cone_altglass_2ການເບິ່ງຫນັງຟັງເພງຂອງເຮົາໃນແຕ່ກ່ອນແມ່ນຕ້ອງໄດ້ໃຊ້ໂປຣແກຣມແຍກກັນຕ່າງຫາກ
ຂອງໃຜມັນເຮັດໃຫ້ຫຍຸ້ງຍາກແຕ່ປັດຈຸບັນນີ້ອາດເວົ້າໄດ້ວ່າບັນຫາດັ່ງກ່າວໄດ້ຫມົດໄປ
ເພາະພຽງໂປຣແກຣມດຽວກໍສາມາດເບິ່ງໄດ້ທັງຫນັງ, ຟັງໄດ້ທັງເພງ ແລະເປີດບັນດາ
ໄຟລ໌ VDO ນາມສະກຸນຕ່າງໆໄດ້ອີກ, ພ້ອມນັ້ນກໍຍັງຊອກຫາດາວໂຫລດກັນໄດ້ງ່າຍໆ
ແລະມີຫລາຍບໍລິສັດພັດທະນາຂຶ້ນມາທີ່ອອກແບບຄວາມສາມາດອັນຫລາກຫລາຍທີ່
ແຕກຕ່າງກັນມາໃຫ້ເລືອກໃຊ້ ສະນັ້ນຜູ່ຂຽນເລີຍຢາກຂໍນໍາສະເຫນີ 5ໂປຣແກຣມ
ເບິ່ງຫນັງຟັງເພງອັນເປັນທີ່ນິຍົມໃຫ້ແກ່ຜູ່ອ່ານຜູ່ທີ່ມັນຮັກໃນການເບິ່ງຫນັງຟັງເພງ
ໄດ້ເລືອກໃຊ້ກັນ ຫລັງຈາກອ່ານບົດຄວາມນີ້ແລ້ວກໍຂຶ້ນກັບທ່ານຜູ່ອ່ານແລ້ວວ່າຈະເລືອກໂປຣແກຣມໃດ
ເພື່ອເຮັດໃຫ້ການເບິ່ງຫນັງຟັງເພງນັ້ນດີ ແລະມ່ວນຍິ່ງຂຶ້ນ.

– VLC

VLC ເປັນໂປຣແກຣມນຶ່ງທີ່ໄດ້ຮັບຄວາມນິຍົມຫລາຍມີທັງໃນລະບົບປະຕິບັດການMac,Windows ແລະບັນດາLinuxໂຕໂປຣແກຣມອອກແບບມາໄດ້ຮຽບງ່າຍແບບທໍາມະດາ
ເຊິ່ງຜູ່ໃຊ້ສາມາດປັບແຕ່ງເອງໄດ້ຕາມໃຈບໍ່ວ່າຈະເປັນ Skin ແລະປຸ່ມລັດສັ່ງວຽກຕ່າງໆເຮັດໃຫ້ສະດວກໃນການນໍາໃຊ້.
ສາມາດຕິດຕັ້ງໄດ້ຈາກແຜ່ນ DVD ຫລືດາວໂຫລດທີ່:
www.videolan.org/vlc/download-windows.html

– Windows Media Player

Windows Media Playerໂປຣແກຣມທີ່ພັດທະນາຂຶ້ນໂດຍບໍລິສັດ Microsoft ໂປຣແກຣມນີ້ຜູ່ອ່ານຄົງຮູ້ຈັກກັນດີເພາະຈະມາກັບລະບົບປະຕິບັດການ Windows ເລີຍ
ໂປຣແກຣມນີ້ສາມາດເປີດໄດ້ທັງໄຟລ໌ທີ່ມີນາມສະກຸນເປັນ.3GP, .AAC, .AVCHD, .MPEG-4, .WMV, .WMA ,.AVI, .DivX, .MOV, ແລະ
.Xvid ຖ້ານອກເຫນືອຈາກນີ້ເຮົາສາມາດໂຫລດ codec ເພີ່ມເຕີມຄວາມສາມາດໃນການເປີດໄຟລ໌ໄດ້ອີກ
ປົກກະຕິຈະຖືກຕິດຕັ້ງມານຳລະບົບປະຕິບັດການ Windows ຢູ່ແລ້ວ ແຕ່ຖ້າຢາກໄດ້ເວີຊັນໃຫມ່ຫລືໃນຄອມບໍ່ມີກໍສາມາດດາວໂຫລດໄດ້ທີ່:
http://windows.microsoft.com/en-US/windows/downloads/windows-media-player

– JetAudio Basic

JetAudio ເປັນໂປຣແກຣມນຶ່ງທີ່ມີຊື່ສຽງ ແລະໄດ້ຮັບຄວາມນິຍົມຫລາຍເພາະມີການອອກແບບຫນ້າຕາໂປຣແກຣມເວລາຟັງເພງ ແລະ ເບິ່ງVideo ຕ່າງກັນ ແລະໄດ້ຄຸນນະພາບທີ່ດີ.
ນອກນັ້ນແລ້ວໂປຣແກຣມຍັງມີຄວາມສາມາດໃນການ ຟັງເພງ Online  ຈາກ Internet, burn ແຜ່ນ CD ເພງທີ່ເປັນ Audio, ບັນທຶກ, ສ້າງ.
ການແປງໄຟລ໌ຈາກ Audio ແລະ Video ໄປເປັນໄຟລ໌ນາມລະກຸນຫນັງເພງອື່ນໆໄດ້ອີກດ້ວຍ.
ສາມາດດາວໂຫລດໄດ້ທີ່: http://www.jetaudio.com/download

– GOM Player

GOM ເປັນໂປຣແກຣມທີ່ນ້ອຍແຕ່ຄວາມສາມາດບໍ່ເປັນຮອງໂປຣແກຣມອື່ນເລີຍ,
GOM ອາດຈະບໍ່ສາມາດເປີດໄຟລ໌ໄດ້ຫລາຍ ເທົ່າໂປຣແກຣມອື່ນເພາະບໍ່ໄດ້ແນບ Codec ມານໍາ
ແຕ່ຖ້າຫາກ GOM ພົບວ່າຜູ່ໃຊ້ເປີດໄຟລ໌ໃດທີ່ບໍ່ສາມາດເປີດໄດ້ກໍຈະຊອກຫາຈັດຫາ Codec ໃຫ້ໂດຍອັດຕະໂນມັດດ້ວຍການດາວໂຫລດຈາກອິນເຕີເນັດ
ສະນັ້ນຈຶ່ງເຮັດໃຫ້ໂຕໂປຣແກຣມເອງມີຂະຫນາດນ້ອຍ.
ສາມາດດາວໂຫລດໄດ້ທີ່: http://player.gomlab.com/eng/download/download.com

– DivX Play

Divx ເໝາະສໍາຫລັບຜູ່ອ່ານທີ່ມັກເບິ່ງ Video ແບບຄວາມລະອຽດສູງໆ (High Definition) ຮັບຮອງວ່າບໍ່ຜິດຫວັງແນ່ນອນ
ສໍາຫລັບຈຸດພິເສດຂອງໂປຣແກຣມນີ້ທີ່ຜູ່ຂຽນມັກແມ່ນໂຕໂປຣແກຣມມີຂອບຂອງຫນ້າຕາໂປຣແກຣມດ້ານຂ້າງທີ່ບາງ
ເຮັດໃຫ້ເບິ່ງຄືວ່າເປີດວິດີໂອແລ້ວລອຍຢູ່ຫນ້າຈໍ ແລະການອອກແບບທີ່ເບິ່ງສະບາຍຕາດີ.
ສາມາດດາວໂຫລດໄດ້ທີ່: http://www.divx.com/en/software/divx-plus/player

ໂດຍ: ພຸດທະກອນ