Drug Troller 2

ເວົ້າ​ເຖິ​ງ​​ຄົນ​ອຶ​ດ​ແນວ, ປຶກ, ອວດ​ເກັ່ງ, ຈ້າ ຫຼື ອີ່​ຫຍັງ​ກໍ​ວ່າ​ໄປ​ ມັນ​ຄື​ສິ​ຕ່ຳ​ກັບ​ຜູ່​ຊາຍ​ຄົນ UK ຜູ່​ນີ້​ນາມ​ວ່າ Daniel Sledden ອາ​ຍຸ 27 ປີ. ອີງ​ຕາມ​ການ​ລາຍ​ງານ​ຂອງ Telegraph ໄດ້​ລາຍ​ງານ​ວ່າ ທ້າວ Sledden ໄດ້​ຖືກ​ຕັດ​ສິນໂທດ​ໃຫ້​ເຮັດສັງ​ຄົມ​ສົງ​ເຄາະ (ເຮັດ​ດີ​ຊ່ວຍ​ສັງ​ຄົມ) ເປັນ​ເວ​ລາ 2 ປີ ເຊິ່ງ​ຕັດ​ສິນ​ໄປ​ໃນ​ອາ​ທິດ​ທີ່​ຜ່ານ​ມາ​ທີ່ Burnley Crown Court ໃນ UK. ການ​ສະ​ແດງ​ຂໍ​ອ້ອນວອນ​​ຂອງ​ລາວໃນ​ຂໍ້​ຫາ​ຂາຍ​​ກັນຊາ​ຢູ່​ເຮືອນ​ຂອງ​ລາວອາດ​ຕົບ​ຕາ​ຜູ່​ພິ​ສາ​ Berverly Lunt ໃຫ້ຫຼຸດ​ໂທດ ແລະ ໃຫ້​ຄວາມ​ຫວັງ​ກັບ​ລາວ​ໄດ້ ແຕ່​ວ່າ:

ພໍ​ແຕ່​ສານ​ຕັດ​ສິນ​ໂທດ​ເບົາ​ໃຫ້​ລາວ​ເທົ່າ​ນັ້ນ​ແຫຼະ ຕໍ່​ມາ​ທ້າວ​ນີ້​ກໍ​ໄປ​ໂພ​ສ​ລົງ Facebook ດັ່ງ​ຂໍ້​ຄວາມ​ລ​ຸ່ມ​ນີ້:

Cannot believe my luck 2 year suspended sentence beats the 3 year jail yes pal! Beverly Lunt go suck my ****

ໂດຍ​ແປ​ເປັນ​ລາວ​ກໍ​ປະ​ມານ​ວ່າ: ບໍ່​ໜ້າ​ເຊື່ອ​ເລີຍ​ຂ້ອຍ​ຈັ່ງ​ແມ່ນ​ໂຊກ ຖືກ​ຕັດ​ສິນ​ໂທດ​ໃຫ້​ເຮັດສັງ​ຄົມ​ສົງ​ເຄາະແຕ່ 2 ປີ, ດີກວ່າ​ຕິດ​ຄຸກ 3 ປີ​ເວີ້ຍ! ນາງ Beverly Lunt ໄປ​ອົມ … ຂ້ອຍ​ຊະ. ພໍ​ໂພ​ສ​ໄປ​ແລ້ວ ຕໍ່​ມາ ທ້າວ Sledden ກໍ​ໄດ້​ລຶບ​ໂພ​ສ​ນັ້ນ​ອອກ. ເວົ້າ​ຮອດ​ເລື່ອງ​ໃຊ້ Facebook ບໍ່​ຖືກວິ​ທີ ອັນ​ນີ້​ຄື​ສິ​ໂດດ​ເຕ​ັ້ນ​ໄປ​ຕິດ​ລະ​ດັບ​ທ໋ອບ​ພຸ້​ນ​ລະ​ເນາະ. ຫຼັງ​ຈາກ​ນັ້ນ ທ້າວ Sledden ກໍ​ໄດ້​ໂພ​ສ​ລົງ​ບັນ​ຊີ​ຂອງ​ລາວ​ອີກ ໂດຍ​ກ່າວ​ຂໍ​ໂທດ​ຕໍ່ສິ່ງ​ທີ່​ລາວ​ໄດ້​ໂພ​ສ​ລົງ​ໄປ ແລະ ກັບ​ທຸກ​ຄົນ​ທີ່​ຮູ້​ສຶກ​ບໍ່​ດີ​ຕໍ່​ສິ່ງ​ທີ່​ຂ້ອຍ​ໂພ​ສ​ໄປ ໂດຍ​ສະ​ເພາະ​ຂໍ​ໂທດ​ຜູ່​ພິ​ພາກ​ສາ, ຂ້ອຍ​ນັ້ນ​ໂຊກ​ດີ​ແລ້ວ​ທີ່​ບໍ່​ຕິດ​ຄຸກ ​ແລະ ຂ້ອຍ​ໂງ່ຫຼາຍ​ທີ່​ຂຽນ​ ແລະ ໂພ​ສ​ໄປ​ແນວ​ນັ້ນ.

Sledden-1
ຄຳ​ຄິດ​ເຫັນ ແຫຼ່ງ​ທີ່​ມາ​ແຫ່ງ​ຄວາມ​ຕະ​ຫລົກ​ອີ່​ຫລີ​ເນາະ

ແຕ່​​ກໍ​​ຢ້ານ​ວ່າຄຳ​ຂໍ​ໂທດ​ລ້າໆ​ຄື​ສິ​ບໍ່​ພໍ ແລະ ​ມັນອາດ​ຈະ​ຊ້າ​ໄປ​ແລ້ວ ເພ​າະ ທ້າວ Sledden ແລະ ນ້ອງ​ຊ້າຍ Samuel Sledden ຜູ່​ທີ່​ຖືກ​ຕັດ​ສິນ​ໂທດ​ພ້ອມ​ກັນ​ກັບ​ລາວ​ໄດ້​ຖືກນັດ​ໃຫ້​ໄປ​ຂຶ້ນ​ສານອີກ​ຄັ້ງໃນ​ວັນ​ອັງ​ຄານ​ໜ້າ​ນີ້ ​ເພື່ອກວດ​ກາ ແລະ ທົບ​ທວນ​ການ​ຕັດ​ສິນ​ໃໝ່. ມາ​ຄຶດ​ເບິ່ງ​ຈັກ​ລາວ​ສິ​ຖືກ​ໂທດ​ຫຍັງ​ອີກ ແລະ ຊັ້ນ​ສານ​ເພິ່ນ​ສິ​ເວົ້າ​ຫຍັງ​ແນວ​ໃດ​ເນາະ ຮະ​ຮະ​ຮະ. ນີ້​ແມ່ນ​ລິ້ງ​ບັນ​ຊີ​ຂອງ​ຊາຍ​ສຸດ​ສະຫຼາດ​ຜູ່​ນີ້ Daniel Sledden ເພື່ອ​ມີ​ໃຜ​ຢາກ​ໄປ​ຍ້ອງ​ຍໍ​ມອບ​ຮາງວັນ​ໃຫ້​ລາວ, ໄປ​ອ່ານ​ຄຳ​ເຫັນ​ສຸດ​ຮາ ຫຼື ໄປ​ເພີ່ມ​ລາວ​ເປັນ​ໝູ່​ເນາະ XD

10guy sledden

ຂ່າວ​ຈາກ: CNET.com