Screen Shot 2015-07-15 at 10.18.09 AMຮູບ​​: ປະຕູໄຊ, ນະຄອນຫຼວງວຽງຈັນ, ປະເທດລາວ.

ພົບກັບພາບຕົວເມືອງແບບ 360 ອົງສາ ຂອງປະເທດລາວຜ່ານ Google Maps ສຳລັບຄົນທ້ອງຖິ່ນ ແລະນັກທ່ອງທ່ຽວ.

ວັນທີ່ 14 ກໍລະກົດ 2015 ໂດຍການ​ຮ່ວມ​ມືຈາກກະຊວງໄປສະນີ ແລະໂທລະຄົມແຫ່ງ ສປປລາວ ແລະ Google ໄດ້ມີການເປີດນຳໃຊ້ລະບົບ Google  Street View ຂອງປະເທດລາວໃຫ້ຄົນລາວ ແລະຄົນທົ່ວໂລກໄດ້ສຳຫຼວດພາບຖ່າຍແບບ 360 ອົງສາຂອງປະເທດລາວໄດ້ແລ້ວຜ່ານ Google Maps.

ໃນພື້ນທີ່ ທີ່  Street View ພ້ອມໃຊ້ງານ ​ຜູ່ໃຊ້ສາມາດເປີດເບິ່ງ Street View ໄດ້ໂດຍລາກໄອຄ້ອນຕຸກກະຕາ “Pegman” ສີ​ສົ້ມທາງດ້ານຊ້າຍຂອງແຜນທີ່ທີ່ເປັນເສັ້ນສີຟ້າ
ນອກນີ້ Google Maps  ທີ່ອັບເດດໃໝ່ຍັງໃຫ້ຜູ່ໃຊ້ງານສາມາດຄົ້ນຫາສະຖານທີ່ຕ່າງໆ ທີ່ຮອງຮັບການໃຊ້ງານ ໂດຍເຂົ້າເຖິງພາບ Street View ໄດ້ຈາກລູກສອນໝຸນພາບທີ່ຢູ່ບໍລິເວນດ້ານລຸ່ມຂອງໜ້າຈໍ.

Screen Shot 2015-07-15 at 11.09.41 AMຮູບ : ຫໍວັດທະນາທຳ, ນະຄອນຫຼວງວຽງຈັນ, ປະເທດລາວ.

Screen Shot 2015-07-15 at 11.11.14 AMຮູບ : ພະທາດຫຼວງ, ນະຄອນຫຼວງວຽງຈັນ, ປະເທດລາວ.

ນອກຈາກນີ້ຍັງມີອີກຫຼາຍໆສະຖານທີ່ໃຫ້ເບິ່ງອີກ ຄົນທ້ອງຖິ່ນສາມາດເບິ່ງຮູບພາບຖ່າຍ Panorama 360 ອົງສາ ເພື່ອກວດສອບບໍລິເວນໜ້າຮ້ານຄ້າກ່ອນເດີນທາງໄປໄດ້ ໂດຍການວາງແຜນເສັ້ນທາງທີ່ຈະໃຊ້ເດີນທາງ ກຳນົດຈຸດນັດພົບຫຼືຮັບຮູ້ເສັ້ນທາງ ແລະພື້ນທີ່ຕ່າງໆໃນເມືອງຂອງເຮົາໄດ້ດີຍິ່ງ​ຂຶ້ນ ຍົກຕົວຢ່າງເຊັ່ນ​​: ໂຮງແຮມຕ່າງໆ ສາມາດສະແດງໃຫ້ແຂກເຫັນຮູບຮ່າງຕຶກຂອງໂຮງແຮມທີ່ຢູ່ເທິງຖະໜົນ ລວມເຖິງສະແດງພື້ນທີ່ອ້ອມບໍລິເວນໂຮງແຮມໄດ້ອີກ, ນັກທ່ອງທ່ຽວທີ່ເດີນທາງມາຮອດປະເທດລາວສາມາດໃຊ້ Street View ເພື່ອວາງແຜນການພັກຜ່ອນ ຫຼືສຳຫຼວດເມືອງຫຼວງຂອງປະເທດລາວກ່ອນຈະເດີນທາງໄດ້.

ທ່ານ ພູໂຂງ ຈິດຮູບໂລກ ຫົວຫນ້າກົມ ແຜນການ ແລະ ການຮ່ວມມື ກະຊວງໄປສະນີແລະໂທຄົມມະນາຄົມ ແຫ່ງ ສປປລາວ ເວົ້າວ່າ​ “ເຮົາຮູ້ສຶກຕື່ນເຕັ້ນຫຼາຍ ທີ່ໄດ້ເຫັນໂຄງການ Street View ໃນປະເທດລາວດຳເນີນຂັ້ນຕອນຈົນບັນລຸເປົ້າໝາຍຢ່າງຕັ້ງໃຈ ທັງຮູບພາບທີ່ງົດງາມຂອງເມືອງ – ລວມເຖິງປະຕູໄຊທີ່ມີຊື່ສຽງ – ພ້ອມເຜີຍແຜ່ສູ່ສາຍຕາສາທາລະນະຊົນຜ່ານ Google Maps ປັດຈຸບັນປະຊາຊົນລາວແລະຄົນທົ່ວໂລກສາມາດໃຊ້ Google Maps ແລະ Street View ຊ່ວຍວາງແຜນການເດີນທາງໄປຮອດສະຖານທີ່ຕ່າງໆ ໄດ້ທົ່ວປະເທດເຮົາ ຜູ່ຄົນຍັງສາມາດຮັບຊົມນະຄອນຫຼວງວຽງຈັນໃນຮູບແບບສົມຈິງໄດ້ຈາກພື້ນທີ່ຕ່າງໆ ຂອງປະເທດ ພຽງແຕ່ເຊື່ອມຕໍ່ກັບອິນເຕີເນັດ ໂຄງການ StreetView ໄດ້ມອບໂອກາດໃຫ້ ສປປ ລາວ ເປັນທີ່ຮູ້ຈັກຫຼາຍຂຶ້ນ ແລະຕອນນີ້ຍັງເປັນຊ່ວງເວລາທີ່ດີຂອງການພັດທະນາປະເທດ ໃນຖານະທີ່ປະເທດລາວຈະເປັນປະທານອາຊ່ຽນໃນປີ 2016”

Google ມີຄວາມມຸ່ງໝັ້ນທີ່ຈະປົກປ້ອງຄວາມເປັນສ່ວນຕົວໃນ Google Maps ກັບ StreetView ຢ່າງເຕັມທີ່ແລະເຂັ້ມງວດໂດຍບໍ່ຫຼຸດຄຸນປະໂຫຍດທີ່ຜູ່ໃຊ້ໄດ້ຮັບຈາກ Feature ນີ້ Google ຈຶ່ງໄດ້ພັດທະນາເທັກໂນໂລຢີຂັ້ນສູງ ທີ່ສາມາດບັງ (blur) ໃບໜ້າຂອງບຸກຄົນ ແລະປ້າຍລົດ ແລະ ບໍ່ເປີດເຜີຍຂໍ້ມູນສ່ວນຕົວໃດໆເລີຍ ນອກຈາກນີ້ Google ຍັງໃຫ້ການຕອບສະໜອງຢ່າງໄວຕໍ່ທຸກຄຳຮ້ອງທີ່ໄດ້ຮັບຈາກຜູ່ໃຊ້ເພື່ອໃນການປິດບັງຮູບພາບເພີ່ມເຕີມ.

ທ່ານ Alex Long ຜູ່ຈັດການປະຈຳປະເທດຝ່າຍນະໂຍບາຍພາກລັດ Google Asia Pacific ກ່າວວ່າ “ເຮົາຫວັງເປັນຢ່າງຍິ່ງວ່າຮູບພາບຊຸດ Street View ຂອງນະຄອນຫລວງວຽງຈັນນີ ນີ້ຈະຊ່ວຍເປີດໂອກາດໃຫ້ຜູ່ຄົນທົ່ວໂລກໄດ້ສຳ​ຜັດກັບປະສົບການຈາກປະເທດລາວພ້ອມຍັງຊ່ວຍສ້າງຄວາມຮູ້ສຶກທີ່ດີຕໍ່ປະເທດລາວ ແລະຊ່ວຍດຶງດູດນັກທ່ອງທ່ຽວເຂົ້າມາໄດ້ອີກ”

ທ່ານ ສາມາດເບິ່ງຂໍ້ມູນເພີ່ມເຕີມກ່ຽວກັບ  StreetView ແລະວິທີການໃຊ້ງານເພື່ອພັກຜ່ອນແລະເພື່ອທຸລະກິດ ກົດບ່ອນນີ້ເລີຍ Google.com/streetview

ທີ່ມາ → googlethailand.blogspot.com