Google_IO_hub_hero-970-80

Google ໄດ້ຈັດງານ Google I/O ປະຈຳປີ 2016 ຂຶ້ນເມື່ອວັນທີ່ 18 ພຶດສະພາ 2016 ທີ່ຜ່ານມາເຊິ່ງພາຍໃນງານກໍໄດ້ເປິດໂຕເຕັກໂນໂລຊີໃຫມ່ໆ ລວມໄປເຖິ່ງການອັບເດດ ແລະເພີ່ມປະສິທິພາບໃຫ້ຜະລິດຕະຜັນຕ່າງໆຂອງ Google 

Google Assistant

google-assistant-will-let-you-talk-to-google-as-if-it-was-your-own-assistant

Google Assistant ເປັນຜູ່ຊ່ວຍທີ່ສະຫລາດຫລາຍຂຶ້ນໂດຍຕໍ່ຍອດມາຈາກ Google Now ແລະດ້ວຍລະບົບ AI ທີ່ອັດສະລິຍະຂອງ Google ເຮັດໃຫ້ເຮົາສາມາດ ຕັ້ງຄຳຖາມ, ອອກຄຳສັ່ງ ແລະສົນທະນາໄດ້ເຊັ່ນ: ສາມາດຖາມກ່ຽວກັບຄົນດັງ, ຜົນການແຂ່ງຂັນກິລາ, ຄົ້ນຫາຊື່ເພງ ຫລືແນະນຳຮ້ານອາຫານ ຈຸດເດັ່ນຄືລະບົບສາມາດເຂົ້າໃຈລັກສະນະການເວົ້າ ແລະສຳນຽງຂອງເຮົາໄດ້ໂດຍທີ່ເຮົາບໍ່ຈຳເປັນຕ້ອງຮຽນຮູ້ຄຳສັ່ງຕ່າງໆເລີຍ

Google Home 

google-home-product-shot-796x429

ເປັນອຸປະກອນຜູ່ຊ່ວຍໃນບ້ານໂດຍໃຊ້ Google Assistant ເຮັດວຽກຮ່ວມກັນ ມີລັກສະນະຄ້າຍໆກັບລຳໂພງ ເຊິ່ງມັນສາມາດເວົ້າໂຕ້ຕອບກັບເຮົາໄດ້ໂດຍເວົ້າຄຳວ່າ “OK Google” ເພື່ອເລີ່ມສັ່ງວຽກ ຈະຖາມຫາຮ້ານອາຫານ, ຜົນບານເຕາະ, ປະຫວັດຄົນດັງ ຫລືສິ່ງທີ່ຕ້ອງການຫາຜ່ານ Google Search ແລະສາມາດສັ່ງອຸປະກ່ອນ IOT ຕ່າງໆບໍ່ວ່າຈະເປັນ ການເປີດ-ປິດໄຟ ປິດ-ເປີດໂທລະພາບ ສັ່ງຫລິ້ນເພງ ໂດຍ Google Home ຈະເລີ່ມຂາຍໃນທ້າຍປີນີ້

ແອັບຯ Allo ແລະ Duo

google-unveiled-a-new-messaging-app-called-allo

Allo ເປັນແອັບຯສົ່ງຂໍ້ຄວາມທີ່ເຮັດໃຫ້ເຮົາສະດວກສະບາຍຂຶ້ນຍ້ອນ ມັນສາມາດຮຽນຮູ້ ແລະເຂົ້າໃຈການສົນທະນາຂອງເຮົາໄດ້ ຕົວຢ່າງ ສົມມຸດເຮົາກຳລັງລົມເລື່ອງຮ້ານອາຫານຢີ່ປຸ່ນກັບຫມູ່ຢູ່ ແອັບຯກໍຈະແນະນຳຮ້ານອາຫານຢີ່ປຸ່ນທີ່ຢູ່ໃກ້ໆນັ້ນຂຶ້ນມາທັນທີ່ ແລະຍັງສາມາດເດົາຂໍ້ຄວາມທີ່ເຮົາຈະໃຊ້ຕອບກັບໃຫ້ເຮົາເປັນຕົ້ນ

duo-Google-IO-2016-840x473

ນອກຈາກແອັບຯສົ່ງຂໍ້ຄວາມແລ້ວ Google ຍັງໄດ້ເປີດໂຕແອັບຯ Duo ເປັນຄືກັບ FaceTime ໃນເວີຊັນຂອງ Google ທີ່ສາມາດເຮັດໃຫ້ເຮົາລົມກັນແບບ Video Call ໄດ້ສະຖຽນຫລາຍຂຶ້ນ ໂດຍມີຈຸດພິເສດຢູ່ທີ່ລະບົບ Knock Knock ທີ່ສາມາດສະແດງ Video Preview ຂອງຄົນທີ່ໂທເຂົ້າມາກ່ອນທີ່ເຮົາຈະຮັບສາຍໄດ້

https://youtu.be/CIeMysX76pM

Android N

n9E6k24

Google ໄດ້ປະກາດເສີມຄວາມສາມາດໃຫ້ກັບ Android N ເພີ່ມເຕີມ ຈາກ Android N ເວີຊັນ Preview ທີ່ປ່ອຍກ່ອນຫນ້ານີ້ແລ້ວ ໂດຍກໍຈະມີເລື່ອງ Performance ໄດ້ມີການນຳເອົາ Vulkan API ມາເສີມໃສ່ເຮັດໃຫ້ການປະມວນຜົນໄວ ແລະໃຊ້ພະລັງງານຫນ້ອຍກວ່າ ເຮັດໃຫ້ການເຮັດວຽກດ້ານ Graphic ມີປະສິທິພາບຫລາຍກ່ອນເກົ່າ, ມີລະບົບ JIT (Just In Time) ຊ່ວຍເຮັດໃຫ້ການຕິດຕັ້ງແອັບຯໄວຂຶ້ນ 75%, ລະບົບ Muti-Windows ທີ່ສາມາດໃຊ້ງານຫາຍແອັບຯໄດ້ພ້ອມກັນ, Notification ແບບໃຫມ່ທີ່ສາມາດຕອບກັບຂໍ້ຄວາມໄດ້ທັນທີໂດຍບໍ່ຕ້ອງເປີດແອັບຯ ສຳລັບຊື່ຂອງ Android N ທາງ Google ຍັງບໍ່ໄດ້ປະກາດຊື່ຢ່າງເປັນທາງການແຕ່ໃຫ້ທຸກຄົນສົ່ງຊື່ເຂົ້າປະກວດແທນ

Daydream ແພລັດຟອມ VR ຂອງ Google

google-has-a-new-vr-platform-called-daydream

ໂດຍ Daydream ຈະມາໃນ Android N ເຊິ່ງຈະເຮັດໃຫ້ SmartPhone ເປັນເຫມືອນອຸປະກອນ VR ແຕ່ກໍຂຶ້ນກັບຄຸນສົມບັດຂອງ SmartPhone ນັ້ນໆ ດ້ານຂອງຫນ້າຕາຈະມີ Dashboard ໃຫເຮົາສາມາດໂຫລດແອັບຯ, ເກມ, ຫນັງຕ່າງໆໄດ້ ສຳລັບ Daydream ນີ້ Google ຈະເປີດໃຫ້ໃຊ້ໃນທ້າຍປີນີ້

Android Wear 2.0

google-introduced-the-next-generation-of-android-wear-called-20

 

Android Wear 2.0 ເບິ່ງແລ້ວສົດໃສກວ່າເກົ່າ ເຊິ່ງມັນຈະສະແດງຂໍ້ມູນຂອງແອັບຯຕ່າງໆ ທີ່ທ່ານມີຜ່ານຫນ້າຈໍ Smart Watch ຂອງທ່ານແລະຍັງແກ້ໄຂຂໍ້ຜິດພາດຕ່າງໆຈາກເວີຊັນເກົ່ານຳ ພາບຕົວຢ່າງດ້ານເທິງຄື ການສະແດງຂໍ້ມູນຈາກແອັບຯປະຕິທິນ ແອັບຯອອກກຳລັງກາຍ ແລະແອັບຯເທິງຫນ້າປັດໂມງ.

 

ແຫຼ່ງອ້າງອີງ: techinsider , beartai, techxcite