C360_2015-08-04-13-17-49-531

​ຍິນ​ດີ​ຕ້ອນ​ຮັບ​ສູ່​ຄຳ​ຖາມ​ທີ່​ເປັນ​ຂໍ້​ສົງ​ໄສ, ສັບ​ສົນ, ເຂົ້າ​ໃຈ​ຜິດ, ຢ້ານ​ ແລະ ຄຳ​ຖາມ​ອຳ​ມະ​ຕະ​ໃນ​ປັດ​ຈຸ​ບັນທີ່​ວ່າ: Windows 10 ໃຫ້​ອັບ​ເກ​ຣດ​ຟ​ຣີ​ໃນ 1 ປີ ແລ້ວຫຼັງ​ຈາກ 1 ປີ​ແລ້ວ​ມັນ​ຈະ​ເປັນ​ແນວ​ໃດ? ສຳ​ລັບ​ຜູ່​ທີ່ຮູ້​ຄຳ​ຕອບ ແລະ ​ຖ​ືກ​ຖາມ​ເປັນ​ປະ​ຈຳ ແນ່ນອນ​ມັນ​ຊ່າງ​ເປັນ​ເລື່ອງ​ທີ່​ໜ້າ​ລຳ​ຄານ ແຕ່​ຜູ່​ທີ່​ບໍ່​ຮູ້​ນັ້ນ​ມັນ​ກໍ​ບໍ່​ແມ່ນ​ຄວາມ​ຜິດ​ຂອງ​ເຂົາ​ເຈົ້າ ເພາະ​ຕ້ອງ​ໂທດ Microsoft ທີ່​ໃຊ້​ຄຳ​ເວົ້າ​ທີ່​ບໍ່​ຈະ​ແຈ້​ງ​ຕັ້ງ​ແຕ່​ຕົ້ນ ສະ​ນັ້ນ​ບົດ​ຄວາມ​ນີ້​ຈະ​ມາ​ຊີ້​ແຈ້ງ​ປົມ​ດ້ອຍນ​ີ້​ໃຫ້​ໝົດ​ໄປ​ຈາກ​ປະ​ຊາ​ເນັດ!

​Windows 10 ນັ້ນ​​ໃຫ້​ອັບ​ເກ​ຣດ​ຟ​ຣີພາຍ​ໃນ 1 ປີ​ທຳ​ອິດ ແລະ ຈະ​ສາ​ມາດ​ໃຊ້​ໄດ້​ຟ​ຣີ​ຕະຫຼອດ​ໄປ, ບໍ່​ມີ​ຄ່າ​ເຊົ້າ ຫຼື ລາຍ​ຈ່າຍ​ເພີ່ມ​ເຕີມ​ໃດໆ

ບໍ່​ວ່າ​ເຖື່ອນ ຫຼື ແທ້ກໍ​ສາ​ມາດ​ອັບ​ເກ​ຣດໄດ້

ເລື່ອງ​ຂອງ​ເລື່ອງ​ເກີດ​ຈາກ​ຂ່າ​ວ​ລື ແລະ ຄວາມ​ເຊື່ອ​ທີ່​ເກີດ​ຈາກ​ການ​ໃຊ້​ຄຳ​ເວົ້າ​ທີ່​ບໍ່​ຊັດ​ເຈນຂອງ Microsoft ເອງ ທີ່​ວ່າ Windows 10 ນັ້ນ​ຫຼັງ​ຈາກ​ຟ​ຣີ 1 ປີ ຈະ​ມີ​ໂມ​ເດວ​ເກັບ​ເງິນ​ຄ່າ​ນ້ຳ​ໃຊ້ລາ​ຍ​ປີ ແລະ ອື່ນໆ​ຕ່າງໆ​ນາໆ ເລື່ອງ​ນີ້​ຖື​ວ່າ​ເປັນ​ຄວາມ​ເຊື່ອ​ທີ່​ຜິດ ເພາະ​ Microsoft ອອກ​ມາ​ບອກ​ຢ່າງ​ເປັນ​ທາງ​ການ​ແລ້ວ​ວ່າ Windows 10 ນັ້ນ​​ໃຫ້​ອັບ​ເກ​ຣດ​ຟ​ຣີພາຍ​ໃນ 1 ປີ​ທຳ​ອິດ ແລະ ຈະ​ສາ​ມາດ​ໃຊ້​ໄດ້​ຟ​ຣີ​ຕະຫຼອດ​ໄປ, ບໍ່​ມີ​ຄ່າ​ເຊົ່າ ຫຼື ລາຍ​ຈ່າຍ​ເພີ່ມ​ເຕີມ​ໃດໆ ບໍ່​ວ່າ​ທ່ານ​ຈະ​ໃຊ້ Windows ແທ້ ຫຼື ເຖື່ອນ​ຢູ່ ທ່ານ​ກໍ​ສາ​ມາດ​ອັບ​ເກ​ຣດ​ເປັນ Windows 10 ຂອງ​ແທ້​ໄດ້ ແຕ່​ຖ້າ​ໃຜ​ບໍ່​ທັນ​ອັບ​ເກ​ຣດ​ພາຍ​ໃນ 1 ປີ​ນີ້ ແມ່ນ​ຈະ​ໄດ້​ຊື້​ເອົາ​ໃນ​ອະ​ນາ​ຄົດ.

ບໍ່​ຕ້ອງ​ຕົກ​ໃຈ​ຫາກ​ທ່ານ​ໃຊ້ Windows ປອມ ແລ້ວ​ເຫັນ​ແຈ້ງ​ໃຫ້​ອັບ​ເກ​ຣດ​ໄດ້​ຟ​ຣີ. ຖ້າ​ທ່ານ​ຕ້ອງ​ການ​ທ່ານ​ກໍ​ສາ​ມາດ​ອັບ​ເກ​ຣດ​ໄດ້​!
ບໍ່​ຕ້ອງ​ຕົກ​ໃຈ​ຫາກ​ທ່ານ​ໃຊ້ Windows ປອມ ແລ້ວ​ເຫັນ​ແຈ້ງ​ໃຫ້​ອັບ​ເກ​ຣດ​ໄດ້​ຟ​ຣີ. ຖ້າ​ທ່ານ​ຕ້ອງ​ການ​ທ່ານ​ກໍ​ສາ​ມາດ​ອັບ​ເກ​ຣດ​ໄດ້​!

ເບິ່ງ Windows ເປັນ​ການ​ບໍ​ລິ​ການ

ທັງ​ນັ້ນ​ທັງ​ນີ້ ກໍ​ຍ້ອນ Microsoft ເບິ່ງ Windows 10 ເປັນ​ບໍ​ລິ​ການ ຫຼາຍກວ່າ​ຜະ​ລິດ​ຕະ​ພັນ ເວົ້າ​ງ່າຍໆ​ຄື Microsoft ຢາກ​ລອງ​ເຈາະ​ຕະຫຼາດຫາ​ເງິນແບບ​ດຽວ​ກັບ​ທີ່ Android ເຮັດ​ຢູ່​ໃນ​ປັດ​ຈຸ​ບັນ ແລະ ຕ້ອງ​ການ​ແກ້​ໂຕ​ຈາກ​ຄວາມ​ຜິດ​ພາດ​ທີ່​ຜູ່​ໃຊ້ Windows 8 ຕ່າງ​ກໍ​ບໍ່​ພໍ​ໃຈ​ກັບ Windows 8 ແລະ ຢາກ​ຊຸກ​ຍູ້​ໃຫ້ຜູ່​ທີ່​ໃຊ້ Windows 7 ນັ້ນ​ຍ້າຍ​ມາ​ໃຊ້ Windows 10 (ຂະ​ໜາດ​ຍັງ​ແຈກ OSX ໃຫ້​ອັບ​ເກ​ຣດຟ​ຣີ​ຄື​ກັນ).

Win upgrade license

ສຳ​ລັບ​ທ່ານ​ໃດ​ຫາກ​ມີ​ຄຳ​ຖາມ​ເພີ່ມ​ເຕີມ​ກ່ຽວ​ກັບ Windows 10 ສາ​ມາດ​ຖາມ​ເຂົ້າ​ມາ​ໄດ້​ເລີຍ.
ອັບ​ເກ​ຣດ Windows 10 ໄດ້​ແລ້ວ​ມື້​ນີ້