ຖ້າໃຜໄດ້ຕິດຕາມຂ່າວສານ ນານາຊາດກໍ່ໜ້າຈະໄດ້ເຫັນຂ່າວໃຫຍ່ ເລື່ອງບັນຫາເສດຖະກິດລະຫວ່າງສອງມະຫາອຳນາດຄືສະດຫະລັົດອາມເມລິກາ ແລະ ຈີນ ທີ່ຕ່າງກໍ່ມີການສ້າງກຳແພງພາສີ ຕັດກຳລັງລາຄາການຄ້າຂອງກັນ ແລະ ກັນ ຈົນຕອນນີ້ບຕະຫຼາດຂອງນັກລົງທຶນກໍ່ປັ່ນປ່ວນ ແລະ ຖ້າໃຜທີ່ຢູ່ໃນວົງການ ໄອທີກໍ່ໜ້າຈະໄດ້ຂ່າວກ່ຽວກັບແບຣນ Huawei ໃນປະເທດອາເມລິກາວ່າ ຫຼັງໆມານີ້ມີຄວາມພະຍາຍາມທີ່ຈະຫ້າມຜະລິດຕະພັນຈາກ Huawei ເຂົ້າສູ່ປະເທດດ້ວຍເຫດຜົນເລື່ອງຄວາມປອດໄພ

ເຊິ່ງແບຣນ Huawei ເອງຕອນນີ້ກໍ່ຕ້ອງຍອມຮັບວ່າມາແຮງໃນຕະຫຼາດ Smartphone ດ້ວຍຄວາມທີ່ວ່າເປັນແບຣນທີ່ມີທາງເລືອກຫຼາກຫຼາຍ ຕັ້ງແຕ່ລຸ້ນລາຄາປະຫຍັດ ຈົນເຖິງລຸ້ນ High -end ຈົນຫຼ້າສຸດ ໄດ້ມີສ່ວນແບ່ງການຕະຫຼາດແຊງແບຣນໃຫຍ່ຈາກປະເທດອະເມລິກາໄປແລ້ວ…

ສິ່ງນິ້ກໍ່ໜ້າຈະເຮັດໃຫ້ອະເມລິກາບໍ່ພໍໃຈຫຼາຍສົມຄວນ ເຮົາຈຶ່ງໄດ້ເຫັນການຕັດກຳລັງຢູ່ຕະລອດ ແລະ ໃນອາທິດທີ່ຜ່ານມາ ປະທານາທິບໍດີ Donald Trump ກໍ່ໄດ້ມີການອອກ Blacklist Order ບໍ່ໃຫ້ Huawei ມີການນຳເຂົ້າອຸປະກອນຈາກອະເມລິກາທັງ Hardware ແລະ Software ຍົກເວັ້ນວ່າໄດ້ຮັບອະນຸຍາດຈາກ White House ເທົ່ານັ້ນ

ຮອດມື້ນີ້ກໍ່ມີຂ່າວໃຫຍ່ມາອີກໜຶ່ງຂ່າວວ່າ ຫຼ້າສຸດ Google ໄດ້ມີການຕັດຄວາມສຳພັນທາງທຸລະກິດກັບ Huawei ໄປຮຽບຮ້ອຍແລ້ວ ນັ້ນໝາຍຄວາມວ່າ Huawei ເອງຈະບໍ່ສາມາດໃຊ້ Google Service ທຸກຢ່າງອີກຕໍ່ໄປ ລວມໄປເຖິງ Play storeນຳ ເຊິ່ງລາຍລະອຽດເພີມເຕີມແມ່ນກຳລັງເຈລະຈາກັນພາຍໃນບໍລິສັດ Google ຢູ່ ແຕ່ສິ່ງທີ່ຮູ້ແທ້ໆຕອນນີ້ກໍ່ຄື Huawei ຈະຖືກຈຳກັດໃຫ້ໃຊ້ງານ Android Open Source Project ເທົ່ານັ້ນ ສ່ວນໂຕໃດທີ່ບໍ່ໄດ້ໃຊ້ ແລະ ຕ້ອງມີການຊັບພອດຈາກ Google ຈະໃຊ້ບໍ່ໄດ້ເຊັ່ນ: Play Store ແລະ ແອັບອື່ນໆໃນ Service ຂອງ Google(Gmail ຫຼື Chrome) ເປັນຕົ້ນ ແລະ ອັບເດດ Security Patch ຈາກ Googleກໍ່ຄົງຈະບໍ່ສົ່ງມາ

ສຳລັບອຸປະກອນລຸ້ນປະຈຸບັນຂອງ Huawei ກໍ່ໜ້າຈະຍັງບໍ່ໄດ້ຮັບຜົນກະທົບ ແລະ ເຖິງວ່າຈະບໍ່ໄດ້ຮັບຜົນກະທົບໃນຕອນນີ້ ແຕ່ວ່າໃນອະນາຄົດອາດບໍ່ແນ່ ບໍ່ວ່າຈະເປັນ Android Q ທີ່ Huawei ໄດ້ຮັບປາກຜູ້ໃຊ້ງານໄວ້ ກໍ່ອາດຈະບໍ່ສາມາດໃຊ້ງານ Play Store ໄດ້ ແລະ ນີ້ກໍ່ອາດຈະລາມໄປເຖິງ Wear OS ທີ່ Huawei ອາດຈະຕ້ອງເລທ່ອນການເປີດໂຕອອອກໄປອີກ . ແຕ່ລຸ້ນໃໝ່ໆທີ່ຍັງບໍ່ໄດ້ເປີດໂຕ ແລະ ຈຳໜ່າຍນອກປະເທດຈີນແມ່ນຈະບໍ່ມີ Service ຂອງ Google ແລະ Play Store ມາໃຫ້ ເລື່ອງນີ້ຖືວ່າເປັນເລື່ອງທີ່ໃຫຍ່ຫຼາຍສຳລັບ Huawei ເພາະໃຊ້ລະບົບປະຕິບັດການ Android ເປັນຫຼັກ ແຕ່ໄດ້ຍິນຂ່າວມາວ່າ Huawei ກຳລັງພັດທະນາລະບົບປະຕິບັດການຂອງໂຕເອງມາແທນ Android ຖ້າປ່ຽນໄປໃຊ້ລະບົບຂອງໂຕເອງອາດຈະເສຍຖພານລູກຄ້າໄປຫຼາຍພໍສົມຄວນ.

ທີ່ມາ:
www.overclockzone.com