_89801601_033122933

ບໍ່ຮູ້ວ່າຫນ່ວຍງານຝ່າຍອາ­ວຸດນິວເຄຍກຳ­ລັງເຂົ້າ­ໃຈຜິດວ່າໂຕເອງເປັນພິ­ພິດຕະພັນຄອມພິວເຕີຫລືບໍ່? ເພາະມີລາຍງານທີ່ອອກມາຈາກໜ່ວຍງານລັດຖະບານວ່າ ໃນຝ່າຍດັ່ງກ່າວຍັງມີການໃຊ້ງານຄອມພິວເຕີຮຸ່ນເກົ່າ ແຖມໃຊ້ແຜ່ນ floppy disk 8″ ເພື່ອຄວບຄຸມສັ່ງການລະ­ບົບອາ­ວຸດນິວເຄຍຢູ່ໃນຂະ­ນະນີ້.

ໜ່ວຍງານທີ່ວ່ານີ້ເບິ່ງ­ແຍງຄວບຄຸມການເຮັດວຽກຂອງລະ­ບົບປ້ອງກັນໄພ ເຊິ່ງມີທັງສ່ວນຂອງຂີປະນາວຸດຂ້າມທະວີບ, ເຄື່ອງບິນຖິ້ມລະເບີດນິວເຄຍ ແລະ ອາກາດສະຍານຈູ່ໂຈມ ໂດຍທັງໝົດນີ້ເຮັດວຽກຢູ່ເທິງຄອມພິວເຕີ IBM Series/1 ທີ່ມີມາຕັ້ງ­ແຕ່ຍຸກ 1970 ຮ່ວມກັບແຜ່ນ Floppy Disk 8″.

_89803033_floppydisk

ລາຍງານດັ່ງກ່າວຈັດເຮັດໂດຍ GAO (Government Accountability Office) ເຊິ່ງເປັນຫນ່ວຍງານທີ່ເຮັດຫນ້າ­ທີ່ກວດສອບ, ປະເມີນ ແລະ ກໍ່ການສືບ­ສວນສອບສວນເລື່ອງລາວຕ່າງໆ ຕາມຄຳຂໍຂອງສະ­ພາກາງຂອງສະຫະລັດອາເມຣິກາ ໂດຍໃນລາຍງານໄດ້ສະ­ແດງຄວາມກັງ­ວົນເລື່ອງຄ່າໃຊ້ຈ່າຍທີ່ຕ້ອງໃຊ້ເພື່ອການດູ­ແລຮັກ­ສາອຸ­ປະ­ກອນເກົ່າຕົກຍຸກເຊັ່ນ: ຄອມພິວເຕີ ແລະ floppy disk ຂອງ Pentagon.

floppydiskinpentagon4

GAO ລະບຸວ່າໃນແຕ່ລະປີລັດຖະບານສະຫະລັດອາເມຣິກາຕ້ອງໃຊ້ເງິນເພື່ອການບຳລຸງຮັກ­ສາຊັບສິນອຸ­ປະ­ກອນທີ່ຫຼ້າສະໄໝແບບນີ້ເປັນເງິນສູງເຖິງ 61 ພັນລ້ານໂດລາ ໃນຂະນະທີ່ເງິນລົງທຶນເພື່ອປ່ຽນມາໃຊ້ງານອຸ­ປະ­ກອນຮຸ່ນໃໝ່ທີ່ມີເຕັກໂນໂລຢີທັນສະ­ໄໝໃຊ້ພຽງແຕ່ 1/3 ຂອງຄ່າບຳລຸງຮັກ­ສາຂອງເກົ່າເທົ່ານັ້ນ.

Pentagon ບອກວ່າສາ­ເຫດທີ່ຍັງຄົງໃຊ້ງານອຸ­ປະ­ກອນທີ່ອາຍຸຫລາຍກວ່າຜູ່ອ່ານຂ່າວຫຼາຍໆຄົນໄວ້ດັ່ງ­ນີ້:

“ທີ່ລະ­ບົບນີ້ຍັງຄົງຖືກໃຊ້ງານຢູ່ກໍເພາະວ່າ ມັນຍັງຄົງໃຊ້ງານໄດ້ຢູ່ Pentagon ກໍຢືນ­ຢັນວ່າບໍ່ໄດ້ລະເລີຍເລື່ອງບັນ­ຫາການຕົກຍຸກຕົກຮຸ່ນຂອງອຸ­ປະ­ກອນຕ່າງໆ ເຊັ່ນເລື່ອງ floppy disk ນີ້ກໍກຳ­ລັງຈະຍົກເລີກການໃຊ້ງານໃນປີ 2017 ນີ້ ສ່ວນແຜນງານປັບ­ປຸງລະ­ບົບຕ່າງໆ ທັງລະ­ບົບຄຳສັ່ງນິວເຄຍ, ລະ­ບົບຄວບຄຸມ ແລະ ສື່­ສານຂອງຫນ່ວຍງານທີ່ກ່ຽວ­ຂ້ອງ ທັງໝົດນີ້ກໍກຳ­ລັງຢູ່ໃນລະຫວ່າງການດຳ­ເນີນການ”.

ທີ່ມາຂອງຂໍ້ມູນ: BBC blognone