Force-Windows-10-updateຫຼັງ​ຈາກ Windows 10 ໄດ້​ເປີດ​ໂຕ​ຢ່າງ​ເປັນ​ທາງ​ການ​ໃນ​ວັນ​ທີ 29 ກໍ​ລະ​ກົດ 2015 ທີ່​ຫາ​ກໍ​ຜ່ານ​ມາ ຫຼາຍ​ທ່ານ​ກໍ​ໄດ້​ຮັບ​ການ​ແຈ້ງ​ເຕືອນ​ໃຫ້​ອັບ​ເດດ​ກັນ​ໄປ​ແດ່​ແລ້ວ ແຕ່​ບາງ​ຄົນ​ກໍ​ຍັງ​ບໍ່​ໄດ້​ຮັບ ກໍ​ເລີຍ​ຍັງ​ຕ້ອງ​ລໍ​ຖ້າ​ກັນ​ຢູ່. ດັ່ງ​ທີ່ Microsoft ໄດ້​ປະ​ກາດ​ໄວ້​ວ່າ Windows 10 ຈະ​ສາ​ມາດ​ອັບ​ເກ​ຣດ​​ໄດ້​ຟ​ຣີໆພາຍ​ໃນ​ໄລ​ຍະ​ເວ​ລາ 1 ປີ ນັບ​ຈາກ​ມື້​ນີ້​ເປັນ​ຕົ້ນ​ໄປ ບໍ່​ວ່າ​ທ່ານ​ຈະ​ໃຊ້ Windows ເຖື່ອນ​ ຫຼື ແທ້​ຢູ່​ກໍ​ຕາມ. ສຳ​ລັບ​ທ່ານ​ໃດ​ທີ່​ຕ້ອງ​ການ​ອັບ​ເກ​ຣດ​ເປັນ Windows 10 ແຕ່​ຍັງ​ບໍ່​ໄດ້​ຮັບ​ການ​ແຈ້ງ​ເຕືອນ​ໃຫ້​ອັບ​ເກ​ຣດ ​ທ່ານ​ສາ​ມາດ​ເຮັດ​ຕາມ​ວິ​ທີ​ດັ່ງ​ຕໍ່​ໄປ​ນີ້​ໄດ້​ເລີຍ.

ອັບ​ເກ​ຣດ​ໂດຍ​ການ​ຕິດ​ຕັ້ງ​ຜ່ານ ISO

ວິ​ທີ​ທີ່​ງ່າຍ​ທີ່​ສຸດ​ຫາກ​ທ່ານ​ຕ້ອງ​ການ​ອັບ​ເກ​ຣດ​ແມ່ນ ທ່ານ​ສາ​ມາດ​ດາວ​ໂຫຼດ​ໄຟ​ລ໌ ISO ສຳ​ລັບ​ຕິດ​ຕັ້ງ Windows 10 ຈາກ​ລິ້ງ​ນີ້ເລີຍເມື່ອດາວ​ໂຫຼດ​ມາ​ແລ້ວ​ທ່ານ​ສາ​ມາດຂຽນ​ໄຟ​ລ໌ ISO ໃສ່​ແຜ່ນ DVD ຫຼື ວ່າ​ຈະ​ຕິດ​ຕັ້ງ​ຜ່ານ USB ໂດຍ​ໃຊ້ Rufus ກໍ​ໄດ້​ເຊັ່ນ​ກັນ

ອັບ​ເກ​ຣດ​ຜ່ານ Windows Update (ວິ​ທີ​ນີ້​ໃຊ້​ບໍ່​ໄດ້​ແລ້ວ)

ຫາກ​ທ່ານ​ຕ້ອງ​ການ​ອັບ​ເດດ​ຜ່ານ​ລະ​ບົບ​ອັບ​ເດດ​ຂອງ Windows ແມ່ນ​ໃຫ້​ທ່ານ​ປະ​ຕິ​ບັດ​ຕາມ​ຂັ້ນ​ຕອນ​ດັ່ງ​ຕໍ່​ໄປ​ນີ້:

  1. ກວດ​ສອບ​ໃຫ້​ແນ່​ໃຈ​ວ່າ​ທ່ານ​ໄດ້​ຕັ້ງ​ຄ່າ Windows Updates ​ໃຫ້​ຮັບ​ການ​ອັບ​ເດດ​ໂດຍ​ອັດ​ຕະ​ໂນ​ມັດ
  2. ​ລຶບ​ທຸກ​ຢ່າງ​ໃນ​ໂຟນ​ເດີ C:\Windows\SoftwareDistribution\Download
  3. ​ເປີດ cmd.exe ​ຄ​ລິກ​ຂວາ​ໃສ່​ມັນ​ແລ້ວ​ເລືອກ run as administrator ແລ້ວ​ພິມ​ຄຳ​ສັ່ງ​ດັ່ງ​ຕໍ່​ໄປ​ນີ້: wuauclt.exe /updatenow
  4. ເທົ່າ​ນີ້​ທ່ານ​ກໍ​ພ້ອມ​ ແລະ ຈະ​ໄດ້​ຮັບ​ການ​ແຈ້ງ​ເຕືອ​ນ​ໃຫ້​ອັບ​ເດດ​ເປັນ Windows 10 ໄດ້​ແລ້ວ.

ຫາກ​ທ່ານ​ພົບ​ບັນ​ຫາ​ໃດໆ ທ່ານ​ສາ​ມາດ​ເຂົ້າ​ໄປ​ເບິ່ງ​ຂໍ້​ມູນ​ເພີ່ມ​ເຕີມ​ຈາກ​ບົດ​ຄວາ​ມ​ຕົ້ນ​ນ້ຳ​ໄດ້​ເລີຍ​ທີ່: Redmondpie

Force-Windows-10-update 2

ແລະແນ່ນອນ ຖ້າ​ທ່ານ​ໃດ​ລອງ​ເຮັດ​ແລ້ວໄດ້​ຜົນ ຫຼື ບໍ່​ໄດ້​ຜົນ​ກໍ​ຢ່າ​ລືມບອກ​ທາງ​ທີມ​ງານ​ເຮົາ​ແດ່​ເດີ້. ສຳ​ລັບ​ຜູ່​ຂຽນ​ໄດ້​ອັບເກ​ຣດຈາກ Windows 7 SP1 ແລະ ລອງ​ໃຊ້​ງານ​ມາ​ໄດ້​ເກືອບ 2 ອາ​ທິດ​ແລ້ວ ເຫັນວ່າມີ​ຂໍ້​ດີ ຂໍ້​ເສຍ​ດັ່​ງ​ນີ້:

  • ບໍ່​ມີ​ບັນ​ຫາ​ driver ບໍ່​ຮອງ​ຮັບ​ໃດໆ ບັນ​ຫາ driver ສຽງ​ທີ່​ມັກ​ມີ​ບັນ​ຫາ​ເປັນ​ປະ​ຈຳຫຼັງ​ຈາກ​ອັບ​ເກ​ຣດ Windows ແມ່ນ​ບໍ່​ພົບ​ເຫັນ​ເລີຍ
  • ໃຊ້​ເນື້ອ​ທີ່ Harddisk ໜ້ອຍ​ລົງ
  • ອາ​ຫານ​ຕາຫຼາຍ​ຂຶ້ນ ໂດຍ​ສະ​ເພາະ icon ຕ່າງໆໃນ​ທີ່​ສຸດ​ມັນ​ກໍ​ເຊົາ​ບູ​ຮານ​ແລ້ວ
  • ການ​ເຮັດ​ວຽກ​ທົ່ວ​ໄປ​ແມ່ນ​ເຫັນ​ວ່ານຽນ​ຂຶ້ນ
  • ທາງ​ດ້ານ​ປະ​ສິດ​ຕິ​ພາບ​ໃນ​ການຫຼິ້ນ​ເກມ​ແມ່ນ​ຕ່ຳ​ກວ່າ Windows 7 SP1 ປະ​ມານ 1-5 fps
  • ບໍ່​ສາ​ມາດ​ປິດ Auto update ໄດ້ງ່າຍໆ, ເຊິ່ງ​ເຮັດ​ໃຫ້ Windows ຈະ​ອັບ​ເດດ​ໂຕ​ເອງ​ອັດ​ຕະ​ໂນ​ມັດ​ ຫາກ​ຕ້ອງ​ການ​ປິດ ແມ່ນ​ຕ້ອງ​ມີ​ຄວາມ​ຮູ້​ໃນ​ການ​ປິດ Services ຂອງ Windows

ສະຫຼຸບ​ແລ້ວ​ກໍ​ຖື​ວ່າ​ເປັນ Windows ທີ່​ເປີດ​ໂຕ​ໄດ້​ເລື່ອງ​ເລີຍ ຫາກ​ໄດ້​ຮັບ​ການ​ອັບ​ເດດຫຼາຍ​ຂຶ້ນກວ່າ​ນີ້​ເລື່ອງ​ປະ​ສິດ​ຕິ​ພາບ​ອາດ​ຈະ​ສູ້ Windows 7 ໄດ້​ດີກວ່າ​ນີ້​ໃນ​ອະ​ນາ​ຄົດ.

ປ.ລ ສຳ​ລັບ​ທ່ານ​ໃດ​ທີ່​ສົງ​ໄສວ່າ ຫຼັງ​ຈາກ 1 ປີ​ຜ່ານ​ໄປ ແລ້ວ Windows 10 ທີ່​ເຮົາ​ອັບ​ເກ​ຣດ​ໄປ​ນີ້ ຈະ​ຕ້ອງ​ໄດ້​ຊື້ ຫຼື ເສຍ​ຄ່າ​ສະ​ໝັກ​ສະ​ມາ​ຊິກຫຍັງ​ບໍ່? ຄຳ​ຕອບ​ອີງ​ຕາມ Microsoft ໄດ້​ກ່າວ​ໄວ້ແມ່ນ ບໍ່ ເນາະ. ສະຫຼຸບ​ແມ່ນ​ທ່ານ​ມີ​ເວ​ລາ​ອັບ​ເກ​ຣດ ເປັນ Windows 10 ໄດ້​ຟ​ຣີໆ​ພາຍ​ໃນ​ເວ​ລາ 1 ປີ, ຫາກ​ທ່ານ​ພາດ​ໂອ​ກາດ​ນັ້ນ​ໄປ ທ່ານ​ຈະ​ຕ້ອງ​ໄດ້​ຊື້ Windows 10 ເພື່ອ​ອັບ​ເກ​ຣດ​ຄື​ທີ່​ຜ່ານ​ມາ (ອີງ​ຕາມ​ໂພ​ສ​ນີ້).