Cable Burned
credit: https://www.facebook.com/photo.php?fbid=10153128584491593&set=a.457046866592.235747.719741592&type=1&theater

ຫາກ​ໃຜ​ທີ່​ປະ​ສົບ​ບັນ​ຫາ​ອິນ​ເຕີ​ເນັດ​ຊ້າ​ຕັ້ງ​ແຕ່​ມື້​ວານ​ນີ້​ເປັນ​ຕົ້ນ​ມາ ໂດຍ​ສະ​ເພາະ​ແມ່ນ​ອິນ​ເຕີ​ເນັດ​ຂອງ LTC, ETL ແລະ Beeline ແມ່ນ​ບໍ່​ຕ້ອງ​ແປກ​ໃຈ ເພາະ​ເກີດ​ໄຟ​ໄໝ້​ສາຍ​ອິນ​ເຕີ​ເນັດ​ທີ່​ແລ່ນ​ຕາມ​ຂົວ​ມິດ​ຕະ​ພາບ​ລາວ-ໄທ. ສຳ​ລັບ​ສາ​ເຫດ​ແມ່ນ​ຍັງ​ບໍ່​ຮູ້​ຊັດ​ເຈນ ແລະ ຈະ​ໃຊ້​ເວ​ລາ​ແກ້​ໄຂ​ດົນ​ປານ​ໃດ​ນັ້ນ​ກໍ​ຕ້ອງ​ຕິດ​ຕາມ​ກັນ​ຕໍ່​ໄປ ຫຼ້າ​ສຸດ​ບໍ​ລິ​ສັດ ລາວ​ໂທ​ລະ​ຄົມ ໄດ້​ອອກ​ມາ​ກ່າວ​ຕໍ່​ບັນ​ດາ​ລູກ​ຄ້າ​ຜ່ານ​ທາງ Facebook ວ່າ:

ຮຽນ ລູກຄ້າ ລາວ ໂທລະຄົມ ທີ່ນັບຖື
ລາວ ໂທລະຄົມ ຂໍແຈ້ງໃຫ້ທານຊາບວ່າ ປະຈຸບັນ ສາຍ optic ທີ່ເຊື່ອມຕໍ່ອິນເຕີເນັດ ຂອງ ລາວ ໂທລະຄົມ ຂາດທີ່ຈັງວັດຫນອງຄາຍ ປະເທດໄທ ເຊຶ່ງເຮັດໃຫ້ການໃຊ້ງານອິນເຕີເນັດບໍ່ສະດວກ, ຂະນະນີ້ທາງທີມງານເຕັກນິກກຳລັງດຳເນີນການແກ້ໄຂຢ່າງຮີບດ່ວນ ເພື່ອໃຫ້ລູກຄ້າສາມາດໃຊ້ບໍລິການຢ່າງສະດວກໃນໄວໆນີ້. ລາວ ໂທລະຄົມ ຈຶ່ງຂໍອະໄພໃນຄວາມບໍ່ສະດວກໃນຄັ້ງນີ້ດ້ວຍ.
ຂໍຂອບໃຈ

ປັດ​ຈຸ​ບັນ​ສຳ​ລັບ​ເນັດ Unitel ແມ່ນ​ຍັງ​ໃຊ້​ການ​ໄດ້​ປົກ​ກະ​ຕິ ເນື່ອງ​ຈາກ​ເນັດ​ຂອງ Unitel ແມ່ນ​ແລ່ນ​ອອກ​ທາງ​ຫ​ວຽດ​ນາມບໍ່​ແມ່ນ​ອອກ​ທາງ​ໄທ. ແນວ​ໃດ​ກໍເຂັ້ມ​ແຂງ​ກັນ​ເອົາ​ໄວ້​ເນາະ​ສຳ​ລັບ​ໃຜ​ທີ່​ປະ​ສົບ​ບັນ​ຫາ​ເນັດ​ຊ້າ​ຢູ່ ຫວັງ​ວ່າ​ເພິ່ນ​ຈະ​ຊ້ອມ​ແປງ​ໄດ້​ໄວໆ​ນີ້. ສູ້ໆ!