Untitled-2

OneDrive (ເຊິ່ງ​ແຕ່​ກ່ອນ​ມີ​ຊື່​ວ່າ SkyDrive, Windows Live SkyDrive ແລະ Windows Live Folders) ເປັນ​ບໍ​ລິ​ການເກັບ​ໄຟ​ລ໌​ເທິງ cloud ຂອງ​ບໍ​ລິ​ສັດ Microsoft ຄ້າຍໆ​ກັບ Dropbox ເຊິ່ງ​ໃນ​ປັດ​ຈຸ​ບັນ​ແມ່ນ​ຈະ​ມີ​ຕິດ​ມາ​ນຳ​ໃນ Windows 10. ແຕ່​ບໍ່​ແມ່ນ​ວ່າ​ທຸກໆ​ຄົນ​ຈະ​ຢາກ​ໃຊ້​ມັນ ບາງ​ຄົນ​ກໍ​ເຫັນ​ວ່າ​ບໍ່​ຈຳ​ເປັນ ຫຼື ບາງ​ຄົນ​ກໍ​ໃຊ້ Dropbox ຢູ່​ແລ້ວ ຯ​ລຯ ຖ້າ​ໃຜ​ທີ່​ບໍ່​ຕ້ອງ​ການ​ໃຊ້​ມັນ ແລະ ຮູ້​ສຶກວ່າ​ມັນ​ສະ​ແດງ​ອອກ​ມາ​ກິນ​ເນື້ອ​ທີ່​ໜ້າ​ຈໍ​ໃນ Windows Explorer ລ້າໆ ກໍ​ສາ​ມາດ​ປິດ​ການ​ນຳ​ໃຊ້​ມັນ​ໄດ້​ຕາມ​ວິ​ທີ​ດັ່ງ​ຕໍ່​ໄປ​ນີ້ເລີຍ.

 

  • ໃຫ້​ທ່ານ​ກົດ​ປຸ່ມ Win + R ​ຢູ່​ແປ້ນ​ພິມ​ເພື່ອ​ເປີດ​ເມ​ນູ Run.
  • ພິມ gpedit.msc ແລ້ວ​ກົດ Enter ຫຼື ຄ​ລິກ​ປຸ່ມ OK ​ເພື່ອ​ເປີດ Local Group Policy Editor.
  • ​ໃຫ້​ທ່ານ​ເຂົ້າ​ໄປ​ທີ່ Local Computer Policy -> Computer Configuration -> Administrative Templates -> Windows Components -> OneDrive.
  • ​ຢູ່​ເບື້ອງ​ຂວາ​ມື​ໃຫ້​ທ່ານ​ດັບ​ເບິນ​ຄ​ລິກ​ທີ່ Prevent the usage of OneDrive for file storage.
  • ​ເລືອກ​ໄປ​ທີ່ Enabled ​ແລ້ວ​ກົດ Ok.

ພຽງ​ເທົ່າ​ນີ້ຄວາມ​ສາ​ມາດ OneDrive ກໍ​ຖືກ​ປິດ​ລົງ​ທັງ​ໝົດ​ແລ້ວ.

Untitled-1
OneDrive ຫາຍໄປແລ້ວ