cverຫລັງຈາກປະກາດໄປຕັ້ງແຕ່ອາທິດທີ່ຜ່ານມາ ມື້ນີ້ພ້ອມແລ້ວສຳລັບການທົດສອບ ປະສິດຕະພາບກ້ອງຖ່າຍພາບ ຈາກໂທລະສັບມືຖື ເຊິ່ງຄູ່ຊົກຂອງພວກເຮົາໃນມື້ນີ້ ເອີ້ນວ່າເປັນຄູ່ຊົກຂ້າມຮຸ່ນ ນັ້ນກໍຄື ອ້າຍໃຫຍ່ຈາກເກົາຫລີຢ່າງ Samsung Galaxy S6 & S6 edge ປະທະກັບ ນ້ອງກາງຈາກຈີນຢ່າງ Huawei Honor 6 Plus ທີ່ມາພ້ອມລະບົບກ້ອງຄູ່ ຖ້າພ້ອມແລ້ວໄປຊົມກັນເລີຍ

ກ່ອນຈະໄປເບິ່ງຜົນທົດສອບ ມາຮູ້ຈັກກັນກ່ອນວ່າເປັນຫຍັງຈຶ່ງຈັບເອົາສອງຮຸ່ນນີ້ມາປະທະກັນ ທັງໆທີ່ເປັນມືຖືຄົນລະລະດັບ ແລະລາຄາກໍຕ່າງກັນສົມຄວນ.

ເລີ່ມຈາກປຽບທຽບສະເປັກແລະລາຍລະອຽດຂອງໂທລະສັບທັງສອງກ່ອນ

Spec

ຈາກສະເປັກຈະເຫັນວ່າ ທັງສອງເປັນໂທລະສັບທີ່ຈັດວ່າຢູ່ຄົນລະລະດັບ ໂດຍສະເພາະລາຄາທີ່ຕ່າງກັນລ້ານກວ່າກີບເລີຍ ສະນັ້ນການທົດສອບພວກເຮົາຈະບໍ່ໄດ້ກ່າວເຖິງການນຳໃຊ້ ດ້ານສະເປັກອື່ນໆ ແຕ່ຈະເຈາະຈົງໄປທີ່ການຖ່າຍຮູບ ເພາະປັດຈຸບັນຖືເປັນນຶ່ງໃນຄວາມສົນໃຈຂອງຜູ່ໃຊ້ຫລາຍໆຄົນ ວ່າໂທລະສັບຮຸ່ນໃດຖ່າຍຮູບງາມ ຫລືມີຫຍັງພິເສດຫນ້າສົນໃຈແນວໃດ.

– ກ້ອງຂອງ Samsung Galaxy S6 ແລະ S6 edge ໃນປັດຈຸບັນໄດ້ຮັບການຍອມຮັບວ່າເປັນນຶ່ງໃນກ້ອງມືຖື ທີ່ດີທີ່ສຸດໃນໂລກ ທັງເລື່ອງລາຍລະອຽດ, ການເກັບແສງແລະພາບ ແລະທີ່ສຳຄັນລະບົບກັນສັ່ນທີ່ຊ່ອຍໃຫ້ການຖ່າຍກາງຄືນໄດ້ດີຂຶ້ນ ຂະຫນາດທີ່ຊະນະ iPhone 6 plus ໄດ້ເລີຍ.

deviceReal-time-HDR-for-both-the-front-and-the-rear-cameras

– ໃນຂະນະທີ່ຝັ່ງນຶ່ງເປັນກ້ອງມືຖືທີ່ໄດ້ຮັບການຍອມຮັບວ່າດີທີ່ສຸດໃນໂລກ ສະນັ້ນຄູ່ທ້າຊີງເຮົາມື້ນີ້ ຕ້ອງບໍ່ທຳມະດາເຊັ່ນກັນ ເພາະ Huawei Honor 6 Plus ມີຄວາມຫນ້າສົນໃຈດ້ານກ້ອງ ເລີ່ມຈາກໃຫ້ກ້ອງ 8 ລ້ານພິກເຊລ ມາເຖິງ 3 ໂຕ ເປັນເຊັນເຊີຊະນິດດຽວກັນຫມົດ. ກ້ອງໂຕທຳອິດ ເປັນກ້ອງຫນ້າ ແລະອີກ 2 ໂຕ ຢູ່ດ້ານຫລັງຕິດຕັ້ງມາແບບຄູ່ ແລະນີ້ຄືຈຸດທີ່ຫນ້າສົນໃຈຂອງມັນ.

Huawei-Honor-6-Plus-dual-camera

ໄດ້ເຫັນກັນແລ້ວວ່າ ທັງສອງມີຈຸດພິເສດເປັນກ້ອງຖ່າຍຮູບ ນັ້ນຈຶ່ງເປັນສາເຫດທີ່ທີມງານ e-Corner ພວກເຮົາຈັດມາປະທະກັນ. ສຳລັບໃນການທົດສອບນີ້ຈະທົດສອບການຖ່າຍດ້ວຍໂຫມດ Auto ເປັນຫລັກ ເພື່ອເບິ່ງວ່າກ້ອງທັງສອງ ມີປະສິດຕິພາບຖ່າຍຮູບອອກມາເປັນແນວໃດ ໂດຍສະເພາະກັບຜູ່ໃຊ້ທົ່ວໄປ ທີ່ບໍ່ສົນໃຈປັບແຕ່ງຄ່າຫຍັງຫລາຍ ເປີດມາແລ້ວກໍຖ່າຍເລີຍ. ນອກນັ້ນຈະທົດສອບຄວາມສາມາດພິເສດດ້ານກ້ອງທີ່ຫນ້າສົນໃຈອື່ນໆເສີມໃສ່ນຳ ຖ້າພ້ອມແລ້ວກໍມາເບິ່ງນຳກັນເລີຍ.

1. ທົດສອບຖ່າຍດ້ວຍໂຫມດ Auto ປ່ຽບທຽບການໂຟກັສ ແລະການວັດແສງຕ່າງໆ

12ຈາກການຖ່າຍດ້ວຍໂຫມດ Auto ຈະເຫັນວ່າກ້ອງຂອງ Galaxy S6 edge ນັ້ນ ໃຫ້ລາຍລະອຽດສີໄດ້ໃກ້ຄຽງກັບທີ່ຕາເຫັນຫລາຍກວ່າ ແລະເກັບສີຂອງທ້ອງຟ້າໄດ້ຖືກກັບສະພາບແວດລ້ອມຂະນະນັ້ນ ທີ່ຄີ້ມໆຝົນກຳລັງສິຕົກໄດ້. ສ່ວນທາງດ້ານ Honor 6 Plus ແນ່ນອນດ້ວຍກ້ອງທີ່ລະອຽດຫນ້ອຍກວ່າເຄິ່ງນຶ່ງ ຄວາມລະອຽດພາບກໍຈະສູ້ S6 ບໍ່ໄດ້ ແລະສັງເກດວ່າການວັດແສງຈະມືດກວ່າ S6 ເລັກນ້ອຍ ແຕ່ໂດຍລວມກໍຖືວ່າອອກມາໄດ້ດີເຊັ່ນກັນ ທັງເລື່ອງໂຟກັສ ທີ່ແຍກວັດຖຸຫນ້າຫລັງໄດ້.

2. ຕໍ່ມາລອງທົດສອບຖ່າຍໃນໂຫມດ HDR ໂດຍໄດ້ວັດຖຸໄວ້ໃນຮົ່ມ ແລະຖ່າຍອອກໄປດ້ານຫລັງທີ່ເປັນແສງແດດຈ້າ3ຜົນທີ່ດ້ເຫັນວ່າ S6 ວັດແສງໄດ້ອອກມາໃກ້ຄຽງກັບຕາເຫັນຫລາຍກວ່າເຊັ່ນເຄີຍ ວັດຖຸໃນຮົ່ມ ບໍ່ມືດຈົນເບິ່ງບໍ່ໄດ້ ແລະແສງດ້ານຫລັງບໍ່ຈ້າຈົນເຫລື້ອມຕາ. ສ່ວນ Honor 6 Plus ວັດແສງວັດຖຸດ້ານຫນ້າອອກມາໄດ້ແຈ້ງຂຶ້ນແລະບໍ່ເສຍລາຍລະອຽດ ແຕ່ແສງດ້ານຫລັງຈ້າເກີນໄປ.

ຫມາຍເຫດ: ສຳລັບການຖ່າຍ HDR ໂຫມດ Galaxy S6 ເຮັດໄດ້ດີຫລາຍເພາະມັນສະແດງຜົນແບບ Real-Time ໃຫ້ເຫັນເລີຍວ່າພາບຈະອອກມາເປັນແບບໃດ ແລະການກົດຊັດເຕີເພື່ອຖ່າຍໃນໂຫມດນີ້ເຮັດໄດ້ໄວເກືອບບໍ່ຕ່າງຈາກຖ່າຍປົກກະຕິ. ກົງກັນຂ້າມ Honor 6 Plus ເມື່ອເຂົ້າໂຫມດ HDR ຫລັງຈາກກົດຖ່າຍແລ້ວ ຕ້ອງລໍຖ້າກ້ອງປະມວນຜົນຮູບກ່ອນ ແລະທີ່ສຳຄັນຊັດເຕີຊ້າກວ່າໂຫມດປົກກະຕິລົງຢ່າງເຫັນໄດ້ຊັດເຈນ.

3. ກ້ອງມືຖືໃນຍຸກໃຫມ່ ຈະເຫັນວ່າສາມາດຖ່າຍວັດຖຸເພື່ອແຍກຫນ້າຫລັງອອກຈາກກັນໄດ້ດີຂຶ້ນ (ແຕ່ກໍຍັງບໍ່ດີທໍ່ກ້ອງໃຫຍ່ລະດັບອາຊີບ) ເຊິ່ງແນ່ນອນພວກເຮົາກໍຕ້ອງທົດສອບໃຫ້ເບິ່ງນຳກັນວ່າກ້ອງຂອງມືຖືທັງສອງນີ້ ເຮັດໄດ້ດີຊໍ່ຳໃດ

4

5ທົດສອບໂດຍການໂຟກັສວັດຖຸທາງຫນ້າ ຈາກນັ້ນລອງໂຟກັສໃສ່ວັດຖຸດ້ານຫລັງ. ຜົນທີ່ໄດ້ເຫັນວ່າກ້ອງຂອງ Galaxy S6 ເຮັດໄດ້ດີກວ່າ ແຍກມິຕິວັດຖຸໄດ້ດີກວ່າ ຍ້ອນຂະຫນາດເຊັນເຊີທີ່ໃຫຍ່ກວ່ານັ້ນເອງ.

4. ການທົດສອບທີ 4 ຈະມາເບິ່ງເລື່ອງ Flash ວ່າເມື່ອເປີດ Flash ແລ້ວໃຫ້ຄວາມແຈ້ງ ແລະສີທີ່ເປັນທຳມະຊາດຊ່ຳໃດ

6ເລີ່ມຈາກຖ່າຍໃຫ້ເຫັນກ່ອນວ່າ ສະພາບຫ້ອງທີ່ຖ່າຍນັ້ນມືດຊ່ຳໃດ ດ້ວຍການຖ່າຍ Auto

7ເນື່ອງຈາກບໍ່ໄດ້ທົດສອບຖ່າຍຄົນເບິ່ງ (ເພາະບໍ່ມີນາງແບບ XD) ເລີຍບໍ່ສາມາດຕອບໄດ້ວ່າ ການເປີດ Flash ຈະເຮັດໃຫ້ສີທີ່ໄດ້ຈາກການຖ່າຍຜິວຫນັງ ອອກມາທຳມະຊາດຫລືບໍ່

ນັ້ນກໍຄືການທົດສອບໂດຍລວມ ເພື່ອປຽບທຽບແຕ່ລະດ້ານຂອງກ້ອງທັງສອງ.

ສ່ວນຄວາມສາມາດອື່ນໆນັ້ນ Galaxy S6 ມີໃຫ້ຫລິ້ນຫລາຍແນວ ທັງຖ່າຍແບບ Slowmotion, Fastmotion, ຖ່າຍແບບອ້ອມວັດຖຸ 360 ອົງສາ ເຊິ່ງຖືວ່າເປັນຄວາມສາມາດເພີ່ມທີ່ຫລິ້ນໄດ້ມ່ວນ. (ບໍ່ໄດ້ເອົາມາໃຫ້ເບິ່ງ ເພາະຜົນທີ່ໄດ້ໃນໂຫມດນີ້ຈະເປັນວິດີໂອ)

ແຕ່ໃນສ່ວນຂອງ Honor 6 Plus ເອງກໍມີໂຫມດຖ່າຍພາບທີ່ຫນ້າສົນໃຈນັ້ນກໍຄື ລະບົບກ້ອງຄູ່ ເຊິ່ງ Huawei ເອີ້ນວ່າ Wide Aperture Mode ແລະຍັງມີ Night Mode ທີ່ເຮົາສາມາດປັບຄ່າ ISO ແລະຕັ້ງຄວາມໄວຂອງຊັດເຕີໄດ້.

– ເລີ່ມຈາກໂຫມດ Wide Aperture ແມ່ນຈະໃຊ້ຄວາມສາມາດຂອງກ້ອງຄູ່ ໂດຍເອົາກ້ອງໂຕນຶ່ງຖ່າຍວັດຖຸດ້ານຫນ້າ ແລະອີກກ້ອງນຶ່ງຖ່າຍສາກຫລັງ ແລ້ວໃຫ້ໂປຣແກຣມປະມວນຜົນເພື່ອແຍກການໂຟກັສຫນ້າຫລັງໄດ້ ເຊິ່ງໃນ Honor 6 Plus ມີການຈຳລອງ ຮູຮັບແສງກວ້າງສຸດເຖິງ F/0.95 ແລະ ແຄບສຸດທີ່ F/16 ແລະຍັງສາມາດຖ່າຍແລ້ວມາເລືອກຈຸດໂຟກັສພາຍຫລັງໄດ້.

10111315ນັ້ນກໍຄື Wide Aperture Mode ເຊິ່ງຖືວ່າສ້າງຄວາມຫນ້າສົນໃຈ ແລະແປກໃຫມ່ໃນການຖ່າຍພາບຈາກກ້ອງມືຖື ໂດຍສະເພາະການສ້າງໂບເກ້ໃຫ້ພາບ ເຊິ່ງໃຊ້ໄດ້ແທ້ ທັງການຖ່າຍວັດຖຸຕ່າງໆ, ຖ່າຍຄົນກໍໄດ້ ເຖິງຈະບໍ່ນຽນທໍ່ກັບການເອົາກ້ອງລະດັບມືອາຊີບຖ່າຍ ແຕ່ຖ້າທຽບໃສ່ກັບກ້ອງມືຖືໃນຕະຫລາດປັດຈຸບັນແລ້ວ ເວົ້າໄດ້ວ່າຫາຄົນຮຽນແບບໄດ້ຍາກ.

– ອີກນຶ່ງໂຫມດທີ່ຫນ້າສົນໃຈແມ່ນ Night Mode ເຊິ່ງໃນ Honor 6 Plus ສາມາດຕັ້ງຄ່າ ISO ຕັ້ງແຕ່ 100 – 1600 ແລະຕັ້ງຄວາມໄວຊັດເຕີໄດ້ສູງສຸດ 32 ວິນາທີ.

8ທົດລອງຖ່າຍໃນຫ້ອງມືດ (ມືດຊ່ຳໃດໃຫ້ເບິ່ງຮູບຕອນທົດສອບເລື່ອງ Flash) ເຊິ່ງເປີດ Night Mode ແບບອັດຕະໂນມັດ ໃຫ້ກ້ອງຄຳນວນໃຫ້ເອງ ຜົນທີ່ໄດ້ເປັນແບບນີ້.

9ຜ່ານການລອງຜິດລອງຖືກ ໂດຍຕັ້ງຄ່າເອງ ເລີຍໄດ້ຄ່າທີ່ເຫມາະສົມອອກມາເປັນແບບນີ້ ເຊິ່ງຈາກຫ້ອງທີ່ມືດຫລາຍ ໄດ້ຮູບອອກມາແບບນີ້ກໍຖືວ່າໃຊ້ໄດ້ດີຫລາຍ.

16ດ້ວຍຄວາມສາມາດທີ່ເປີດຄວາມໄວຊັດເຕີໄດ້ສູງສຸດ 32 ວິນາທີ ທີມງານພວກເຮົາເລີຍທົດສອບຫລິ້ນແສງເລີຍ

ຫມາຍເຫດ: ການຖ່າຍດ້ວຍ Night Mode ຕ້ອງໄດ້ວາງກ້ອງໃຫ້ນິ້ງໆ ຫ້າມສັ່ນ ຫລືເຫນັງ ດັ່ງນັ້ນຈຶ່ງບໍ່ເຫມາະກັບການຖ່າຍວັດຖຸທີ່ເຄື່ອນທີ່

ເປັນແນວໃດສຳລັບການທົດສອບກ້ອງທັງສອງຮຸ່ນ ເວົ້າໄດ້ວ່າຕ່າງກໍມີຈຸດດີຈຸດອ່ອນຂອງໃຜລາວ ຖ້າໃຫ້ທີມງານສະຫລຸບກໍຂໍສະຫລຸບສັ້ນແບບນີ້:

Samsung Galaxy S6 ແລະ S6 edge

-ສົມລາຄາ ແລະຖືວ່າເປັນກ້ອງມືຖືືທີ່ດີທີ່ສຸດໃນປັດຈຸບັນ

– ຄວາມລະອຽດກ້ອງສູງ, ເກັບລາຍລະອຽດໄດ້ດີ

– ການວັດແສງ ແລະເກັບແສງເຮັດໄດ້ໃກ້ຄຽງກັບຕາເຫັນ

– ການແຍກວັດຖຸອອກຈາກສາກຫລັງເຮັດໄດ້ດີ ເຫັນມິຕິຢ່າງຊັດເຈນ (ໂດຍສະເພາະການຖ່າຍວັດຖຸແບບໃກ້ໆ)

– ລະບົບ Filter ຕ່າງໆ ເປັນແບບ Real-Time ບໍ່ຈຳເປັນຕ້ອງຖ່າຍແລ້ວມາປະມວນຜົນພາຍຫລັງ

Huawei Honor 6 Plus

– ການຖ່າຍໃນໂຫມດປົກກະຕິເຮັດໄດ້ຕາມມາດຕະຖານເຊັນເຊີກ້ອງລະດັບ 8 ລ້ານພິກເຊລ

– ໂຫມດ Wide Aperture ໃຊ້ໄດ້ແທ້ ໃຊ້ໄດ້ດີ ນຽນກວ່າການໃຊ້ App ແຕ່ງ

– ໂຫມດ Night Mode ໃຊ້ໄດ້ແທ້ເຊັ່ນກັນ ແຕ່ອາດຈະຍາກເພາະຕ້ອງວາງກ້ອງໃຫ້ນິ້ງ

ອັດທ້າຍດ້ວຍຮູບພຣີເຊັນເຕີຈາກ ຊຳຊຸງ ໃນງານເປີດໂຕ Galaxy S6 ແລະ S6 edge

17

ຂອບໃຈເຄື່ອງທົດສອບ:

– Galaxy S6 ແລະ S6 edge ຈາກບໍລິສັດ Thai Samsung Electronic ປະຈຳປະເທດລາວ

– Honor 6 Plus ຈາກບໍລິສັດ Huawei Technology ປະຈຳປະເທດລາວ