main115 ຫນັງພາກຕໍ່ທີ່ຫນ້າຕິດຕາມໃນປີ 2014

ຫນັງພາກຕໍ່ມີຈຸດດີບ່ອນຈະເປັນຫນັງທີ່ຫາລາຍໄດ້ຫລາຍແລ້ວເພາະຊື່ສຽງຈາກພາກເກົ່າ ເຮັດໃຫ້ບໍ່ຈຳເປັນຕ້ອງໂປຼໂໝດຫຼາຍກໍມີຄົນເບິ່ງຕັ້ງຕາລໍຖ້າເບິ່ງແລ້ວ ຢ່າງໃດກໍຕາມທັນກໍມີຄວາມ ສ່ຽງຫຼາຍຕາມມາດ້ວຍ ເພາະວ່າຍິ່ງຄົນຄາດຫວັງສູງແບບນີ້ກໍຕ້ອງເກີດການປຽບທຽບກັບພາກກ່ອນ ເປັນທຳມະດາແລ້ວຫາກວ່າບໍ່ດີເທົ່າທີ່ຄາດໄວ້ແທນທີ່ຈະຍິ່ງດີອັນດັບຄວາມຢາກຕິດຕາມດີຂື້ນພັດ ເຮັດໃຫ້ອັນດັບ ຫລຸດລົງໄປເລີຍ. ເຊິ່ງປີ 2014 ທີ່ຈະມາເຖິງນີ້ກໍມີຫນັງພາກຕໍ່ທີ່ຫນ້າຕິດຕາມຖ້າ ຢູ່ຫລາກຫລາຍໂດຍເວັບໄຊ MensXP ໄດ້ຄັດເລືອກ 15 ຫນັງພາກຕໍ່ທີ່ຫນ້າຈັບຕາເບິ່ງໃນປີ 2014 ອອກມາຕາມນີ້:

Night at the musuem 3

1. Night at The Museum 3

ນັບແຕ່ພາກທຳອິດອອກສາຍເມື່ອປີ 2006 ເລື່ອງນີ້ກໍໄດ້ີຮັບຄວາມນິຍົມຈາກທັງເດັກນ້ອຍ ແລະຜູ່ໃຫຍ່ ດ້ວຍມຸກຕາລົກທີ່ເຮັດໃຫ້ເບິ່ງຫົວກັນບໍ່ຢຸດ, ຮວມເຖິງ effect ແບບສົມຈິງທີ່ຊ່ອຍໃຫ້ຂອງແປກໆໃນພິພິຕະພັນຢ່າງໂຄງກະດູກໄດໂນເສົາເຄື່ອນທີ່ເຫມືອນຊີສິດຈິງ ເຊິ່ງໃນປີ 2014 ພະເອກຫນຸ່ມ Ben Stiller ຈະກັບມາຮັບບົດ Larry Daley ຜູ່ຮັກສາຄວາມປອດໄພ ປະຈຳພິພິຕະພັນໃຫ້ເຮົາໄດ້ຫົວກັນອີກຄັ້ງ.

Minions

2. Minions

ໃນທີ່ສຸດມິນນຽນໂຕເຫລືອງກໍໄດ້ມີຫນັງອອກເປັນຂອງໂຕເອງ ຫລັງຈາກທີ່ເຂົ້າໄປປະຈຳເລື່ອງ Desicable Me ຢູ່ດົນ. ຄັ້ງນີ້ Minions ຈະພາໄປຮູ້ຈັກກັບຕົ້ນກຳເນີດຂອງມັນ ສະໄຫມຖືກສ້າງໂດຍໂຕຮ້າຍຄົນນຶ່ງ ເຊິ່ງໃນພາກນີ້ຈະມີນັກສະແດງສາວ Sandra Bullock ຮ່ວມພາກສຽງອີກດ້ວຍ.

The Hobbits

3. The Hobbit: There and Back Again

ຮູບເງົາທີ່ດັດແປງຈາກນະວະນິຍາຍ J.R.R. Tolkien ບໍ່ເຄີຍເຮັດໃຫ້ຜິດຫວັງ ເພາະທັງການຖ່າຍທອດເນື້ອເລື່ອງທີ່ຊວນຕິດຕາມ ແລະຮູບພາບສາກຕ່າງໆ ທີ່ສວຍງາມກົງກັບທີ່ບັນຍາຍໄວ້ ເຮັດໃຫ້ແມ້ແຕ່ແຟນຮູບເງົາກໍຍັງຕ້ອງຊື່ນຊົມຜົນງານຮູບເງົາເລື່ອງນີ້.

The-Hunger-Games-Mockingjay-–-Part-I

4. The Hunger Games: Mockingjay – Part I

ຫລັງຈາກທີ່ພາກທຳອິດປະສົບຜົນສຳເລັດສຸດໆ ຈົນໄດ້ສະເຫນີເຂົ້າຊີງລາງວັນຫລາກຫລາຍແລ້ວ The Hunger Games ຈຶ່ງມີການວາງແຜນໃຫ້ສ້າງພາກຕໍ່ອອກໄປມາອີກ 3 ພາກ ເປັນທີ່ຮຽບຮ້ອຍ ໂດຍພາກຖັດໄປ The Hunger Game: Mockingjay – Part I ຈະໄດ້ອອກສາຍໃນປີ 2014 ຈາກນັ້ນພາກຕໍ່ໄປຈະນຳມາຕິດໆໃນປີ 2015.

Resident-Evil-6

5. Resident Evil 6

ໃນພາກນີ້ Red Queen ກຳລັງຈະວາງແຜນທຳລາຍມະນຸດຊາດ ແລະເປັນຫນ້າທີ່ຂອງ Alice (ອີກແລ້ວຫວາ?) ຮວມທັງໝູ່ຂອງລາວທີ່ຈະຢຸດແຜນຊົ່ວນີ້ເອົາໄວ້ໃຫ້ໄດ້ ໂດຍເຊື່ອວ່າ Resident Evil 6 ຫນ້າຈະເປັນພາກຈົບຂອງ Resident Evil ຢ່າງສົມບູນ. ດັ່ງນັ້ນ, ໃຜທີ່ເປັນແຟນໂຕຈິງຂອງຮູບເງົາເລື່ອງນີ້ຄົງພາດບໍ່ໄດ້ຢ່າງແນ່ນອນ. ມາເບິ່ງກັນວ່າພາກນີ້ Alice ຈະ OP (Over Power) ຫຼາຍກວ່າເກົ່າປານໃດ 555.

Sin-City-A-Dame-To-Kill-For

6. Sin City: A Dame To Kill For

ເຖິງແມ່ນວ່າຈະຕ້ອງລໍຖ້າກັນດົນ ແຕ່ໃນທີ່ສຸດເຮົາກໍຈະໄດ້ເບິ່ງພາກຕໍ່ຂອງຫນັງ Sin City ກັນແລ້ວ ແລ້ວຍັງມີນັກສະແດງຫລາກຄວາມສາມາດຢ່າງ Eva Green ແລະ Joseph Gordon-Levitt ມາເພີ່ມອີກດ້ວຍ ແບບນີ້ແລ້ວຍິ່ງເຮັດໃຫ້ເລື່ອງນີ້ຫນ້າຈັບຕາຫລາຍຂຶ້ນເປັນເທົ່າໂຕເລີຍ.

The-Expendables-3

7. The Expendables 3

ຈະບໍ່ໃຫ້ຄໍຫນັງແອັກຊັ່ນທັງຫລາຍມັກເລື່ອງນີ້ໄດ້ແນວໃດ ໃນເມື່ອເປັນເລື່ອງລາວຮວມດາລາຄິວບູ໊ລະດັບຕຳນານທັງນັ້ນ ພຽງລາຍຊື່ຂອງນັກສະແດງລະດັບຕຳນານຢ່າງ Sylvester Stallone, Jason Statham, Bruce Willis ແລະ Arnold Schwarzenegger ກໍຫລາຍພໍທີ່ຈະເຮັດໃຫ້ແຟນໆຢາກແລ້ວ. ບອກແລ້ວວ່າ “I’ll be back!”.

Fast-&-Furious-7

8. Fast & Furious 7

ແຟນຫນັງສ່ວນໃຫຍ່ ໃຫຍ່ຂຶ້ນມາກັບຫນັງເລື່ອງນີ້ເລີຍກໍວ່າໄດ້ ເພາະນັບຕັ້ງແຕ່ສາຍມື້ທຳອິດເມື່ອປີ 2001 ແຟນໂຕຈິງກໍຍັງຕິດຕາມໄປຕໍ່ຄິວຖ້າຊື້ບັດເຂົ້າຊົມທຸກພາກ ແລະແຕ່ລະພາກນັ້ນກໍເຮັດໃຫ້ຍິ່ງມ່ວນຍິ່ງເຂັ້ມຂົ້ນຂຶ້ນດ້ວຍ ຈາກກຸ່ມນັກຊິ້ງທຳມະດາ ກາຍໄປເປັນໂຈນ ຈົນເຖິງຂັ້ນໄດ້ຮ່ວມງານກັບຕຳຫລວດ ເຮັດໃຫ້ບໍ່ເຄີຍເບື່ອກັບເນື້ອເລື່ອງໃຫມ່ໆ. ເຊື່ອໄດ້ເລີຍວ່າພາກ 7 ກໍຈະເປັນອີກພາກທີ່ມີຫລາຍຢ່າງແປກໃຫມ່ໃຫ້ຄົນໄດ້ຕິດຕາມແນ່ນອນ.

Transformers-4

9. Transfprmers 4

ຫາກວ່າທ່ານຢາກຕິດຕາມວ່າເນື້ອເລື່ອງໃຫມ່ ແລະນັກສະແດງໃຫມ່ໃນ Transformers 4 ຈະເປັນແບບໃດ ກໍບໍ່ຄວນພາດເລື່ອງນີ້ເດັດຂາດ ເພາະນີ້ຄືຈຸດເລີ່ມຕົ້ນຂອງໄຕພາກໃຫມ່ທີ່ຈະຕາມມາ. ຢ່າງໃດກໍຕາມ ສຳລັບແຟນໆທີ່ຢາກເຫັນຫຸ່ນໂຕທີ່ໂຕເອງມັກຕໍ່ໄປ ບໍ່ຕ້ອງເປັນກັງວົນໄປ ເພາະພວກເຂົາຍັງກັບມາຄົບທີມຄືເກົ່າ.

How-To-Train-Your-Dragon-210. How To Train Your Dragon 2

ກັບໄປສູ່ໂລກການປະຈົນໄພຂອງ Hiccup ແລະ Toothless ມັງກອນຂອງລາວອີກຄັ້ງ. ເມື່ອ 5 ປີຂ້າງຫນ້າ ພວກເຂົາເຝິກຝົນໂຕເອງເພື່ອແຂ່ງຂັນກິລາໃຫມ່ສຸດຮິດຂອງເມືອງ ເຊິ່ງກໍຄືການໃຊ້ມັງກອນປະຊັນຄວາມໄວກັນນັ້ນເອງ ເຮັດໃຫ້ທັງຄູ່ຜາດໂຜນໄປຕາມສະຖານທີ່ຕ່າງໆ ເພື່ອເຝິກຝົນຈົນກະທັ່ງມື້ນື່ງໄດ້ເຂົ້າໄປພົບກັບຖ້ຳນ້ຳກ້ອນລັບ ໂດຍບໍ່ໄດ້ຕັງໃຈ ເຊິ່ງທີ່ນັ້ນພວກເຂົາໄດ້ພັບກັບມັງກອນເກີດໃຫມ່ ແລະຜູ່ໃຊ່້ມັງກອນປິດສະຫນາຈຶ່ງຈຳເປັນຕ້ອງຕໍ່ສູ້ເພື່ອຮັກສາຄວາມສະຫງົບຂອງເມືອງເອົາໄວ້.

X-Men-Days-Of-The-Future-Past

11. X-Men: Days Of The Future Past

ນຶ່ງໃນຫນັງ Sci-Fi ທີ່ຄົນຖ້າຕິດຕາມກັນຫລາຍທີ່ສຸດໃນປີ 2014 ທີ່ຈະເຖິງນີ້ແລ້ວ ໂດຍໃນພາກນີ້ Kitty Pryde ຜູ່ທີ່ລອດຊີວິດຄົນສຸດທ້າຍຂອງກຸ່ມ ຈະສົ່ງ Wolverine ເດີນທາງຢ້ອນເວລາເຮັດໃຫ້ເຂົາໄດ້ພົບກັບ Professor X, Rogue ແລະ Magneto ໃນອະດີດ ຮວມໄປເຖິງເຫລົ່າມະນຸດກາຍພັນອື່ນໆ.

The-Amazing-Spider-Man-2

12. The Amazing-Spider Man 2

Perter Parker ທີ່ຕ້ອງໄດ້ແບກພາລະປົກປ້ອງຜູ່ຄົນຈາກເຫລົ່າຮ້່າຍ ພ້ອມກັບແບ່ງເວລາໃຫ້ກັບຍິງທີ່ເຂົາຮັກຢ່າງ Gwenn ໃນເວລາດຽວກັນ. ເຂົາບໍ່ເຄີຍລືມສັນຍາທີ່ໃຫ້ກັບພໍ່ຂອງລາວວ່າ ຄວນຈະຢູ່ໃຫ້ຫ່າງຈາກ Gwen ເພື່ອຄວາມປອດໄພຂອງລາວເອງກໍຕາມ ເພາະເຂົາຮູ້ດີວ່າບໍ່ສາມາດຕັດໃຈຈາກລາວໄດ້ ຢ່າງໃດກໍດີຄວາມປ່ຽນແປງຄັ້ງໃຫຍ່ໄດ້ເກີດຂື້ນເມື່ອເຂົາຕ້ອງການພົບ Electro ສັດຕູໂຕຮ້າຍກາດ ໃນຂະນະທີ່ໄດ້ພົບຫມູ່ເກົ່າຢ່າງ Harry Osborn ອີກຄັ້ງ.

Rio-2

13. Rio 2

ກັບມາເອີ້ນສຽງຮາ ແລະຮອຍຍິ້ມກັນອີກແລ້ວ ສຳລັບ Animation ສຸດຫນ້າຮັກ. Rio 2 ເປັນເລື່ອງລາວຂອງ Blu, Jewel ແລະລູກທັງ 3 ເຊິ່ງມີຊີວິດທີ່ສົມບູນແບບ ໃນເມືອງທີ່ມີມົນ Rio de Janeiro ແລະເມື່ອ Jewel ຕັດສິນໃຈໃຫ້ລູກຮຽນຮູ້ທີ່ຈະໃຊ້ຊີວິດປະຈົນໄພຢ່າງອິດສະຫລະຄືກັບນົກ ລາວກໍໄດ້ພາຄອບຄົວໄປປະຈົນໄພໃນ ອາເມຊອນ ຂະນະທີ Blu ພະຍາຍາມຈະເຂົ້າກັບເພື່ອນບ້ານໃຫມ່ຂອງເຂົາ ລາວກໍກັງວົນວ່າອາດຈະເສຍ Jewel ແລະລູກໆໄປກັບຄວາມຕ້ອງການທີ່ຢາກຢູ່ກັບທຳມະຊາດ.

The-Amityville-Horror-The-Lost-Tapes

14. The Amityville Horror: The Lost Tapes

ເຖິງແມ່ນວ່າຍັງຫລອນກັນບໍ່ເຊົາກັບພາກແລ້ວ ເຊິ່ງວ່າດ້ວຍເລື່ອງລາວຂອງຄອບຄົວທີ່ໄດ້ມາຢູ່ໃນບ້ານທີ່ເຄີຍເກີດເຫດຂ້າຕະກຳຄັ້ງໃຫຍ່ຂື້ນເມື່ອ 1 ປີກ່ອນ ແລະພົບເຈິະເຫດການສະຫຍອງຂວັນຫລາຍ ຈົນພວກເຂົາທີ່ເຄີຍປະຕິເສດເລື່ອງຜີມາຕະຫລອດກໍຍັງຂວັນອອກໄປຕາມໆກັນ. ໂດຍສ້າງມາຈາກເລື່ອງຈິງຂອງ George Lutz ແລະ Kathy Lutz ທີ່ໄປອາໄສ Amityville House, New York ສະຫາລັດອາເມລິກາປີ 1973 ຫລັງຈາກ Ronald DeFeo ສັງຫານ 6 ຄົນໃນບ້ານຫລັງນີ້ ແລະຕ້ອງພົບກັບເຫດການປະຫລາດຫລາຍຢ່າງ ເຊິ່ງວ່າປີຫນ້າເລື່ອງນີ້ຈະກັບມາຫລອນຫນັງສະຫຍອງຂວັນກັນອີກຄັ້ງໃນ The Amityville Horror: The Lost Tape.

Step-Up-5

15. Step Up 5

ຖ້າເວົ້າເຖິງຮູບເງົາທີ່ໂຊລີລາການເຕັ້ນ ເຊິ່ງປະສົບຜົນສຳເລັດຫລາຍທີ່ສຸດ ກໍຕ້ອງຍົກໃຫ້ Step Up ເພາະວ່າບໍ່ວ່າຈະອອກມາພາກໃດກໍເຮັດໃຫ້ດີຈົນຄົນແຫ່ກັນໄປເບິ່ງກັນເຕັມໂຮງຮູບເງົາກັນເລີຍ ແລະເຖິງແມ່ນວ່າຈະຍັງບໍ່ຮູ້ວ່າພາກຫນ້າມີເນື້ອເລື່ອງກ່ຽວກັບຫຍັງ ພຽງແຕ່ຊື່ຫນັງ Step Up ທີ່ກາຣັນຕີໄດ້ວ່າຕ້ອງອອກພ້ອມລີລາການເຕັ້ນຂັ້ນເທບກໍເຮັດໃຫ້ຢາກເບິ່ງກັນແລ້ວ.

ມີແຕ່ເລື່ອງດັງໆ ແລະຫນ້າຕິດຕາມກັນແບບນີ້ ເຊື່ອວ່າປີຫນ້າຈະຕ້ອງມີຫນັງດີ ໃຫ້ເຮົາເບິ່ງກັນຫລາຍແນ່ນອນ.

ຂໍຂອບໃຈຂໍ້ມູນທີ່ຮຽບຮຽງໂດຍ kapook