final-fantasy-x-x-2-hd-remaster-listing-thumb-01-ps4-us-12may15

Final Fantasy X ແລະ X-2 HD Remaster ແມ່ນຢືນຢັນແນ່ນອນແລ້ວວ່າຈະລົງ PC ຜ່ານ Steam ອາທິດນີ້ ເຊິ່ງອີງຕາມໜ້າຈໍຂາຍເກມໃນ Steam ທີ່ປະກົດຂຶ້ນໃນລະບົບ ແລະ ການຢືນຢັນຈາກບັນຊີ Twitter ທາງການຂອງເກມ Final Fantasy ໃນບໍ່ດົນມານີ້. ໂດຍຈະຂາຍເປັນແພັກຄູ່ ຄາດວ່າລາຄາໜ້າຈະປະມານ $19.99.

final_fantasy_x_x2_hd_26

ຕົວເກມນັ້ນຈະມາພ້ອມກັບທັງສຽງພາສາຍີ່ປຸ່ນ ແລະ ອັງກິດ, ລະບົບເຊບເກມອັດຕະໂນມັດ ແລະ ການປັບປຸງອີກ 5 ແບບເຊັ່ນ: ໂໝດບໍ່ເຈິສັດຕູ, ການເພີ່ມຄວາມໄວຂອງເກມຂຶ້ນ ແລະອື່ນໆທີ່ຄ້າຍກັນ ເຊິ່ງກໍມີມາໃຫ້ເຫັນແລ້ວໃນ Final Fantasy 9 ທີ່ຫາກໍຂາຍໄປໃນຕົ້ນປີນີ້. ໂດຍຄາດວ່າການຕົວເກມເວີຊັນ PC ນີ້ຈະມີການປັບໃຫ້ເຂົ້າກັບ PC ໄດ້ດີສົມບູນແຕ່ຕົ້ນ ຫຼັງຈາກທາງ Square-Enix ໄດ້ເກັບກຽມປະສົບການຈາກການປ່ອຍເກມລົງ PC ມາກ່ອນຢ່າງຕະກູນ Final Fantasy XIII ທີ່ຕອນອອກມາຕົ້ນໆຖືວ່າສະເປະສະປະສົມຄວນ ບໍ່ວ່າຈະເປັນເກມກິນສະເປັກ, ຄ້າງ ຫຼື ບໍ່ມີໃຫ້ເລືອກພາສາ ບັງຄັບໃຫ້ຄົນເອເຊຍຕ້ອງຟັງຍີ່ປຸ່ນ ແລະ ຄົນໃນໂຊນຢູໂຣບ, ອາເມລິກາຕ້ອງຟັງອັງກິດຢ່າງດຽວ ຯລຯ.

ຖືເປັນຂ່າວດີສຳລັບແຟນໆ Final Fantasy X ທີ່ຈະກັບໄປຫວນຄືນວັນເກົ່າ ເພາະ Final Fantasy X ຖືເປັນການກ້າວກະໂດດຂອງເກມ Final Fantasy ທີ່ລະຖິ້ມຈາກເກມໄບ້ ມາເປັນເກມມີສຽງພາບ, ກຣາຟຟິກງົດງາມຢ່າງກ້າວກະໂດດໃນຍຸກນັ້ນ ໂດຍສະເພາະໃບໜ້າ ແລະ ຊົງຜົມ ຮະຮະ ໂດຍທີ່ໂດດເດັ່ນທີ່ສຸດຂອງ FFX Remaster ນັ້ນແມ່ນດົນຕີທີ່ເອົາມາເຮັດໃໝ່ເປັນ HD ທັງໝົດ. ເອົ້າ! ແນວໃດກໍອົດໃຈຖ້າກັນໄປກ່ອນມື້ອື່ນໄດ້ຫຼິ້ນກັນ!