21 iPhone Tips

ຫາກທ່ານຕ້ອງການໃຊ້ປະໂຫຍດຈາກ iPhone ຂອງ​ທ່ານ​ໃຫ້​ໄດ້​ຢ່າງ​ເຕັມ​ປະ​ສິດ​ຕິ​ພາບ, 21 ເຄັດ​ລັບດັ່ງ​ຕໍ່​ໄປ​ນີ້​ຈະເຮັດ​ໃຫ້​ຄົນ​ອ້ອມ​ຂ້າງ​ທ່ານ​ອິດ​ສາ​ວິ​ທີ​ການ​ໃຊ້ iPhone ​​ຢ່າງ​ຊານ​ສະຫຼາດ​ຂອງ​ທ່ານ. (ອັນ​ສຸດ​ທ້າຍ​ຖືກ​ໃຈ​ຜູ່​ຂຽນ​ທີ່​ສຸດ​ເລີຍ)

1. ສາກ​ແບັດ​ເຕີ​ຣີ​ໃຫ້​ໄວ​ຂຶ້ນ​ດ້ວຍ Airplane Mode

ທຸກ​ຄັ້ງ​ທີ່​ທ່ານ​ຕ້ອງ​ການ​ສາກ​ແບັດ​ເຕີ​ຣີ​ໃຫ້​ຂຶ້ນ​ໄວ​ກວ່າ​ປົກ​ກະ​ຕິ ພຽງ​ທ່ານ​ເປີດ​ໂໝດ​ໃນ​ຍົນ ຫຼື Airplane Mode ໃນ​ເວ​ລາ​ທີ່​ທ່ານ​ສາກ​ໄຟ​ຢູ່ ເທົ່າ​ນີ້​ແບັດ​ເຕີ​ຣີ​ຂອງ​ທ່ານ​ກໍ​ຈະ​ເຕັມ​ໄວ​ກວ່າ​ປົກ​ກະ​ຕິ​ແລ້ວ.

lifebuzz-4c770d5e8fe3d62c9c50128f1f0b3937-limit_2000

2. ຫາກ​ທ່ານ​ພິມ​ຜິດ​ໃນ​ລະ​ຫວ່າງ​ການ​ຂຽນ​ອີ​ເມວ, ຂໍ້​ຄວາມ ຫຼື ແກ້​ໄຂ​ຮູບ​ພາບ ​ໃຫ້​ທ່ານ​ສັ່ນ​ໂທ​ລະ​ສັບ​ຂອງ​ທ່ານ ພຽງ​ເທົ່າ​ນັ້ນ​ໜ້າ​ undo ຫຼື ແກ້​ໄຂ​ການ​ພິມ​ຄືນ ກໍ​ຈະ​ສະ​ແດງ​ຂຶ້ນ​ມາ ໃຫ້​ທ່ານ​ແກ້​ໄຂ​ຄືນ​ໄດ້​ຢ່າງ​ງ່າຍ​ດາຍ

lifebuzz-7f14d728d31c54cf6621d8cd4a0bb7ad-limit_2000

3. ຫາກ​ທ່ານ​ຕ້ອງ​ການ​ໃສ່​ຈ້ຳ​ເມັດ​ເພື່ອ​ຈົບ​ປະ​ໂຫຍກ ແລ້ວເລີ່ມ​ປະ​ໂຫຍກ​ໃໝ່, ທ່ານ​ສາ​ມາດ​ເຮັດ​ໄດ້​ງ່າຍໆ​ໂດຍ​ການ​ກົດ​ປຸ່ມ​ຍະ​ຫວ່າງ 2 ຄັ້ງ

lifebuzz-03ff6df08c5bb116d6ca26ea186b2fde-limit_2000

4. ຢາກ​ຮູ້​ວ່າ​ມີ​ຍົນ​ລຳ​ໃດ​ກຳ​ລັງ​ບິນ​ຢູ່​ເທິງ​ຫົວ​ທ່ານ ທ່ານ​ພຽງ​ເວົ້າ​ວ່າ “What flights are overhead.” ເທົ່າ​ນີ້ iPhone ກໍ​ຈະ​ສະ​ແດງກ​ຣາ​ຟ​ຂອງ​ຍົນ​ທີ່​ກຳ​ລັງ​ບິນ​ຢູ່​ໃນ​ທ້ອງ​ຟ້າ​ໃກ້​ທ່ານ​ແລ້ວ

lifebuzz-0b38e4dc15506188fe10a4edb36313cb-limit_2000

5. ຖ່າຍຮູບ​ໜ້າ​ຈໍ ຫຼື screenshot ຂອງ​ເວັບ​ໄຊ, ຂໍ້​ຄວາມ ຫຼື ເຫດ​ການ​ຕ່າງໆ​ທີ່​ເກີດ​ຂຶ້ນ​ໃນ​ iPhone ຂອງ​ທ່ານ​ເພື່ອ​ເກັບ​ໄວ້​ໄດ້​ງ່າຍໆ, ພຽງ​ທ່ານ​ກົດ​ປຸ່ມ Home ແລະ ປຸ່ມ​ເປີດ​/ປິດ ພ້ອມໆ​ກັນ. ພາບ​ຖ່າຍ​ໜ້າ​ຈໍ​ກໍ​ຈະ​ຖືກ​ບັນ​ທຶກ​ໄວ້​ (ສາ​ມາດ​ເຮັດ​ໃນ iPad ໄດ້​ເຊັ່ນ​ກັນ)

lifebuzz-d4db7e7e6f7219b8f430733966c178aa-limit_2000

6. ສອນ Siri ໃຫ້​ອອກ​ສຽງ​ໃຫ້​ຖືກ​ຕ້ອງທຸກໆ​ຄັ້ງ​ທີ່ Siri ອອກ​ສຽງ​ຄຳ​ໃດ​ນຶ່ງ​ຜິດ, ໃຫ້​ທ່ານ​ເວົ້າ​ວ່າ “That’s not how you pronounce ______” ແລ້ວ Siri ຈະ​ໃຫ້​ທ່ານບອກ​ການ​ອອກ​ສຽງ​ທີ່​ຖືກ​ຕ້ອງ.

lifebuzz-d90b4de858e1fb29ca047718e29ac43f-limit_2000

7. ຕັ້ງ​ເວ​ລາ​ໃຫ້​ເພງ ຫຼື audiobook ຂອງ​ທ່ານ​ປິດ​ໂດຍ​ອັດ​ຕະ​ໂນ​ມັດ ໃນ​ເວ​ລາ​ທີ່​ທ່ານ​ເປີດ​ຟັງ​ກ່ອນນອນ

ພຽງ​ທ່ານ​ເປີດ​ແອັບຯ Clock (ໂມງ) ຂຶ້ນ​ມາ, ແລ້ວ​ແຕະ​ໄປ​ທີ່​ປຸ່ມ Timer ທີ່​ຢູ່​ດ້ານ​ຂວາ​ລຸ່ມ. ເມື່ອ​ເຂົ້າ​ມາ​ແລ້ວ​ໃຫ້​ທ່ານ​ຕັ້ງ​ໄລ​ຍະ​ເວ​ລາ​ຕາມ​ຄວາມ​ຕ້ອງ​ການຈົນ​ກວ່າ​ເພງ​ຂອງ​ທ່ານ​ຈະ​ປິດ​ລົງ, ຕໍ່​ມາ​ແຕະ​ໄປ​ທີ When Timer Ends ແລະ ເລື່ອນ​ລົງ​ມາ​ຈົນ​ເຫັນ “Stop Playing” ແລ້ວ​ເລືອກ​ມັນ. ພຽງ​ເທົ່າ​ນີ້​ເພງ​ຂອງ​ທ່ານ​ກໍ​ຈະ​ປິດ​ລົງ​ໂດຍ​ອັດ​ຕະ​ໂນ​ມັດ​ເມື່ອ​ເຖິງ​ເວ​ລາ.

 

lifebuzz-27e806d93ed5e00b5ff08a4080baf2b0-limit_2000

8. ປິດ/ເປີດ ໄອ​ຄອນ iPhone AssistiveTouch ຢ່າງວ່ອງ​ໄວ

ຜູ່​ໃຊ້ iPhone ຫຼາຍ​ຄົນ​ມັກ​ເປີດ​ນຳ​ໃຊ້ AssistiveTouch (ຫຼື​ໄອ​ຄອນ​ກົມໆ​ຢູ່​ໜ້າ​ຈໍ​ນັ້ນ​ລະ) ເພື່ອຫຼຸດ​ຜ່ອນ​ການ​ໃຊ້​ງານ​ປຸ່ມ Home ລົງ, ແຕ່​ບາງ​ຄັ້ງ​ມັນ​ກໍ​ລົບ​ກວນ​ເຮົາ​ໄດ້ ເນື່ອງ​ຈາກ​ມັນ​ຈະ​ຢູ່​ບັງ​ໜ້າ​ຈໍ​ເກືອບ​ຕະຫຼອດ​ເວ​ລາ​ ຫາກ​ທ່ານ​ຕ້ອງ​ການ​ປິດ/ເປີດ​ມັນ​ໃຫ້​ເຂົ້າ​ໄປ​ທີ່ Settings > General > Accessibility ແລ້ວ​ແຕະ​ທີ່ AssistiveTouch ແລະ ຫາກ​ທ່ານ​ຕ້ອງ​ການ​ໃຫ້​ມັນ​ສາ​ມາດ​ເປີດ​/ປິດ​ໄດ້​ຢ່າງ​ສະ​ດວກ​ໃຫ້​ທ່ານ​ແຕະ​ໄປ​ທີ່ “Triple-click Home” ແລະ ເລືອກ Toogle AssistiveTouch ທ່ານ​ກໍ​ຈະ​ສາ​ມາດ​ເປີດ​ປິດ​ມັນ​ໄດ້​ໂດຍ​ການ​ກົດ​ທີ່​ປຸ່ມ Home 3 ຄັ້ງ.

toogle-assistivetouch turn-off-on-assistivetouch

9. ທ່ານ​ສາ​ມາດ​ໃຊ້​ປຸ່ມ ເພີ່ມ/ຄ່ອຍສຽງ ເພື່ອ​ຖ່າຍ​ຮູບ​ໄດ້​ຕະຫຼອດ​ເວ​ລາ​ທີ່​ທ່ານ​ເປ​ີດ​ແອັບຯ​ຖ່າຍ​ຮູບ​ຢູ່

lifebuzz-16cff8c0c4876d20dfbf94389e7a5067-limit_200010. ວິ​ທີການ​ຖ່າຍ​ຮູບ​ລົວໆ

ໂດຍ​ກາ​ນ​ກົດ​ປຸ່ມ​ຖ່າຍ​ຮູບ​ຄ້າງ​ໄວ້, iPhone ຈະ​ເຂົ້າ​ສູ່​ໂໝດ​ຖ່າຍ​ຮູບ​ລົວໆ ຫຼື burst mode ໂດຍ​ອັດ​ຕະ​ໂນ​ມັດ ເຮັດ​ໃຫ້​ທ່ານ​ສາ​ມາດ​ຖ່າຍ​ຮູບ​ວັດ​ຖຸ​ເຄື່ອນ​ໄຫວ​ໄດ້​ງ່າຍ​ຂຶ້ນ

lifebuzz-8564ded7d43a8db8e25d060bb53085ae-limit_2000

11. ໃຊ້ iPhone ຂອງ​ທ່ານ​ເປັນ​ໂຕວັດ​ແທກ​ລະ​ດັບ​ຄວາງ​ທ່ຽງ. ພຽງ​ທ່ານ​ປັດ​ນິ້ວ​ໄປ​ຊ້າຍ​ເວ​ລາ​ຢູ່​ໃນແອັບຯ Compass ເທົ່າ​ນັ້ນ ທ່ານ​ກໍ​ສາ​ມາດ​ໃຊ້ iPhone ເປັນ​ໂຕວັດ​ແທກ​ຄວາມ​ທ່ຽງ​ໄດ້​ແລ້ວ

lifebuzz-77ddfc72ba7afd1bed2c15f118c625be-limit_2000

12. ໃຊ້​ປຸ່ມ Speak ໃນ iPhone ເພື່ອ​ໃຫ້​ໂທ​ລະ​ສັບ​ອ່ານ​ອອກ​ສຽງ​ໃຫ້​ທ່ານ​ໄດ້​ຍິນ

ຫາກ​ທ່ານ​ຕ້ອງ​ການ​ໃຊ້​ຄວາມ​ສາ​ມາດ​ນີ້ ທ່ານ​ຕ້ອງ​ເຂົ້າ​ໄປ​ເປີດ​ນຳ​ໃຊ້​ກ່ອນ ໂດຍ​ເຂົ້າ​ໄປ​ທີ່ Settings > General > Accessibility ຫຼັງ​ຈາກ​ນັ້​ນ​ໃຫ້​ເປີດ Speak Selection. ທ່ານ​ສາ​ມາດ​ເລືອກ​ສຽງ​ໄດ້ຫຼາຍ​ປະ​ເພດ ຕັ້ງ​ແຕ່ສຳ​ນຽງ​ອົດ​ສະ​ຕາ​ລີ, ອັງ​ກິດ, ສະ​ເປນ ຯ​ລຯ. ເພື່ອ​ໃຫ້​ໂທ​ລະ​ສັບ​ອ່ານ​ອອກ​ສຽງ ໃຫ້​ທ່ານ​ເລືອກ​ຂໍ້​ຄວາມ​ໃດ​ນຶ່ງ (ໂດຍ​ການ​ແຕະ 2 ຄັ້ງ ຫຼື ແຕະ​ຄ້າງ​ໄວ້​ໃສ່​ຂໍ້​ຄວາມ), ຫຼັງ​ຈາກ​ນັ້ນ​ໃຫ້​ແຕະ​ທີ່​ປຸ່ມ Speak ຈາກ​ເມ​ນູ​ທີ່​ເດັ້ງ​ຂຶ້ນ​ມາ. ຫາກ​ທ່ານ​ບໍ່​ເຫັນ​ປຸ່ມ Speak ໃຫ້​ທ່ານ​ແຕະ​ໄປ​ທີ​ລູກ​ສອນ​ຂວາ​ນ້ອຍໆ​ຈາກ​ເມ​ນູ​ທີ່​ເດັ້ງ​ຂຶ້ນ​ມາ ແລ້ວ​ຈຶ່ງ​ເລືອກ Speak.

lifebuzz-6b26989e08a92cb2c96730871d2991f1-limit_2000

13. ສ້າງ​ລະ​ຫັດ​ຜ່ານ passcode ທີ່​ໃຊ້​ເວ​ລາ​ປົດ​ລັອກ​ໂທ​ລະ​ສັບດ້ວຍ​ໂຕອ​ັກ​ສອນແທນ​ໂຕ​ເລກ.

ເຂົ້າ​ໄປ​ທີ່ Settings > General > Passcode Lock ແລ້ວ​ປິດ “Simple Passcode” ລະ​ບົບ​ຈະ​ຖາມ​ໃຫ້​ທ່ານ​ປ່ຽນ passcode, ທ່ານ​ຈະ​ເຫັນ​ວ່າ​ແປ້ນ​ພິມ​ເຕັມໆ​ໄດ້​ຖືກ​ສະ​ແດງ​ຂຶ້ນແທນ​ທີ່​ແປ້ນ​ພິມ​ໂຕ​ເລກ. ເມື່ອ​ທ່ານ​ຈະ​ປົດ​ລັອກ​ໂທ​ລະ​ສັບ ແປ້ນ​ພິມ​ເຕັມໆ​ນີ້​ກໍ​ຈະ​ສະ​ແດງ​ຂຶ້ນ​ມາເພື່ອ​ໃຫ້​ທ່ານ​ປ້ອນ​ລະ​ຫັດ​ຜ່ານ​ເຊັ່ນ​ກັນ.

lifebuzz-384e30962dba73c0f9228d492253954d-limit_2000

14. ໃສ່​ນາມ​ສະ​ກຸນ​ເວັບ​ຢ່າງວ່ອງ​ໄວ

ພຽງ​ທ່ານ​ກົດ​ປຸ່ມ . ຢູ່​ໃນ​ແປ້ນ​ພິມ​ຂອງ​ທ່ານ​ຄ້າງ​ໄວ້ ເທົ່າ​ນັ້ນ​ເມ​ນູ​ລາຍ​ການນາມ​ສະ​ກຸນ​ເວັບ​ກໍ​ຈະ​ຖືກ​ສະ​ແດງ​ຂຶ້ນ​ເຊັ່ນ .com .org .net ຯ​ລຯເປັນ​ຕົ້ນ

lifebuzz-65b866c0af6eaa6091a9e111e27d0554-limit_2000

15. ເບິ່ງ​ປະ​ຕິ​ທິນ​ແບບ​ລະ​ອຽດ​ຂຶ້ນໄດ້​ໂດຍ​ການ​ງ່ຽງ​ iPhone ແລ້ວ​ເບິ່ງ​ໃນ​ໂໝດ landscape ຫຼື ໂໝດ​ລວງນອນ

lifebuzz-6f54ceb30af2bedb5c8959b06ef248c2-limit_2000

16. ເບິ່ງ​ອີ​ເມວ​ສະ​ບັບ​ຮ່າງ (draft) ​ຢ່າງວ່ອງ​ໄວ ໂດຍ​ການ​ກົດ​ປຸ່ມຂຽນ​ອີ​ເມວທີ່​ຢູ່​ດ້ານ​ຂວາ​ລຸ່ມ​ຄ້າງ​ໄວ້ ແລ້ວ​ລະ​ບົບ​ຈະ​ພາ​ທ່ານ​ໄປ​ຫາ​ໜ້າ​ຕ່າງ​ສະ​ບັບ​ຮ່າງ​ເອງ.

lifebuzz-e47fd6a2bd709f5dceb474dc96fa8866-limit_2000

17. ເບິ່ງ​ເວ​ລາ​ການ​ສົ່ງ​ຂໍ້​ຄວາມ​ດ້ວຍ​ການ​ສະ​ໄລ້​ຂໍ້​ຄວາມ​ໄປ​ທາງ​ຊ້າຍ

lifebuzz-115ac87f60397ec1aac21657c52401bb-limit_2000

18. ຖ່າຍ​ຮູບ​ໂດຍ​ລັອກ autofocus ແລະ exposure

ໃນ​ເວ​ລາ​ທີ່​ທ່ານ​ກຳ​ລັງ​ຈະ​ຖ່າຍ​ຮູບ ໃຫ້​ທ່ານ​ກົດ​ທີ່​ໜ້າ​ຈໍ​ຄ້າງ​ໄວ້​ຈົນ​ກວ່າ​ຈະ​ມີ​ກ່ອງ​ສີ່ຫຼ່ຽມ​ສີ​ເຫຼືອງ​ສະ​ແດງ​ຂຶ້ນ​ມາ ກົດ​ຄ້າງ​ໄວ້​ຈົນ​ທ່ານ​ເຫັນ​ຄຳ​ວ່າ AE/AF Lock ດັ່ງ​ຮູບ​ແລ້ວ​ໃຫ້​ປ່ອຍ​ນິ້ວ. ເທົ່າ​ນີ້​ທ່ານ​ກໍ​ລັອກ autofocus ແລະ exposure ໄວ້​ແລ້ວ. ມັນ​ຈະ​ເປັນ​ແນວ​ນີ້​ຈົນ​ກວ່າ​ທ່ານ​ຈະທຳ​ການ​ຖ່າຍ​ຮູບ.

ae-af-lock-enabled

19. ສ້າງ shortcut ຂໍ້​ຄວາມ

​ໃຫ້​ທ່ານ​ເຂົ້າ​ໄປ​ທີ່ Settings > General > Keyboard > Shortcuts > Add New Shortcut ແລ້ວ​ປ້ອນ​ຂໍ້​ຄວາມ​​ທີ່​ທ່ານ​ມັກ​ໃຊ້​​ເປັນ​ປະ​ຈຳ ແລະ ຂໍ້​ຄວາມ​ສັ້ນ​ທີ່​ທ່ານ​ຈະ​ໃຊ້​ແທນ​ຄຳ​ນັ້ນ, ທຸກໆ​ຄັ້ງ​ທີ່​ທ່ານ​ພິມ​ຂໍ້​ຄວາມ​ສັ້ນ​ໃນ ຂໍ້​ຄວາມ​ເຕັມ​ຈະ​ຖືກ​ສະ​ແດ​ງ​ຂຶ້ນ​ໂດຍ​ອັດ​ຕະ​ໂນ​ມັດ!

lifebuzz-605b597e5f45985e532f0c36b2d45c18-limit_2000

20. ໃຫ້ iPhone ເຕືອນ​ທ່ານ​ດ້ວຍ​ແສງແທນ​ສຽງ

​ແທນ​ທີ່ iPhone ​ຈະ​ແຈ້ງ​ເຕືອນ​ທ່ານ​ໂດຍ​ການ​ສັ່ນ ຫຼື ສຽງ​ເວ​ລາ​ທີ່​ທ່ານ​ໄດ້​ຮັບ​ຂໍ້​ຄວາມ ຫຼື ມີ​ການ​ໂທ​ເຂົ້າ, ທ່ານ​ສາ​ມາດ​ຕັ້ງ​ໃຫ້​ມັນ​ສະ​ແດງ​ແສງ​ flash ​ເຕືອນ​ແທນ​ໄດ້. ໃຫ້​ທ່ານ​ເຂົ້າ​ໄປ​ທີ່ Settings > General > Accessibility ແລ້ວ​ເລື່ອນ​ລົງ​ມາ​ຈົນ​ເຫັນ LED Flash for Alerts ແລ້ວ​ທຳ​ການ​ເປີດ​ນຳ​ໃຊ້​ມັນ.

lifebuzz-0ed5ca01407fae56eac84ca7445f50e8-limit_2000

21. ປັບ​ແຕ່ງ​ຈັງ​ຫວະ​ການ​ສັ່ນ

ທ່ານ​ສາ​ມາດ​ປ່ຽນ​ຈັງ​ຫວະການ​ສັ່ນ​ເວ​ລາ​ໄດ້​ຮັບ​ການ​ແຈ້ງ​ເຕືອນ​ໄດ້. ໃຫ້​ທ່ານ​ເຂົ້າ​ໄປ​ທີ່ Settings > Sounds > Ringtone > Vibration > Create New Vibration. ພຽງ​ເທົ່າ​ນີ້​ທ່ານ​ກໍ​ຈະ​ສາ​ມາດ​ຮູ້​ໄດ້​ວ່າ​ໃຜ​ໂທ​ຫາ ຫຼື ສົ່ງ​ຂໍ້​ຄວາມ​ຫາ ພຽງ​ແຕ່​ຈາກ​ການ​ສັ່ນ​ເຕືອນ​ເທົ່າ​ນັ້ນ (ຕົວ​ຢ່າງ​ສັ່ນ​ລົວໆ ແມ່ນ​ກິກ​ໂທ​ມາ, ສັ່ນ​ຍາວວວວວວ ແມ່ນ​ເມຍ​ໂທ​ມາ​ ຮະ​ຮະ​ຮະ #ຜິດ)

lifebuzz-dbb12a2ae5781f1cc2015de6a4291d43-limit_2000

ຂໍ້​ມູນ​ຈາກ
lifebuzz.com
hongkiat.com