towel-thursday-04ກະ​ແສ​ ຫລື​ເທຣນ​ຂອງ “ເຊວ​ຟີ (Selfie)”  ມີ​ໃນ​ລາວມາໄດ້ໄລຍະນຶ່ງແລ້ວ ເຊື່ອ​ວ່າ​ເກືອບ​ທຸກ​ຄົນ​ຄົງ​ຮູ້​ຈັກ​ແລະ ​ລຶ້ງ​ເຄີຍ​ກັບ​ຄຳ​ວ່າ​ເຊນວຟີ (Selfie) ເປັນ​ຢ່າງ​ດີ​ບໍ່​ພຽງ​ແຕ່​ໄວ​ຮຸ່ນ​ແມ່ນແຕ່​ຜູ່ໃຫຍ່​ດຽວ​ນີ້​ກໍ​ນິຍົມ​ຖ່າຍ​ພາບ​ເຊວ​ຟີ (Selfie) ຄືກັນ ຄຳ​ວ່າ ເຊນ​ຟີ (Selfie) ຖືກ​ບັນ​ຍັດຂຶ້ນ​ໃນ Dictionary Oxford ປີ 2013  ມີ​ຄວາມຫມາຍ​ວ່າ A photograph that one has taken of oneself, typically one taken with a smartphone or webcam and uploaded to a social media website ອະທິບາຍ​ເປັນ​ພາສາ​​ງ່າຍໆກໍ​ຄື​ການ​ຖ່າຍ​ພາບ​ຕົວ​ເອງ​ໃນ​ອະ​ລິ​ຍາ​ບົດ​ຕ່າງໆ ແລ້ວ​ແຊລົງ​ Social Network.

 

 

ເທຣນເຊວ​ຟີຫຼ້າ​ສຸດ​ທີ່​ກຳ​ລັງ​ເປັນ​ກະ​ແສ​ແຮງ​ໃນ​ຕ່າງ​ປະເທດ​ຄື “ເຊວ​ຟີ​ຜ້າ​ຂົນ​ໜູ”  ຫລື​ການ​ຖ່າຍ​ຮູບ​ໂຕ​ເອງ​ໃນ​ເວີ​ຊັ່ນ​ນຸ່ງ​ຜ້າ​ຂົນ​ໜູ ຈະມີແຕ່ຜ້າຂົນຫນູປະກອບເຂົ້າຢູ່ໃນສາກ, ງານ​ນີ້​ອາດ​ເຮັດ​ເອົາ​ຄົນ​ເບິ່ງ​ເລືອດ​ກຳ​ເດົາ​ໄຫລ ຫາກ​ພາບ​ນັ້ນ​ແຮງ​ຫລາຍ ໂດຍ​ສ່ວນ​ໃຫຍ່​ກໍ​ຈະ​ຕິດ #towelthursday ກຳ​ກັບ​ຮູບ​ທີ່​ໂພສ ບໍ່​ເຊື່ອລອງ​ໃຊ້​ຄຳ​ນີ້​ຄົ້ນ​ໃນ Google ​ຈະ​ໄດ້​ເຫັນ​ພາບ​ໂຊ​ຂຶ້ນ​ມາ​ຫລວງຫລາຍ ແຕ່​ຂໍ​ບອກວ່າ​ເທຣນ​ນີ້​ອາດ​ເປັນ​ອັນຕະລາຍ​ສຳລັບ​ຄົນ​ຫຸ່ນ​ບໍ່​ດີ ເພາະ​ອາດ​ເປັນ​ການ​ຂ້າ​ຕົວ​ຕາຍ​ແບບ​ບໍ່​ຮູ້​ຕົວ​ໄດ້.

ເຮົາ​ເຫັນ​ເຊນດ໌​ເຊນ​ຟີ​ຮູບ​ແບບ​ໃໝ່​ຫລາຍ​ຂຶ້ນ​ເລື່ອຍ​ ໆ (ແຕ່​ເຮົາ​ວ່າ​ເປັນ​ເຊນດ໌​ທີ່​ແປກ​ຫລາຍກວ່າ ==” )

ການ​ຖ່າຍ​ພາບ​ເຊນ​ຟີ (Selfie) ຫາກ​ຖ່າຍ​ແຕ່​ພໍ​ດີ​ພຽງ​ເພື່ອ​ຄວາມ​ບັນ​ເທີງ ກໍ​ຄົງ​ຈະ​ບໍ່​ມີ​ບັນຫາ​ຫຍັງ ແຕ່​ຖ້າ​ຫາກ​ຖ່າຍ​ຮູບ​ທຸ​ກອະ​ລິຍາ​ບົດ​ແລ້ວ​ໂພສລົງ​ Social ຫວັງ​ຍອດ​ໄລ ​ຫລື​ຫວັງ​ແຕ່​ໃຫ້​ຄົນມາເບິ່ງ​ເຮົາ​ອັນ​ນີ້​ຄົງ​ບໍ່ຄັກແນ່ນອນ ຫາກ​ບໍ່​ມີ​ຄົນ​ມາ​ໄລ ​ຫລື​ມີ​ຄົນ​ມາ​ສະແດງ​ຄວາມ​ເຫັນ​ໃນ​ເຊີງ​ລົບ​ສິ່ງ​ທີ່​ຕາມ​ມາ​ອາດຈະ​ເຮັດໃຫ້​ກາຍ​ເປັນ​ຄົົນທີ່​ບໍ່​ພໍ​ໃຈ​ໃນ​ຮູບ​ຮ່າງ​ໜ້າ​ຕາ​ຂອງ​ຕົນເອງ ຂາດ​ຄວາມ​ພຶງ​ພໍ​ໃຈ​ໃນ​ຊີວິດ ຖ້າ​ໜັກ​ແນ່​ກໍ​ອາດ​ເຖິງ​ຂັ້ນ​ຂ້າ​ຕົວ​ຕາຍ​ແບບ​ທີ່​ມີ​ຂ່າວ​ໃຫ້​ເຫັນ​ກັນ​ແລ້ວ​ກໍ​ມີ. ນອກ​ຈາກ​ນີ້,​ ຄວນ​ຖ່າຍ​ພາບ​ເຊວ​ຟີ (Selfie) ໃຫ້​ຖືກ​ກາລະ​ເທ​ສະ ຖ້າ​ຫາກ​ເຮົາ​ເຊວ​ຟີ (Selfie) ກັບ​ຄົນ​ຄົົນທີ່​ກຳ​ລັງ​ຈົມ​ນ້ຳ​ອັນ​ນີ້​ກໍ​ຄົງ​ບໍ່​ເໝາະ ຍິ່ງ​ໃນ​ປະຈຸບັນ​ສັງ​ຄົມອອນ​ໄລນ໌​ເປັນ​ສື່​ທີ່​ວ່ອງໄວ​ທີ່ສຸດ ຫາກ​ມົວ​ແຕ່​ຈະ​ໂພສ ​ຫລື​ແຊ​ໂດຍ​ບໍ່​ຄິດ​ກໍ​ຄົງ​ຈະ​ເຮັດໃຫ້​ເກີດ​ບັນຫາ​ຕ່າງໆຕາມ​ມາ​ ສະ​ນັ້ນ​ຄິດ​ຈັກຫນ້ອຍ.. ແລ້ວ​ຊີວິດ​ຈະ​ປອດ​ໄພ.

s11

s21

s32