adobe-surface-pro3

ໃນງານ Adobe Max ນອກຈາກຈະມີເຊີໄພ້ຜູ່ເຂົ້າຮ່ວມງານ ແຈກ Microsoft Surface Pro 3 ໃຫ້ທຸກຄົນແລ້ວຍັງມີ Teaser ແລະການ Demo ໃຊ້ງານ Adobe Creative Suite ແບບເທບໆ ທີ່ຖືກປັບແຕ່ງມາໃຫ້ໃຊ້ງານເທິງໜ້າຈໍສຳ​ຜັດ (Touch Screen) ແບບງ່າຍໆ ແລະເຊື່ອວ່າຕ້ອງກະຕຸ້ນໃຫ້ອີກຫຼາຍໆຄົນຢາກໄດ້ Surface Pro 3 ຂຶ້ນມາອີກບໍ່ຫຼາຍກໍໜ້ອຍເນາະ.

ຕາມທີ່ເຫັນກໍຄືແອັບຯ ຂອງ Adobe ໄດ້ຖືກປັບແຕ່ງມາໃຫ້ສາມາດຊູມແລະໝຸນ ໄດ້ດ້ວຍນິ້ວງ່າຍຂຶ້ນກວ່າເກົ່າ ເຊິ່ງເປັນພຽງການປ່ຽນແປງເບື້ອງຕົ້ນ ເພາະຕໍ່ໄປທາງ Adobe ຈະພະຍາຍາມປ່ຽນໃຫ້ຮອງຮັບການໃຊ້ງານແບບສຳຜັດເຕັມຮູບແບບ ບໍ່ແມ່ນແຕ່ການສຳຜັດທຳມະດາ ມັນຈະຂະຫຍາຍຂະໜາດປຸ່ມໃຫ້ໃຫຍ່ຂຶ້ນເພື່ອ​ໃຫ້​ເໝາະ​ກັບ​ການ​ໃຊ້​ແບບ​ສຳ​ຜັດໄດ້ອີກ. ເອົາເປັນວ່າເຮົາໄປ Demo ຈາກການໃຊ້ງານຕົວຈິງໃນວິດີໂອດ້ານລຸ່ມນີ້ເລີຍ ຊ່ວງທຳອິດຈະເປັນການແນະນຳການເປັນ Partner ກ່ອນແລ້ວຄ່ອຍເລີ່ມເດໂມຕອນຊ່ວງ 4:00.

ເຫັນແບບນີ້ແລ້ວເຮັດເອົາແບບວ່າຢາກກັບໄປລອງໃຊ້ Microsoft Windows ເລີຍ ເຊິ່ງຈາກທີ່ເຮົາເບິ່ງແລ້ວກໍຖືເປັນທາງເລືອກທີ່ສຸດຍອດອັນນຶ່ງສຳລັບຄົນທີ່ຢາກຫາອຸປະກອນເຮັດວຽກແບບຈິງຈັງ ແລະເມື່ອຫັນກັບມາເບິ່ງ Android Tablet ແລ້ວ ບັນດາແອັບຯ ເຮັດວຽກໄດ້ສຸດຍອດຍັງບໍ່ຄ່ອຍມີປານໃດ ຕ່າງກັບຄູ່ແຂ່ງຢ່າງ iOS ແລະ Windows ແຕ່ກໍຢ່າລືມວ່າ Android Tablet ມື້ນີ້ມັນອາດຈະ​ບໍ່​ຢູ່ໃນໝວດຂອງການເຮັດວຽກຫຼືການສ້າງສັນ ແຕ່ກັບເປັນອຸປະກອນເພື່ອຄວາມບັນເທີງ ຊ່ວຍໃຫ້ຄົນເຂົ້າເຖິງອິນເຕີເນັດໃນລາຄາມິດຕະພາບກວ່ານັ້ນເອງ.

ທີ່ມາ : The Verge