k

ສຳ­ລັບຜູ່ໃຊ້ Android ໂດຍສະ­ເພາະຜູ່ໃຊ້ມືຖື Google Nexus ແລະ ຜູ່ທີ່ໃຊ້ແອັບຯແປ້ນພິມຈາກ Google ຢ່າງ Google Keyboard ມີຂ່າວດີເພາະ Google ກຽມປ່ອຍ Google Keyboard ເວີຊັນໃໝ່ 5.0 ແລ້ວ ເຊິ່ງມີຫຼາຍຄວາມສາມາດໃໝ່ ແລະທີ່ເດັ່ນທີ່ສຸດກໍຄື ການຕັ້ງຄ່າໃຫ້ຮອງຮັບການໃຊ້ງານພິມດ້ວຍມືດຽວໄດ້ແລ້ວ.

K1

ໂດຍສຳ­ລັບມືຖື Nexus ແລະ ໂທລະສັບ Android ທີ່ໃຊ້ແປ້ນພິມ Google Keyboard ແລ້ວນັ້ນ ທັນ­ທີທີ່ຫຼັງອັບເດດຜ່ານທາງ Play Store ຮຽບ­ຮ້ອຍແລ້ວ ທ່ານສາມາດຕັ້ງຄ່າການໃຊ້ງານພິມດ້ວຍມືດຽວໄດ້ ຜ່ານທາງ Settings > Language & input > Google Keyboard ເທິງມືຖື Android ໂດຍຮອງຮັບການພິມດ້ວຍມືດຽວ ທັງມືຊ້າຍ ແລະ ມືຂວາ ເອີ້ນໄດ້ວ່າຊຳນານມືໃດກໍຕັ້ງຕາມນັ້ນໄດ້ເລີຍ.

K2

ເບິ່ງຕົວຢ່າງ Google Keyboard ໂໝດພິມດ້ວຍມືດຽວ ຫຼັງຈາກນີ້ພຽງແຕ່ມືດຽວກໍສາ­ມາດພິມໄດ້ສະ­ດວກຂຶ້ນແລ້ວ

K3

ແລະ ຍັງມີໂໝດຕັ້ງຄ່າອື່ນໆອີກຫລາຍຢ່າງເຊັ່ນ: ສະໄລ້ປຸ່ມ Backspace ໄປທາງຊ້າຍ ເພື່ອລຶບໄດ້ທັງໝົດເທື່ອດຽວ, ສະໄລ້ປຸ່ມ spacebar ເພື່ອເລື່ອນລູກສອນການພິມ, ເພີ່ມສັນ­ຍະ­ລັກຕ່າງໆ ລຶບຄຳທີ່ແປ້ນພິມເດົາຜູ່ໃຊ້ວ່າຈະພິມຫຍັງເທິງແຖບແນະ­ນຳໄດ້ແລ້ວເປັນ­ຕົ້ນ ໂດຍຈະເລີ່ມທະຍອຍເປີດໃຫ້ອັບເດດຕັ້ງ­ແຕ່ 3 ພຶດສະພາ 2016 ເປັນ­ຕົ້ນໄປທາງ Play Store

ທີ່ມາຂອງຂໍ້ມູນ:  it24hrs, 9to5google