power-bank-150======================
ປັດ​ໄຈ​ທີ່​ເຮັດໃຫ້​ແບັດ​ເຕີ​ລີ​ໝົດ​ໄວ
======================

ອຸປະກອນ​ສະ​ມາດ​ໂຟນ​ປັດຈຸບັນ​ມີ​ຄວາມ​ສາມາດ​ຫລາຍກໍ​ຈິງ ແຕ່​ໃຊ້​ພະລັງ​ງານ​ຈາກ​ແບັດ​ເຕີລີຫລາຍ​ອີກນໍາ
ປັດ​ໄຈ​ຫລັກໆ ທີ່​ເຮັດໃຫ້​ສິ້ນ​ເປືອງ​ພະລັງ​ງານ​ແບັດ​ເຕີລີ​ຫລາຍ​ໜ້ອຍ​ຂອງ​ການ​ໃຊ້​ງານ​ຂອງແຕ່​ລະ​ຄົນ ມີ​ດັ່ງ​ນີ້:

– ຂະໜາດ​ໜ້າ​ຈໍ​ແລະ​ຄວາມ​ລະອຽດ ເປັນ​ສ່ວນ​ຂອງ​ອຸປະກອນ​ທີ່​ໃຊ້​ພະລັງ​ງານ​ຈາກ​ແບັດ​ເຕີລີຫລາຍ​ທີ່ສຸດ​ເລີຍ
– ຄວາມ​ແຈ້ງຂອງ​ໜ້າ​ຈໍ ແຮງແຈ້ງ​ຫລາຍ​ແຮງໃຊ້​ພະລັງ​ງານ​ຫລາຍ
– ຮັບ​ສັນຍາ​ນ 3G ຫລື WiFi ຖ້າ​ກຳ​ລັງ​ຮັບ​ສັນຍາ​ນ 3G ຈະ​ໃຊ້​ພະລັງ​ງານ​ຈາກ​ແບັດ​ເຕີລີຫລາຍກວ່າ​ໃຊ້ WiFi

– ໄລຍະ​ເວລາ​ການ​ໃຊ້​ໂທ​ເຂົ້າ/ອອກ
– ໄລຍະ​ເວລາ​ການ​ໃຊ້​ແອບ​ພິ​ເຄ​ຊັ່ນ​ຕ່າງໆ ເຊັ່ນ ເປີດ​ຊິງອີ​ເມວ​ທຸກ 5 ນາ​ທີ ຈະ​ໃຊ້​ພະລັງ​ງານ​ຫລາຍ
– ປະ​ເພດ​ຂອງ​ແອບ ເຊັ່ນ ແອບ​ເກມ​ຈະ​ໃຊ້​ພະລັງ​ງານ​ຈາກ​ແບັດ​ເຕີ​ລີຫລາຍກວ່າ​ແອບ​ອີ​ເມ/ເຟດ​ສບຸກ

ດັ່ງ​ນັ້ນ ຕອນ​ເລືອກ​ຊື້​ມື​ຖື / ແທັບ​ເລັດ “ຫ້າມ​ພິຈາລະນາ” ສະເພາະ​ສະ​ເປັກ​ເຄື່ອງ​ເທົ່າ​ນັ້ນ ແຕ່​ໃຫ້​ເບິ່ງ “ຄວາມ​ຈຸ​ຂອງ​ແບດ​ເຕີລີ” ນໍາ ຊຶ່ງ​ໃນ​
ທ້ອງຕະຫຫລາດໃນຕອນ​ນີ້ ສະ​ມາດໂຟນ​ແອ​ນດ​ລອຍມີຂະໜາດ 4.3 ນິ້ວ​ຂຶ້ນ​ໄປ ຄວນ​ມີ​ແບັດ​ເຕີລີຄວາມ​ຈຸ​ຢ່າງ​ຫນ້ອຍ 2, 000 mA
ແລະ ແທັບ​ເລັດ​ຄວນ​ມີ​ຄວາມ​ຈຸ​ຂອງ​ແບັດ​ເຕີລີຢ່າງຫ​ນ້ອຍ 6, 000 mA ຖ້າ​ຄວາມ​ຈຸ​ແບັດ​ເຕີ​ລີຫນ້ອຍ​ກວ່າ​ນີ້.. ອາດ​ໃຊ້​ງານ​ໄດ້​ແຕ່ 4-6
ຊົ່ວ​ໂມງ​ກໍ​ແບັດ​ເຕີ​ລີໝົດ​ແລ້ວ

 

==============================
ແບັດ​ເຕີ​ລີສຳ​ຮອງ (Power Bank) ຈຳ​ເປັນ​ບໍ?
==============================

ຈຳ​ເປັນ​ຫລື​ບໍ່? ທ່ານ​ຕອບ​ໂຕທ່ານເອງ​ໄດ້​​ວ່າ ຫງຸດ​ຫງິດ​ເພາະ​ແບັດ​ເຕີລີ​ໝົດ​ກ່ອນ​ຈະ​ຫາປລັກໄຟສາກຫລາຍຂະໜາດໃດ? ອາການ​ຫງຸດ​ຫງິດ​
ບໍ່​ວ່າ​ຈະ​ມີ​ເຫດຜົນ​ຈຳ​ເປັນ ເຊັ່ນ ກຳ​ລັງ​ເຮັດວຽກ​ສົ່ງ​ອີ​ເມວ / ຕິດ​ຕໍ່​ລູກ​ຄ້າ​ແລະ ອື່ນໆ ຫລື ເຫດຜົນ​ຮອງ ເຊັ່ນ ຟັງ​ເພງ​ລະຫວ່າງ​ເດີນທາງ/ແຊດ
​ກັບ​ຫມູ່ເພື່ອນ​ ແລະອື່ນໆ

ຖ້າ​ຫງຸດ​ຫງິດ​ຫລາຍ ກະ​ວົນ​ກະ​ວາຍ.. ຈົ່ງ​ຊື້​ແບັດ​ເຕີລີສຳ​ຮອງ​ມາ​ໃຊ້​ໂດຍ​ໄວ້

 

============================
ແບັດ​ເຕີລີ​ສຳ​ຮອງ (Power Bank) ຄືຫຍັງ?
============================
ແບັດ​ເຕີລີສຳ​ຮອງ ຄື ແບັດ​ເຕີ​ລີທີ່​ມີ​ການ​ອອກ​ແບບ​ຄວາມ​ຈຸ​ຫລາຍ​ຫລາຍໆເທົ່າ ຫໍ່​ຫຸ້ມ​ດ້ວຍ​ວັດ​ສະດຸ​ກັນ​ລະ​ເບີດ​ຢ່າງ​ແໜ້ນ​ໜາ​ເພື່ອ​ໃຫ້​
ສະ​ດວກ​ພົກ​ພາ​ເດິນທາງ ພ້ອມ​ມີ​ຊ່ອງ​ຈ່າຍ​ກະ​ແສ​ໄຟ​ຟ້າ​ເຮືອນ ​ເຂົ້າໂ​ຕ​ແບດ​ເຕີ​ລີ ແລະມີ​ຊ່ອງ​ຈ່າຍ​ພະລັງ​ງານ​ຈາກ​ແບດ​ເຕີ​ລີເຂົ້າ​ສູ່​ສະ​ມາດ
​ໂຟນ/ແທັບ​ເລັດ

ໃນ​ທ້ອງຕະຫລາດ​ມີ​ຫລາຍຍີຫໍ້​ຫລາຍ ສ່ວນ​ໃຫຍ່​ຜະລິດ​ທີ່​ປະເທດ​ຈີ​ນ ແມ່ນແຕ່​ຍີຫໍ້​ດັ່ງ​ ໆ ເຊັ່ນ Enerigizer / Sanyo ແລະ ອື່ນໆ ພຽງ​ແຕ່​
ຕ່າງ​ກັນ​ທີ່​ກະ​ບວນ​ການ​ຄວບ​ຄຸມ​ຄຸນນະພາບ ແລະ​ວັດສະ​ດຸ​ທີ່​ນຳ​ມາ​ຜະລິດ ດັ່ງ​ນັ້ນ ຢ່າ​ໄດ້​ເວົ້າ​ວ່າ​ຂອງ​ຈີນ​ບໍ່​ດີ ເພາະ​ອຸປະກອນ​ອິ​ເລັກ​ໂຕຣ
ນິກ​ຊັ້ນ​ນຳ​ຂອງ​ໂລກ​ກວ່າ 50% ຜະລິດ​ໂດຍ “ປະເທດ​ຈີນ” 🙂

 

=========================================
ເລືອກ​ຊື້​ແບັດ​ເຕີ​ລີສຳ​ຮອງ (Power Bank) ຕ້ອງ​ເບິ່ງ​ຫຍັງ​ນຳ?
=========================================

(1) ຄວາມ​ຈຸ​ຂອງ​ແບັດ​ເຕີ​ລີມື​ຖື/ແທັບ​ເລັດ​ຂອງ​ທ່ານ x2.5 ເປັນ​ຢ່າງ​ນ້ອຍ ​ -30% ຂອງ​ຄວາມ​ຈຸ​ແບັດ​ເຕີ​ລີສຳ​ຮອງ (Power Bank)
ຍົກ​ຕົວ​ຢ່າງ Samsung Galaxy Note 2

1.1 ຄວາມ​ຈຸ​ຂອງ​ແບັດ​ເຕີລີ ຄື 3, 100 ມິນ​ລິ​ແອມ ໃຫ້​ເອົາ x2.5 ເຂົ້າໄປ ໄດ້​ຄ່າ​ເທົ່າ​ກັບ 7, 750 ມິນ​ລິ​ແອມ
1.2 ຄວາມ​ຈຸ​ເປົ້າ​ໝາຍ​ຂອງ​ແບັດ​ເຕີລີສຳ​ຮອງ (Power Bank) ຄື 7, 750 x30% ໄດ້​ຄ່າ​ເທົ່າ​ກັບ 2, 325 ມິນ​ລິ​ແອມ
1.3 ຄວາມ​ຈຸ​ທີ່​​ເຮົາຈະ​ໄດ້​ຈິງ​ເພື່ອ​ເອົາ​ໄປ​ໃຊ້​ງານ​ຂອງ​ແບັດ​ເຕີລີສຳ​ຮອງ (Power Bank) ຄື 7, 750 ​- 2, 325 ໄດ້​ເທົ່າ​ກັບ 5, 425 ມິນ​ລິ​ແອມ

ດັ່ງ​ນັ້ນ ເຮົາຈະຕ້ອງ​ຊອກຫາ​ຄວາມ​ຈຸ​ຂອງ​ແບັດ​ເຕີລີສຳ​ຮອງ (Power Bank) ທີ່​ຈຸ​ໄດ້​ຢ່າງ​ນ້ອຍ 7, 750 ມິນ​ລິ​ແອມຂຶ້ນ​ໄປ​ເທົ່າ​ນັ້ນ
ເພື່ອຈະ​ສາກ Note 2 ໄດ້​ຢ່າງ​ນ້ອຍ 2 ຮອບ (ຮອບ​ລະ 50%)

(2) ອັດຕາ​ການ​ຄາຍ​ປະ​ຈຸ​ຂອງ​ຕົວ​ແບັດ​ເຕີ​ລີສຳ​ຮອງ (Power Bank)

ອັນ​ນີ້​ສຳຄັນ​ຫລາຍ ເພາະ​ແບັດ​ເຕີ​ລີສຳ​ຮອງ (Power Bank) ເມື່ອ​ໄດ້ຮັບ​ການສາກ​ໄຟ​ເຮືອນ​ ເຂົ້າ​ຈົນ​ເຕັມ​ໂຕ​ມັນ​ເອງ​ແລ້ວ ເຮົາ​ກໍ​ຈະ​
ຖອດ​ປລັກ ແລ້ວ​ກໍ​ພົກ​ພາມັນ​ເພື່ອ​ເດີນທາງ​ໄປ​ກັບ​ເຮົາ​ລະຫວ່າງ​ມື້ ທັນ​ທີ​ທີ່ເຮົາຢຸດ​ສາກ ໂຕ​ແບັດ​ເຕີ​ລີສຳ​ຮອງ (Power Bank)
ມັນ​ຈະ​ເລີ່ມ​ຄາຍ​ພະລັງ​ງານ​ປະ​ຈຸ​ໄຟ​ຟ້າ​ທີ່​ມັນ​ເກັບ​ໄວ້ ຖິ້ມ​ອອກ​ໄປ​ເລື່ອຍ​ໆ (ສະ​ຫລາຍ​ຕົວ​ມັນ​ເອງ) ຊຶ່ງ​ເປັນ​ລັກສະນະ​ຂອງ​ມັນ​ຢູ່​ແລ້​ວ
ຖ້າ​ເລືອກ​ຍີຫໍ້​ຕ່ຳ​ໆ ຄຸນນະພາບ​ບໍ່​ດີ​ອັດຕາ​ການ​ຄາຍ​ປະ​ຈຸ​ຈະ​ໄວ​ຫລາຍ​ຈົນ​ມັນ​ຄາຍ​ໝົດ​ໄປ​ເລີຍກໍມີ

ຍົກ​ຕົວ​ຢ່າງຈາກ​ປະສົບການ​ຮ້າຍແຮງ​ຂ້າພະເຈົ້າ
08ໂມງ00
ຂ້າພະເຈົ້າໄດ້ສາກ Note 2 ແລະ ແບັດ​ເຕີ​ລີສຳ​ຮອງ (Power Bank) ເຕັມ 100%

13ໂມງ00
Note 2 ຂ້າພະເຈົ້າ​ແບດ​ເຕີລີ​ອ່ອນ​ເຫລືອ 30% ​ຂ້າພະເຈົ້າກໍ​ເອົາແບັດ​ເຕີລີສຳ​ຮອງ (Power Bank) ອອກ​ມາ​ເພື່ອ​ສາກໄຟ​ເຂົ້າ​ໃຫ້​ກັບ​ມື​ຖື
ປະກົດວ່າ ບໍ່​ມີ​ກະ​ແສ​ໄຟ​ຟ້າ​ເຫລືອ​ໃນ​ແບດ​ເຕີ​ລີສຳ​ຮອງ (Power Bank) ຂອງ​ຂ້າພະເຈົ້າ​ເລີຍ ເພາະ​ມັນ​ຄາຍ​ປະ​ຈຸ​ໝົດ

ເຫດການ​ນີ້​ເກີດ​ຂຶ້ນ​ກັບ​ແບັດ​ເຕີ​ລີສຳ​ຮອງ (Power Bank) ລາ​ຄາປະມານ 990 ບາດ​ທີ່​ມີ​ຂາຍ​ກັນ ຊຶ່ງ​ເຫດການ “ຄາຍ​ປະ​ຈຸ​ຈົນ​ໝົດ”
ນີ້​ຈະ​ບໍ່​ເກີດ​ຂຶ້ນ​ກັບ​ທ່ານຫາກ​ທ່ານ​ຊື້​ແບັດ​ເຕີລີສຳ​ຮອງ (Power Bank) ຍີຫໍ້​ດັ່ງ​ໆ ເຊັ່ນ Sanyo / Power Rocks /  Yoobao

(3) ອັດຕາ​ການ​ຮັບ​ໄຟ​ເຮືອນ​ເຂົ້າ​ໂຕ​ແບັດ​ເຕີລີສຳ​ຮອງ (Power Bank) ແລະ​ອັດຕາ​ການ​ຈ່າຍ​ໄຟ​ອອກຈາກ​ແບັດ​ເຕີ​ລີ​ສຳ​ຮອງ
(Power Bank) ໃຫ້​ກັບ​ມື​ຖື / ແທບ​ເລັດ

ອັນ​ນີ້​ສຳຄັນ​ຫລາຍ ເພາະໄ​ລຍະ​ເວລາ​ການ​ສາກໄຟດົນ​ກໍ​ເຮັດໃຫ້​ເຮົາ​ຫງຸດ​ຫງິດ​ບໍ່ແມ່ນ​ຫນ້ອຍ​  ໃຫ້​ພິຈາລະນາ​ທີ່​ສະ​ຫລາກ​ຂ້າງ​ກ່ອງ​ໄດ້​ເລີຍ
​ບ່ອນທີ່​ພິມ​ແບບ​ນີ້

Input : DC 5V 2.1 A (max)
ໝາຍ​ຄວາມ​ວ່າ ຕອນ​ສາກໄຟ​ເຮືອນ​ເຂົ້າ​ຕົວ​ແບັດ​ເຕີລີ​ສຳ​ຮອງ (Power Bank) ກະ​ແສ​ໄຟ​ຟ້າ​ຈະ​ໄຫລ​ເຂົ້າໄປ​ເກັບ​ສູງ​ສຸດ​ຕໍ່​ຫນ່ວຍ​ເວລາ
ຄື
2.1 ແອມ (ຊຶ່ງ​ຖື​ວ່າ​ເປັນ​ປະລິມານ​ທີ່​ໄວ​ຫລາຍ​ແລະ​ປອດ​ໄພ​ສຳລັບ​ແບັດ​ເຕີ​ລີສຳ​ຮອງ (Power Bank) ແລ້ວ) ດັ່ງ​ນັ້ນ ຖ້າ​ພິມ​ວ່າ 1.0 A
(max) ກໍ​ສະແດງ​ວ່າ ສາກໄຟ​ເຮືອນ​ເຂົ້າ​ໂຕ​ແບັດ​ເຕີລີສຳ​ຮອງ (Power Bank) ດົນ​ຫລາຍ ແຮງຄວາມ​ຈຸ 10, 000 ມິນ​ລິ​ແອມ ອາດ​ດົນ
​ເຖິງ
15 ຊົ່ວ​ໂມງ​ເລີຍ​

Output : DC 5V 2.1 A
ໝາຍ​ຄວາມ​ວ່າ ຕອນ​ສາກມື​ຖື / ແທັບ​ເລັດ​ເຂົ້າ​ກັບ​ໂຕ​ແບັດ​ເຕີ​ລີສຳ​ຮອງ (Power Bank) ແລ້ວ ກະ​ແສ​ໄຟ​ຟ້າ​ຈະ​ໄຫລ​ເຂົ້າ​ສູງ​ສຸດ​ຕໍ່
​ຫນ່ວຍ​ເວລາ ຄື
2.1 ແອມ (ຍິ່ງ​ຫລາຍ ຍິ່ງ​ດີ  2.1 A ຖື​ວ່າ​ໄວ​ຫລາຍແລ້ວ ຊຶ່ງ​ປົກກະຕິ​ໃນ​ທ້ອງຕະຫລາດ​ຈະ​ມີ 1.0 A ກັບ 2.1 A

(4) ລາ​ຄາ
ຢີຫໍ້ທີ່​ມີ​ຊື່​ສຽງ​ຈະ​ມີ​ລາ​ຄາ​ສູງ ຄື 2, 000 ບາດ​ຂຶ້ນໄປ ເພາະ​ທ່ານ​ຈະ​ໄດ້ຮັບ​ການ​ຮັບ​ປະ​ກັນ 6 ເດືອນ ເຖິງ 1 ປີ ແລະ​ຄຸນນະພາບ​ເລື່ອງ​ການ
​ຄາຍ​ປະ​ຈຸ​ທີ່​ຕ່ຳ (ເຮັດໃຫ້​ເກັບ​ໄຟ​ໃນ​ໂຕ​ແບດ​ເຕີ​ລີສຳ​ຮອງ (Power Bank) ໄດ້​ດົນ​ຂຶ້ນ)

ອີກ​ປັດ​ໄຈ​ທີ່​ເຮັດໃຫ້​ລາ​ຄາ​ສູງ​ຂຶ້ນ ຄື ປະລິມານ​ການ​ປ່ອຍ​ກະ​ແສ​ໄຟ​ຟ້າ​ຈາກ​ແບັດ​ເຕີ​ລີສຳ​ຮອງ (Power Bank) ເຂົ້າ​ອຸປະກອນ​ມື​ຖື/ແທັບ​ເລັດ
ຊຶ່ງ​ລາ​ຄາ 2, 000 ​ 2, 500 ບາດ ຈະ​ປ່ອຍ​ເຂົ້າ​ທີ່ 1.0 ແອມ  ແຕ່​ຖ້າ​ລາ​ຄາ 3, 000 ບາດ​ຂຶ້ນ​ຈະ​ຢູ່​ທີ່ 2.1 ແອມ (ສູງ​ສຸດ​ສຳລັບ​ອຸປະກອນ​ມື​ຖື/ແທັບ​ເລັບ)

(5) ອຸປະກອນ​ເສີມ
ປົກກະຕິ​ແບັດ​ເຕີ​ລີສຳ​ຮອງ (Power Bank) ທີ່​ມີ​ຂາຍ​ຈະ​ບໍ່​ມີ “ຫົວ​ປລັກ​ໄຟ” ທີ່​ໃຊ້​ຕໍ່​ໄຟ​ເຮືອນ​ເພື່ອ​ສາກ​ໄຟ​ເຂົ້າ​ແບັດ​ເຕີ​ລີສຳ​ຮອງ
(Power Bank) ມາ​ພ້ອມ​ໃນ​ກ່ອງ​ນໍາ ເພາະ “ຫົວ​ປລັກ​ໄຟ” ນີ້​ສາມາດ​ໃຊ້​ຮ່ວມ​ກັບ​ຂອງ​ມື​ຖື / ແທັບ​ເລັດ​ໃນ​ຍຸກ​ປັດຈຸບັນ​ທີ່​ມີ​ພອດ
USB ບ່ອນ “ຫົວ​ປລັກ​ໄຟ” ຢູ່​ແລ້ວ (ຫົວ​ປລັກໄຟ​ຈະ​ແປງ​ກະ​ແສ​ໄຟ​ເຮືອນ 220 ໂວນ ເປັນ​ຈັກ​ແອມ​ໃຫ້​ເບິ່ງ​ທີ່​ຫົວ​ປລັກ​ໄຟ​ໄດ້​ເລີຍ
ທີ່​ແຖວ​ທີ່​ຂຽນ​ວ່າ Output)

 

=================================
ແບັດ​ເຕີ​ລີສຳ​ຮອງ (Power Bank) ຍີຫໍ້​ໃດ​ດີ​ຫລະ?
=================================

ຂ້າພະເຈົ້າ​ຂໍ​ລະ​ບຸ​ຕາມ “ປະສົບການ​ຈິງ” ຂອງ​ຂ້າພະເຈົ້າ ດັ່ງ​ນີ້​

Power Rocks
ຂ້າພະເຈົ້າ​ໃຊ້​ຕໂຕ​ນີ້​ (ລາ​ຄາ 3, 890 ບາດ ຄວາມ​ຈຸ 7, 800 ມິນ​ລິ​ແອມ) ອັດຕາ​ຄາຍ​ປະ​ຈຸ​ຕ່ຳ ສາກໄຟ​ເຂົ້າ Note 2 ໄດ້ 38% ຕໍ່
1 ຊົ່ວ​ໂມງ ໃນ​ສະຖານນະການ​ຈິງ​ແບັດ​ເຕີລີ Note 2 ຕໍ່າ​ເຫລືອ 50% ຂ້າພະເຈົ້າ​ກໍ​ໃຊ້ Power Rocks ມາ​ຕໍ່​ກັບ Note 2 ແລ້ວລະ
ບຶດດຽວ​ເຕັມ​ແລ້ວ ສາກ​ແລ້ວ​ໂຕ Power Rocks ຍັງ​ເຫລືອກ​ະ​ແສ​ໄຟ​ອີກ 70% ໃຫ້​ໃຊ້​ຕໍ່​ໄດ້​ ຮັບ​ປະ​ກັນ​ຕະຫລອດ​ອາ​ຍຸ​ການ​ໃຊ້​
ງານ​ນໍາອີກ​PR 1

Yoobao
ຄວາມ​ຈຸ​ຫລາຍ ລາ​ຄາ​ຖືກ ອັດຕາ​ການ​ຄາຍ​ປະ​ຈຸ​ຕ່ຳ ແຕ່​ອັດຕາ​ຕອນ​ສາກໄຟ​ຈາກ Yoobao ເຂົ້າ​ມື​ຖື / ແທັບ​ເລັດ​ຊ້າ​ຫລາຍ ປະ​ມານ 8%
ຕໍ່ 1 ຊົ່ວ​ໂມງ  ແຕ່​ກໍ​ຂຶ້ນ​ກັບ​ຄວາມ​ຈຸ​ຂອງ​ແບັດ​ເຕີລີມື​ຖືນໍາ​ ຖ້າ​ຄວາມ​ຈຸຫ​ນ້ອຍ​ເຊັ່ນ 1, 500 ມິນ​ລິ​ແອມ ກໍ​ຈະ​ໄດ້​ປະ​ມານ 16% ຕໍ່ 1
ຊົ່ວ​ໂມງ (ເພາະ 8% ຂ້າພະເຈົ້າ​ທຽບ​ຈາກ Note 2)

ແຕ່​ດຽວກ່ອນ​ Yoobao ແປກ​ຢ່າງນຶ່ງຄື ຖ້າ​ໃຊ້​ຫົວ​ແປງ​ຂອງ iPad 2 / iPhone 5 ແລ້ວ​ສາກເຂົ້າ​ກັບ​ອຸປະກອນ​ຂອງ Apple ປະກົດ​ວ່າ
ສາກໄດ້​ໄວ​ຫລາຍ ປະ​ມານ 30% ຕໍ່​ຊົ່ວ​ໂມງ​ເລີຍ
ຂ້າພະເຈົ້າເລີຍ​ສະຫລຸບ​ເອົາ​ເອງ​ວ່າ Yoobao ບໍ່​ເໝາະ​ກັບ​ອຸປະກອນ​ມື​ຖື / ແທັບ​ເລັດ​ທີ່​ມີ​ໃຊ້​ພອ​ດສາກ​ແບບ Samsung ແຕ່​ເໝາະ​ກັບ​
ຄົນ​ໃຊ້​ອຸປະກອນ​ຂອງ Apple

yoobao-13000mah-thunder-power-bank-yb651-tkwtxy-1305-16-tkwtxy@2

Power Max
ຄາຍ​ປະ​ຈຸ​ໄວ​ແລະ​ລາ​ຄາ​ສູງ

power-max-0192-892601-1-product

==========================================
ຮັກສາ​ແບັດ​ເຕີ​ລີສຳ​ຮອງ (Power Bank) ແນວໃດໃຫ້​ທົນ​ທານ?
==========================================

ຕອນ​ຊື້​ແບັດ​ເຕີລີສຳ​ຮອງ (Power Bank) ເທື່ອ​ທໍາອິດໃຫ້​ສາກໂດຍ​ອັດຕາ​ໄຟ​ເຂົ້າ​ຕ່ຳ (ຖ້າ​ເຮັດ​ໄດ້) ຄື ບໍ່​ໃຊ້​ໄຟ​ເຮືອນ​ສາກ​ເຂົ້າ​ໂຕ​ແບັດ
​ເຕີ​ລີສຳ​ຮອງ (Power Bank) ໂດຍ​ຕົງ ແຕ່​ໃຫ້​ໃຊ້​ໄຟ​ຈາກ​ຄອມພິວເຕີ / Notebook ເປັນ​ແຫລ່ງ​ຈ່າຍ​ໄຟ​ເຂົ້າ​ແບັດ​ເຕີລີສຳ​ຮອງ
(Power Bank) ແທນ​ກ່ອນ
ຖ້າ​ໃຊ້​ແຫລ່ງ​ໄຟ​ຈາກ​ໄຟ​ເຮືອນ ຄວນ​ສາກຄັ້ງ​ທໍາອິດ 12 ຊົ່ວ​ໂມງ​ຕໍ່​ຄວາມ​ຈຸ​ຂອງ​ແບດ​ເຕີ​ລີສໍາ​ຮອງ (Power Bank) 10, 000 ມິນ​ລິ​ແອມ

ຖ້າ​ໃຊ້​ແຫລ່ງ​ໄຟ​ຈາກ​ຄອມພິວເຕີ / Notebook ຄວນ​ສາກ​ຄັ້ງທໍາອິດ 24 ຊົ່ວ​ໂມງ​ຕໍ່​ຄວາມ​ຈຸ​ຂອງ​ແບັດ​ເຕີລີສໍາຮອງ (Power Bank)
10, 000 ມິນ​ລິ​ແອມ

ເຫດຜົນ​ທີ່​ເທື່ອທໍາອິດ​ໃຫ້​ສາກໂດຍ​ອັດຕາ​ໄຟ​ເຂົ້າ​ຕ່ຳ ເພາະ​ຕ້ອງ​ການ​ກະຕຸ້ນ​ເຊວເກັບ​ປະ​ຈຸ ປະ​ເພດ Li-On ຂອງ​ແບັດ​ເຕີລີ​ສຳ​ຮອງ
(Power Bank) ເອງ​ໃຫ້​ຄົບ​ທຸກ​ເຊວ
ຫລັງ​ຈາກສາກ​ເທື່ອ​ທໍາອິດ​ແລ້ວ ຖ້າ​ສາມາດສາກແບັດ​ເຕີ​ລີສຳ​ຮອງ (Power Bank) ໂດຍ​ໄຟ​ຕ່ຳ​ໄດ້​ສະເໝີ​ຈະ​ຮັກສາໃຫ້​ແບັດ​ເຕີລີສໍາ
​ຮອງ (Power Bank) ມີ​ອາ​ຍຸ​ການ​ໃຊ້​ງານ​ດົນ​ຂຶ້ນ ແຕ່​ຖ້າ​ບໍ່​ສະ​ດວກ​ກໍ​ສາກ​ໄຟ​ເຮືອນ​ຕາມ​ປົກກະຕິ​ໄດ້ ແຕ່​ອາ​ຍຸ​ການ​ໃຊ້​ງານ​ກໍ​ຈະ
​ເປັນ​ໄປ​ຕາມ​ເວລາຂອງ​ມັນ​ (ອາ​ຍຸ​ການ​ໃຊ້​ງານ 1-2 ປີ ແລ້ວ​ແຕ່​ການ​ໃຊ້​ງາ​ນ)

ແບັດ​ເຕີ​ລີສຳ​ຮອງ (Power Bank) ບໍ່ມັກ​ຄວາມ​ຮ້ອນ​ ແຮງໃກ້​ຄວາມ​ຮ້ອນ​ຕົວ​ເຊວ​ໃນ​ແບັດ​ເຕີ​ລີສຳ​ຮອງ (Power Bank) ເອງ​ຈະ
​ເສື່ອມ​ໄວ ດັ່ງ​ນັ້ນ​ບໍ່ຄວນວາງ​ໄວ້​ໃນ​ລົດ​ທີ່​ຕາກ​ແດດ / ຫລັງ​ອຸປະກອນ​ຄອມທີ່​ຮ້ອນ

ແບັດ​ເຕີ​ລີສຳ​ຮອງ (Power Bank) ຈະ​ເສື່ອມ​ໄວ​ຖ້າ​ເຮົາ​ຕໍ່​ແບັດ​ເຕີ​ລີສຳ​ຮອງ (Power Bank) ເຂົ້າ​ກັບ​ມື​ຖື / ແທັບ​ເລັດ ແລ້ວ​ໃຊ້​ອຸປະກອນ
​ດັ່ງກ່າວເຂົ້າ​ເນັດ / ຫລິ້ນ​ເກມໄປ​ນໍາ ດັ່ງ​ນັ້ນ ຄວນ​ປ່ອຍ​ໃຫ້​ແບັດ​ເຕີ​ລີສຳ​ຮອງ (Power Bank) ຈ່າຍ​ໄຟ​ເຂົ້າ​ອຸປະກອນ​ມື​ຖື / ແທັບ​ເລັດ​
ຈົນ​ເຕັມ ແລ້ວ​ຖອດ​ປລັກ​ອອກ  ຈຶ່ງ​ຄ່ອຍ​ໃຊ້​ງານ​ອຸປະກອນ​

ແບັດ​ເຕີ​ລີສຳ​ຮອງ (Power Bank) ຈະ​ເສື່ອມ​ໄວ​ຫລາຍ​ຂຶ້ນ ຖ້າ​ເຮົາ​ບໍ່​ສາກໄຟ​ໃຫ້​ໂຕມມັນ​ເຕັມ​ຢູ່​ສະເໝີ ຫາກ​ເຫັນ​ວ່າ​ສະ​ຖາ​ນະ​ໄຟ​ເທິງ​
ໂຕ​ແບັດ​ເຕີລີສຳ​ຮອງ (Power Bank) ເຫລືອ​ຕ່ຳ​ກວ່າ 30% ແລ້ວ “ຄວນ​ຢຸດ​ໃຊ້​ງານ” ເພາະ​ຖ້າຝືນ​ເອົາແບັດ​ເຕີ​ລີສຳ​ຮອງ (Power Bank)
ໄປ​ຈ່າຍ​ໄຟ​ເຂົ້າ​ມື​ຖື / ແທັບ​ເລັດ ຈົນ​ໄຟ​ໃນໂ​ຕ​ມັນໝົດ​ກ້ຽງ ທ່ານຈະ​ເຫັນ​ອາການ “ຕາຍ​ສະນິດ” ຂອງມັນໄວ​ຫລາຍ​ຂຶ້​ນ

 

==============================================
ເພີ່ມເຕີມ ຂໍ້​ມູນ​ເຊີງ​ໂຕ​ເລກ​ຂອງ​ແບັດ​ເຕີລີສຳ​ຮອງ ຍີຫໍ້ Power Rocks
==============================================
ຖາມ: ອັດຕາ​ການ​ສາກ​ໄຟ​ເຮືອນ​ເຂົ້າ​ໂຕ Power Rocks ຈົນ​ເຕັມ​ເທົ່າໃດ?
ຕອບ: ໃຊ້​ເວລາ 12 ຊົ່ວ​ໂມງ​ໃນ​ການ​ສາກ​ຈົນ​ເຕັມ (ຫາກ​ໃຊ້​ຈົນ Power Rocks ເຫລືອ 20%) ໝາຍ​ຄວາມ​ວ່າ ໃຊ້​ເວລາ​ສາກ​ອີກ 80%
ປະ​ມານ 10 ຊົ່ວ​ໂມງ ແຕ່​ຖ້າ​ໃຊ້​ຈົນ​ໝົດ​ກ້ຽງ ຄາດວ່າ​ຈະ​ໃຊ້​ເວລາ 16 ຊົ່ວ​ໂມງ​ໃນ​ການ​ສາກ​ຈົນ​ເຕັມ​

ຖາມ: ອັດຕາ​ການ​ຈ່າຍ​ກະ​ແສ​ໄຟ​ຟ້າ​ຈາກ​ຕົວ Power Rocks ເຂົ້າ​ສູ່ Samsung Galaxy Note 2  ເທົ່າ​ໃດ?
ຕອບ: ຄື 2.1 ແອມ ແຕ່​ກໍ​ຂຶ້ນ​ກັບ​ການ​ຮັບ​ກະ​ແສ​ໄຟ​ຂອງ​ອຸປະກອນ​ຂອງ​ທ່ານນໍາ

ຖາມ: ໄລ​ຍະ​ເວລາ​ການ​ຈ່າຍ​ກະ​ແສ​ໄຟ​ຟ້າ​ຈາກ​ໂຕ Power Rocks ເຂົ້າ​ສູ່ Samsung Galaxy Note 2  ເທົ່າໃດ?
ຕອບ: ໄລ​ຍະ​ເວລາ​ການ​ຈ່າຍ ຄື 0.63% ຕໍ່​ນາ​ທີ ດັ່ງ​ນັ້ນ 1 ຊົ່ວ​ໂມງ​ສາກໄຟ​ເຂົ້າ Note 2 ໄດ້​ເຖິງ 38%

ຂໍຂອບໃຈຂໍ້ມູນຈາກ http://www.naitam.com