203240ເທດ​ສະການ​ສຸດ​ແປກ​ທີ່​ສ້າງ​ສຽງ​ຫົວ​ໃຫ້​ແກ່​ທຸກ​ໆຄົນ ມັກ​ຈະ​ມີ​ຢູ່​ທົ່ວ​ທຸກ​ມຸມ​ໂລກ ແລະ​ສ່ວນ​ໃຫຍ່​ກໍ​ຈະ​ເປັນ​ປະເພນີ​ທ້ອງ​ຖິ່ນ​ທີ່ເກິດຂື້ນ​ໃນ​ເມືອງ​ນ້ອຍໆ​ເຊັ່ນ: ການ​ແຂ່ງ​ຂັນ​ສະ​ກີ​ໝາກ​ໂມ ໃນ​ເທດສະ​ການ​ໝາກ​ໂມ.

 

 

ການ​ແຂ່ງ​ຂັນ​ສະ​ກີ​ໝາກ​ໂມ ໃນ​ເທດສະ​ການ​ໝາກ​ໂມ​ທີ່​ເລີ່ມ​ຈັດ​ກັນ​ມາ​ຕັ້ງ​ແຕ່​ປີ 1994 ຈົນ​ເຖິງ​ປະຈຸບັນ ໂດຍ​ຈັດ​ກັນ​ທຸກ​ໆ 2 ປີ ທີ່ ເມືອງ​ຊິນ​ຊິນ​ລາ ເມືອງ​ນ້ອຍໆທາງ​ຕະເວັນ​ຕົກ​ສຽງ​ເໜືອ​ຂອງ​ເມືອ​ງ ບ​ລິສ​ເບນ (Brisbane) ເມືອງ​ຫລວງ​ຂອງ​ລັດ​ຄວີນສ​ແລນ (Queensland) ​ເຊິ່ງ​ຂຶ້ນ​ຊື່​ວ່າ​ເປັນ​ເມືອງ​ທີ່​ປູກໝາກ​ໂມ​ຫລາຍ​ທີ່ສຸດ​ໃນ​ປະເທດ​ອອດສເຕ​ເລຍ ບັນ​ຍາ​ກາດ​ພາຍ​ໃນ​ງານ ກໍ​ເຕັມ​ໄປ​ດ້ວຍ​ລູກ​ໝາກ​ໂມ ​ເຊິ່ງ​ມີ​ການ​ແຂ່ງ​ຂັນ​ກິລາ​ສຸດ​ແປກ ທີ່​ຖື​ວ່າ​ເປັນ​ໄຮ​ໄລ​ຂອງ​ງານ​ຄື ການ​ແຂ່ງ​ຂັນ​ສະ​ກີ​ໝາກ​ໂມ ສ້າງ​ສຽງ​ຫົວ​ໃຫ້​ກັບ​ຜູ່​ທີ່​ເຂົ້າ​ມາ​ຮ່ວມ​ງານ​ເປັນ​ຢ່າງ​ຫລາຍ.

ກະ​ຕິ​ກາ​ກໍ​ມີ​ຢູ່​ວ່າ ໃຫ້​ພາຍ​ໃນ​ທີມ 2 ຄົນ ຈະ​ເປັນ​ຄົນ​ດຶງ​ຜູ່​ເຂົ້າ​ແຂ່ງ​ຂັນ​ທີ່​ຕ້ອງ​ເອົາ​ຕີນ​ໄປ​ໃສ່​ໃນ​ລູກ​ແຕງ​ໂມ ແລ້ວ​ໄຖ​ ​ໄປ​ແລະ​ກໍ​ໃຫ້​ຊົງ​​ໂຕ​ໄປ​ຕະຫລອດ​ທາງ​ທີ່​ເຕັມ​ໄປ​ດ້ວຍໝາກ​ໂມ​ນ້ອຍ​ໃຫຍ່ ໃຜ​ທີ່​ຊົງ​ຕົວ​ໄປ​ຈົນ​ເຖິງ​ສຸດ​ທາງ ກໍ​ຈະ​ເປັນ​ຝ່າຍ​ຊະນະ. ນອກ​ຈາກ​ນີ້, ​ຍັງມີ​ການ​ແຂ່ງ​ຂັນ​ພົ່ນ​ເມັດ​ໝາກ​ໂມ​ໃຫ້​ໄດ້​ມີ​​ໄລ​ຍະ​ທາງ​ທີ່​ໄກ​ທີ່ສຸດ ລວມ​ໄປ​ເຖິງ​ກິລາ​ດຶງ​ເຊືອກ​ເທິງ​ພື້ນ​ທີ່​ເຕັມ​ໄປ​ດ້ວຍ​ແຕງ​ໂມ ປິດ​ທ້າຍ​ກິລາ​ກິນ​ວິ​ບາກ​ສຸດ​ຫັນ​ສາ ອີກ​ທັງ​ມີ​ການ​ສະແດງ​ສິນ​ຄ້າ​ຕ່າງໆນຳ​ອີກ.

203240

203238

203239

203237