url

ມື້ນີ້ເອົາຄັດບໍ່ລັບມາແບ່ງປັນໃຫ້ຮູ້ເລັກນ້ອຍ ສຳລັບໃຜທີ່ມັກເບິ່ງ Youtube ຟັງເພງຫ້າມພາດກັບແອັບຯນີ້ TubeMate ໂປຮແກຣມສຳລັບໂຫຼດໄຟລ໌ຈາກ Youtube ສຳລັບມືຖື Android.

ຄຳເຕືອນ: ການດາວໂຫລດໄຟລຈາກ Youtube ນັ້ນຖືວ່າຜິດຕໍ່ລິຂະສິດຜູ່ທີ່ຜະລິດຜົນງານທາງ ແລະ Google ທີ່ເປັນເຈົ້າຂອງ Youtube ກໍເລີຍໄດ້ເອົາແອັບຯ TubeMate ອອກຈາກ PlayStore ເປັນທີ່ຮຽບຮ້ອຍເຮັດໃຫ້ເຮົາບໍ່ສາມາດຕິກຕັ້ງຜ່ານ PlayStore ໄດ້ໂດຍກົງ,  ແຕ່ເຮົາກໍສາມາດໄປຫາໂຫຼດໄຟລ໌.apk ໄດ້ທີ່ http://m.tubemate.net/

ສຳລັບວິທີການຕິດຕັ້ງຫຼາຍຂັ້ນຕອນອາດຈະຄິດວ່າເປັນ ງົງໆ ແຕ່ກໍບໍ່ມີຫຍັງຍາກເນາະ.

ວິທີຕິດຕັ້ງ TubeMate.

1. ໄປຕັ້ງຄ່າຢູ່ເຄື່ອງເຮົາກ່ອນເພາະໄຟລ໌ທີ່ເຮົາຈະຕິດຕັ້ງນັ້ນບໍ່ໄດ້ມາຈາກ PlayStore ຈຳເປັນຕ້ອງໄປເປີດໃຫ້ເຄື່ອງລະບົບມືຖືຂອງເຮົາຍອມຮັບການຕິດຕັ້ງແອັບຯຈາກພາຍນອກໂດຍການເຂົ້າໄປທີ່ Settings > Security > Unknown Sources ຕິກໃຫ້ເປັນເຄື່ອງໝາຍຖືກເພື່ອເປີດ.

tubemate2

2. ໂຫຼດໂປຮແກຣມ TubeMate ຈາກ ໂປ​ຣ​ແກ​ຣມ​ທ່ອງ​ເວັບກ່ອນເລີຍ ຫຼືບາງຄົນອາດຈະໂຫຼດຈາກຄອມແລ້ວເອົາມາໃສ່ໃນເຄື່ອງກໍໄດ້ເນາະໂດຍການເຂົ້າໄປໃນເວັບ http://m.tubemate.net/

tubemate3

3. ຫຼັງຈາກໂຫຼດແລ້ວເຮົາກໍເລີ່ມການຕິດຕັ້ງໂດຍການເຂົ້າໄປທີ່ Apps > Download > tubemate_1.05.46.296.apk ກົດເຂົ້າໄປເລີຍ (ບາງຄົນອາດຈະເຂົ້າໄປທາງ Notification ກໍໄດ້) ກົດ Install ໄປເລີຍ.

tubemate41

4. ຕິດຕັ້ງຮຽບຮ້ອຍກໍລອງເຂົ້າໄປຫຼິ້ນເບິ່ງເລີຍ ໄປທີ່ Apps> TubeMate ເທົ່ານີ້ກໍເປັນອັນຈົບ.

ວິທີນຳໃຊ້  TubeMate.

ຄວາມຈິງບໍ່ແນະນຳຫຍັງຫຼາຍໃນຂັ້ນຕອນນີ້ຄື Youtube ຄົ້ນຫາວິດີໂອທີ່ເຮົາມັກຈາກນັ້ນກົດເຂົ້າໄປເບິ່ງແລ້ວກົດໂຫຼດບ່ອນລູກສອນສີຂຽວ ລໍຖ້າໄປຈັກສອງແປັບຈະມີໜ້າຕ່າງໃຫ້ເຮົາເລືອກວ່າຈະໂຫຼດມາເປັນໄຟລ໌ຫຍັງຄຸນນະພາບໃດ ຫຼັງຈາກໂຫຼດແລ້ວກໍເຂົ້າໄປເບິ່ງໄດ້ໃນ Apps> File Manager > Video (ຖ້າໂຫຼດເປັນ .mp3 ຈະຢູ່ທີ່ Folders mp3 ເດີ້)

tubemate5

ສຸດທ້າຍແລ້ວທາງຜູ່ຂຽນເອງກໍບໍ່ຄ່ອຍສະໜັບສະໜູນປານໃດໃນການດາວໂຫລດເພງຜິດລິຂະສິດຫາກທ່ານມີເງື່ອນໄຂສະດວກກໍຢ່າລືມຊື້ເພງຫລື ຫນັງທີ່ຖືກລິຂະສິດຊ່ວຍຜູ່ຜລິດເພິ່ນແດ່ເດີ້….
ຂໍໃຫ້ທ່ານເພີດເພີນໄປກັບ TubeMate