7600_160220095912k9

ເປັນຄວາມສາມາດ​ທີ່​ແອັບຯສັງ​ຄົມ​ອອນ​ລາຍ​ຫຼາຍໆໂຕ ​ພະ­ຍາ­ຍາມ​ພັດ­ທະ­ນາ​ກັນ​​ເລື້ອຍໆ​ມາ ຊຶ່ງ​ຫຼາຍ​ແອັບຯກໍ​ເປີດ​ໃຫ້​ໃຊ້​ງານ​ກັນ​ໄປ​ແດ່​ແລ້ວ ແລະ ​ຫຼ້າສຸດ Facebook Messenger ຫຼັງ​ຈາກ​ທີ່​ສຸມພັດ­ທະ­ນາ​ກັນ​ໄປ​​ໄລຍະ​ນຶ່ງ ​ກໍ​​ປະ​ກາດ​ໃຫ້​ຜ่ູໃຊ້ໃນລະບົບ​ Android ໃຫ້ໄດ້​ໃຊ້​ງານ​ຫຼາຍ​​ບັນຊີ​​ເທິງແອັບຯສົນທະນາດັ່ງ​​ກ່າວ​ແລ້ວ. ໃນນີ້​ໃຜ​ທີ່​ມີເພກ​ເທິງ Facebook ຫລື​​ຮ້ານ​ຄ້າ​ຕ່າງໆ ກໍບໍ່​ຕ້ອງອອກຈາກລະບົບ​​ ​​ສ​ະລັບບັນຊີ ​​​ໄປ​ມາ​ລະ­ຫວ່າງ Facebook ສ່ວນ​​ໂຕ​ກັບ​​ຮ້ານ​ຄ້າ ຫລື​ເອົາ​ມື​ຖື​ເທື່ອ​ລະ​ຫຼາຍໆໜ່ວຍ​ເພື່ອ​ຕິດ­ຕໍ່​ພົວ​ພັນ ລະ​ຫວ່າງ​ໝູ່ເພື່ອນ ​ແລະ ​ລູກ​ຄ້າໄປນຳ​ອີກ​ແລ້ວ.

ໂດຍ​ວິ­ທີ​ການ​​ສ​ະລັບບັນຊີ​​ນັ້ນ ພຽງແຕ່​ຜ่ູໃຊ້​ງານ​ເຂົ້າ​ໄປ​ທີ່ Setting (ຮູບ​ແຂ້ວ​ເຟືອງ) ໃນແອັບຯ Facebook Messenger ແລະ​ ເລືອກ​​ບັນ​ຊີ​ທີ່​ຕ້ອງ­ການ ກໍຈະ​ສາ­ມາດ​ໄປ​ຍັງ​​ກຸ່ມສົນທະນາ​ຂອງ​​ບັນ​ຊີ​ນັ້ນໆໄດ້​ຢ່າງ​ສະ­ດວກ​ສະ­ບາຍ ແຕ່​ຫາກ​ຢ້ານ​ວ່າ​ຈະ​ມີ​​ຄົນ​ອື່ນ​ມາ​ຫລິ້ນ​ມື​ຖື ແລ້ວ​ບໍ່​ຢາກ​ໃຫ້​ເຫັນ​ຂໍ້ຄວາມ​ຈາກ​​ບັນ​ຊີ​ນັ້ນໆ ຜ่ູໃຊ້​ງານ​ກໍ​ສາ­ມາດ​​ຕັ້ງລະຫັດ​ຜ່ານ​ໄວ້​ສຳ​ລັບ​​ສະ​ລັບ​​ບັນ​ຊີ​ໄດ້​ເຊັ່ນ​ກັນ ສຳລັບ​ຜ่ູໃຊ້ໃນລະບົບ Android ທີ່​ຢາກ​ຈະ​ໃຊ້ງານຟັງຊັນນີ້​ແລ້ວ ກໍ​ພຽງແຕ່​ອັບ​ເດດ​ແອັບ Facebook Messenger ​​​ໄດ້​ເລີຍ.

ທີ່ມາຂອງຂໍ້ມູນ: thaiwareengadget