ເຊວ​selfie1ຟີ່ (Selfie) ​ຖື​ເປັນ​ກະ​ແສ​ຍອດ​ຮິດ​ທົ່ວ​ໂລກ​ບໍ່​ວ່າ​ໃຜ​ຖ້າ​ມີຖ້າ​ມີ​ສະມາດໂຟນ​ຫລື​ແທັບ​ເລັດ ຢູ່ໃນ​ມື​ເປັນ​ຕ້ອງ​ແຊະ​ຕະຫລອດ ຈະ​ຂຶ້ນ​ລົດ, ຈະ​ໄປ​ທ່ຽວ, ຈະ​ກິນ​ເຂົ້າ​ແລະ ອື່ນໆກໍ​ຕ້ອງ​ຖ່າຍ​ຮູບ​ແລ້ວ​ແຊ​ລົງ​ອິ​ນສະ​ຕາ​ແກຣມ​ນຳ, Facebook ​ແນ່, ທະ​ວິດ​ເຕີ​ນຳ.

ແຕ່​ກໍ​ມີ​ຫລາຍ​ຄັ້ງທີ່​ເຮົາ​ລືມ​ເບິ່ງ​ໄປ​ວ່າ ບາງ​ເວລາ​ບາງ​ສະຖານ​ທີ່​ມັນ​ກໍ​ບໍ່​ເໝາະ​ສົມ​ທີ່​ຈະ​ເຮັດ ຢ່າງ​ເຊັ່ນ: ​ໃນ​ຫ້ອງ​ປະ​ຊຸມ​ງານ​ສຳຄັນ​ໆ, ໃນ​ຊັ້ນ​ຮຽນ​ຂະນະ​ທີ່​ອາຈານ​ກຳ​ລັງ​ສອນ​ຢູ່.

 

 

ຫຼັງ​ຈາກ​ກ່ອນ​ໜ້າ​ນີ້​ທາງ ecorneroinline ຂອງ​ເຮົາ​​ໄດ້​ນຳ​ສະ​ເຫ​ນີ​ເທຣນ​ໃຫມ່​ທີ່​ກຳລັງ​ຮິດ​ໃນ​ຕ່າງປະ​ເທດ​ຄື ​ເຊ​ວຟີ​ຜ້າ​ຂົນຫນູ ມື້​ນີ້​ເລີຍ​ຈະ​ມາ​ນຳ​ສະ​ເຫ​ນີບ່ອນ​ຕ້ອງ​ຫ້າມ​ການ​ຖ່າຍ Selfie ຈະ​ມີ​ສະຖານ​ທີ່​ໃດ​ແນ່​ນັ້ນ​ມາ​ຕິດຕາມ​ນຳ​ກັນ​ເລີຍ.

ຕໍ່ໄປ​ນີ້​ຄື​ພາບ​ຖ່າຍ​ຕ້ອງ​ຫ້າມ​ຈາກ 8 ປະເທດ​ໃນ​ໂລກ ທີ່​ເວັບ​ໄຊ ເດ​ລີ ເມວ ຂອງ​ອັງ​ກິດ​ເອົາ​ມາ​ນຳ​ສະເໜີ​ເອົາ​ໄວ້ ໄປ​ເບິ່ງ​ກັນ​ວ່າ​ມີ​ຂອງ​ປະເທດ​ຫຍັງ​ແນ່ ແລະ​ພວກເຂົາ​ວ່າ​ມັນ​ບໍ່​ດີ ບໍ່​ເໝາະ​ສົມ ຫລື​ມີ​ຫຍັງ​ຫ້າມຢ່າງ​ໃດ​ແນ່…

 

  1. ຫາດ​ກາ​ຮູບ ປະເທດຝຣັ່ງ

ຫາດ​ກາ​ຮູບ​ຂອງຝຣັ່ງ​ງາມ​ແລະ​ໜ້າ​ເຊວຟີ່ ແຕ່​ເຮັດ​ບໍ່​ໄດ້ ເພາະ​ມີ​ກົດ​ຄຸມ​ຢູ່​ວ່າ ແລະ​ເພາະ​ທີ່​ນີ້ເປັນ​ຫາດ​ທີ່​ສວຍງາມ​ຕະ​ການ​ຕາ​ທີ່ສຸດ​ໃນ​ຝຣັ່ງ ພວກເຂົາ​ຈຶ່ງ​ຢາກ​ໃຫ້​ຄົນ​ໄດ້​ມາ​ຊື່ນ​ຊົມ​ຫາດ​ຊາຍ, ຕົ້ນ​ໄມ້ ແລະ​ນ້ຳ​ທະ​ເລ​ຫລາຍກວ່າ​ຈະ​ມາ​ມົວ​ເຊນ​ຟີ່.

  1. ປະເທດ​ອິ​ຫລ່ານ

ປະເທດ​ອິ​ຫລ່ານ ຫ້າມ​ນັກ​ເຕະ​ຄົນ​ໃດ​ຖ່າຍ​ຮູບ​ແລະ​ເຊນວຟີ່​ກັບ​ແຟນ​ຄລັບ​ທີ່​ເປັນ​ຜູ້ຍິງ​ເດັດ​ຂາດ ໂດຍ​ປະ​ທານ​ຄະນະ​ກຳມະການ​ບານ​ເຕະ​ໃຫ້​ເຫດຜົນ​ວ່າ ມັນ​ສ່ຽງ​ຕໍ່​ການ​ຖືກ​ໃຊ້​ເປັນ​ເຄື່ອງ​ມື​ທາງ​ການ​ເມືອງ ຖ້າ​ໃຜ​ຝ່າ​ຝືນ​ອາດຈະ​ຕ້ອງ​ຖືກ​ລົງໂທດ.

 

  1. ປະເທດ​ເກົາ​ຫລີ​ໃຕ້

ທຸກ​ມື້​ນີ້​ກໍ​ອາດຈະ​ຍັງ​ຮິດ​ຢູ່​ກັບ​ໄມ້​ເຊວ​ຟີ່​ແຕ່​ເດືອນ ທັນວາ​ 2014 ທີ່​ຜ່ານມາ ທາງ​ການ​ເກົາ​ຫລີ​ໃຕ້​ໄດ້​ອອກ​ກົດ​ຄວບ​ຄຸມ​ການ​ໃຊ້​ ​ໄມ້​ນີ້ ຖ້າ​ເປັນຮຸ່ນ​ເບ​ສິກໆ ທີ່​ບໍ່​ມີ​ລະບົບ​ໄຟ​ຟ້າ​ຫຍັງ​ນັ້ນ​ບໍ່​ມີ​ບັນຫາ ແຕ່​ຖ້າ​ເປັນ​ຮຸ່ນ​ແອ​ດວານຊ (Advance) ​ທີ່​ມີບ​ລູ​ທູດ​ເຊື່່ອມ​ຕໍ່​ກັບ​ສະມາດ​ໂຟນ ພວກເຂົາ​ບອກວ່າ​ຄວນ​ເອົາ​ໄປ​ໃຫ້​ທາງ​ການ​ກວດ​ສອບ​ຄວາມ​ປອດ​ໄພ ​ແລະ​ລົງ​ທະ​ບຽນ​ຢືນຢັນ​ເສຍ​ກ່ອນ ເນື່ອງ​ຈາກ​ຢ້ານວ່າ​ລະບົບ​ບລູ​ທູດ​ອາດຈະ​ໄປ​ລົບກວນ​ການ​ສື່​ສານ​ອື່ນໆໄດ້.

 

  1. ປະເທດ​ຊາ​ອຸ​ດິອາ​ຣະ​ເບຍ

ພິທີ​ຮັດ ເປັນ​ພິທີ​ທີ່​ສັກ​ສິດ​ຂອງ​ສາດສະຫນາ​ອິດ​ສະລາມ​ທີ່​ມຸດ​ສະລິມ​ທຸກ​ຄົນ​​ເພິ່ງ​ປະຕິບັດ ຕ້ອງ​ໄປ​ເຮັດ​ທີ່​ນະຄອນ​ເມກ​ກະ ປະເທດ​ຊາ​ອຸ​ດິ​ອາ​ຣະ​ເບຍ ແມ່ນ​ຈະ​ເປັນ​ພິທີ​ທີ່​ຄວນ​ແກ່​ການ​ໃຫ້​ຄວາມ​ເຄົາລົບ ​ແລະ​ຄວາມ​ສຳ​ລວມ ແຕ່​ກໍ​ຍັງມີ​ບາງ​ຄົົນທີ່​ມັກ​ຖ່າຍ​ເຊວ​ຟີ່​ໃນ​ຊ່ວງ​ເວລາ​ນີ້ ຈົນ​ຕ້ອງ​ມີ​ການ​ຕັກ​ເຕືອນ​ວ່າ​ເປັນ​ການ​ກະທຳ​ເຊັ່ນ​ນີ້​ບໍ່​ສົມຄວນ​ຢ່າງ​ຍິ່ງ.

 

  1. ເມືອງ​ປຳ​ໂປ​ນາ ປະເທດ​ສະ​ເປນ

ທີ່​ເມືອງ​ນີ້​ພວກເຂົາ​ມີ​ການ​ແລ່ນ​ງົວ​ກະ​ທິງ​ກັນ​ແຕ່​ກໍ​ຍັງມີ​ຄົນ​​ແລ່ນ​ຢູ່​ຂ້າງ​ໜ້າ​ສ່ວນ​​ໂຕ​ກະ​ທິງ​ຈະ​ຕາມ​ຫລັງ​ພວກເຂົາ​ກໍ​ເລີຍ​ບອກວ່າ ສະ​ມາ​ທິ​ຕ້ອງ​ຕັ້ງ​ຫມັ້ນ​ຫລາຍ ຕາ​ຕ້ອງ​ເບິ່ງ​ຖະໜົນ ສັງເກດ​ສິ່ງ​ຮອບ​​ໂຕ ລວມ​ທັງ​ເສັ້ນ​ທາງ ຫ້າມວ໋ອກ​ແວ໋ກ ຖ້າ​ພາດ​ໄປ​ໜ້ອຍ​ນຶ່ງ​ອາດ​ຖືກ​ໂຕ​ກະທິງ​ຂ້າ​ເອົາ​ໄດ້ ແຕ່​ກໍ​ຍັງມີ​ຄົນ​ຝ່າ​ຝືນ​ຈົນ​ຖືກ​ປັບ​ໄປ 3,000 ຍູ​ໂຣ (ປະມານ 27,500,000 ກີບ) ເມື່ອ​ປີ​ກ່ອນ ກໍ​ເພາະ​ມົວ​ແຕ່​ຖ່າຍ​ເຊວ​ຟີ່​ນັ້ນ​ແຫລະ ທັງ​ໆ ທີ່​ກຳ​ລັງ​ໜີກະທິງຢູ່​ແທ້ໆ.

  1. ມະຫາ​ນະຄອນ​ນິວ​ຢອກ ປະເທດ​ສະ​ຫະລັດ​ອະ​ເມ​ລິ​ກາ

ຕັ້ງ​ແຕ່​ເດືອນ ກຸມພາ 2015 ນີ້​ເປັນ​ຕົ້ນ​ໄປ ມະຫາ​ນະຄອນ​ນິວຢອກ​ຈະ​ເປັນ​ລັດ​ທຳ​ອິດ​ຂອງລັດ​ທີ່​ມີ​ກົດຫມາຍ​ຫ້າມ​ຖ່າຍ​ພາບ​ຄູ່​ກັບ ​ສິງ, ເສືອ ຫລື​ສັດ​ໃນ​ຕະກູນ​ແມວ​ທີ່​ມີ​ຂະໜາດ​ໃຫຍ່​ເດັດ​ຂາດ​ດ້ວຍ​ເຫດຜົນ​ດ້ານ​ຄວາມ​ປອດ​ໄພ​ທັງ​ຂອງ​ຄົນ ​ແລະ​​ໂຕ​ສັດ​ເອງ.

 

  1. ເມືອງ​ເມວ​ເບິນ ປະເທດ​ອອດສເຕ​ເຣຍ

ທີ່ນີ້​ກໍ​ມີ​ກົດ​ຄວບ​ຄຸມ​ການ​ຖ່າຍ​ພາບ​ຄືກັນ ເນື່ອງ​ຈາກ​ລະຫວ່າງ​ແຂ່ງ​ເທນ​ນິດ (Tennis) ​ຄົນ​ຈະ​ແຫ່​ໄປ​ເບິ່ງ ພ້ອມ​ພົກ​ໄມ້​ເຊວ​ຟີ່​ອອກ​ມາ​ໃຊ້ ເລີຍ​ມີ​ຄຳ​ເຕືອນ​ວ່າ ຈະ​ໃຊ້​ກໍ​ໃຊ້​ໄດ້ ແຕ່​ຄວນ​ເປັນ​ໄປ​ຕາມ​ຄວາມ​ເໝາະ​ສົມ ໂດຍ​ສະເພາະ​ລະຫວ່າງ​ການ​ແຂ່ງ​ກິລາ​ນັ້ນ​ຢ່າ​ເຮັດ ເພາະ​ຈະ​ລົບກວນ​ວິ​ໄສ​ທັດ​ການ​​ເບິ່ງ​ຂອງ​ຄົນ​ອື່ນ ເຮັດໃຫ້​ເບິ່ງ​ການ​ແຂ່ງ​ຂັນ​ກິລາ​ບໍ່​ຖະຫນັດ.

  1. ກຸງ​ລອນ​ດອນ ປະເທດ​ອັງ​ກິດ

ທີ່ນີ້​ມີ​ກົດ​ເຕືອນ​ຢູ່​ວ່າ​ການ​ຖ່າຍ​ແລະ​ແພ່​ພາບ​​ໂຕ​ເອງ ລວມ​ໄປ​ເຖິງ​ບັດ​ລົງ​ຄະ​ແນນ​ບໍລິເວນ​ຄູ​ຫາ​ເລືອກ​ຕັ້ງ​ອາດ​ຖືກ​ໂທດ​ຈຳ​ຄຸກ6 ປີ​ຂຶ້ນ​ໄປ ແລະ​ປັບ 5,000 ຍູ​ໂຣ (ປະມານ 45,000,000 ກີບ) ແຕ່​ກໍ​ມີ​ສຽງ​ຄ້ານ​ວ່າ ບໍ່​ເຫັນ​ດີ​ນຳ ເພາະ​ຖ້າ​ເບິ່ງ​ອີກ​ມຸມ​ນຶ່ງ ການ​ຖ່າຍ​ພາບ​ແບບ​ນີ້​ກໍ​ຖື​ເປັນ​ການ​ລົນນະ​ລົງ​ໃຫ້​ປະຊາຊົນ​ຫັນ​ມາ​ໃຊ້​ສິດ​ ​ຂອງ​ໂຕ​ເອງ.