tattoo

ຫຼັງ​ຈາກ Apple Watch ເລີ່ມ​ວາງ​ຂາຍ​ໃນ​ຕະຫຼາດ​ຢ່າງ​ເປັນ​ທາງ​ການ ໃຫ້​ສາ​ວົກ Apple ໄດ້​ເຊີຍ​ຊົມ​ຢ່າງ​ເຕັມ​ທີ່​ແລ້ວ, Apple Watch ກໍ​ສະ​ແດງ​ອາ​ການ​ແປກໆ​ອອກ​ມາ ເຊິ່ງ​ອາດ​ຈະເວົ້າ​ໄດ້​ວ່າ​ເປັນ​ອາ​ການ​ພູມ​ແພ້ “ລາຍ​ສັກ”  ເມື​່ອມີ​ຫາງ​ສ​ຽງ​ມາ​ຈາກ​ລູກ​ຄ້າບາງ​ຄົນທີ່ “ສັກ​ລາຍ​” ຢູ່​ຂໍ້​ມືວ່າ: Apple Watch ບໍ່​​ແຈ້ງ​ເຕືອນ, ບໍ່​ປົດ​ລ໋ອກ​ແບບ​ອັດ​ຕະ​ໂນ​ມັດ​ເຖິງ​ຈະ​ໃສ່​ຢູ່​ຂໍ້​ມືແລ້ວຕາມ​ຄຸນ​ສົມ​ບັດ​ຂອງ​ມັນ ເປັນ​ຕົ້ນ.

Apple Watch, ໂມງ​ອັດ​ສະ​ລິ​ຍະ ຜະ​ລິດ​ຕະ​ພັນ​ຫຼ້າ​ສຸດຂອງ ບ​ໍ​ລິ​ສັດ Apple ທີ່​ຫາຊິ​ເປີດ​ໂຕຫຼັງ​ປີ​ໃໝ່​ລາວ ທີ່​ຜ່ານ​ມາ ເຊິ່ງ​ກະ​ແສກະ​ບູມ​ຕາມ​ເຄີຍ ແລະ ຫັກ​ໜ້າ Google ໄປເຕັມໆ ເມື່ອຍອດ​​ສັ່ງ​ຈອງ​ຖະຫຼົ່ມ​ຖະ​ລາຍ, ຂາຍ​ສຽດ​ລ້າ​ນ​ໜ່ວຍ​ໃນ​ມື້​ທ​ຳ​ອິດ ຈົນຊິ​ຜະ​ລິດນຳ​ບໍ່​ທັນ (ຕາມ​ບົດ​ຄວາມ ກ່ອນ​​) ເຊິ່ງ​ກ່ອນ​ທີ່​ຈະ​ວາງ​ຂາຍ​ຢ່າງ​ເປັນ​ທາງ​ການ Tim Cook,  CEO ຄົນ​​ປັດ​ຈຸ​ບັນ​ຂອງ Apple ກໍ​ໄດ້​ກ່າວ​ເຖິງ Apple Watch ຢ່າງ​ໝັ້ນ​ໃຈວ່າ:

Apple Watch ນີ້ ຖືກ​ຜະ​ລິດ​ອອກ​ມາ​

ເພື່ອ​ທຸກໆ​ຄົນ​ຢູ່​ໃນ​ໂລກໄດ້​ໃຊ້

Tim Cook – CEO ຂອງ Apple

ແຕ່​ເມື່ອ​ໄດ້​ວາງ​ຂາຍ​ອອກສູ່​ທ້ອງ​ຕະຫຼາດ ພັດ​ມີ​ຫາງ​ສຽງ​ຈາກ​ລູກ​ຄ້າທີ່​ມີ “ລາຍ​ສັກ” ຢູ່​ຂໍ້​ມື ກ່ຽວ​ກັບ​ອາ​ການຜິດ​ປົກ​ກະ​ຕິແປກໆ ເມື່ອ Apple Watch  ບໍ່​ຕອບ​ສະ​ໜອງ​ເມື່ອ​ໃສ່​ຢູ່​ຂໍ້​ມືຄື: ການປົດ​ລ໋ອກ​ອັດ​ຕະ​ໂນ​ມັດ ຕາມ​ຄວາມ​ສາ​ມາດ “wrist detection” ຫຼື​ “ການກວດ​ຈັ​ບ​ຂໍ້​ມື” ນັ້​ນ​ເອງ ແລະ ການ​ແຈ້ງ​ເຕືອນ​ຕ່າງໆ ຈົນ​ກວ່າ​ຈະ​ປິດ​ຄວາມ​ສາ​ມາດ “wrist detection” ນີ້​ກ່ອນ. ນອກ​ຈາກ​ນັ້ນ, ຄວາມ​ສາ​ມາດ​ອີກ​ຢ່າງ​ນຶ່ງ​ຂອງ Apple Watch ກໍ​ຄື​ ການກວດ​ຈັບ​ຊີບ​ພະ​ຈອນ​ຂອງ​ຜູ້​ໃຊ້ເປັນ​ໄລ​ຍະໆ ກໍ​ເປ​ັນ​ລ່ອຍ, ເປັນ​ອຳ​ມະ​ພາດ ເມື່ອ​ພົບ​ກັບ ຂໍ້​ມື​ທີ່​ມີລາຍ​ສັກ. ​ເຖິງ​ຢ່າງ​ນັ້ນ, ອາ​ການ​ເຫຼົ່າ​ນີ້​ພັດຫາຍ​ໄປ​ປານ​ວ່າ ບໍ່​ມີຫຍັງ​ເກີດ​ຂຶ້ນ ເມື່ອ​ເອົາໄປໃສ່​ໃນ​ບໍ​ລິ​ເວ​ນ​ຜິວທີ່​ບໍ່​ມີ “ລາຍ​ສັກ”.

ສາ​ເຫດ​ທີ່​ພາ​ໃຫ້ Apple Watch ເຮັດ​ວຽກ​ຜິດ​ພາດ​ເມື່ອ​ໃສ່​ຂໍ້​ມື​ທີ່ມ​ີ ລາຍ​ສັກ ແມ່ນ Apple ໃຊ້​ເຕັກ​ໂນ​ໂລ​ຊີ​ທີ່​ມີ​ຊື່​ວ່າ: “Photoplethysmography” ອ່ານ​ແລ້ວ​ເບິ່ງ​ຄືໆ ອອກ​ສຽງ​ຍາກແດ່ ແຕ່​ມັນ​ກໍ​ເຮັດ​ວຽກ​ຕາມຫຼັກ​ການ​ງ່າຍໆ​ຄື: ເລືອດ​ຄົນ​ເຮົາ​ມີ​ສີ​ແດງເພາະ​ມັນ​ສະ​ທ້ອນ​ແສງ​ສີ​ແດງ ແລະ ດູດ​ຊຶມ​ສີ​ຂຽວ​ອ່ອນ. Apple Watch ຈະ​ໃຊ້​ໄຟ LED ສີ​ຂຽວ​ອ່ອນ ແລະ ແສງ ອິນ​ຟາ​ເລດ (Infrared)  ​ສົມ​ທົບ​ກັບ ເຊັນ​ເຊີ (sensor) ຄວາມ​ໄວ ໂຟ​ໂຕ​ດີ​ໂອດ (Photodiodes) ເພື​່ອ​ໃຊ້​ໃນ​ການກວດ​ສອບ​ການ​ໝູນ​ວຽນ​ຂອງ​ເລືອດ​ຜ່ານ​ຂໍ້​ມື​ຂອງ​ຜູ້​ໃຊ້. ແຕ່​ໜ້າ​ເສ​ຍ​ດາຍ, ເມັດ​ສີ ໃນ​ຜິວ ກໍ​ຄືລາຍ​ສັກນັ້ນ ດູດ​ຊຶ​ມ ແສງສີ​ຂ​ຽວ ແລະ ເມັດ​ສີ​ເອງກໍ​ເກີ​ດ​ການ​ດູດ​ຊຶມ​ໄວຫຼາຍ​ເຮັດ​ໃຫ້ ເປັນ​ໄປ​ບໍ່​ໄດ້​ເລີຍ​ທີ່ ແສງອິນ​ຟາ​ເລດ ຈະ​ໄດ້​ສ​ຳ​ຜັດ​ກັ​ບ​ເມັດ​ເລືອດ​ແດງ ບວ​ກ​ກັບ ຄ່າ​ຕອບ​ສະ​ໜອງ​ໄວ​ຕໍ່​ແສງ ແລະ ການ​ຜັນ​ແປ​ຂອງ​ແສງ ທີ່​ທາງບໍ​ລິ​ສັດ Apple ໄດ້​ກຳ​ນົດ​ໄວ້, ເຮັດ​ໃຫ້ ແສງອິນ​ຟາ​ເລດ ເບິ່ງ​ຄື​ເປັນ​ສີດ​ຳ ແລະ ບໍ່​ສາ​ມາດ​ສະ​ທ້ອນ​ຄ່າ​ກັບ​ໄປ​ໃຫ້ ເຊັນ​ເຊີ​ໄດ້. ຕາມຫຼັກ​ການ​ທີ່​ໄດ້​ກ່າວ​ມາ ເຮັດ​ໃຫ້ Apple Watch ເປັນ​ລ່ອຍ ເມື​່ອ​ພົບ​ກັບ​ຂໍ້​ມື​ທີ​ມີ “ລາຍ​ສັກ”.

sensor

ສ່ວນທາງບໍ​ລິ​ສັດ Apple ​ຍັງ​ບໍ່​ໄດ້​ອອກ​ມາ​ເວົ້າ​ຫຍັງກ່ຽວ​ກັບ​ແນວ​ທາງ​ແກ້ໄຂ​ບັນ​ຫາ​ນີ້. ແຕ່ໃນ​ຂະ​ນະ​ທີ່ Apple ກຳ​ລັງ​ຫົວ​ປັ່ນ​ກັບ​ ຫົນ​ທາງ​ເພື​່ອ​ແກ້​ໄຂ​ບັນ​ຫາ​ນີ້, Conan O’Brien ພິ​ທີ​ກອນລາຍ​ການຊື່​ດັງ ​ອອກ​ມາ​ເປີດ​ຕົວ “ອຸ​ປະ​ກອນ” ໃໝ່​ໂດຍ​ໃຫ້​ຊື່​ແບບ​ນຽນໆ​ວ່າ:​ “Apple Watch Hand” ລາ​ຄາ $499 ເພື່ອ​ລໍ້​ລຽນ Apple. (ໂອ ໂຄ​ນັນ, ເຈົ້າ​ຍັງ​ໜ້າ​ຮ​ັກ​ກວນ​ຕີນ​ຄື​ເກົ່າ​ນໍ້ XD)

watch-hand

ເບິ່ງວີ​ດີ​ໂອ​ໄດ້​ທີ່: