mainແຈ້ງການ ເລກທີ 460/ຈນວ , ລົງວັນທີ 06 ສິງຫາ 2013

ເລື່ອງ: ການຈັດສັນຖະໜົນເຈົ້າຟ້າງຸ່ມ (ແຄມຂອງ) ໃຫ້ເປັນທາງສັນຈອນ
ທິດທາງດຽວ (One Way ຂາຂຶ້ນ).

 

Fangoum
ເນື່ອງຈາກວ່າສະພາບການສັນຈອນຕົວຈິງຢູ່ໃນນະຄອນຫລວງວຽງຈັນໃນປັດຈຸບັນເຫັນວ່າ ມີຫລາຍເສັ້ນທາງການສັນຈອນ
ຍັງມີຄວາມສັບສົນ-ແອອັດ ໂດຍສະເພາະໃນໂມງເຂົ້າການ-ເລີກການ. ເພື່ອເປັນການຊ່ອຍຫລຸດຜ່ອນ ແລະ ແກ້ໄຂບັນຫາການ
ສັນຈອນແອອັດ ແນໃສ່ເຮັດໃຫ້ການສັນຈອນໄປມາຂອງພາຫະນະ ໃຫ້ມີຄວາມສະດວກວ່ອງໄວ ແລະໃຫ້ມີຄວາມປອດໄພ.
ເຈົ້າຄອງ ນະຄອນຫລວງວຽງຈັນ ຈິ່ງໄດ້ອອກແຈ້ງການມາຍັງສຳນັກງານ, ອົງການຈັດຕັ້ງລັດ-ສາກົນ, ພະນັກງານທະຫານ,
ຕຳຫລວດນັບທັງພໍ່ແມ່ປະຊາຊົນ ນັກທຸລະກິດ ຊາວຄ້າຂາຍແລະ ຜູ້ນຳໃຊ້ລົດ ໃຊ້ຖະໜົນທັງໝົດ ຈົ່ງໄດ້ຮັບຮູ້ ແລະປະຕິບັດດັ່ງນີ້:

1. ນັບແຕ່ວັນທີ 01 ສິງຫາ 2013 ເປັນຕົ້ນໄປ ການສັນຈອນຢູ່ຕາມເສັ້ນທາງເຈົ້າຟ້າງຸ່ມ ແມ່ນກຳນົດໃຫ້ເປັນເສັ້ນທາງສັນຈອນ
ທີ່ມີທິດທາງດຽວ (One Way ຂາຂຶ້ນ) ມີຈຸດເລີ່ມຕົ້ນນັບແຕ່ 3 ແຍກບ້ານທາດຂາວຈຸດລ້ຽວໄປເສັ້ນທາງຕັດໃໝ່ ເຂດພັດທະນາ
ດອນຈັນ ແລະ ສິ້ນສຸດຢູ່ບ້ານວັດຈັນ (ສາມແຍກຫໍພັກນັກສຶກສາ ໂຮງຮຽນການຊ່າງປາກປາສັກ).

2. ລົດທຸກຄັນທີ່ແລ່ນມາຈາກທາງຮ່ອມ ທີ່ຈະເຂົ້າຫາເສັ້ນທາງເຈົ້າຟ້າງຸ່ມແມ່ນຫ້າມລ້ຽວຊ້າຍເດັດຂາດ ສາມາດລ້ຽວຂວາໄດ້.

3. ໃນໄລຍະເບື້ອງຕົ້ນນັບແຕ່ເດືອນສິງຫາ ຫາ ເດືອນກັນຍາ ແມ່ນເປັນການທົດລອງກ່ອນ ແລະມີການແນະນຳຈາກພະນັກງານ
ແລະເຈົ້າໜ້າທີ່ຈະລາຈອນຢູ່ຕາມຈຸດດັ່ງກ່າວ.

4. ພາຍຫລັງສຳເລັດການທົດລອງພາຍໃນ 2 ເດືອນ ແລ້ວມອບໃຫ້ພະແນກ ຍທຂ ນະຄອນຫລວງວຽງຈັນ ແລະພະແນກຕຳຫລວດ
ຈະລາຈອນນະຄອນຫລວງວຽງຈັນ ສະຫລຸບວິເຄາະກ່ຽວກັບຂໍ້ມູນຮອບດ້ານ ເພື່ອລາຍງານໃຫ້ຂັ້ນເທິງຮັບຊາບ.

5. ມອບໃຫ້ທັງ 9 ຕົວເມືອງ ບັນດາພະແນກການຕ່າງໆ ອ້ອມຂ້າງນະຄອນຫລວງວຽງຈັນ ໄດ້ຊ່ວຍຈັດຕັ້ງເຜີຍແຜ່ໃຫ້ທຸກຄົນໄດ້ຮັບຮູ້
ຢ່າງທົ່ວເຖິງ.

6. ມອບໃຫ້ພະແນກຖະແຫລງຂ່າວວັດທະນະທຳ ແລະ ທ່ອງທ່ຽວອອກຂ່າວທາງສື່ມວນຊົນ ໜັງສືພິມ ແລະ ໂທລະພາບ.

7. ແຈ້ງການສະບັບນີ້ ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປທຸກພາກສ່ວນທີ່ກ່ຽວຂ້ອງຈົ່ງຮັບຮູ້ ແລະ ພ້ອມກັນຈັດຕັ້ງປະຕິບັດ
ແຈ້ງການສະບັບນີ້ຢ່າງເຂັ້ມງວດ.

998764_10151591106818730_1807739944_n

ຂໍຂອບໃຈຮູບພາບຈາກ ທ່ານ Bandaxay Lovanxay ທີ່ຢູ່ Facbook

ຫຍໍ້ຈາກເວັບຂ່າວ “ວຽງຈັນວັນນີ້”
http://vtetoday.la/ແຈ້ງການ-12/