FOBຫຼັງຈາກກັບມາຈາກການງຽບເຫງົາຈາກວົງການເພງໄປ 4 ປີ, Fall Out Boy ວົງດົນຕີລະດັບ multi
platinum ກໍກັບມາພ້ອມອັລບັມໃໝ່ຊື່ວ່າ Save Rock and Roll ທີ່ຫຼາຍເຈົ້າກໍໃຫ້ການຕອບຮັບ
ມາດີຫຼາຍ ຖືວ່າເປັນການ come back ທີ່ປະສົບຜົນສຳເລັດອີ່ຫລີ.
ຈາກ 3 ເພງທີ່ປ່ອຍອອກໄປເປັນຊ່ວງໆຕັ້ງແຕ່ເດືອນ ກຸມພາ 2013 ທີ່ຜ່ານມາ ເລີ່ມຕົ້ນດ້ວຍເພງ
My Songs Know What You Did In The Dark (Light Em Up), Phoenix ແລະ Young
Volcanoes. ຫຼ້າສຸດມື້ວານນີ້ ວັນທີ 1 ກໍລະກົດ 2013 ກໍໄດ້ປ່ອຍ MV ຂອງເພງທີ່ 4, Alone
Together. ການທີ່ວົງປ່ອຍ MV ອອກມາເລື້ອຍໆແນວນີ້ ກໍເນື່ອງຈາກເປົ້າໝາຍສຸດທະເຍີທະຍານ
ຂອງ Fall Out Boy ທີ່ຈະເຮັດວິດີໂອໃຫ້ທຸກໆເພງໃນອັລບັມນີ້ ເຊິ່ງລວມທັງໝົດ 11 ເພງ.
ເຊິ່ງທັງໝົດ 11 ເພງ, 11 MV ຈະເປັນແບບໜັງຕອນໆມາຕໍ່ກັນ ຜູ່ຂຽນເອງກໍເຫັນວ່າເປັນໄອເດຍທີ່ໜ້າສົນໃຈ ແລະ ໜ້າຕິດຕາມດີ. ກໍມາ
ເບິ່ງນຳກັນວ່າໜັງ 11 ຕອນເພື່ອ Save Rock and Roll ຂອງ Fall Out Boy ຈະເປັນແນວໃດ. ສຳລັບຕອນນີ້ມາເບິ່ງຕອນທີ່ 4 ກັນເລີຍ.

ໃຜທີ່ຍັງບໍ່ໄດ້ເບິ່ງຕອນທີ່ 1-3 ສາມາດເບິ່ງໄດ້ຈາກລິ້ງລຸ່ມນີ້:
Part 1: My Song Know What You Did In The Dark
Part 2: The Phoenix
Part 3: Young Volcanoes