14220168231422016840lດຽວ​ນີ້​ໃຜໆ​ກໍ​ຫລິ້ນ Instagram ຫລື​ທີ່​​ເອີ້ນ​ກັນ​ຫຍໍ້​ໆ​ວ່າ “ໄອ​ຈີ” ນັ້ນ​ແຫລະ ເພາະ​ເປັນ​ວິທີ​ການ​ແຊ​ຮູບ​ທີ່​ສະ​ດວກ​ວ່ອງໄວ​ຫລາຍ ເປັນ​ຄື​ກັບປຶ້ມ​ບັນ​ທຶກ​ຄວາມ​ຊົງ​ຈຳ​ແຫ່ງ​ຊີວິດ ເພາະ​ຮູບ​ທຸກ​ຮູບ​ກໍ​ບອກ​ເລົ່າເລື່ອງ​ລາວ​ຂອງ​ເຮົາ.

ໂດຍ​ສະເພາະ​ຢ່າງ​ຍິ່ງ​ໃນ​ໝູ່​ດາ​ລາ​ເຊ​ເລບ ທີ່​ໄອ​ຈີ​ຖື​ເປັນ​ຊ່ອງ​ທາງ​ໃນ​ການ​ຕິດ​ຕໍ່​ສື່​ສານ​ກັບ​ບັນດາ​ແຟນ​ຄລັບ​ໄດ້​ເປັນ​ຢ່າງ​ດີ.

 

 

ແນ່ນອນ​ວ່າ​ມັນ​ກໍ​ມີ Trick ​ເລັກໆ​ໜ້ອຍໆ​ໃນ​ການ​ຫລິ້ນ ວ່າ​ເຮັດ​ຢ່າງໃດ​ເຖິງ​ຈະ​ໄດ້​ຍອດ​ໄລ​ຫຼາຍໆ ຫລືພາບ​ອອກ​ມາ​ເບິ່ງ​ດີ​ທີ່ສຸດ ໄປ​ເບິ່ງ​ກັນ​ເລີຍ ເວັບ​ໄຊ BuzzFeed.com ເອົາ​ມາ​ນຳ​ສະເໜີ​ໃຫ້​ທ່ານ​ແລ້ວ​.

  1. ເລືອກ​ເວລາ​ໂພສ​ໃຫ້​ເໝາະສົມ

ຖ້າ​ຢາກ​ໄດ້​ຍອດ​ໄລຫຼາຍໆ ເວລາ​ກໍ​ເປັນນຶ່ງ​ໃນ​ປັດ​ໄຈ​ທີ່​ສຳຄັນ ຖ້າ​ໄປ​ໂພສຕອນ​ຊ່ວງ​ເຊົ້າ​ໆບ່າຍໆ ຂອງ​ມື້​ທຳມະດາ​ ​ກໍອາດຈະ​ຍາກ ເພາະ​ຜູ່​ຄົນເຂົາ​ກໍ​ຮຽນ​, ເຮັດວຽກ​ກັນ ຈັງ​ຫວະ​ທີ່​ເໝາະສົມ​ທີ່ສຸດ​ໜ້າ​ຈະ​ເປັນ​​ແລງວັນ​ອາທິດ, ມື້​ພັກ​ຜ່ອນ ເປັນ​​ໄລຍະ​ທີ່​ຫລາຍ​ຄົນ​ກຳ​ລັງ​ຂີ້ຄ້ານ, ເບື່ອໆ​ເຊັງ ໆ ປະ​ມານ​ວ່າ “​ເຫີ!! ມື້​ອື່ນ​ວັນ​ຈັນ​ຈັນ​ອີກ​ລະ​?” ໃນ​ເມື່ອ​ບໍ່​ມີ​ຫຍັງ​ເຮັດ ກໍ​ຈະ​ເຂົ້າ​ມາ​ຫລິ້ນ​ໄອ​ຈີ ແລ້ວ​ໄລ​ຮູບ​ເຮົາ​ໄດ້.

  1. ຢ່າ​ໂພສ​ຮູບ​ຫຼາຍ​ເກີນ​ໄປ

ໂພສ​ເທື່ອ​ລົງ​ລົວໆ ກໍ​ອາດ​ຫາ​ຮູບ​ທີ່​ເດັ່ນໆ ບໍ່​ໄດ້ ບາງ​ເທື່ອ​ຄົນ​ຈະ​ຮູ້ສຶກ​ຂັດ​ຫູ​ຂັດ​ຕາ​ນຳ​ອີກ.

  1. ຖ້າ​ເປັນ​ໂມ​ເມັນ​ພິເສດ​ລະ​ກໍ ໂພສ​ມັນ​ໄປ​ເລີຍ

ຢ່າງ​ໃດ​ມັນ​ກໍ​ຕ້ອງ​ມີ​ຂໍ້​ຍົກ​ເວັ້ນ​ກັນ​ນຳ ໃນ​ຊີວິດ​ປະຈຳວັນ​ເຮົາ​ອາດ​ບໍ່​ຄວນ​ໂພສ​ຮູບຫຼາຍ​ກໍ​ຈິງ ເພາະ​ຈະ​ເບິ່ງ​ໜ້າ​ເບື່ອ ແຕ່​ຖ້າ​ເປັນ​ໂອ​ກາດ​ສຳ​ຄັນໆ​ເຊັ່ນ: ງານ​ແຕ່ງ​ງານ ປາ​ຕີ້​ແລະ ອື່ນໆ ເຖິງ​ມາ​ເປັນ​ສິບໆ​ຮູບ​ກໍ​ບໍ່ເປັນຫຍັງ ເພາະ​ເຖິງ​ຢ່າງ​ໃດ​ໄອ​ຈີ​​ເຂົາ​ກໍ​ມີ​ໄວ້​ໃຫ້​ສຳລັບ​ແບ່ງ​ປັນ​ຊ່ວງ​ເວລາ​ທີ່​ແສນ​ພິເສດ​ກັນ​ຢູ່​ແລ້ວ.

  1. ເຊວ​ຟີ​ຢ່າງ​ມີ​ຫລັກ​ການ

ເປັນ​ອີກ​ນຶ່ງ​ເຄັດ​ລັບ​ໃນ​ການ​​ເອີ້ນ​ຍອດ​ໄລ ກໍ​ຄື​ເວລາ​ລົງ​ຮູບ​ເຊວ​ຟີ​ນັ້ນ​ແຫລະ ໃຫ້​ພະຍາຍາມ​ໂພສ​ທ່າ​ຢ່າງ​ທຳມະຊາດ ​ແລະ​ເບິ່ງ​​ເບີກ​ບານເຂົ້າໄປ ແລ້ວ​ກໍ​ບໍ່ແມ່ນ​ກະ​ໜ່ຳ​ຖ່າຍໆໆໆ ແລ້ວ​ກໍ​ແຊ​ໆໆໆໆ ​ເໝືອນ​ໂລກ​ຈະ​ແຕກມື້​ອື່ນ ແຕ່​ໃຫ້​ເລືອກ​ຖ່າຍ​ເປັນ​ຈັງ​ຫວະໆ ສະເພາະ​ເວລາ​ທີ່​ຫມັ້ນ​ໃຈ​ວ່າ​ໂຕ​ເອງ​ເບິ່ງ​ດີ​ທີ່ສຸດ.

  1. ຢ່າ​ໃຊ້​ຟິນ​ເຕີ ​(Filter) ​ຂອງ​ມັນ​ເອງ

ຫລາຍ​ຄົນ​ເວລາ​ຈະ​ໂພສຮູບ ຢ່າງ​ທຳ​ອິດ​ທີ່​ອາດຈະ​ຄິດ​ຄື “ຂ້ອຍ​ຈະ​ໃຊ້​ຟິນ​ເຕີ​ນຳ​ດີບໍ່??” ຈະ​ບອກວ່າ​ບໍ່​ແນະ​ນຳ​ໃຫ້​ເຮັດ​​ແບບ​ນັ້ນ ແຕ່​ໃຫ້​ໂຫລດ​ແອັບຯ​ແຕ່ງ​ຮູບ​ໂຕ​ອື່ນ​ມາ​ໃຊ້​ແທນ.

  1. ຄຳ​ບັນຍາຍ​ພາບ​ກໍ​ສຳຄັນ​.

ເໝືອນ​ກັບ​ເຄັ​ກ ຖ້າ​ຕົກ​ແຕ່ງ​ບໍ່​ງາມ ບາງ​ທີ​ກໍ​ບໍ່​ມີ​ໃຜ​ຢາກ​ກິນ ຮູບ​ທີ່​ເຮົາ​ໂພສກໍ​ເຊັ່ນ​ກັນ ຢ່າ​ລືມ​ຕັ້ງ​ແຄັບ​ຊັ່ນ​ໃຫ້​ເດັດໆໂດນໆ ກໍ​ຈະ​ເປັນ​ອີກ​ນຶ່ງ​ຊ່ອງ​ທາງ​ເອີ້ນ​ແຂກ​ເຂົ້າ​ມາ​ກົດ​ໄລໄດ້​ຄືກັນ.

  1. ຢ່າ​ເອົາ​ຮູບ​ເກົ່າ​ມາ​ໂພສ​ເປັນ​ຮູບ​ປະຈຸບັນ

ຮູບ​ສະໄໝ​ກ່ອນ​ຂອງ​ບາງ​ຄົນ​ອາດຈະ​ເບິ່ງ​ດີກວ່າ ກໍ​ເລີຍ​ເອົາ​ມາ​ໂພສ​ຫລອກ​ໃຫ້​ຄົນ​ອື່ນ​ເບິ່ງ ໃຫ້​ຄິດວ່າ​ຕອນ​ນີ້​ຂ້ອຍ​ກໍ​ຍັງ​ໜ້າ​ຕາ​ແບບ​ນີ້ ຍັງ​ໜ້າ​ຮັກ​ຢູ່ ຈະ​ບອກວ່າ​ບໍ່​ມີ​ໃຜ​ເຊື່ອດອກ.

  1. ບາງ​ທີ​ກໍ​ຍອມໆ​ໃຈ​ຮ້າຍ​ແນ່

ໃຄໆ​ກໍ​ຄົງ​ຢາກ​ໄດ້​ຍອດ Follow ຫຼາຍໆເປັນ​ພັນໆ ຫລື​ໝື່ນໆ​ໄດ້​ຍິ່ງ​ດີ ເພາະ​ແບບ​ນັ້ນ​ໃຜ​ທີ່​ເຮົາ​ Follow ແລ້ວ​​ເຂົາ​ບໍ່​ Follow ກັບ ກໍ​ Unfollow ​ໄປ​ຊະ.

  1. ເບິ່ງ​ໄອ​ຈີ​ຂອງ​ດາ​ລາ ເຊ​ເລບ ຫລື​ໃຜ​ກໍ​ໄດ້​ທີ່​ມີ​ຊື່​ສຽງ​ເປັນ​ຕົວ​ຢ່າງ

 

ຄົົນທີ່​ມີ​ຊື່​ສຽງ ເວລາ​ເຮັດຫຍັງ​ສ່ວນ​ຫລາຍ​ກໍ​ຕ້ອງ​ລະ​ວັງ​ບໍ່​ໃຫ້​ກະທົບ​ຕໍ່​ພາບ​ລັກ​ຢູ່​ແລ້ວ ເຮົາ​ກໍ​ເບິ່ງ​ເປັນ​ຕົວ​ຢ່າງ​ໄດ້ ແຕ່​ກໍ​ຕ້ອງ​ໃຊ້​ວິ​ຈາລະນາ​ຍານ​ນຳວ່າ​​ແມ່ນຫຍັງ​ຄວນ​ເຮັດ ບໍ່​ຄວນ​ເຮັດ ບໍ່ແມ່ນ​ຍ່າງ​ຕາມ​ພວກເຂົາ​ໄປຫມົດ​ທຸກ​ຢ່າງ.

  1. ຢ່າ​ຕັ້ງ​ໄອ​ຈີ​ໃຫ້ເປັນ private

ຕັ້ງ​ໃຫ້ເປັນ public ດີກວ່າ ເພາະ​ໃນ​ໂລກ​ໂຊ​ຊຽວ ທີ່​ເປັນ​ສາທາລະນະ​ແບບ​ນີ້ ເຮົາ​ບໍ່​ຄວນ​ມີ​ຄວາມ​ລັບ​ຫຍັງ​ເກັບ​​ເຊື່ອງ​ໄວ້ ແຖມ​ຈະ​ເປັນ​ອີກ​ທາງ​ໃນ​ການ​ເພີ່ມ​ຍອດ​ຜູ່​ຕິດ​ຕາມ​ດ້ວຍ ເພາະ​ຖ້າ​ຕັ້ງ​ເປັນ private ບາງ​ຄົນ​ອາດຈະ​ເບິ່ງ​ວ່າ​ໂລກ​ສ່ວນ​​ໂຕສູງ ຫລື​ເບິ່ງ​ເລິກ​ລັບ ກໍ​ຈະ​ບໍ່​ມາ​ກົດ​ຕິດ​ຕາມ.

  1. ໃຫ້​ເພື່ອນ​ຊ່ວຍ​ຕັດ​ສິນ​ໃຈ

ບາງ​ທີ​ກໍ​ຄົງ​ລຳ​ບາກ​ໃຈ​ຢູ່​ແຫລະ​ວ່າ ເຮົາ​ຈະ​ອັບ​ຮູບ​ໃດ​ລົງ​ດີ​ ຫລື​ຈະ​ໃຊ້​ຟິນ​ເຕີ​​ໂຕ​ໃດ​ດີ ກໍ​ໃຫ້​ເພື່ອນ​ຊ່ວຍ​ກັນ​ເລືອກ​ ຫລື​ບາງ​ທີ​ອາດຈະ​ອັບ​ຮູບ​ຄູ່ ຮູບ​ຖ່າຍຮວມ​ໝູ່​ນຳກັນ ແລ້ວ​ຊ່ວຍ​ກັນ​ແຕ່ງ​ແຕ້ມ ເຕີມ​ຟິນ​ເຕີ​ແລະ ອື່ນໆ.

  1. ພະຍາຍາມ​ເຮັດ​ຕົວ​ໃຫ້​ເບີກບານເຂົ້າ​ໄວ້

ນັ້ນ​ໝາຍ​ເຖິງ​ວ່າ​ຢ່າ​ໄປ​ຈິງ​ຈັງ​ຫຍັງ​ກັບ​ໄອ​ຈີ​ຫລາຍ​ເກີນ​ໄປ ເຮັດ​​ໂຕ​ໃຫ້​ມີ​ຄວາມ​ສຸກ​ເຂົ້າ​ໄວ້ ສະບາຍໆຢ່າ​ລືມ​ວ່າ​ຢ່າງ​ໃດ ມັນ​ກໍ​ເປັນ​ໂຊ​ຊຽນວທີ່​ມີ​ໄວ້​ເພື່ອ​ຄວາມ​ເບີກ​ບານ​ໃຈ​ຂອງ​ທຸກ​ຄົນ.