Genre
ມື້ນີ້ Window ຢາກອອກມາເວົ້າເຖິງເລື່ອງແນວເພງທີ່ຄົນລາວຍັງເອີ້ນແບບຜິດໆຢູ່ ແຕ່ທີ່ແນ່ໆຜ່ານມາທຸກຄົນບໍ່ໄດ້ຟັງ Techno ຢ່າງແນ່ນອນແລ້ວມັນແມ່ນຫຍັງ ?
Dutch Bigroom DJ/Producer Window ຈະບອກເລີຍວ່າທີ່ທຸກຄົນໄດ້ຍິນເຫັນ Share ກັນຢູ່ທຸກມື້ນີ້ແມ່ນແນວເພງ Electro House, Bigroom, Trap, Hiphop, Progressive House, HardStyle ແຕ່ຍັງພາກັນເອີ້ນ Techno ຢູ່.

ເອົາແນວນີ້ຖ້າບຸກຄົນໃດໄດ້ໄປວັງວຽງຜ່ານມາຈະໄດ້ຮັບຟັງເຕັມໆເລີຍໂດຍສະເພາະດີເຈຕ່າງປະເທດມາເປີດນັ້ນແມ່ນເປີດແນວເພງ House ນັ້ນຄ້າຍໆກັບແນວເພງ Techno ເລີຍເຕັ້ນໄດ້ບໍ່ບາດນີ້ ? ຍາກເນາະ ແລ້ວບາດນີ້ມາເບິ່ງດີເຈຄົນລາວເປີດເພງຈະເປີດແນວ Electro House, Progressive House, Trap, Hiphop, HardStyle, Future House ສະນັ້ນໃຫ້ລຶບຄຳວ່າ Techno ອອກໄປເລີຍເພາະເພງທີ່ຄົນຈະເຕັ້ນໄດ້ໂຍກໄດ້ແມ່ນ Electro House, Progressive House, Trap, Hiphop, HardStyle, Future House. ແນວເພງທີ່ເດັ່ນໆຟັງໄດ້ເຕັ້ນຟັງສະບາຍກາໄດ້ມີດັ່ງນີ້:

I. Electro House ບໍ່ຖ້າແປດອກເນາະສິວ່າໄຟຊ໋ອດບ້ານກາວ່າໄດ້ ຢາກຮູ້ວ່າເປັນຫຍັງມັນຄືເອີ້ນ Electro House ແນ່ນອນທ່ອນ Drop ຫຼືທ່ອນ HOOK ເຮັດໃຫ້ຄົນໂດດກະຈາຍເລີຍແລ້ວ Electro House ກໍມີຫຼາຍສາຍໃດ໋ Electro House : Dutch Electro, Bigroom, Bounce, Jungle Terror ແລະຍັງມີອີກຫຼາຍໆ. ມາເບິ່ງຕົວຢ່າງເພງກັນດີກວ່າວ່າເພງໃດແມ່ນ Dutch, Bigroom, Bounce, Jungle Terror.

Screen Shot 2016-01-28 at 11.03.58 AM

II. Progressive House ຈະອອກແນວຊຶ້ງແນ່ໜັກແນ່ເບົາແນ່ລະສາມາດໂດດໄດ້ພ້ອມ ຟັງຢູ່ໃສກໍໄດ້ຢູ່ລົດເປີດຟັງຫຼິ້ນສະຖານທີ່ທົ່ວໄປສະບາຍ ຟັງໃນເວລາເຮັດວຽກເບົາໆກາໄດ້ອີກໄປຟັງເບິ່ງຕົວຢ່າງກັນດີກວ່າເນາະວ່າ Progressive House ໜັກເປັນແນວໃດຊຶ້ງເປັນແນວໃດເບົາເປັນແນວໃດ.ເຮົາຈະຮູ້ໄດ້ວ່າ Progressive ເມໂລດີ້ເພງຈະຄ່ອຍໆດັງຂຶ້ນໄປເລື້ອຍໆ.

Screen Shot 2016-01-28 at 10.56.58 AM

III. Trap ແນວໂຍກແນ່ນອນຄົນລາວໂຍກສະໂພກໄປມາບໍ່ຢຸດເມື່ອດີເຈໄດ້ເປີດເພງແນວ Trap ແລະທີ່ແນ່ນອນແນວ Trap ກໍເລີ່ມມາແຮງບໍ່ດ້ອຍກວ່າ Electro House ເລີຍ. ຖ້າຢາກຮູ້ວ່າເພງແນວໃດແມ່ນເພງ Trap ວິທີທີ່ງ່າຍທີ່ສຸດເລີຍ ກໍຄືໃຫ້ຄຶດຫາດົນຕີຈັງຫວະແບບ Harlem Shake ນັ້ນເລີຍເນາະ ເຊິ່ງຈະວ່າເປັນໂຕຈູດໄຟໃຫ້ເພງແນວ Trap ເຂົ້າສູ່ກະແສດົນຕີຂອງໂລກເລີຍກໍວ່າໄດ້.

Screen Shot 2016-01-28 at 10.58.29 AM

IV. HardStyle ເປັນແນວເພງທີ່ໜັກໂຫດສຸດໆກໍວ່າໄດ້ຈັງຫວະຢູ່ທີ່ 140Bpm (ຈັງຫວະໄວສູງ) ໂດດເປັນໂດດເລີຍກໍວ່າໄດ້ ສ່ວນໃຫຍ່ດີເຈລະດັບໂລກມັກເອົາໄວ້ຫຼິ້ນເພງສຸດທ້າຍປິດ Set ເພງຕົນເອງກ່ອນຈົບງານ.

Screen Shot 2016-01-28 at 10.58.11 AM

ເປັນແນວໃດບາດນີ້ຈະຮູ້ໄດ້ເລີຍວ່າເພງທີ່ເຮົາຟັງຜ່ານມາແມ່ນເພງແນວໃດແນ່ນອນເນາະບໍ່ແມ່ນ Techno ຖ້າຢາກຮູ້ວ່າ Techno ມັນເປັນແບບໃດເຂົ້າໄປຊອກຟັງຢູ່ Youtube ລະເອົາມາທຽບກັບແນວເພງທີ່ກ່າວໄວ້ຂ້າງເທິງນັ້ນເລີຍເນາະແຕກຕ່າງຢ່າງຊັດເຈນ ທີ່ເວົ້າແບບນີ້ກໍ່ເພາະຢາກໃຫ້ຄົນລາວທຸກຄົນທີ່ຟັງເພງແບບ EDM (Electro Dance Music) ໃຫ້ພາກັນເອີ້ນ ຫຼື ຮູ້ແນວເພງຢ່າງຖືກຕ້ອງນັ້ນເອງ ແນວເພງຍັງກໍມີອີກຫຼາກຫຼາຍຮູບແບບ ແລະທີ່ແນ່ນອນແຕ່ລະຄົນກາຕ່າງຄົນຕ່າງມັນບໍ່ຄືກັນຢູ່ແລ້ວ ກໍມີແຕ່ເປີດໃຈຮັບຟັງມັນເມື່ອດີເຈໄດ້ນຳສະເໜີໃຫ້.