EXVSSHEET

ໂປຣແກຣມ Excel ຂອງ ​Microsoft ຖືວ່າເປັນໂປຣແກຣມ Spreadsheet ທີ່ເຮົາໃຊ້ກັນມາແຕ່ດົນ ແຕ່ໃນປັດຈຸບັນມີໂປຣແກຣມຈາກ Google ທີ່ມີຄວາມສາມາດແບບດຽວກັນອອກມາ ກໍຄືໂປຣແກຣມ Sheets ມັນເປັນສ່ວນນຶ່ງຂອງ Google Apps ທັງສອງໂປຣແກຣມນີ້ມີຈຸດປະສົງໃນການໃຊ້ວຽກຄືກັນ ແຕ່ມີຂໍ້ດີກັບຂໍ້ເສຍທີ່ແຕກຕ່າງກັນ ຈະເລືອກໃຊ້ຕົວໃດ ລອງມາພິຈະລານາກັນດີກວ່າ.

ເຫດຜົນທີ່ທ່ານຢາກຈະໃຊ້ງານ Google Sheets

Google ພະຍາຍາມທີ່ສຸດທີ່ຈະໃຫ້ Sheets ສາມາດໃຊ້ງານແທນ Excel ແຕ່ວ່າດ້ວຍໄລຍະເວລາການພັດທະນາທີ່ແຕກຕ່າງກັນຢ່າງຫຼາຍ ໃນແງ່ທາງຂອງຄຸນສົມບັດແລ້ວ ຍັງມີອີກຫຼາຍຢ່າງທີ່ Sheets ບໍ່ສາມາດເຮັດວຽກໄດ້ຄື Excel ໄດ້ແຕ່ມັນກໍມີຂໍ້ດີຢູ່ຫຼາຍຢ່າງທີ່ເຮັດໃຫ້ມັນໜ້າສົນໃຈ.

ລາຄາ

ຍາກທີ່ຈະຫາໂປຣແກຣມຕົວອື່ນທີ່ມີລາຄາຖືກກວ່າ Google Sheets ເພາະວ່າ Google ເປີດໃຫ້ໃຊ້ FREE!

ການເຮັດວຽກຮ່ວມ​ກັນ

ບ່ອນນີ້ເປັນຈຸດແຂງທີ່ Sheets ເໜືອກວ່າ Excel ເປັນຢ່າງຫຼາຍໃນການເຮັດວຽກຮ່ວມກັບຄົນອື່ນພາຍໃນເອກະສານດຽວກັນ, Excel ອະນຸຍາດ ໃຫ້ເຮົາສາມາດເບິ່ງຄວາມປ່ຽນແປງຍ້ອນຫຼັງເອກະສານໄດ້ ແຕ່ວ່າ Sheets ມີລູກຫຼິ້ນທີ່ຊື່ວ່າ Simulameous Editing ທີ່ຊ່ວຍໃຫ້ເຮົາສາມາດຂຽນ​ຄວາມຄິດເຫັນແລະຕິດຕໍ່ສື່ສານພາຍໃນເອກະສານຮ່ວມກັບຄົນທີ່ ເຮັດວຽກນຳກັນ ເຮັດໃຫ້ຜູ່ໃຊ້ບໍ່ຈຳເປັນຕ້ອງມາເສຍເວລາແຈ້ງຂ່າວການແກ້ໄຂຜ່ານທາງ E-Mail ຫຼື ໂທລະສັບໃຫ້ເສຍເວລາ.

303_150527131208o2

ການຈັດເກັບແລະພົກພາ

ໃນຂະນະທີ່ຜູ່ໃຊ້ Excel ສາມາດເກັບໄວ້ໃນ OneDrive ຫຼື Dropbox ໄດ້ ມັນກໍ່ຍັງທຽບບບໍ່ໄດ້ກັບ Sheets ໃນເຄື່ອງຂອງລະບົບ Cloud ໂດຍ Sheets ບັນທຶກວຽກໃຫ້ເຮົາໄດ້ອັດຕະໂນມັດໄວ້ເທິງບັນຊີ Google ຜູ່ໃຊ້ສາມາດເຂົ້າເຖິງໄດ້ທຸກເຄື່ອງຜ່ານໂປ​ຣ​ແກ​ຣມ​ທ່ອງ​ເວັບ.

ການເຮັດວຽກຮ່ວມກັບເວັບຕ່າງໆ ແລະບໍລິການອື່ນໆຂອງ Google

ຖ້າຕ້ອງການໃຊ້ຟັງຊັນຂອງບໍລິການອື່ນໆຈາກ Google ຫຼືເວັບອື່ນໆ Sheets ຄື ໂປຣແກຣມທີ່ທ່ານຈະເລືອກໃຊ້ ເຮົາສາມາດດຶງ RSS ມາໄວ້ໃນ Spreadsheet ຢ່າງງ່າຍດາຍ, ໃຊ້ຟັງຊັນ GOOGLEFINANCE() ເພື່ອດຶງຂໍ້ມູນຈາກ Google Finance ມາໃຊ້ຫຼື ໃຊ້ GOOGLETRANSTLATE() ໃນການແປເນື້ອຫາໃນ Cell ເຊິ່ງຄຸນສົມບັດໃນການດຶງຂໍ້ມູນຂອງ Sheets ນັ້ນເຮັດໃຫ້ຜູ່ໃຊ້ໄດ້ຮັບປະສິດທິພາບສູງຫຼາຍໃນການເຮັດວຽກ.

303_150527133027O5

ຮອງຮັບການເຮັດວຽກແບບ Cross-Platform ໄດ້ແບບສຸດຍອດຫຼາຍ

Excel ເຮັດວຽກໄດ້ດີກັບ Mac ກໍແມ່ນ ແຕ່ Microsoft ເນັ້ນການເຮັດວຽກກັບ Windows ຫຼາຍກວ່າແລະມີບັນ​ຫາເມື່ອເຮົາຕ້ອງການສ້າງ Macros ດ້ວຍ Visual Basic ຫຼືແມ່ນຫຍັງກໍຕາມແຕ່ທີ່ເຮົາສ້າງໄວ້ເທິງ Windows ອາດຈະບໍ່ສາມາດໃຊ້ງານໄດ້ກັບ Mac ແຕ່​ຖ້າ​ໃນ Google Sheets ປັນຫານີ້ຈະ​ບໍ່​ເກີດ​ຂຶ້ນ.

ເບິ່ງຄວາມປ່ຽນແປງຍ້ອນຫຼັງໄດ້ຢ່າງລະອຽດ

ເຮົາສາມາດ Save ຂໍ້ມູນເທິງ Excel ແບບແຍກເພື່ອມາເບິ່ງຄວາມປ່ຽນແປງຍ້ອນຫຼັງໄດ້ ແຕ່ Google Sheets ຈະມີຟັງຊັນ Revision History ທີ່ເບິ່ງຄວາມປ່ຽນແປງເອກະສານຍ້ອນຫຼັງໄດ້ງ່າຍກວ່າ.

303_1505271345599k

ເຫດຜົນທີ່ທ່ານຢາກຈະໃຊ້ວຽກ Excel

ເຫດຜົນທີ່ Excel ເປັນໂປຣແກຣມທີ່ນິຍົມກັນໃຊ້ຢ່າງຫຼວງຫຼາຍ ເພາະມັນມີຟັງຊັນທາງບັນຊີແລະວິທະຍາສາດໃນຕົວທີ່ສົມບູນແບບ.

ການປະມວນຜົນຂໍ້ມູນ

ເພາະກົດໃນການໃຊ້ງານທີ່ມື່ນເນັ້ນຄວາມໄວໃນການເຮັດວຽກຂອງ Sheets ເຮັດໃຫ້ຜູ່ໃຊ້ປະສົບບັນຫາ ໃນການເຮັດວຽກເມື່ອຂະໜາດຂອງຖານຂໍ້ມູນມີຂະໜາດທີ່ໃຫຍ່ ຫາກຂໍ້ມູນມີເກີນ 1000 ແຖວ ຜູ່ໃຊ້ຈະເລີ່ມມີບັນຫາໃນການໃຊ້ງານຢ່າງເຫັນໄດ້ຊັດເຈນ ເນື່ອງຈາກ Sheets ບໍ່ໄດ້ອອກແບບມາໃຫ້ຈັດການປະເພດຂໍ້ມູນທີ່ໃຫຍ່ ແຕ່ Excel ຈັດການໄດ້ຢ່າງສະບາຍເຖິງວ່າຂໍ້ມູນຫຼາຍກວ່າ 100,000 ແຖວ.

ສູດຄຳນວນ

ສູດຄຳນວນທີ່ Excel ມີໃຫ້ໃຊ້ຮູບແບບຫຼາຍຢ່າງ ເຮົາສາມາດຄຳນວນພາສີ ຫຼືກຳນົດແຜນການຊິວິດໄດ້ຢູ່ Excel ສູດຄຳນວນຢ່າງເຊັ່ນ ຄຳສັ່ງ  ACOT(), BESSELJ() ຫຼື  BESSELY() ເປັນການຄຳນວນທີ່ຊັບຊ້ອນຫຼາຍ ເຊິ່ງ Sheets ຍັງບໍ່ສາມາດເຮັດໄດ້ ຫາກວຽກງານຂອງທ່ານປະມວນຜົນແລ້ວວ່າມີການຄຳນວນທີ່ຊັບຊ້ອນຫຼືການຄຳນວນທາງ ວິທະຍາສາດກໍໄວ້ໃຈ Excel ໄດ້ເລີຍເພາະມັນຊ່ວຍທ່ານໄດ້ແນ່ນອນ.

303_15052715044650

ການປັບແຕ່ງ

ຫາກມີເຄື່ອງໃດທີ່ຕ້ອງໃຊ້ງານເລື້ອຍໆກໍຕ້ອງ Excel ເລີຍເພາະມີລູກຫຼິ້ນ Customize The Ribbon ທີ່ອະນຸຍາດຫ້ຜູ່ໃຊ້ແກ້ໄຂເມນູດ້ານເທິງໂປຣແກຣມເຊິ່ງສຳລັບການໃຊ້ວຽກທຸກມື້ເປັນປະຈຳແລ້ວ ມັນຊ່ວຍຜ່ອນເວລາໃນການເຮັດວຽກໄດ້ເປັນຢ່າງດີ.

ມາດຕະຖານຫຼັກ

ມາດຕະຖານຫຼັກອາດຈະບໍ່ແມ່ນສິ່ງທີ່ເຮົາຈຳເປັນຕ້ອງຮັກສາໃຫ້ມັນຄົງທີ່ ແຕ່ໃນເມື່ອທຸກຄົນໃຊ້ Excel ກັນມາດົນ ມັນຍາກທີ່ເຮົາຈະປ່ຽນມາດຕະຖານໄດ້ ເຖິງວ່າ Sheets ຈະສາມາດ Export ອອກມາເປັນ Excel ໄດ້ແຕ່ການສະແດງຜົນກໍຍັງມີຂໍ້ຜິດພາດຢູ່.

ຕາຕະລາງ

ເຖິງວ່າໃນຕອນນີ້ Sheets ຈະສ້າງຕາຕະລາງໄດ້ດີກວ່າ ແຕ່ວ່າ Excel ຍັງຄົງເປັນຜູ່ນຳໃນດ້ານນີ້ໄວ້ຢ່າງໜາແໜ້ນທັງດ້ານຮູບແບບການນຳສະເໜີ ຄວາມສະຫຼາດໃນການດຶງຂໍ້ມູນ.

303_15052715175460

 

ສຸດທ້າຍນີ້ຕົວໃດທີ່ດີກວ່າກັນ ລະຫວ່າງ Microsoft Excel ກັບ Google Sheets?

ຈະເຫັນໄດ້ວ່າ Excel ແລະ Sheets ຕ່າງກໍມີຈຸດແຂງຂອງຕົວເອງທີ່ແຕກຕ່າງກັນ Sheets ໃຊ້ງານໄດ້ຟ​ຣີແລະມີຂໍ້ໄດ້ປຽບທີ່ໃຊ້ງານໄດ້ທຸກຢ່າງແບບອອນລາຍ ໃຊ້ງານເປັນທີມໄດ້ງ່າຍ ເໝາະກັບທຸກຄົນທີ່ບໍ່ຈຳເປັນຕ້ອງໃຊ້ການຄຳນວນທີ່ຊັບຊ້ອນ ສ່ວນ Excel ເໝາະສຳລັບຄົນທີ່ຕ້ອງການຄວາມສາມາດບັນຊີທີ່ດີທີ່ສຸດ ຕ້ອງການຄວາມໄວໃນການເຮັດວຽກ ຈຳເປັນຕ້ອງຈັດການກັບຖານຂໍ້ມູນຂະໜາດໃຫຍ່ແລະຊັບຊ້ອນ.

ລອງພິຈະລານາເອົາເບິ່ງແລ້ວກັນເນາະວ່າໂປຣແກຣມໃດແນ່ທີ່ເໝາະສົມກັບລັກສະນະການໃຊ້ງານສຳລັບທ່ານ ສ່ວນແອັດມິນ ໃຊ້ 2 ໂປຣແກຣມຄວບຄູ່ກັນໄປ.

ທີ່ມາ → makeuseof.com