120807072430-indonesia-air-asia-jet-horizontal-large-gallery

CNN ລາຍງານວ່າ ຖ້ຽວບິນຈາກ Sydney ໄປຫາ ມາເລເຊຍ ໄດ້ຖືກບິນໄປ Melbourne ແທນ ຫຼັງຈາກການກວດສອບສືບສວນ ຂອງກົມການບິນອົດສະຕາລີພົບ ເຊິ່ງໄດ້ເຜີຍແພ່ໃນວັນພຸດທີ່ຜ່ານມານີ້ວ່າ ນັກບິນປ້ອນພິກັດການບິນເລີ່ມຕົ້ນຜິດ.

ຖ້ຽວບິນດັ່ງກ່າວບັນຈຸຜູ່ໂດຍສານທັງໝົດ 212 ຄົນ, ໂດຍເລີ່ມອອກເດີ່ນທາງຈາກເມືອງ ຊິດນີ ເພື່ອໄປ ກົວລາ ລຳເປີ ໃນວັນທີ່ 10 ມີນາ 2015 ເຊິ່ງໄດ້ບິນໄປຜິດທາງ ເນື່ອງຈາກນັກບິນ ໄດ້ປ້ອນພິກັດຂອງຍົນ ໃສ່ໃນລະບົບນຳທາງການບິນຜິດ. ເຊິ່ງນັກບິນນັ້ນປ້ອນພິກັດເສັ້ນແວ່ງເປັນ 01519.8 ຕາເວັນອອກ ແທນທີ່ 15109.8 ເຊິ່ງຖືວ່າເປັນການຜິດດ່ຽງທີ່ສູງເຖິງ 11,000 ກິໂລແມັດ ແລະ ໄດ້ມີການແຈ້ງເຕືອນຈາກລະບົບ. ນອກນັ້ນຈຸບິນດັ່ງກ່າວ ຍັງມີຫຼາຍໂອກາດ ທີ່ຈະຮັບຮູ້ໄດ້ວ່າ ພິກັດຍົນນັ້ນຖືກຕັ້ງບໍ່ຖືກຕ້ອງ ແລະ ມີໂອກາດແກ້ໄຂບັນຫາດັ່ງກ່າວ ເພາະມີການແຈ້ງເຕືອນດ້ວຍສຽງ ແລະ ຈາກລະບົບຫຼາຍຮູບແບບ ແຕ່ຈຸບິນຜັດບໍ່ສົນໃຈ ແລະ ບໍ່ຮູ້ເລີຍ ຈົນຍົນໄດ້ບິນຂຶ້ນໄປແລ້ວຈຶ່ງຮູ້ວ່າ ມັນບິນໄປຜິດທາງ ເຊິ່ງມັນກໍຊ້າເກີນທີ່ຈະແກ້ໄຂໄດ້ແລ້ວ.

untitled-1-airasia

ເຊິ່ງຫຼັງຈາກຈຸບິນຮັບຮູ້ເຖິງບັນຫາ ພວກເຂົາກໍໄດ້ພະຍາຍາມແກ້ໄຂ ແຕ່ມັນຍິ່ງເຮັດໃຫ້ລະບົບນຳການບິນນັ້ນ ເຮັດວຽກຜິດພາດຍິ່ງຕື່ມ, ດັ່ງນັ້ນຫໍຄອຍຄວບຄຸມການບິນ ຈຶ່ງສັ່ງໃຫ້ພວກເຂົາກັບລົງຈອດທີ່ ຊິດນີ ເພື່ອລົງຈອດ ໂດຍບໍ່ມີລະບົບນຳທາງ ແຕ່ເນື່ອງຈາກສະພາບອາກາດບໍ່ດີ ພວກເຂົາຈຶ່ງຕ້ອງລົງໄປຈອດທີ່ ເມວເບິນ ແທນ. ຖ້ຽງບິນດັ່ງກ່າວ ໄດ້ຈອດຢູ່ ເມວເບິນ ເປັນເວລາ 3 ຊົ່ວໂມງ ກ່ອນຈະອອກເດີນທາງໄປ ກົວລາລຳເປີ ຕາມເປົ້າໝາຍ.

ຈາກເຫດການດັ່ງກ່າວ ທາງ AirAsia X ໄດ້ລາຍງານຕໍ່ CNN ວ່າ ພວກເຂົາໄດ້ອັບເກຣດລະບົບຈັດການການບິນ ຕັ້ງແຕ່ເກີດເຫດການນັ້ນເປັນຕົ້ນມາ ເພື່ອປ້ອງກັນເຫດການຊ້ຳຮອຍອີກ.

ຂ່າວຈາກ: CNN