kingston2tb-0-1

ຈະດີຫຼືບໍ່ ຖ້າຫາກເຮົາສາມາດພົກພາອຸປະກອນເກັບຂໍ້ມູນຂະໜາດໃຫຍ່ໄປໃຊ້ງານໄດ້ທຸກໆບ່ອນ ໂດຍບໍ່ຕ້ອງພົກພາ (External HDD) ທີ່ມີຂະໜາດໃຫຍ່ ແຖມຍັງຕ້ອງມີສາຍ USB ຕິດໄປນຳຕະຫຼອດເວລາ ເຖິງວ່າແນວທາງການພັດທະນາຈະເນັ້ນຂະໜາດນ້ອຍລົງກໍຕາມ ເຊື່ອວ່າຫາກມີອຸປະກອນຈັດເກັບຂໍ້ມູນທີ່ມີຂະໜາດນ້ອຍກ່ວານີ້ ເຮົາກໍບໍ່ສາມາດປະຕິເສດໄດ້ເລີຍວ່າມັນຈະເປັນອີ່ຫຍັງທີ່ຕອບໂຈດເຮົາໄດ້ຫຼາຍພໍສົມຄວນເລີຍ

Kingston ນຶ່ງໃນຜູ່ນຳດ້ານອຸປະກອນຈັດເກັບຂໍ້ມູນພ້ອມເຜີຍອາວຸດລັບຫຼ້າສຸດອອກຕະຫຼາດດ້ວຍ Kingston DataTraveler Ultimate GT “flash drive ຂະໜາດຄວາມຈຸສູງທີ່ສຸດໃນໂລກ” ມີໃຫ້ເລືອກໃຊ້ງານທັງຂະໜາດ 1TB ແລະ ສູງສຸດແມ່ນ 2TB, ນີ້ແມ່ນໂອກາດດີທີ່ເຮົາຈະມີອຸປະກອນເກັບຂໍ້ມູນຂະໜາດນ້ອຍສຳລັບການໃຊ້ງານກັບ Laptop ຂອງເຮົາ ແທນທີ່ຈະໃຫ້ຂໍ້ມູນທັງໝົດຢູ່ໃນ Laptop ຢ່າງດຽວ ໂດຍເປີດໂຕຄັ້ງທຳອິດໃນງານ CES 2017.

170105-012538

170105-012528

closed

ເຫັນໄດ້ເລີຍວ່າ flash drive ຄວາມຈຸສູງທີ່ສຸດໃນໂລກມາພ້ອມການອອກແບບທີ່ສວຍງາມ ດ້ວຍວັດສະດຸໂລຫະພິເສດທີ່ໃຫ້ຄວາາມແຂງແຮງຄວາມທົນທານ ການເຊື່ອມຕໍ່ USB-3.0. ແນວໃດກໍຕາມສຳລັບການໃຊ້ງານຮ່ວມກັບ ອຸປະກອນທີ່ມີພອດເຊື່ອມຕໍ່ USB-C ຈະຕ້ອງໃຊ້ DataTraveler Ultimate GT ຮ່ວມກັບ USB 3.1 adapter ເພື່ອໃຊ້ງານກັບ Laptop ຮຸ່ນໃໝ່ໆ.

DataTraveler Ultimate GT ຈະເລີ່ມວາງຈຳໜ່າຍໃນຊ່ວງເດືອນ ກຸມພາ 2017 ນີ້, ໃນສ່ວນຂອງລາຄາທາງ Kingston ຍັງບໍ່ໄດ້ປະກາດຢ່າງເປັນທາງການເທຶ່ອແຕ່ຍ້ອນຄວາມຈຸທີ່ສູງທີ່ສຸດນີ້ ອາດເຮັດໃຫ້ມັນເປັນ flash Drive ທີ່ມີລາຄາສູງທີ່ສຸດໃນໂລກກໍເປັນໄດ້.

ທີ່ມາ:Notebookspec