197273​ເວັບ​ໄຊ Mirror.co.uk ເປີດ​ເຜີຍ​ເລື່ອງ​ລາວ​ຊີວິດ​ຂອງ​ “ແມ໋ງ​ໂກ້” ນ້ອງ​ແມວ​ລາຍ​ຂົນ​ຟູ​ເພດ​ຜູ້ ​ເຊິ່ງ​ໃຊ້​ຊີວິດ​ຢູ່ໃນ​ຊູ​ບເປີ​ມາ​ເກັດ​ເທສ​ໂກ້​ມາ​ເຖິງ 4 ປີ ຈົນ​ກາຍ​ເປັນ​ຂວັນ​ໃຈ​ຂອງ​ທັງ​ພະ​ນັກ​ງານ ​ແລະ​ລູກ​ຄ້າ ​ໃຜໆ​ຕ່າງ​ກໍ​ຮັກ ​ຈົນ​ກາຍ​ເປັນ​ເຊ​ເລບ​​ແມວ​ເທິງ​ໂລກ​ໄຊ​ເບີ​ໄປ​ແລ້ວ.

 

 

ຖ້າ​ປຽບ​ກັບ​ຄົນ​ນີ້​ກໍ​ຄົງ​ເປັນ​ຊູບ​ເປີ​ສະ​ຕາ ເພາະ​ ແມ໋ງ​ໂກ້ ​ເປັນ​ທີ່​ນິຍົມ​ ​ຫລາຍ​ເຖິງ​ຂະໜາດ​ມີ​ຄົນ​ຕັ້ງ​ Facebook Fan Page ​ຊື່ “Tiverton Tesco Cat” ໃຫ້ ​ເຊິ່ງ​ຮູບ​ທີ່​ລົງ​ໃນ​ນັ້ນ​ກໍ​ຈະ​ເປັນ​ຮູບ​ທີ່​ມັນ​ນອນ​ຂົດ​ຕົວ​ຕາ​ມສະຕ໋ອດກຖ່ານ​ບາ​ບີ​ຄິວ ຫລື​ກ່ອງ​ລັງ​ຕ່າງໆ ບາງ​ເທື່ອ​ກໍ​ຫລິ້ນ​ກັບ​ນ້ອຍໆ ​ແລະ ອື່ນໆອີກ​ຫຼາຍໆຢ່າງ.

ແອດ​ມິນ​ຜູ່​ເບິ່ງແຍງ​ເພສ​ໂພສ​ວ່າ “ລູກ​ຂ້ອຍ​ຮັກ​ແມວ​​ໂຕ​ນີ້​ຫລາຍ ຜົວ​ຂ້ອຍ​ເລີຍ​ບອກວ່າ ​ເຮົາມາ​ຕັ້ງ Facebook Fan Page ໃຫ້​ມັນ​ເລີຍ​ດີກວ່າ ຂ້ອຍ​ກໍ​ເຫັນດີ​ນຳ​ ເພາະ​ຈະ​ໄດ້​ສ້າງ​ຮອຍ​ຍິ້ມ​ໃຫ້​ກັບ​ຜູ່​ຄົນ ຂໍ​ຂອບໃຈ​ທຸກ​ແຮງ​ສະໜັບສະໜູນ​ທີ່​ມີ​ໃຫ້​​ແມວ​ໂຕ​ນີ້”.

ແຕ່​ຮູ້ຫຼືບໍ່ ຄວາມ​ຈິງ​ແລ້ວແມ໋ງ​ໂກ້​ມີ​ທັງ​ເຮືອນ​ທັງ​ເຈົ້າ​ຂອງ​ຢູ່​ແລ້ວ ​ເຊິ່ງ​ຕອນ​ທຳ​ອິດ​ກໍ​ເລີ່ມ​ຕົ້ນ​ຈາກ​ການ​ເປັນ​ພຽງລູກ​ຄ້າ​ປະຈຳ ຄື​ມັກ​ມາ​ທ່ຽວ​ຊຸບ​ເປີ​ມ​າເກັດ​ເລື້ອຍໆ ແຕ່​ຕອນ​ຫລັງ​ບໍ່​ຮູ້​ວ່າ​ເປັນ​ຫຍັງ ແມ໋ງ​ໂກ້​ເຖິງ​ບໍ່​ຍອມ​ກັບ​ເຮືອນ​ອີກ​ເລີຍ ແຕ່​ຍ້າຍ​ມາ​ກິນ​ນອນ​ບ່ອນນີ້​ແທນ ໂດຍ​ໃຊ້​ພື້ນ​ທີ່​ໜ້າ​ຮ້ານ​ເປັນ​ເຮືອນ​ຫລັງ​ໃໝ່ ແລ້ວ​ບໍ່​ເຄີຍ​​ໄປ​ໃສ​ໄກ​ກວ່າ​ນີ້​ເລີຍ.

ແຕ່​ລະ​ມື້ ແມ໋ງ​ໂກ້​ມັກ​ຈະ​ໝົດ​ເວລາ​ໄປ​ກັບ​ການ​ນອນ​​ໂກນ ແຕ່​ບາງ​​ເທື່ອ​ກໍ​ລຸກ​ຂຶ້ນ​ມາ​ຍ່າງ​ຫລິ້ນ ຍືດ​ເສັ້ນ​ຍືດ​ສາຍ​ນຳ ຫລື​ບໍ່​ກໍ​ປ່ຽນ​ບັນ​ຍາ​ກາດ​ໄປ​ນອນ​ຫລິ້ນ​ຕາມ​ສະຕ໋ອກ​ສິນ​ຄ້າ​ນຳ ຫລື​ບາງ​ເທື່ອ​ກໍ​ນອນ​ຂົດ​ໂຕ​ເປັນ​ໜອນ​ເທິງ​ພົມ​ບ່ອນທາງ​ເຂົ້າ.

ແຕ່​ທີ່​ສຳຄັນ​ຄື ມັນ​ມັກ​ຖ່າຍ​ຮູບ​ກັບ​ລູກ​ຄ້າ​ຫລາຍ ກໍ​ເປັນ​ແມວ​ໜຸ່ມ​ຮັອດ​​ຂະໜາດ​ນີ້ ກໍ​ມີ​ຄົນ​ມາ​ຂໍ​ຖ່າຍຮູບ​ນຳ​ຕະຫຼອດ!

197270

197271

197276

 

197275

 

197274

 

197273

 

197272