xlarge_sad-droidAndroid 5.0 ຫຼືມີຊື່ເອີ້ນກັນວ່າ “Key Lime Pie” ເປັນລະບົບປະຕິບັດການເວີຊັນໃໝ່ຈາກ Google
ທີ່ຫຼາຍໆຄົນເຊື່ອກັນວ່າຈະເປີດໂຕໃນກາງເດືອນພຶດສະພາ ໃນງານ Google I/O 2013 ນີ້ຢ່າງແນ່ນອນ
ແຕ່ພັດມີຂ່າວອອກມາວ່າຈະມີການເລື່ອນການເປີດໂຕອອກໄປກ່ອນຊ້ຳ…

 

ມີລາຍງານຈາກແຫຼ່ງຂ່າວ Gadgetronica ກ່າວວ່າ Android 5.0 “Key Lime Pie” ຈະເລື່ອນການເປີດໂຕໄປອີກ 2 ຫາ 4 ເດືອນ
ເນື່ອງຈາກວ່າ Google ມີຄວາມຕ້ອງການທີ່ຢາກໃຫ້ ຜູ່ທີ່ຜະລິດໂທລະສັບມືຖືຕ່າງໆ ເຮັດໃຫ້ມືຖືມີການອັບເດດ ລະບົບປະຕິບັດການ
Android ໃນເວີຊັ້ນ 4.2.2 (Jelly Bean) ໃຫ້ໄດ້ຫຼາຍທີ່ສຸດ ແລະໃຊ້ງານໃນເວີຊັນນີ້ຢ່າງເຕັມທີ່ ກ່ອນທີ່ຈະໄປນໍາໃຊ້ລະບົບ
ປະຕິບັດການໂຕໃໝ່

ນອກຈາກນັ້ນຂ່າວຍັງບອກອີກວ່າ ການເລື່ອນການເປີດໂຕ Android 5.0 ນັ້ນ Google ຕ້ອງການປັບ OS ໃຫ້ເຮັດວຽກໄດ້ດີເຂົ້າ
ກັບ Hardware ຂອງ Nexus 5 ທີ່ຈະເປີດໂຕໃນອະນາຄົດ ໂດຍຂ່າວລືວ່າສະເປກຂອງ Nexus 5 ນີ້ ຈະມາພ້ອມກັບໜ່ວຍ
ປະມວນຜົນ Snapdragon 600 ແລະໜ້າຈໍໃຫຍ່ 5 ນິ້ວພ້ອມຄວາມລະອຽດ 1080p ເຊິ່ງທີ່ຫຼາຍຄົນຮູ້ກັນດີວ່າໄດ້ຜະລິດໂດຍ LG.

ແຕ່ເຖິງຢ່າງໃດມັນກໍເປັນພຽງແຕ່ຂ່າວລື ເຮົາມາລໍຖ້າເບິ່ງນໍາກັນວ່າມັນຈະເປັນຈິງແທ້ຫຼືບໍ່ໃນກາງເດືອນໜ້າ ກັບງານ Google I/O 2013.

ແຫຼ່ງຂ່າວຈາກ: Gadgetronica