ee4

ສໍາລັບຄົນທີ່ມັກຟັງເພງທັງຫຼາຍໆ ຄືຊິບໍ່ມີສິ່ງໃດທີ່ຈະເຮັດໃຫ້ເພີດເພີນໄປຕະຫຼອດໝົດມື້ໄດ້
ເທົ່າກັບການ ນັ່ງຟັງເພງມ່ວນໆ ກັບຫູຟັງທີ່ດີໆຈັກນຶ່ງອັນ ແນ່ນອນເມື່ອມີຫູຟັງທີ່ໃຫ້ສຽງໃສ,
ແຈ້ງ, ມ່ວນ ພ້ອມທັງຍັງຕັດສຽງລົບກວນພາຍນອກໄດ້ນຳອີກ ຄືຊິຄັກແທ້……. !!!
ນອກຈາກເລື່ອງຂອງຄຸນນະພາບຂອງສຽງແລ້ວ ຂໍ້ຄວນລະວັງໃນການເລືອກຊື້ຫູຟັງຍັງມີຫຼາຍ
ປັດໃຈອື່ນໆທີ່ຕ້ອງຄຳນຶງຖຶງອີກເຊັ່ນ: ລາຄາ, ຄວາມທົນທານ ຫຼື ປະເພດຂອງຫູຟັງທີ່ຕົນເອງ
ມັກໃຊ້   ວ່າແລ້ວພວກເຮົາກໍເລີຍໄປພົບເຫັນເລື່ອງທີ່ມາຂອງຫູຟັງທີ່ໜ້າສົນໃຈຈາກເວັບໄຊ
mensfitness.com   ມາບອກຕໍ່ໆ ເພື່ອໃຫ້ຜູ່ທີ່ມັກໃນການຟັງເພງໄດ້ຮູ້ຈັກກັນ.


ee41851. Cherry Wood Fillmores   (ຫູຟັງ ສໍາລັບຄົນທີ່ມີກຳລັງເງິນໜ້ອຍ…ແຕ່ມັກໃນ
ການຟັງເພງ
…!!!)
ສຳລັບຄົນທີ່ມີກຳລັງເງິນໜ້ອຍມີບໍ່ຫຼາຍປານໃດ ແຕ່ມັກໃນການຟັງເພງ ໜ້າຈະຖືກໃຈກັບຫູຟັງ
ລຸ້ນນີ້ຈາກ LSTNໄດ້ບໍ່ງ່າຍດ້ວຍລາຄາຊື້ພຽງ 100ຫຼຽນສະຫະລັດ (ຫຼືປະມານ 770,000ເງິນກີບ)
ແຕ່ສິ່ງທີ່ໄດ້ກັບມາຄືຫູຟັງດີຊາຍລຽບຫລູເບິ່ງຄາດຊິກ ທີ່ມາພ້ອມກັບຄຸນນະພາບສຽງແຮງ ຖືວ່າ
ຄຸ້ມຄ່າສຸດໆ ໂດດເດັ່ນດ້ວຍໄມ້ເຊີລີ້ທີ່ເປັນກອບຫູຟັງ ເຊິ່ງເກີດຂຶ້ນຈາກງານຝີມືລ້ວນໆ ເຮັດໃຫ້
Cherry Wood Fillmores ເປັນທາງເລືອກທີ່ບໍ່ໂຫດຮ້າຍປານໃດເລີຍ.

 

ee41872. LCD3  (ຫູຟັງ ສໍາລັບຄົນທີ່ມັກຄຸນນະພາບຂອງສຽງອັນສຸດຍອດເປັນຫຼັກໆ…!!!)
ສໍາລັບຄົນທີ່ຢາກໄດ້ຫູຟັງທີ່ເນັ້ນເລື່ອງຂອງຄຸນນະພາບສຽງອັນສຸດຍອດເປັນຫຼັກຕ້ອງໂຟ
ກັດມາທີ່ຫູຟັງຈາກ Audeze ລຸ້ນ LCD3 ກັນໄດ້ເລີຍ ເພາະວ່າຜູ່ຜະລິດໄດ້ໃຊ້ເທັກໂນໂລ
ຍີ Planar magnetic ມາຊ່ວຍລົດຄວາມຜິດພ້ຽນ ແລະ ຄວາມກ້ອງກັງວານຂອງສຽງເຮັດ ໃຫ້ຜູ່ຟັງຮູ້ສຶກຄືກຳລັງຟັງນັກຮ້ອງຄົນທີ່ທ່ານມັກຫຼີ້ນເພງແບບສົດໆພຸ້ນນ່າແຖມການອອກ ແບບຂອງຫູຟັງກໍເບິ່ງແປກແຫວກແນວດີໆ ແລະ ຖ້າໃຜທີ່ສົນໃຈກໍ່ຕ້ອງຍອມແລກເງິນກັບ ລາຄາເຄື່ອງຫູຟັງທີ່ແສນຈະແພງຂອງມັນນຳອີກໃດລະ….!!! ເພາະຈະເປີດວາງຂາຍໃນ
ລາຄາ 1,945 ຫຼຽນສະຫະລັດ (ຫຼືປະມານ 14,977,000 ເງິນກີບ).

 

sony-mdr-1rbt3. MDR-1RBT Prestige  (ຫູຟັງ ສໍາລັບຄົນທີ່ບໍ່ມັກໃຫ້ສາຍພັນກັນ…!!!)ເຊື່ອວ່າຫຼາຍຕໍ່ຫຼາຍຄົນຕ້ອງເຄີຍລໍາຄານກັບສາຍຫູຟັງທີ່ມັກພັນຫຍຸ້ງກັນ ຫຼື ຫ້ອຍເກະກະກັນ
ຢ່າງແນ່ນອນ ແຕ່ຫູຟັງຈາກ Sony ລຸ້ນນີ້ຈະເຮັດຕັດບັນຫາທີ່ຫຍຸ້ງຍາກເລົ່ານີ້ອອກໄປເພາະ
ເປັນຫູຟັງຊະນິດໄຣ້ສາຍ (ແຕ່ດີຊາຍບໍ່ໄດ້ນ່າເບື່ອ) ເຮັດວຽກຮ່ວມກັບເຄື່ອງຫຼິ້ນຜ່ານສັນຍານ
ບູທູດ V3.0 ແລະເທັກໂນໂລຍີ NFC (Near Field Communications) ນອກຈາກນີ້ຮູບລັກ
ສະນະຂອງຫູຟັງຍັງເບິ່ງທັນສະໄໝ, ເໝາະກັບຄົນສະໄໝໃໝ່ເປັນຢ່າງດີ ທີ່ສຳຄັນສາມາດໃຊ້
ຟັງ ໄດ້ດົນເຖິງ 30 ຊົ່ວໂມງ ໂດຍ MDR-1RBT Prestige ຈະເປີດວາງຂາຍໃນລາຄາ 399
ຫຼຽນສະຫະລັດ (ຫຼືປະມານ 3,072,000 ເງິນກີບ) ເທົ່ານັ້ນ.

 

ee41904. Ultra Fit 1000  (ຫູຟັງ ສໍາລັບຄົນທີ່ມັກໃນການອອກກຳລັງກາຍ…!!!)
ການເລືອກຫູຟັງສໍາລັບໃສ່ຕອນອອກກຳລັງກາຍ ໂດຍສະເພາະອາດມີໂຕເລືອກບໍ່ຫຼາກຫຼາຍເທົ່າ
ໃດແຕ່ຮັບຮ້ອງວ່າ Ultra Fit 1000 ຈາກ Polk Audio ຈະເປັນທີ່ຖືກຕາຖືກໃຈນັກກິລາຫຼາຍຄົນ
ໄດ້ພໍສົມຄວນດ້ວຍຄວາມທີ່ມັນອອກແບບມາໂດຍເນັ້ນທີ່ຄວາມກະຊັບ ເພື່ອໃຫ້ເໝາະກັບການໃສ່
ອອກກຳລັງກາຍທີ່ຕ້ອງເຄື່ອນໄຫວເພື່ອບໍ່ໃຫ້ຍັບໄປມາຫຼືຫລຸດອອກຈາກຫູນອກຈາກນີ້ຍັງຕັດສຽງ
ລົບກວນພາຍນອກບໍ່ໃຫ້ຜ່ານເຂົ້າໄປລົບກວນຄວາມບັນເທີງຂອງຜູ່ໃສ່,ລວມໄປເຖິງໃຫ້ສຽງເບດສ
ທີ່ແນ່ນຕຶບອີກນຳ ຄວາມສຸດຍອດທັງໝົດ ຂອງຫູຟັງລຸ້ນນີ້ມາໃນລາຄາພຽງ 50 ຫຼຽນສະຫະລັດ
(ຫຼືປະມານ 385,000 ເງິນກີບ).

 

ee25. Beats Executive  (ຫູຟັງ ສໍາລັບຄົນທີ່ຕ້ອງການເດີນທາງໄປໃສມາໃສໄກໆ
ແລະ ໄປຕະຫຼອດ
…!!!)
ສໍາລັບຄົນທີ່ຕ້ອງການເດີນທາງໄປໃສມາໃສໄກໆ ແລະ ໄປຕະຫຼອດ ຄຸນນະສົມບັດສຳຄັນທີ່ຕ້ອງ
ການຈາກຫູຟັງ ນອກເໜືອຈາກຄຸນນະພາບສຽງແລ້ວ ສິ່ງທີ່ຊອກຫາຈາກໂຕຫູຟັງກໍຄືຊິແມ່ນເລື່ອງ ຂອງການພົກພາທີ່ສະດວກນັ້ນເອງ ເຊິ່ງຫູຟັງໂຕແຈ່ມຈາກ Drare ລຸ້ນນີ້ຄືຄຳຕອບທີ່ຖືກໃຈຄົນ
ຟັງເພງຫຼາຍໆຄົນອີກລຸ້ນໜຶ່ງ ເພາະມັນບໍ່ໄດ້ມີດີພຽງແຕ່ຄຸນນະພາບສຽງທີ່ອັດແໜ້ນເທົ່ານັ້ນແຕ່
ຍັງມີນ້ຳໜັກທີ່ເບົາ ແລະ ສາມາດພັບເກັບໄດ້ ນີ້ແຫລະຄືຈຸດເດັ່ນທີ່ບໍ່ຄວນເບິ່ງຂ້າມເປັນຢ່າງຍິ່ງ
ສ່ວນລາຄາວາງຂາຍຢູ່ທີ່ 300 ຫຼຽນສະຫະລັດ (ຫຼືປະມານ 2,310,000 ເງິນກີບ).

 

ee36. AE2w Bluetooth  (ຫູຟັງ ສໍາລັບຄົນທີ່ມັກຟັງຕິດຕໍ່ກັນດົນເປັນຊົ່ວໂມງໂດຍບໍ່ປວດຫູ,
ພ້ອມຍັງສາມາດຢຸດພາບ-ສຽງແບບອັດຕະໂນມັດໃນເວລາທີ່ມີສາຍໂທເຂົ້າ ແລະ ກັບມາ
ຫຼິ້ນຕໍ່ຕາມປົກກະຕິໂດຍບໍ່ມີການສະດຸດໃຫ້ຜູູ່ຟັງຕ້ອງເສຍອາລົມ
…!!!)
ຈົບທ້າຍກັນດ້ວຍຫູຟັງທີ່ບໍ່ມີສາຍເລີຍ ຈາກ Bose ທີ່ຈະເຮັດໃຫ້ການຟັງເພັງຜ່ານຫູຟັງຂອງທ່ານ
ເປັນຊ່ວງເວລາພັກຜ່ອນທີ່ແສນພິເສດຫຼາຍທີ່ສຸດ ດ້ວຍເທັກໂນໂລຍີທີ່ເອີ້ນວ່າ: Triport ເຊິ່ງຈະ
ຖ່າຍທອດສຽງເພັງທີ່ສົ່ງອອກມາໃຫ້ມີປະສິດທິພາບຫຼາຍຂຶ້ນກ່ວາເກົ່າບວກກັບ Ear cups ທີ່ໄດ້
ຮັບການອອກແບບມາເປັນຢ່າງດີ ດັ່ງນັ້ນ ຕໍ່ໃຫ້ໃສ່ຫູຟັງຕິດຕໍ່ກັນດົນເປັນຊົ່ວໂມງກໍ່ຈະບໍ່ປວດຫູ
ຢ່າງແນ່ນອນ ຄວາມໂດດເດັ່ນນອກເໜືອຈາກທີ່ກ່າວໄປແລ້ວ ຍັງມີເລື່ອງຂອງລະບົບການເຮັດວຽກ
ອັນຫຼາກຫຼາຍຂອງມັນອີກນຳ ເພາະມັນສາມາດສະລັບສັບປ່ຽນໃຊ້ງານລະຫວ່າງ ເບິ່ງໜັງ-ຟັງເພງ ກັບການຮັບໂທລະສັບໄດ້ນຳອີກເຊັ່ນ: ຫາກຜູ່ໃຊ້ກຳລັງເບິ່ງ ໜັງຢູ່ແລ້ວມີຄົນໂທເຂົ້າມາ ເມື່ອກົດຮັບສາຍໂຕຫູຟັງກໍ່ຈະຢຸດພາບທີ່ກຳລັງຫຼິ້ນຢູ່ ເພື່ອເຂົ້າສູ່ໂໝດຮັບສາຍກ່ອນ
ຈາກນັ້ນ ເມື່ອກົດວາງສາຍແລ້ວພາບລ່າສຸດທີ່ກຳລັງຫຼິ້ນກໍ່ຈະກັບມາຫຼິ້ນຕໍ່ຕາມປົກກະຕິ ໂດຍບໍ່ມີການສະດຸດໃຫ້ຜູ່ຟັງຕ້ອງເສຍອາລົມ
ເລີຍດັ່ງນັ້ນ AE2w Bluetooth ໄດ້ອອກມາວາງຂາຍແລ້ວໃນລາຄາ 249 ຫຼຽນສະຫະ ລັດ  (ຫຼື ປະມານ 1,917,000 ເງິນເກີບ).

         (ຂໍຂອບໃຈ) ຂໍ້ມູນຈາກເວບໄຊ  kapook.com