ygicguສະຫລຸບ 10 ອັນ​ດັບ​ໜັງສ້າງ​ເງິນ​ສູງ​ສຸດ​ໃນ​ປີ 2014 ໂດຍ​ວັດ​ຈາກ​ລາຍ​ໄດ້​ຮວມ​ທົ່ວ​ໂລກ.

ໃນ​ຮອບ​ປີ 2014 ທີ່​ຫາກໍ່​ຜ່ານ​ພົ້ນ​ໄປ ມີ​ໜັງ​ຫລາຍ​ເລື່ອງ​ທີ່​ແຈ້ງ​ເກີດ ​ແລະ​ແຈ້ງ​ດັບ​ເທິງ Box Office ຈົນ​ເຮົາ​ນັບ​ຈຳນວນ​ບໍ່​ຖືກ ແລະ​ເປັນ​ເລື່ອງ​ທຳມະດາ​ທີ່​ຜູ່ຊະນະ​ຕ້ອງ​ຖືກ​ເວົ້າ​ເຖິງ​ຫລາຍກວ່າ​ຜູ່ແພ້​ຢູ່​ແລ້ວ. ດັ່ງ​ນັ້ນ, ​ເວັບ​ໄຊ Cinemablend ຈຶ່ງ​ສະຫລຸບ 10 ອັນ​ດັບ​ໜັງ​ສ້າງ​ເງິນ​ສູງ​ສຸດ​ປະຈຳ​ປີ 2014 ໂດຍ​ໃຊ້​ລາຍ​ໄດ້​ຮວມ​ຈາກ​ທົ່ວ​ໂລກ​ເປັນ​ຕົວ​ຕັ້ງ. ດັ່ງ​ນັ້ນ, ​ເຖິງແມ່ນ​ບາງ​ເລື່ອງ​ຈະສ້າງ​ເງິນ​ໄດ້​ບໍ່​ດີ​ໃນ​ບ້ານເກີດ ແຕ່​ຜົນ​ຕອບ​ຮັບ​…

ຈາກ​ຜູ່​ຊົມ​ທົ່ວ​ໂລກ​ກັບ​ເຮັດໃຫ້​ໜັງ​ເລື່ອງ​ນັ້ນໆບຽດ​ແຊງ​ຄູ່​ແຂ່ງ​ໄດ້​ສະບາຍໆໄປ​ເບິ່ງ​ກັນ​ເລີຍ​ແລ້ວ​ກັນ​ວ່າ​ແຕ່​ລະ​ອັນ​ດັບ​ຈະ​ກົງ​ໃຈ​ຂອງ​ທ່ານ ​ຫລື​ບໍ່

  1. Transformers : Age of Extinction

nfukdty_1

ເຮັດ​ເງິນ​ໃນ​ສະ​ຫາລັດ​ອະ​ເມ​ລິ​ກາ 245 ລ້ານ​ໂດ​ລາ
ສ້າງ​ເງິນ​ທົ່ວ​ໂລກ 1 ພັນ​ລ້ານ​​ໂດ​ລາ
ທຶນ​ສ້າງ 210 ລ້ານ​​ໂດ​ລາ
ນີ້​ຄື​ໜັງ​ພຽງ​ເລື່ອງ​ດຽວ​ໃນ​ປີ 2014 ທີ່​ສ້າງ​ເງິ​ນ​ທະ​ລຸ 800 ລ້ານ​​ໂດ​ລາ ແຖມຍັງ​ພຸ່ງ​ທະ​ຍານ​ສູ່​ຕົວ​ເລກ 1 ພັນ​ລ້ານ​ຫຼຽນ​ໂດ​ລາ​ໄດ້​ສະບາຍໆ ໂດຍ​ລາຍ​ໄດ້​ກວ່າ 77 ເປີ​ເຊັນ​ມາ​ຈາກ​ຜູ້​ຊົມນອກ​ສະ​ຫາ​ລັດ​ອາ​ເມ​ລິ​ກາ ແຕ່​ໃນ​ທາງ​ກັບ​ກັນ​ໜັງ​ພາກ​ນີ້​ສ້າງ​ເງິ​ນ​ໄດ້​ໜ້າ​ຜິດ​ຫວັງ​ໃນ​ບ້ານເກີດ​ເມື່ອ​ທຽບ​ກັບ​ພາກ​ກ່ອນ​ນີ້.

  1. Guardians of the Galaxy

nfukdty2

ສ້າງ​ເງິ​ນ​ໃນ​ສະ​ຫາລັດ​ອະ​ເມ​ລິ​ກາ 332 ລ້ານ​​ໂດ​ລາ

ສ້າງ​ເງິ​ນ​ທົ່ວ​ໂລກ 772 ລ້ານ​ໂດ​ລາ

ທຶນ​ສ້າງ 170 ລ້ານ​​ໂດ​ລາ

ເຖິງແມ່ນ​ຈະ​ບໍ່ແມ່ນ​ໜັງ​​ທີ່​ຜູ່​ຊົມ​ທົ່ວ​ໄປ​ຮູ້​ຈັກ​ມາ​ກ່ອນແຕ່ Guardians of the Galaxy ກໍ​ກາຍ​ເປັນ​ມ້າ​ມືດ​ທີ່​ຊຸ່ມ​ສ້າງ​ເງິ​ນ​ເປັນ​ອັນ​ດັບ 2 ໃນ​ປີ​ທີ່​ຜ່ານມາ ໂດຍ​ຄວາມ​ສຳ​ເລັດ​ເລີ່ມ​ສາຍ​ແວວ​ຕັ້ງ​ແຕ່​ການ​ເປີດ​ຕົວ​ໃນ​ອະ​ເໝ​ລິ​ກາ​ເມື່ອ​ເດືອນ​ສິງ​ຫາກ​ມ 2014 ທີ່​ເຮັດ​ໄດ້​ດີ​ເກີນ​ຄາດ ແລະ​ເມື່ອ​ເຂົ້າ​ສາຍ​ສູ່​ສາຍ​ຕາ​ຊາວ​ໂລກ​ກໍ​ໄດ້​ຜົນ​ຕອບ​ຮັບ​ທີ່​ໜ້າ​ຊື່ນ​ໃຈ​ເຊັ່ນ​ກັນ.

  1. Maleficent

nfukdty3.3

ສ້າງ​ເງິນ​ໃນ​ສະ​ຫາລັດ​ອະ​ເມ​ລິ​ກາ 241 ລ້ານ​ໂດ​ລາ

ສ້າງ​ເງິນ​ທົ່ວ​ໂລກ 757 ລ້ານ​ໂດ​ລາ

ທຶນ​ສ້າງ 180 ລ້ານ​​ໂດ​ລາ

 

ເປັນ​ເລື່ອງ​ໜ້າ​ເສຍ​ດາຍ​ທີ່ ແອງ​ເຈ​ລິ​ນາ ໂຈ​ລີ (Angelina jolie) ຕ້ອງ​ການ​ຫັນ​ຫລັງ​ໃຫ້​ການ​ສະແດງ​ແລະ​ໂຟ​ກັດ​ໄປ​ທີ່​ການ​ກຳ​ກັບ​ຫລາຍກວ່າ ເພາະ​​ໂຕ​ເລກ​ຈາກ​ຜົນ​ງານຫຼ້າ​ສຸດ​ຢ່າງ Maleficent ເປັນ​ເຄື່ອງ​ຢືນຢັນ​ຊັດເຈນ​ວ່າ ການ​ຮັບ​ບົດ​ແມ່​ມົດ​ໃຈ​ຮ້າຍ​ຂອງ​ນາງ​ສ້າງ​ຜົນ​ຕອບ​ຮັບ​ ແລະ​ລາຍ​ໄດ້​ດີ​ຂະໜາດ​ໃດ ເຊື່ອ​ວ່າ​ແຟນ​ໜັງ (ແລະ​ບັນດາ​ນາຍ​ທຶນ) ຄົງ​ນ້ຳ​ຕາ​ຕົກ​ຫາກ​ນາງ​ຫັນ​ຫລັງ​ໃຫ້​ງານ​ເບື້ອງ​ໜ້າ​ແທ້ໆ.

  1. X-Men : Days of Future Past

nfukdty4

ສ້າງ​ເງິນ​ໃນ​ສະ​ຫາລັດ​ອະ​ເມ​ລິ​ກາ 233 ລ້ານ​ໂດ​ລາ

ສ້າງ​ເງິນ​ທົ່ວ​ໂລກ 746 ລ້ານ​​ໂດ​ລາ

ທຶນ​ສ້າງ 200 ລ້ານ​​ໂດ​ລາ

ບໍ່​ເສຍ​ແຮງ​ທີ່ 20th Century Fox ລົງ​ທຶນ​ນຳ​ນັກ​ສະແດງ​ຊຸດ​ເດີມ​ຈາກ X-Men: First Class ມາ​ປາກົດ​ຕົວ​ແບບ​ຄົບ​ທີມ ໂດຍ​ຜົນ​ລັບ​ທີ່​ໄດ້​ຄື​ລາຍ​ຮັບ​ຈາກ​ທົ່ວ​ໂລກ​ຈຳນວນ​ມະຫາ​ສານ​ກວ່າ 746 ລ້ານ​ໂດ​ລາ. ແຕ່​ຢ່າງໃດກໍ​ຕາມ ​ນີ້​ບໍ່ແມ່ນ​ໜັງ X-Men ທີ່​ປະ​ສົບ​ຄວາມ​ສຳ​ເລັດ​ທີ່ສຸດ​ໃນ​ສະ​ຫາລັດ​ອະ​ເມ​ລິ​ກາ ເພາະ​ຍັງ​ເປັນ​ຮອງ X-Men: The Last Stand ທີ່​ຜູ່​ຊົມ​ຊາວ​ມະ​ກັນ​ໃຫ້​ການ​ສະໜັບສະໜູນ​ດີກວ່າ​ນີ້.

  1. Captain America : The Winter Soldier

nfukdty5

ສ້າງ​ເງິນໃນ​ສະ​ຫາລັດ​ອະ​ເມ​ລິ​ກາ 259 ລ້ານ​​ໂດ​ລາ

ສ້າງ​ເງິນ​ທົ່ວ​ໂລກ 714 ລ້ານ​ໂດ​ລາ

ທຶນ​ສ້າງ 170 ລ້ານໂດ​ລາ

 

ສົມ​ເປັນ​ຜົນ​ງານ​ຂອງ​ Narvel ​ແທ້ໆສຳລັບ Captain America: The Winter Soldier ທີ່​ຄອງ​ແຊັມ​ສ້າງ​ເງິນ​ສູງ​ສຸດ​ຂອງສະ​ຫາລັດ​ອະ​ເມ​ລິ​ກາ​ໃນ​ຊ່ວງ​​ເຄິ່ງປີ​ທຳ​ອິດ ກ່ອນ​ເສຍ​ແຊັມ​ໃຫ້​ເພື່ອນ​ຮ່ວມ​ຄ້າຍ​ຢ່າງ Guardians of the Galaxy ແບບ​ສົມ​ສັກ​​ສີ. ຍິ່ງ​ໄປ​ກວ່າ​ນັ້ນ​ຜົນ​ງານ​​​ນີ້​ຂອງ​ຜູ່​ກຳ​ກັບ ແອນ​ໂທ​ນີ ຣັດ​ໂຊ (Anthony Russo) ຍັງ​ໄດ້ຮັບ​ຄຳ​ຊົມ​ຢ່າງ​ລົ້ນ​ຫລາມ​ຈາກ​ນັກ​ວິ​ຈານ​ແລະ​ ຜູ່​ຊົມ​ອີກ​ເປັນ​ກະ​ບຸງ ແບບ​ນີ້​ແຫລະ​ທີ່​​ເອີ້ນວ່າ​ປະ​ສົບ​ຄວາມ​ສຳ​ເລັດ​ຂອງ​​ແທ້.

  1. The Amazing Spider-Man 2

nfukdty6

ສ້າງ​ເງິນ​ໃນ​ສະ​ຫາລັດ​ອະ​ເມ​ລິ​ກາ 202 ລ້ານ​ໂດ​ລາ

ສ້າງ​ເງິນ​ທົ່ວ​ໂລກ 708 ລ້ານ​ໂດ​ລາ

ທຶນ​ສ້າງ 255 ລ້ານ​​ໂດ​ລາ

 

ຜູ່ກຳ​ກັບ ມາກ ເວັບ (Marc Webb) ສົ່ງ​ໜັງ​ເລື່ອງ The Amazing Spider-Man 2 ສ້າງ​ເງິນ​ທົ່ວ​ໂລກ 708 ລ້ານ​​ໂດ​ລາ ແຕ່​ຢ່າງໃດ​ກໍ​ຕາມ​ໜັງ​ພາກ​ນີ້​ກັບສ້າງ​ເງິນໄດ້​ຕ່ຳ​ທີ່ສຸດ​ໃນ​ໜັງ​ຊຸດ Spider-Man ນັບ​ຕັ້ງ​ແຕ່​ເວີ​ຊັ່ນ​ຂອງ​ຜູ່​ກຳ​ກັບ ແຊມ ໄຣ​ມີ (Sam Raimi) ເພາະ​ສະ​ນັ້ນ​ການ​ຄອງ​ອັນ​ດັບ 6 ອາດ​ຕາມ​ມາ​ດ້ວຍ​ໂຈດ​ວ່າ ຕ້ອງ​ເຮັດ​ຢ່າງໃດ​ໜັງ​ພາກ​ຕໍ່ໄປ​ຈຶ່ງ​ຈະສ້າງ​ເງິ​ນໄດ້​ດີກວ່າ​ເດີມ.

  1. Dawn of the Planet of the Apes

nfukdty7

ສ້າງ​ເງິນ​​ໃນ​ສະ​ຫາລັດ​ອະ​ເມ​ລິ​ກາ 208 ລ້ານ​​ໂດ​ລາ

ສ້າງ​ເງິນ​ທົ່ວ​ໂລກ 708 ລ້ານ​ໂດ​ລາ

ທຶນ​ສ້າງ 170 ລ້ານ​ໂດ​ລາ

 

ເປັນ​ທຳມະດາ​ທີ່​ໜັງ​ຣີບູດ​ຕ້ອງ​ເຮັດໄດ້​ດີກວ່າ​ຂອງ​ເດີມ​ຢູ່​ແລ້ວ ​ເຊິ່ງ​ໃນ​ກໍລະນີ​ຂອງ Dawn of the Planet of the Apes ຂອງ​ຜູ່​ກຳ​ກັບ ແມັດ ລີ​ບ (Matt Reeves) ຈັດ​ເປັນ​ໜັງ​ອີກ​ເລື່ອງ​ທີ່​ເຮັດ​ລາຍ​ໄດ້​ແຊງ​ໜ້າ​ຂອງ​ເກົ່າ​ທັງ​ໃນ ​ແລະ​ນອກ​ປະເທດ ໂດຍ​ເຮັດ​ລາຍ​ໄດ້​ໃນ​ສະ​ຫາລັດ​ອະ​ເມ​ລິ​ກາ​ຫລາຍກວ່າ​ເວີ​ຊັ່ນ​ເດີມ 31 ລ້ານ​ໂດ​ລາ ແລະ​ລາຍ​ໄດ້​ທົ່ວ​ໂລກ​ເພີ່ມ​ຂຶ້ນ 226 ລ້ານ​ໂດ​ລາ ​ເຊິ່ງ​ຕອນ​ນີ້​ຫລາຍ​ຝ່າຍ​ກຳ​ລັງ​ລຸ້ນ​ໃຫ້​ພາກ​ຕໍ່​ຕາມ​ມາ​ໃນ​ໄວ​ມື້.

  1. The Hunger Games : Mockingjay Part 1

nfukdty8

ສ້າງ​ເງິນ​ໃນ​ສະ​ຫາລັດ​ອະ​ເມ​ລິ​ກາ 308 ລ້ານ​ໂດ​ລາ

ສ້າງ​ເງິນ​ທົ່ວ​ໂລກ 671 ລ້ານ​ໂດ​ລາ

ທຶນ​ສ້າງ 125 ລ້ານ​​ໂດ​ລາ

 

ເປັນ​ໄປ​ຕາມ​ຄາດ​ວ່າ Mockingjay Part 1 ຈະສ້າງ​ເງິນໄດ້​ດີ​ທັງ​ໃນ​ ແລະ​ນອກ​ບ້ານ ໂດຍ​ຄອງ​ອັນ​ດັບ 2 ໜັງ​ທີ່​ເຮັດ​ລາຍ​ໄດ້​ສູງ​ສຸດ​ໃນ​ສະ​ຫາລັດ​ອະ​ເມ​ລິ​ກາ ປະຈຳ​ປີ 2014 ດ້ວຍ​ເຊັ່ນ​ກັນ ​ເຊິ່ງ​ອັນ​ທີ່​ຈິງ​ການ​ຕໍ່ສູ້​ເທິງ Box Office ຍັງ​ບໍ່​ຈົບ​ລົງ​ຢ່າງ​ສົມບູນ ເພາະ​ກາງ​ເດືອນ​ກຸມພາ 2015  ໜັງ​ເລື່ອງ​ນີ້​ຈະ​ເຂົ້າ​ສາຍ​ໃນ​ປະເທດ​ຈີນ ອັນ​ເປັນ​ຕະ​ຫລາດ​ໃຫຍ່​ທີ່​ຜູ່​ສ້າງ​ຊາວ​ຕະເວັນ​ຕົກ​ຄາດ​ຫວັງ​ພໍ​ສົມຄວນ.

  1. Interstellar

nfukdty9

ສ້າງ​ເງິ​ນ​ໃນ​ສະ​ຫາລັດ​ອະ​ເມລິ​ກາ 178 ລ້ານ​ໂດ​ລາ

ສ້າງ​ເງິນ​ທົ່ວ​ໂລກ 648 ລ້ານ​​ໂດ​ລາ

ທຶນ​ສ້າງ 165 ລ້ານ​ໂດ​ລາ

 

ຂຶ້ນ​ຊື່​ວ່າ​ເປັນ​ຜົນ​ງານ​ຂອງ​ຜູ່​ກຳ​ກັບ ຄຣິສ​ໂຕ​ເຟີ ໂນ​ແລນ (Christopher Nolan) ກໍ​ບໍ່​ຕ້ອງ​ແປກ​ໃຈ​ວ່າ​ເປັນຫຍັງ Interstellar ຈຶ່ງ​ໄຕ່​ມາ​ຢູ່​ອັນ​ດັບ 9 ແບບ​ຊິວໆ​ເອີ້ນ​​ໄດ້​ວ່າ​ເປັນ​ກະ​ແສ​ທີ່​ມາ​ແຮງ​ຕັ້ງ​ແຕ່​ໜັງ​ຍັງ​ບໍ່​ເຂົ້າ​ສາຍ ​ເຊິ່ງ​ຊ່ວຍ​ໄດ້​ຫລາຍ​ຕໍ່​ການ​ໂປ​ໂຫມດ​ໃຫ້​ຄົນ​ແຫ່​ຄິວ​ຊື້​ບັດ​ ​ທັງ​ໃນ​ລະບົບ​ປົກກະຕິ​ແລະ IMAX ທີ່​ທີມ​ງານ​ຕັ້ງ​ໃຈ​ນຳ​ສະເໜີ​ເປັນ​ພິເສດ.

  1. How to Train Your Dragon 2

nfukdty10

ສ້າງ​​ເງິນ​ໃນ​ສະ​ຫາລັດ​ອະ​ເມ​ລິ​ກາ 177 ລ້ານ​ໂດ​ລາ

ສ້າງ​ເງິນ​ທົ່ວ​ໂລກ 618 ລ້ານ​ໂດ​ລາ

ທຶນ​ສ້າງ 145 ລ້ານໂດ​ລາ

 

ວ່າ​ກັນ​ວ່າ​ປີ 2014 ເປັນ​ປີ​ທີ່​ວົງ​ການ​​ເອ​ນິ​ເມ​ຊັ່ນ​ຊົບ​ເຊົາ​ເຫລືອ​ເກີນ ແຕ່​ຜົນ​ງານ​ທີ່​ພໍ​ຈະ​ກູ້​ໜ້າ​ໄດ້​ນຳ​ເຫັນ ຈະ​ເປັນ How to Train Your Dragon 2 ທີ່​ຕຶງ​ໃຈ​ຜູ່​ຊົມ​ບໍ່​ພ່າຍແພ້​ພາກນຶ່ງ ໂດຍ​ບົດ​ສະຫລຸບ​ຂອງ​ໜັງ​ເລື່ອງ​ນີ້​ຄື ສ້າງ​ເງິນ​ໃນ​ອະ​ເມ​ລິ​ກາ​ຕ່ຳ​ກວ່າ​ພາກນຶ່ງ 40 ລ້ານ​ໂດ​ລາ ແຕ່​ສ້າງເງິນ​ທົ່ວ​ໂລກ​ເພີ່ມ​ຂຶ້ນ​ອີກ 124 ລ້ານໂດ​ລາ

 

ຖື​ວ່າ 10 ອັນ​ດັບ​ໜັງສ້າງ​ເງິນ​ສູງ​ສຸດ​ໃນ​ປີ​ທີ່​ຜ່ານມາ​ບໍ່​ຜິດ​ຄາດ ​ເທົ່າໃດ ເພາະ​ເຊື່ອ​ວ່າ​ຫລາຍ​ຄົນ​ໜ້າ​ຈະ​ເບິ່ງ​ໜັງ​ຕາມ​ລາຍ​ຊື່​ດ້ານ​ເທິງ​ມາ​ແລ້ວ​ເກີນ​ເຄິ່ງ ຄັ້ງນີ້​ເຮົາ​ມາ​ລຸ້ນ​ກັນ ​ວ່າ​ປີ 2015 ຈະ​ເຖິງ​ເວລາ​ຂອງ​ໃຜ​ທີ່​ຈະ​ຄວ້າ​ແຊັມ.