635693856917540458-XXX-ZOOTOPIA-SNEAKPEEK-DCB-73647160ເມື່ອ​ເມືອງ​ຄື​ປ່າ ແລະ ເຕັມ​ໄປ​ດ້ວຍ​ສັດ​ປ່າມັນ​ຈະ​ເປັນ​ແນວ​ໃດ? ພວກ​ເຮົາ​ຈະ​ໄດ້​ຮູ້​ກັນ​ໃນ​ຮູບ​ເງົາ animation ໃໝ່​ຈາກ Disney ຊື່​ວ່າ Zootopia, ທີ່​ເປັນ​ການ​ປະ​ສົມ​ປະ​ສານ​ກັນ​ລະ​ຫວ່າງ ສັດ​ເຄິ່ງ​ຄົນ (anthropomorphism) ຄື​ກັບ​ຮູບ​ເງົາ Robin Hood ໃນ​ສະ​ໄໝ​ກ່ອນ​ຂ​ອງ Disney ແລະ ຄວາມ​ຕ​ະ​ລົກ​ແບບ​ຮູບ​ເງົາ 48 Hrs. Zootopia ຈະ​ເຂົ້າ​ສາຍ​ວັນ​ທີ 4 ມີ​ນາ 2016 ນີ້, ໂດຍ​ນຳ​ທີມ​ພາກ​ສຽງ​ໂດຍ Jason Bateman ຜູ​່​ໃຫ້​ສຽງ ເຈົ້າ​ໝາ​ໄນ​ຜູ່​ເຕັມ​ໄປ​ດ້ວຍ​ມານ​ຍາ​ນາມ​ວ່າ Nick Wilde ແລະ Ginnifer Goodiwn ໃຫ້​ສຽງຕຳຫຼວດ​ກະ​ຕ່າຍ​ສາວ​ມື​ໃໝ່ Judy Hopps.

ເຊັ່ນ​ດຽວ​ກັບ​ໃນ​ຊີ​ວິດ​ຈິງ ກະ​ຕ່າຍ ແລະ ໝາ​ໄນ ບໍ່​ແມ່ນ​ຂອງ​ຄູ່ກ​ັນ, ເຊັ່ນ​ດຽວ​ກັບ 2 ໂຕ​ລະ​ຄອນ​ນີ້ ທີ່​ບໍ​່​ລ​ົງ​ຮອຍ​ກັນ​ໃນ​ຕອນ​ຕົ້ນ ແຕ່​ເມື່ອ​ສະ​ຖາ​ນະ​ການ​ບັງ​ຄັບ​ໃຫ້​ພວກ​ເຂົາ​ທັງ 2 ຕ້ອງ​ຮ່ວມ​ມື​ກັນ ຈຶ່ງ​ເປັນ​ສາ​ເຫດ​ໃຫ້​ເກີດ​ຄວາມ​ສຳ​ພັນ ແລະ ກາຍ​ເປັນ​ໝູ່​ກັນ​ໃນ​ທີ່​ສຸດ.

ZootopiaFLDisneyconceptartbigsv1

ເມືອງ​ນະ​ຄອນ​ສັດ​ແຫ່ງ Zootopia ນັ້ນປະ​ສູດ​ມາ​ຫຼັງ​ຈາກ​ທີ່​ທີມ​ງານ​ຜູ່​ສ້າງ​ຮູບ​ເງົາ​ໄປ​ທ່ຽວ​ຄົ້ນ​ຄວ້າ​ໃນ​ທົ່ວ​ໂລກ ຮ່ວມ​ໄປ​ເຖິງ​ການ​ໄປ​ທ່ຽວ Safari ໃນ Africa ນຳ – ໃນ​ເມືອງ​ຈ​ະ​ຮ່ວມ​ມີຫຼາຍໆ​ໄອ​ເດຍ​ເຊັ່ນ Tundratown ແລະ Sahara Square, ແຕ່​ສຳ​ລັບ​ກະ​ຕ່າຍ​ສາວ Judy ແມ່ນ​ເຕີບ​ໃຫຍ່​ຈາກເມືອງ​ບ້ານນອກ Bunny Burrows (ແປ​ລາວ​ກໍ​ຂຸມ​ກະ​ຕ່າຍ) ​ບ່ອນ​ທີ່​ລາວ​ໜ​ີ​ຈາກ​ຊີ​ວິດ​ເຮັດ​ຟາມ ແລ້ວ​ຕັດ​ສິນ​ໃຈ​ມາ​ສ້າງ​ຄວາມ​ດີ​ໃນ​ເມືອງ​ໃຫຍ່​ໂດຍ​ການ​ເປັນ​ຕຳຫຼວດ​ແທນ.

ສຳ​ລັບ​ໃຜ​ທີ່​ເປັນ​ແຟນ​ໜັງ​ປະ​ເພ​ດ​ນີ້ ຂໍ​ຝາກ​ທ້າຍ​ດ້ວຍ​ໜັງ​ໃນ theme ດຽວ​ກັນ​ທີ່​ຈະ​ມີ​ໃຫ້​ເບິ່ງ​ໃນ​ປີ 2016 ທີ່​ຈະ​ມາ​ຮອດ​ນີ້, ອືມ… ມັນ​ເປັນ​ປີ​ແຫ່ງນະ​ຄອນ​ສັດ​ອີ່​ຫລີເນາະ ^^

CHCQH5ZWwAAsjlO.jpg large