yl7fbvi

ໃນທ່ຽງຄືນທີ່ຜ່ານມານີ້ ທາງ Apple ກໍໄດ້ເປີດໂຕໂທລະສັບ ທີ່ຫຼາຍທ່ານລໍຖ້າ ຫຼັງຈາກທີ່ Note 7 ເປີດໂຕແບບຕູມຕາມກັນໄປແລ້ວ, ໂດຍ iPhone 7 ກໍເປັນໄປຕາມຄາດໝາຍ ມີການອອກແບບແບບໃໝ່ ທີ່ປັບປຸງຈາກເກົ່າ (ເບິ່ງແລ້ວກໍຄືໆເກົ່າ) ໂດຍຈຸດສັງເກດທີ່ເຫັນໄດ້ຊັດເຈນຄື ໂຕໂທລະສັບທີ່ເປັນອັນນຶ່ງອັນດຽວກັບເລນກ້ອງ ແລະ ມີການເຊື່ອງເສັ້ນເສົາອາກາດອອກໄປຮຽບຮ້ອຍ.

ສຳລັບ iPhone 7 ແມ່ນຂະໜາດ 4.7 ນິ້ວ ໃສ່ຊື່ວ່າ iPhone 7 ແລະ ຂະໜາດ 5.5 ນິ້ວ ໃສ່ຊື່ວ່າ iPhone 7 Plus. iPhone 7 ຍັງມີສີໃໝ່ມາເພີ່ມ 2 ສີຄື Jet Black ເຊິ່ງເປັນວັດສະດຸແບບມີຄວາມເຫລື້ອມສູງ ແລະ ສີດຳແບບທຳມະດາ ພ້ອມໂລໂກ້ Apple ທີ່ເປັນສີດຳ ບວກກັບ 3 ສີປະຈຳຄື: ເທົາ, ທອງ ແລະ ທອງອົມບົວ ຮວມທັງໝົດເປັນ 5 ສີໃຫ້ເລືອກ.

ການອອກແບບ ແລະ ປຸ່ມໜ້າຫຼັກແບບໃໝ່

ທີ່ໂດດເດັ່ນທີ່ສຸດຄືຄຸນສົມບັດໃນການກັນນ້ຳ (IP67) ຄືສາມາດປ້ອງກັນຝຸ່ນໄດ້ 100% ສາມາດກັນນໍ້າໄດ້ 30 ນາທີ ເມື່ອຢູ່ໃນນໍ້າລະດັບບໍ່ເກີນ 1 ແມັດ, ກັນເຫື່ອ ແລະ ກັນຝົນສາດໄດ້ ໂດຍໝົດບັນຫາເຮັດໂທລະສັບຕົກນ້ຳ (ແລ້ວຕ້ອງຮີບໂຍນລົງຖັງເຂົ້າສານ).

l4fu9yr

ມີການເພີ່ມປຸ່ມໜ້າຫຼັກແບບອັດຕະໂນມັດ ໂດຍຈະເປັນຄືໆປຸ່ມສຳຜັດ ເຊິ່ງມີ haptic feedback ຄືກັບ force trackpad ຂອງ Macbook. ສຳລັບປຸ່ມໜ້າຫຼັກ ຫຼື ປຸ່ມ Home ແບບໃໝ່ ປັບປຸງຄຸນສົມບັດສຳຜັດຮອງຮັບແຮງກົດແບບ 3D Touch ການເຂົ້າເຖິງແອັບຕ່າງໆ, ການເປີດໜ້າຕ່າງ Multitasking ແລະ ປຸ່ມ Home ຮອງຮັບຟັງຊັນ Press to unlock ຂອງ iOS 10 ອີກດ້ວຍ.

apple-iphone-watch-20160907-4748

ອອກແບບພາຍນອກ

iPhone 7 ແລະ iPhone 7 Plus ມີຮູບຮ່າງລັກສະນະພາຍນອກຄືກັບ iPhone 6s ແລະ iPhone 6s Plus ຮຸ່ນກ່ອນໜ້າ ໂດຍໃນຮຸ່ນໃໝ່ນີ້ ແມ່ນບໍ່ມີແຖບສັນຍານຄາດດ້ານຫຼັງ ໂດຍແຖບສັນຍານດັ່ງກ່າວ ຍ້າຍໄປຮວມກັບແຖບດ້ານເທິງຂອງໂຕເຄື່ອງ ເຮັດໃຫ້ດ້ານຫຼັງໂລ່ງ ມີພື້ນທີ່ຫຼາຍຂຶ້ນ.

xsw0001

ຮາດແວ

iPhone 7 ໃຊ້ໜ່ວຍປະມວນຜົນໃໝ່ A10 Fusion ເຊິ່ງເປັນແບບ 4 ແກນ, ທີ່ເປັນແບບ 2+2 ແຍກ ແກນ ປະສິດຕິພາບສູງ 2 ອັນ ແລະ ແກນປະຢັດພະລັງງານ 2 ອັນ. ໜ້າຈໍ Retina ແບບໃໝ່ ມີຄວາມແຈ້ງຂຶ້ນ 25% ແລະສະແດງສີໄດ້ແມ່ນຢຳຂຶ້ນ. ສຳຄັນສຸດກໍຄືແບັດເຕີຣີ iPhone 7 ຈະຢູ່ໄດ້ດົນກວ່າ iPhone 6s ປະມານ 2 ຊົ່ວໂມງ ແລະ ຖ້າເປັນ iPhone 7 Plus ຈະຢູ່ໄດ້ດົນຂຶ້ນກວ່າ iPhone 6s Plus ປະມານ 1 ຊົ່ວໂມງ.

iy07evm

ກ້ອງຫຼັງແບບໃໝ່

ຖືວ່າເປັນການອັບເກຣດຄັ້ງໃຫຍ່ເລື່ອງລະບົບກ້ອງຫຼັງຂອງ iPhone ໂດຍ iPhone 7 ແລະ iPhone 7 Plus ນັ້ນຈະບໍ່ຄືກັນ ຈຸດຕ່າງທີ່ສຳຄັນກໍຄື ຮຸ່ນ Plus ຈະເປັນກ້ອງຄູ່ 2 ໂຕ ເຊິ່ງມີລາຍລະອຽດດັ່ງນີ້:

ຊ້າຍແມ່ນ iPhone 7 Plus ຂວາແມ່ນ iPhone 7
ຊ້າຍແມ່ນ iPhone 7 Plus ຂວາແມ່ນ iPhone 7

ກ້ອງ iPhone 7 ມີຄວາມລະອຽດ 12MP, ມີ OIS ເພີ່ມເຂົ້າມາ ພ້ອມ Image Signal Processor ແບບໃໝ່ທີ່ເຮັດວຽກໄດ້ດີກວ່າເກົ່າ ສ່ວນກ້ອງໜ້າແມ່ນ 8MP. ສ່ວນກ້ອງຂອງ iPhone 7 Plus ເປັນກ້ອງຄູ່ຕາມຂ່າວລື ການໃຊ້ກ້ອງຄູ່ ທີ່ມີຄວາມຍາວຂອງເລນບໍ່ເທົ່າກັນ ເຮັດໃຫ້ຊູມແບບ optical ໄດ້ 2x ແລະ ຊູມ digital ໄດ້ອີກ 5x ໂດຍຮວມໄລຍະຊູມໄດ້ 10x.

01wpruk

ກ້ອງຄູ່ຂອງ iPhone 7 Plus ຍັງສາມາດຖ່າຍຮູບໜ້າຊັດ ຫຼັງເບລີ ຫຼື ຖ່າຍແບບ bokeh ໄດ້ຄືກັບກ້ອງ DSLR ຂະໜາດໃຫຍ່ໄດ້ (Huawei P9 ອະແຮ່ມໆ) ເຊິ່ງກົນກັນກໍຄືການໃຊ້ເລນ 2 ໂຕສະແກນ ແລ້ວສ້າງໂມເດວ 3 ມິຕິຂຶ້ນມາ ເພື່ອແຍກແຍະວ່າ ວັດຖຸໃດຢູ່ໜ້າ ແລະ ອັນໃດຄືພື້ນຫຼັງ.

a9qjyse

ລະບົບສຽງ

ລະບົບລຳໂພງຄູ່ສຽງແບບ stereo (ດ້ານເທິງ ກັບ ລຸ່ມ) ແລະ ເພີ່ມລະດັບຄວາມດັງຂອງສຽງ ໃຫ້ຫຼາຍຂຶ້ນກວ່າເກົ່າ. ສ່ວນຈຸດທີ່ຂັດໃຈບາງຄົນກໍຄື ລະບົບຫູຟັງແບບຫົວແຈັກ 3.5 ມມ ແມ່ນຖືກຕັດອອກໄປ ປ່ຽນມາເປັນ port Lightning ແທນ ໃນຊຸດຈະມີຫູຟັງໃໝ່ແຖມມາໃຫ້ ແລະ ມີໂຕແປງສາຍ 3.5 ມມ ມາເປັນ Lightning ມາໃຫ້ເຊັ່ນກັນ. ໂດຍທາງ Apple ອະທິບາຍເຫດຜົນໃນການປ່ຽນແປງນີ້ວ່າ “ມັນຄືຄວາມກ້າຫານ” (Courage) ທີ່ຈະກ້າປ່ຽນຈາກວິຖີປະຕິບັດແບບເກົ່າໆ ເພື່ອມີເທັກໂນໂລຢີທີ່ກ້າວໜ້າຂຶ້ນ ອີກທັງມັນຍັງປະຢັດພື້ນທີ່ພາຍໃນເຄື່ອງຫຼາຍຂຶ້ນ.

0qq7m8z

wlwjkor

ວັນວາງຂາຍ ແລະ ລາຄາ

iPhone 7 ນັ້ນຕັ້ງລາຄາເລີ່ມຕົ້ນໄວ້ທີ່ $649 ມີ 3 ຄວາມຈຸຄື: 32/128/256GB (ສຳລັບສີ Jet Black ຈະມີແຕ່ 128/256GB). iPhone 7 Plus ລາຄາເລີ່ມຕົ້ນ $769 ມີຄວາມຈຸຄືກັບ iPhone 7

idpeai8

ສຳລັບ iPhone 7 ແມ່ນຈະເລີ່ມວາງຂາຍ ໃນວັນທີ່ 16 ກັນຍາ 2016 ນີ້ ໃນປະເທດທີ່ຢູ່ໃນກຸ່ມທຳອິດ ເຊິ່ງຮວມມີສິງກະໂປຢູ່ນຳ.

k8iqnmo

ນັ້ນກໍຄືການສະຫຼຸບ ການເປີດໂຕ iPhone 7 ໃນມື້ຄືນວານນີ້ ທ່ານເດມີຄວາມຄິດເຫັນ ຫຼື ຮູ້ສຶກແນວໃດ ກັບ iPhone 7? ທ່ານຄິດວ່າມັນສວຍງາມຂຶ້ນ, ມີນະວັດຕະກຳຫຍັງໃໝ່ ແລະ ການຕັດຮູສຸບຮູຟັງອອກ ຖືເປັນເລື່ອງດີຄື Apple ກ່າວຫຼືບໍ່? ແລະ ຄຳຖາມທີ່ສຳຄັນທີ່ສຸດຄື ທ່ານຈະຊື້ມັນຫຼືບໍ່?

ຂ່າວຈາກ: Blognone