japanese-indoor-farm07

ກະ​ສິ​ກຳ​ຖື​ເປັນ​ສິ່ງ​ນຶ່ງ​ທີ່​ຄູ່​ກັບ​ມະ​ນຸດ​ເຮົາມາ​ເປັນ​ເວ​ລາ​ດົນ​ນານ ເພື່ອ​ນຳ​ມາ​ບໍ​ລິ​ໂພກ ແລະ ເຮັດ​ອາ​ຫານ ແຕ່​ການ​ຈະ​ເຮັດ​ກະ​ສິ​ກຳ​ໂດຍ​ອີງ​ຕາມ​ທຳ​ມະ​ຊາດ ຕາມ​ຟ້າ ຕາມ​ຝົນ ມັນ​ກໍ​ບໍ່​ໃຫ້​ໝາກ​ຜົນ​ທີ່​ດີ​ໄດ້​ພຽງ​ພໍ ເພາະ​ບາງ​ຄັ້ງ​ກໍ​ແຫ້ງ​ແລ້ງ, ເກີດ​ພາ​ຍຸ, ນ້ຳ​ຖ້ວມ ຯ​ລຯ ຍິ່ງ​ພົນ​ລະ​ເມືອງ​ມະ​ນຸດ​ເພີ່ມ​ຂຶ້ນ ຄວາມ​ຕ້ອງ​ການ​ບໍ​ລິ​ໂພກ​ອາ​ຫານ​ກໍ​ຍິ່ງ​ເພີ່ມ​ຂຶ້ນ. ເທັກ​ໂນ​ໂລ​ຢີ​ສະ​ໄໝ​ໃໝ່​ຊ່ວຍ​ໃຫ້​ມະ​ນຸດ​ສາ​ມາດ​ປູກ​ພືດ​ຜັກ​ໃນ​​ຮົ່ມໄດ້ແລ້ວ ເຊິ່ງ​ເຮົາ​ເອີ້ນ​ກັນ​ວ່າ: ເຮືອນ​ແກ້ວ.

ເຂົາ​ວ່າ​ກັນ​ວ່າ​ປະ​ຕິ​ຫານ​ບາ​ງ​ຄັ້ງ​ຈະ​ເກີດ​ຂຶ້ນຫຼັງ​ຈາກ​ຫາຍ​ຍະ​ນະ ຄຳ​ເວົ້າ​ນີ້​ອາດ​ຖືກ​ແທ້​ໃນ​ກໍ​ລະ​ນີ​ຂອງ​ເລື່ອງ​ນີ້ ເມື່ອ ທ່ານ ຊິ​ເງ​ຮາ​ຣຸ ຊິ​ມາ​ມູ​ຣະ ນັກ​ສະ​ລີ​ລະ​ວິ​ທະ​ຍາ​ພືດ​ຈາກ ມິ​ຍະ​ງິ ເມືອງ​ດ້ານ​ຕະ​ເວັນ​ອອກ​ຂອງ​ຍີ່​ປຸ່ນ ເຊິ່ງ​ເຄີຍ​ຖືກ​ຄື້ນ​ສຸ​ນາ​ມິ​ທຳ​ລາຍ​ໃນ​ປີ​ 2011 ໄດ້​ທຳ​ການ​ປ່ຽນ​ໂຮງ​ງານ​ອີ​ເລັກ​ໂທ​ນິກ​ຂອງ​ບໍ​ລິ​ສັດ Sony ໃຫ້​ກາຍ​ມາ​ເປັນ​ຟາມ​ໃນ​​ຮົ່ມ​ທີ່​ມີຂະ​ໜາດ​ໃຫຍ່​ທີ່​ສຸດ​ໃນ​ໂລກ.

japanese-indoor-farm03

ຟາມ​ດັ່ງ​ກ່າວນ​ີ້​ແມ່ນ​ໃຊ້​ພະ​ລັງ​ງານ​ຈາກຫຼອດ​ໄຟ LED ຊະ​ນິດ​ພິ​ເສດເຊິ່ງ​ຈະ​ປ່ອຍ​ຄື້ນ​ແສງ​ໃນ​ໄລ​ຍະ​ທີ່​ເໝາະ​ສົມ​ຕໍ່​ການ​ຈະ​ເລີນ​ເຕີບ​ໂຕ​ຂອງ​ພືດ, ຟາມ​ມີ​ຂະ​ໜາດ​ໃຫ້​ເທົ່າ​ກັບ​ເຄິ່ງ​ນຶ່ງ​ຂອງ​ສະ​ໜາມ​ເຕະ​ບານ (25,000 ຕາ​ລາງ​ຟຸດ) ເປີດ​ໃຊ້​ງານ​ມາ​ແຕ່​ເດືອນ​ກໍ​ລະ​ກົດ​ປີ​ທີ່​ແລ້ວ ແລະ ຜະ​ລິດ​ຜັກ​ກາດ​ໄດ້​ມື້​ລະ 10,000 ຫົວ

japanese-indoor-farm06

ຫົວ​ໃຈຫຼັກ​ຂອງ​ຟາມ​ແຫ່ງ​ນີ້​ແມ່ນ​ຢູ່​ທີ່ຫຼອດໄຟ LED ທີ່​ເຮັດ​ໃຫ້​ສາ​ມາດ​ຄວບ​ຄຸມ​ໄລ​ຍະ​ເວ​ລາ​ກາງ​ເວັນ​ກາງ​ຄືນ ແລະ ເລັ່ງ​ການ​ຈະ​ເລີນ​ເຕີບ​ໃຫຍ່​ຂອງ​ພືດ​ໄດ້. ດ້ວຍ​ການ​ຄວບ​ຄຸມ​ອຸນ​ຫະ​ພູມ ຄວາມ​ຊຸ່ມ ແລະ ການ​ໃຫ້​ນ້ຳ​ໄດ້​ຢ່າງ​ມີ​ປະ​ສິດ​ທິ​ພາບກວ່າ​ການ​ປູກ​ທົ່ວໆ​ໄປ ເຮັດ​ໃຫ້​ການ​ປູກ​ຜັກ​ໃນ​ຫົ່ມ​ນັ້ນ​ຕ້ອງ​ການ​ນ້ຳ​ພຽງ 1% ຂອງ​ປະ​ລິ​ມານ​ນ້ຳ​ທີ່​ໃຊ້​ເພື່ອ​ປູກ​ຜັກ​ກາງ​ແຈ້ງ. ທ່ານ ຊິ​ມາ​ມູ​ຣະ ເວົ້າວ່າສາ​ມາດ​ປູກ​ຜັກ​ກາດ​ທີ່​ອຸ​ດົ​ມ​ໄປ​ດ້ວຍ​ວິ​ຕາ​ມິນ ແລະ ແຮ່​ທາດ​ທີ່​ຈະ​ເລີນ​ເຕີບ​ໂຕ​ໄດ້​ໄວ​ກວ່າ​ຟາມ​ກາງ​ແຈ້ງ​ເທິງ 2.5 ເທົ່າ ແລະ ສາ​ມາດ​ລົດ​ຜົນ​ຜະ​ລິດ​ຄຸນ​ນະ​ພາບ​ຕ່ຳ​ລົງ​ຈາກ 50% ເຫຼືອ​ພຽງ 10% ເທົ່າ​ນັ້ນ ຜົນ​ຜະ​ລິດ​ທີ່​ໄດ້​ຈຶ່ງຫຼາຍກວ່າ​ການ​ປູກ​ຜັກ​ກາງ​ແຈ້ງ​ເທິງ 100 ເທົ່າ!

japanese-indoor-farm02

ລາວ​ຍັງ​ກ່າວ​ເພີ່ມ​ເຕີ​ມ​ເຖິງ​ການ​ພັດ​ທະ​ນາ​ເທັກ​ໂນ​ໂລ​ຢີ​ນີ້​ຕໍ່​ໄປ​ໃນ​ອະ​ນາ​ຄົດ​ວ່າ:

ຂ້ອຍ​ເຊື່ອ​ວ່າ​ເຮົາ​ສາ​ມາດ​ຜະ​ລິດ​ພືດ​ໄດ້​ທຸກ​ຊະ​ນິດ​ໃນ​ໂຮງ​ງານ​ແຫ່ງ​ນີ້ ​ເຊິ່ງ​ໃນເສດ​ຖະ​ກິດ​ແລ້ວ​ມັນ​ຈະ​ຊ່ວຍ​ເຮັດ​ໃຫ້​ເຮົາ​ສາ​ມາດ​ຜະ​ລິດ​ຜັກ​ທີ່​ສົ່ງ​ຂາຍ​ໃນ​ຕະຫຼາດ​ໄດ້​ຢ່າງວ່ອງ​ໄວ ໃນ​ອະ​ນາ​ຄົດ​ເຮົາ​ຈະ​ເພີ່ມ​ຄວາມຫຼາກຫຼາຍ​ຂອງ​ຜົນ​ຜະ​ລິດ ໂດຍ​ຈະ​ບໍ່​ຢຸດ​ຢູ່​ແຕ່​ຜັກ​ທີ່​ບໍ​ລິ​ໂພກ​ກັນ​ທົ່ວ​ໄປ​ເທົ່າ​ນັ້ນ ໂຮງ​ງານ​ແຫ່ງ​ນີ້​ຍັງ​ສາ​ມາດ​ຜະ​ລິດ​ພືດ​ສະ​ໝຸນ​ໄພ​ເພື່ອ​ນຳ​ໄປ​ໃຊ້​ໃນ​ການ​ແພດ​ໄດ້​ອີກ​ດ້ວຍ ຂ້ອຍ​ເຊື່ອ​ວ່າ​ເຮົາ​ຈະ​ສາ​ມາດ​ສ້າງ​ຜົນ​ຜະ​ລິດ​ທີ່ຫຼາກຫຼາຍ​ໄດ້​ໃນ​ໄວໆ​ນີ້ຢ່າງ​ແນ່ນອນ

ຄວາມ​ສຸດຍອດ​ຂອງ​ການ​ພັດ​ທະ​ນາ​ຟາມ​ນີ້​ຢ່າງ​ນຶ່ງ​ຄື ຄຸນ​ປະ​ໂຫຍດ​ທີ​່​ສູງ ແລະ ຫຼາກຫຼາຍ ເນື່ອງ​ຈາກ​ພື້ນ​ທີ່​ຄວບ​ຄຸມ​ສະ​ພາບ​ແວດ​ລ້ອມ​ໃນ​​ຮົ່ມ​ນັ້ນ​ສາ​ມາດ​ນຳ​ໄປ​ເຮັດ​ຊ້ຳ​ເພີ່ມ​ເຕີມ​ໄດ້ ເຮັດ​ໃຫ້​ເທັກ​ໂນ​ໂລ​ຢີ​ນີ້​ຈຶ່ງ​ສາ​ມາດ​ເອົາ​ໄປ​ນຳ​ໃຊ້​ຢູ່​ໃສ​ກໍ​ໄດ້​ໃນ​ໂລກ ແລະ ມັນ​ອາດ​ເປັນ​ກະ​ແຈ​ສຳ​ຄັນ​ໃນ​ການ​ແກ້​ບັນ​ຫາ​ຄວາມ​ອົດ​ຢາກ​ໃນ​ອະ​ນາ​ຄົດ​ກໍ​ເປັນ​ໄດ້.

ຂໍ​ຂອບ​ໃຈ​ຂ່າວ​ຈາກ:
meekhao.com