຖືກ​ຕ້ອງ​ມາ​ເຖິງ​ທ່ານ​ແລ້ວ! ນັ້ນ​ກໍ​ຄື​ການບ​ລັອກ​ບັນ​ດາ​ຄຳ​ເຊີນ​ເກມ​ຕ່າງໆ​ນີ້​ບໍ່​ໃຫ້​ມັນ​ປະ​ກົດ​ຂຶ້ນ​ມາ​ກວນ​ໃຈ​ທ່ານ​ອີກ​ເລີຍ. ພຽງ​ທ່ານ​ເຮັດ​ຕາມວິ​ທີ​ງ່າຍໆ​ໃດ​ນຶ່ງ​ດັ່ງ​ຕໍ່​ໄປ​ນີ້:

• ບ​ລັອກ​ຜ່ານການ​ແຈ້ງ​ເຕືອນ (ວິ​ທີ​ນີ້​ງ່າຍ​ທີ່​ສຸດ)

1. ເມື່ອ​ທ່ານ​ໄດ້​ຮັບ​ຄຳ​ເຊີນ​ມາ ໃຫ້​ກົດ​ໃສ່​ປຸ່ມ X ດັ່ງ​ຮູບ
fb_block

2. ຫຼັງ​ຈາກ​ກົດ​ແລ້ວໃຫ້​ກົດ Turn Off ດັ່ງ​ຮູບ. ເທົ່າ​ນີ້ຄຳ​ເຊີນ​ຈາກ​ເກມ​ດັ່ງ​ກ່າວ​ກໍ​ຈະ​ບໍ່​ສະ​ແດງ​ຂຶ້ນ​ມາ​ກວນ​ໃຈ​ທ່ານ​ອີກ​ຊົ່ວ​ນິ​ລັນ​ດອນ​ແລ້ວ.

fb_block 2

• ວິ​ທີບ​ລັອກ​ຜ່ານ​ page ຂອງ​ເກມ

1. ໃຫ້​ທ່ານ​ເຂົ້າ​ໄປ App page ຂອງ​ເກມ​ໃດ​ນຶ່ງ, ແລ້ວ​ກົດ​ທີ່​ປຸ່ມເຄື່ອງ​ໝາຍ 3 ຈ້ຳ​ທີ່​ຢູ່​ໃນປົກ​ຂອງ page ແລ້ວ​ເລືອກ Block App, ຕໍ່​ດ້ວຍ​ກົດ Confirm ທ່ານ​ກໍ​ບ​ລັອ​ກ​ຄຳ​ເຊີນ ແລະ ທຸກ​ຢ່າງ​ຈາ​ກ​ແອັບ​ນີ້​ສຳ​ເລັດ​ແລ້ວ.
fb_block 3

• ວິ​ທີບ​ລັອກ​ຜ່ານ​ການ​ຕັ້ງ​ຄ່າ ສຳ​ລັບ​ບ​ລັອກຫຼາຍໆ App ຫຼື ເກມ ພ້ອມໆ​ກັນ​ບາດ​ດຽວ

1. ​ໃຫ້​ທ່ານ​ເຂົ້າ​ໄປ​ທີ່ Settings > Blocking ໃນ Facebook ດັ່ງ​ຮູບ ຫຼື ຄ​ລິກ​ລິ້ງ​ນີ້ blocking settings

fb_block 5

2. ຫຼັງ​ຈາກ​ນັ້ນ​ທ່ານ​ຈະ​ເຫັນ​ປ່ອງ​ປ້ອນ​ຂໍ້​ມູນ​ສຳ​ລັບ Block app invites ແລະ Block apps. ສຳ​ລັບ Block app invites ນັ້ນ​ຈະ​ບ​ລັອ​ກ​ສະ​ເພາະ​ຄຳ​ເຊີນ​ເທົ່າ​ນັ້ນ, ແຕ່​ສຳ​ລັບ​ Block apps ແມ່ນ​ຈະ​ບ​ລັອກ​ທຸກ​ຢ່າງ​ຈາກ​ແອັບຯ ຫຼື ເກມ​ນັ້ນໆ​ເລີຍ. ໃຫ້​ທ່ານ​ພິມ​ຊື່​ເກມ ຫຼື ແອັບຯ ທີ່​ທ່ານ​ຕ້ອງ​ການ​ບ​ລັອກ​ໄດ້​ເລີຍ.

fb_block 6

• ວິ​ທີ​ການ​ບ​ລັອກ​ໃນ Android

1. ໃຫ້​ທ່ານເປີດ​ແອັບຯ Facebook ຂຶ້ນ​ມາ​ແລ້ວ​ເຂົ້າ​ໄປ​ຕາມ​ຮູບ. ເມື່ອ​ເຂົ້າ​ໄປ​ຕາມ​ຮູບ​ແລ້ວ ໃຫ້​ທ່ານ​ເລືອກ​ປິດການ​ແຈ້ງ​ເຕືອນ​ໂດຍ​ການ​ກົດ​ເອົາ​ປຸ່ມເຄື່ອງ​ໝາຍ​ຖືກຕາມ​ຕ້ອງ​ການ​ໄດ້​ເລີຍ.

fb_block 7

• ວິ​ທີ​ການ​ບ​ລັອກ​ໃນ iPhone

1. ເປີດ​ແອັບຯ Facebook ຂຶ້ນ​ມາ
2. ໃນ News Feed ຂອງ​ທ່ານ, ຫາກ​ທ່ານ​ພົບ​ເຫັນ​ການ​ແຈ້ງ​ເຕືອນ​ແອັບຯ ຫຼື ເກມ​ໃດ​ທີ່​ທ່ານ​ໄດ້​ຮັບ​ໃຫ້​ທ່ານ​ກົດ​ທີ່​ສັນ​ຍະ​ລັກ​ລູກ​ສອນ.
3. ກົດ​ປຸ່ມ Hide all ເປັນ​ອັນ​ສຳ​ເລັດ.

fb_block 8

ນັ້ນ​ກໍ​ແມ່ນ​ວິ​ທີບ​ລັອ​ກ​ຄຳ​ເຊີນຫຼິ້ນ​ເກມ ແລະ ແອັບຯ​ຕ່າງໆ​ໃນ Facebook. ກໍ​ຫວັງ​ວ່າ​ມັນ​ຈະ​ຊ່ວຍ​ກຳ​ຈັດ​ບັນ​ຫາ​ຄຳ​ເຊີນກວນ​ໃຈ​ທີ່​ທ່ານ​ພົບ​ຢູ່ ແລະ ກໍ​ຢ່າ​ລືມບອກ​ຕໍ່ໆ​ກັນ​ເພື່ອ​ເຜີຍ​ແຜ່ວິ​ທີ​ກຳ​ຈັດ​ຄວາມ​ລຳ​ຄານ​ນີ້​ໃຫ້​ຄົນ​ອື່ນ​ນຳ​ເດີ້.