deus exDeus Ex: Mankind Divided ພາກຕໍ່​ຂອງ​ເກ​ມຄວາມ​ມ່ວນ​ລະ​ດັບ​ເກມ​ແຫ່ງ​ປີ Deus Ex: Human Revolution ທີ່​ຫາ​ກໍ​ເປີດ​ໂຕ​ຢ່າງ​ເປັນ​ທາງ​ການ​ໃນ​ບໍ່​ພໍ​ເທົ່າ​ໃດ​ນາ​ທີ (ໃນ​ເວ​ລາ​ທີ່​ຂຽນ​ບົດ​ຄວາມ​ນີ້) ເຊິ່ງ​ອອກ​ມາ​ແບບ​ບໍ່​ບອກ​ບໍ່​ໄບ້​ຫຍັງ​ມາ​ກ່ອນ​ເລີຍ. ​ອີງ​ຈາກວິ​ດີ​ໂອ​ເປີດ​ໂຕ​ແມ່ນ​ແນ່ນອນ ໂຕ​ເອກ Adam Jensen ກັບ​ມາ​ປະ​ຕິ​ບັດ​ການ​ການ​ພິກ​ໂລກ​ອີກ​ເທື່​ອ​ນຶ່ງ. ໂດຍ​ໃນ​ພາກ​ກ່ອນ​ເກມ​ໄດ້​ເນັ້ນ​ໜັກ​ໄປ​ເຖິງ​ໂລກ​ໃນ​ອະ​ນາ​ຄົດ​ໃນ​ປີ 2027 ທີ່​ມະ​ນຸດ​ສາ​ມາດ​ໃຊ້​ເຄື່ອງ​ຈັກ​ມາ​ເປັນ​ອະ​ໄວ​ຍະ​ວະ​ທຽມ​ເພື່ອ​ເພີ່ມ​ປະ​ສິດ​ທ​ິ​ພາບ​ໃນ​ການ​ໃຊ້​ຊີ​ວິດ ຫຼື ຊ່ວຍ​ເຫຼືອ​ຄົນ​ພິ​ການ​ໄດ້, ເຮັດ​ໃຫ້​ເກີດ​ຂໍ້​ຂັດ​ແຍງ​ໃນ​ສັງ​ຄົມຄື​ຄົນ​ທີ່​ເປັນ​ມະ​ນຸດ 100% ທີ່​ໃຊ້ອະ​ໄວ​ຍະ​ວະ​ທຽມ ຫຼື  Augmented ນັ້ນລັງ​ກຽດ ແລະ ແບ່ງ​ແຍກ​ຄົນ​ທີ່​ໃຊ້ Augmented ອອກຈາກ​ສັງ​ຄົມ (ຄ້າຍໆ​ຢຽດ​ສີ​ຜິວ, ເຊື້ອ​ຊາດ) ​​ວ່າ​ບໍ່​ຮັກ​ໃນ​ສິ່ງ​ທີ່​ພະ​ເຈົ້າ​ໃຫ້​ມາ, ເຊິ່ງ​ກໍ​ເປັນ​ປະ​ເດັນ​ໃຫ້​ຜູ່​ມີ​ອຳ​ນາດ​ໃຊ້​ເລື່ອງ​ນີ້​ມາ​ຈຸດ​ປະ​ກາຍ​ສົງ​ຄາມ​ຂຶ້ນ. Adam ຜູ່​ທີ່​ປະ​ສົບ​ອຸ​ບັດ​ຕິ​ເຫດ​ຈົນ​ຕ້ອງ​ໄດ້​ໃຊ້​ອະ​ໄວ​ຍະ​ວະ​ທຽມ​ເກືອບ​ໝົດ​ທັງ​ໂຕ​​​ເພື່ອໃຫ້​ລາວ​ມີ​ຊີ​ວິດ​ຢູ່, ຈຶ່ງຕ້ອງ​ເລືອກ​ຝ່າຍ​ວ່າ​ຈະ​ຢູ່​ຝ່າຍ​ໃດ​ໃນ​ສົງ​ຄາມ​ລະ​ຫວ່າງ​ມະ​ນຸດ ແລະ ມະ​ນຸດ​ທີ່​ມີ​ອະ​ໄວ​ຍະ​ວະ​ທຽມນີ້.

ສຳ​ລັບ​ໃນ​ພາກ Mankind Divided ຊື່​ກໍ​ບອກ​ຢ່າງ​ເຫັນ​ໄດ້​ຊັດ​ເຈນ​ວ່າ​ສົງ​ຄາມ​ແບ່ງ​ແຍກ​ນັ້ນ​ບໍ່​ບັນ​ເທົາ​ລົງ​ເລີຍຫຼັງ​ຈາກ​ພາກ​ທຳ​ອິດ ການ​ແບ່ງ​ແຍກ​ມະ​ນຸດ​ນັ້ນ​ຮຸນ​ແຮງ​ຂຶ້ນ, ບັນ​ດາ​ຄົນ​ທີ່​ໃຊ້​ອະ​ໄວ​ຍະ​ວະ​ທຽມ​ແມ່ນ​ຖືກ​ກົດ​ຂີ່, ເບິ່ງ​ເປັນ​ຄົນ​ບໍ່​ດີ ແລະ ​ໄດ້ກາຍ​ເປັນ​ຄົນ​ກຸ່​ມ​ນ້ອຍ; ພວກ​ເຂົາ​ຈຶ່ງ​ຈະ​ກໍ່​ການ​ປະ​ຕິ​ວັດ​ຂຶ້ນ. ໃນ​ຕົວ​ຢ່າງ​ຍັງ​ມີ​ອ້າງ​ອີງ​ເຖິງ​ອົງ​ກອນ Illuminati ​ວ່າ​ຢູ່​ເບື້ອງຫຼັງນຳ ຮະ​ຮະ.

Deus Ex: Haman Revolution ຄື​ເກມ​ທີ່​ໄດ້​ຮັບ​ຮາ​ງວັນ​ເກມແຫ່ງ​ປີ​ຈາກຫຼາຍ​ບ່ອນ, ເປັນ​ເກມ​ສະ​ໄຕ​ຣ໌ stealth/action ເປັນຫຼັກ ແຕ່​ຜູ່ຫຼິ້ນ​ສາ​ມາດ​ເລືອກ​ໄດ້​ວ່າ​ຈະຫຼິ້ນ​ແບບ​ລອບໆ​ນຽນໆ ຫຼື ຈະ​ລຸຍ​ສູ້​ແຫລກກໍ​ພໍ​ໄດ້. ຫຼັງ​ຈາກ​ເບິ່ງ​ໃນ​ວິ​ດີ​ໂອ​ເປີດ​ໂຕ​ບໍ່​ແນ່​ໃນ​ວ່າ​ພາກ​ໃໝ່​ຈະ​ເພີ່ມໃຫ້​ມີ​ການລຸຍ​ແລກ​ໄດ້ຫຼາຍ​ຂຶ້ນກວ່າ​ເກົ່າ ຫຼື ຈະ​ຍັງ​ຮັກ​ສາ​ການຫຼິ້ນ​ແບ​ບ​ເກົ່າ​ຢູ່.

ສາ​ມາດ​ເບິ່ງວິ​ດີ​ໂອ​ຕົວ​ຢ່າງ​ໄດ້​ດ້ານ​ລຸ່ມ​ນີ້​ເລີຍ