ເຖິງວ່າ Facebook ຈະຍັງບໍ່ເປີດໃຫ້ໃຊ້ຄວາມສາມາດ Clear History ທີ່ເປັນລະບົບລ້າງຂໍ້ມູນເພື່ອຄວາມເປັນສ່ວນຕົວຂອງຜູ້ໃຊ້ ເຊິ່ງຄວາມສາມາດນີ້ຈະເຮັດໃຫ້ຜູ້ໃຊ້ Facebook ສາມາດແຍກປະຫວັດການເຂົ້າເບິ່ງອອກຈາກໂປຣຟາຍໄດ້ ແຕ່ມີຄວາມທ້າທາຍທາງເຕັກນິກຫລາຍຈຶ່ງເຮັດໃຫ້ຟີເຈີ້ຍັງບໍ່ປ່ອຍອອກມາໃຫ້ໄດ້ໃຊ້ງານ.

ຫຼ້າສຸດມີລາຍງານວ່າ Facebook ເລີ່ມແຈ້ງເຕືອນຜູ້ລົງໂຄສະນາແລ້ວວ່າ ຄວາມສາມາດໃຫມ່ນີ້ອາດຈະສົ່ງຜົນກະທົບຕໍ່ການໂຄສະນາຕາມກຸ່ມເປົ້າໝາຍໄດ້ ໂດຍ Facebook ລະບຸວ່າ Clear History ຈະປ່ອຍອອກມາໃນເດືອນຫນ້າ ຈຶ່ງຕ້ອງແຈ້ງເຕືອນໃຫ້ຜູ້ໂຄສະນາກຽມຮັບຜົນກະທົບທີ່ຈະເກີດຂຶ້ນ ຄື “Facebook ຈະແຍກຂໍ້ມູນການເຂົ້າເບິ່ງສິ່ງຕ່າງໆອອກຈາກໂປຮຟາຍ ດັ່ງນັ້ນລະບົບໂຄສະນາກຸ່ມເປົ້າໝາຍອາດຈະບໍ່ກົງກັບຄວາມສົນໃຈຂອງຜູ້ໃຊ້ຄືກ່ອນຫນ້ານີ້. Facebook ລະບຸວ່າ”ເມື່ອໃຜແຍກກິດຈະກຳນອກ Facebook ອອກ ແມ່ນເຮົາຈະບໍ່ສາມາດໃຊ້ຂໍ້ມູນທີ່ເຂົາລຶບລ້າງສຳລັບລະບຸກຸ່ມເປົ້າໝາຍໄດ້”

ເຊິ່ງໃນໂພສມີຄຳເຕືອນວ່າ ພາກທຸລະກິດຄວນຄຳນຶງໃຫ້ຫລາຍຂຶ້ນຫາກຄິດແຄັມເປນທີ່ຕ້ອງລະບຸກຸ່ມໂຄສະນາຕັ້ງແຕ່ຊ່ວງໄຕມາດຫລັງຂອງປີນີ້ ແລະ ຕະຫຼອດໄປ Facebook ຍັງຢ້ຳຕື່ມອີກວ່າ: ຄວາມໂປ່ງໃສເປັນເລື່ອງທີ່ສຳຄັນ ເຖິງວ່າໂຄສະນາຈະເຮັດໃຫ້ຜະລິດຕະພັນຂອງກຸ່ມ Facebook ແລະ ບໍລິການອອນລາຍອື່ນໆ ໃຊ້ງານໄດ້ຟຮີ ແຕ່ການໂຄສະນາ ແລະ ການຮັກສາຄວາມເປັນສ່ວນໂຕຂອງຜູ້ໃຊ້ກໍ່ບໍ່ແມ່ນເລື່ອງທີ່ຈະໄປນຳກັນບໍ່ໄດ້ ເຊິ່ງ Facebook ຈະອະທິບາຍໃຫ້ຜູ້ໃຊ້ຮູ້ວ່າຂໍ້ມູນຂອງຕົນຖືກໃຊ້ເພື່ອການໂຄສະນາແບບໃດ ແລະ ເຊີນຊວນໃຫ້ພາກທຸລະກິດເລີ່ມຄິດເຖິງວິທີໃຫ້ຄວາມຮູ້ກ່ຽວກັບວິທີເຮັດການຕະຫຼາດຂອງຕົນເອງນຳ

Clear History ກໍ່ຖືວ່າເປັນຄວາມທ້າທາຍຂອງ Facebook ເພາະຜູ້ໃຊ້ມີຫລາຍກວ່າ 2ພັນລ້ານຄົນ ຟີເຈີ້ນີ້ຈຶ່ງບໍ່ແມ່ນເລື່ອງງ່າຍເລີຍທີ່ຈະເຮັດໃຫ້ສຳເລັດ ແຕ່ຜົນສຸດທ້າຍຜູ້ໃຊ້ຈະໄດ້ຮັບຄວາມເປັນສ່ວນໂຕ ເຊິ່ງກໍ່ຕ້ອງຈັບຕາເບິ່ງກັນຕໍ່ໄປວ່າຈະເຮັດໄດ້ຫລືບໍ່

ທີ່ມາ:
www.blognone.com