iPhone Date Bug

ມີ​ຜູ່ຄົ້ນ​ພົບ​ຂໍ​້ຜິດ​ພາດ​ໃໝ່​ເທິງ iPhone ໂດຍ​ຮອບ​ນີ້​ເປັນ​ຂໍ​້​ຜິດ​ພາດ​ທີ່​ສາ­ມາດ​ເຮັດ​ໃຫ້​ເຄື່ອງ​ເພໄດ້​ເລີຍ ພຽງ​ແຕ່ຕັ້ງ​ວັນ​ທີ່​ເທົ່າ​ນັ້ນ. ສຳ­ລັບ​ຂໍ​້​ຜິດ​ພາດ​ນີ້ ວິ­ທີ​ເຮັດ​ໃຫ້​ເກີດກໍງ່າຍ​ໜ້ອຍ​ດຽວ​ພຽງ​ແຕ່​​ຕັ້ງ​ວັນ​ທີ່​ໄປ​​ວັນທີ່ 1 ​​ມັງ​ກອນ 1970 ແລະ ​​ບັນ​ທຶກຄ່າ​ໄວ້​ເທົ່າ​ນັ້ນ ຫາກ​ປິດ​ເຄື່ອງ ​ແລະ ​ເປີດ​ໃໝ່​ຂຶ້ນ​ມາ ກໍ​ຈະ​ຕິດ Boot Loop ບໍ່​ສາ­ມາດ​ເຂົ້າ​ສູ່​ໜ້າ​​​ຈໍ​ຫຼັກ​ໄດ້ ແລະ ​ບໍ່​ສາ­ມາດ​ເຂົ້າ DFU Mode ເພື່ອ Restore ໄດ້​ອີກ​ດ້ວຍ ແລະ ​ເຮັດ​ໃຫ້ iPhone ​​​ກາຍເປັນ​ເຫຼັກ​ເສດໄດ້​ທັນ­ທີ ຊຶ່ງ​ຕອນ​ນີ້​​ຍັງ​ບໍ່​ມີ​ວິ­ທີ​ແກ້​ທີ່​ຊັດ​​ເ​ຈນ (ບາງ​ຄົນກໍ​ບອກ​ວ່າສາ­ມາດ​ແກະ​ແບັ​​ດ​ອອກ​ໃສ່​ໃໝ່​ໄດ້ ແຕ່​​ຍັງ​ບໍ່​ມີ​ການ​ຢືນຢັນ​ຢ່າງ​ເປັນ​ທາງ​ການ​ວ່າ​ເຮັດ​ແລ້ວ​ຈະ​ຊ່ວຍໄດ້ແທ້ຫຼື​ບໍ?).

ຂໍ​້​ຜິດ​ພາດນີ້​ຖືກ​ຄົ້ນ​ພົບ​ໂດຍຜູ່ໃຊ້​ຊາວ​ຈີນ​ຄົນ​ນຶ່ງທີ່​ກຳ­ລັງ​ແກ້​ບັນ­ຫາ​ວັນ​ທີ່​ໃນ iOS 9.3 beta 3 ຊຶ່ງ​ຫຼັງ​ຈາກ​ທີ່​ມີ​​ຄົນ​ນຳ­ໄປ​ທົດ​ສອບ​ຕໍ່ກໍພົບ​ວ່າ​ຂໍ​້​ຜິດ​ພາດ​ນີ້​ເກີດ​ກັບ CPU ​​ລຸ້ນ 64-bit ຂອງ iPhone ບໍ່​ວ່າ​ຈະ​ເປັນ A7, A8, A9, A9X ໂດຍ​ບໍ່​ກ່ຽ​ວ​ວ່າ​ຈະນຳໃຊ້ iOS ເວີຊັນຫຍັງ ​ເຊິ່ງ​ຕອນ​ນີ້​ໄດ້​ແຈ້ງ​ໃຫ້ Apple ຮັບ​ຮູ້​ແລ້ວ ແລະ ​ກຳ­ລັງ​ສອບ​ສວນ​ຫາ​ສາເຫດ​ຢູ່.

ເນື່ອງ​ຈາກ​ຂໍ​້​ຜິດ​ພາດ​ນີ້​ເປັນຂໍ​້​ຜິດ​ພາດ​ຮ້າຍ​ແຮງ​ຫລາຍ ເຖິງ​ວ່າ​ຈະ​ເບິ່ງ​ເຮັດ​ໄດ້​ງ່າຍກໍຈິງ ສະ­ນັ້ນ, ຢ່າ​ລອງ​ເຮັດ​ເອງ​ເດັດຂາດ ແລະ ​ວິ­ທີ​ປ້ອງ​ກັນ​​ໂຕ​ຄື​ຢ່າ​ໃຫ້​ຄົນ​ອື່ນ​ມາ​​ຕັ້ງ​ຄ່າ​ວັນ​ທີ່​ໃນ iPhone ເຮົາ.

ເພື່ອ Reset ວັນທີ່

ທີ່ມາຂອງຂໍ້ມູນ: mactha