LITDC2014 Thumb ໃນ​ວັນ​ທີ 3 ກັນ​ຍາ 2014 ທີ່​ຜ່ານ​ມາ​ນີ້ ບໍ​ລິ​ສັດ Lao IT Dev (ລາວ​ໄອ​ທີ​ພັດ​ທະ​ນາ ຈຳ​ກັດ) ​ໄດ້​ຈັດ​ງານ Lao IT Dev Convention ປະ​ຈຳ​ປີ 2014 ຫຼື LITDC 2014 ຂຶ້ນ​ຢູ່​ທີ່ໂຮງ​ແຮມ​ລາວ​ລ້ານ​ຊ້າງ, ນະ​ຄອນຫຼວງວຽງ​ຈັນ ເພື່ອ​ນຳ​ສະ​ເໜີ​ຜົນ​ງານ​ຊອບ​ແວ​ໃໝ່ໆ​ຂອງ​ບໍ​ລິ​ສັດ ທີ່​ຈະ​ຊ່ວຍ​ເພີ່ມ​ປະ​ສິດ​ຕິ​ພາບ​ຂອງ​ການ​ບໍ​ລິ​ຫານ​ວຽກ​ງານ​ຂອງ​ອົງ​ກອນ​ລັດ ແລະ ເອ​ກະ​ຊົນ​ໃຫ້​ມີ​ປະ​ສິດ​ຕິ​ຜົນຫຼາຍ​ຂຶ້ນ ເໝາະ​ກັບ​ຍຸກ​ແຫ່ງ​ຂໍ້​ມູນ​ຂ່າວ​ສານ​ທີ່​ທັນ​ສະ​ໄໝ ພາຍ​ໃຕ້​ແນວ​ຄວາມ​ຄິດ​ທີ່​ວ່າ “ໄວ​ຂ​ຶ້ນ, ງ່າຍ​ຂຶ້ນ, ປອດ​ໄພ​ຂຶ້ນ”.

ທ່ານ ທະ​ນົງ​ສັກ ສຸກ​ສະ​ວັດ CEO ແລະ ນຶ່ງ​ໃນ​ຜູ່​ກໍ່​ຕັ້ງ​ບໍ​ລິ​ສັດ​ Lao IT Dev ໄດ້​ຂຶ້ນ​ກ່າວ​ເປີດ​ງານ ແລະ ຈຸດ​ປະ​ສົງ​ຂອງ​ງານ ພ້ອມ​ທັງ​ເວົ້າ​ໃຫ້​ເຫັນ​ເຖິງ​ຄວາມ​ສຳ​ຄັນ​ຂອງ​ໄອ​ທີ​ທີ່​ເຂົ້າ​ມາ​ມີ​ບົດ​ບາດ​ໃນ​ຊີ​ວິດ​ປະ​ຈຳ​ວັນ​ຫຼາຍ​ຂຶ້ນ, ຢູ່​ໃກ້​ຕົວ ແລະ ອ້ອມ​ຕົວ​ເຮົາ ທັ່ງ​ໃນ​ຮູບ​ແບບ​ໃຫ້​ຄວາມ​ຮ​ູ້, ບັນ​ເທີງ, ໃຫ້​ຄວາມ​ສະ​ດວກ ແລະ ໃນ​ວຽກ​ງານ​ອື່ນໆ​ອີກຫຼາຍ​ຢ່າງ. ທ່ານ ວິ​ຣະ​ສັກ ວິ​ຣະ​ວົງ ຫົວ​ໜ້າ​ຝ່າຍ​ບໍ​ລິ​ຫານ ແລະ ນຶ່ງ​ໃນ​ຜູ່​ກໍ່​ຕັ້ງ​ບໍ​ລ​ິ​ສັດ ໄດ້​ສະ​ເໜີ​ກ່ຽວ​ກັບ​ ບໍ​ລິ​ສັດ Lao IT Dev ເຖິງ​ການ​ບໍ​ລິ​ການ​ດ້ານ​ໄອ​ທີ​ຕ່າງໆ​ແບບ​ຄົບ​ວົງ​ຈອນ ໂດຍ​ເນັ້ນ​ໜັກ​ໄປ​ໃນ​ທາງ​ການ​ພັດ​ທະ​ນາ​ຊອບ​ແວ​ໂດຍ​ຄົນ​ລາວ ທີ່​ສາ​ມາດ​ຕອບ​ສະ​ໜອງ​ໃຫ້​ແກ່​ວຽກ​ງານ​ຕ່າງໆ​ໃນ​ປະ​ເທດ​ລາວ ແລະ ຈະ​ກ້າວ​ໄປ​ເຖິງ​ການ​ແຂ່ງ​ຂັນ​ກັບ​ສາ​ກົນ​ໃນ​ອະ​ນາ​ຄົດ ໂດຍ​ສອດ​ຄ່ອງ​ກັບ​ແນວ​ທາງ​ນະ​ໂຍ​ບາຍ​ຂອງ​ພັກ-ລັດຄື 4 ບຸກ​ທະ​ລຸ ແລະ ພ້ອມ​ກັນ​ນັ້ນ​ກໍ​ເພື່ອ​ກຽມ​ພ້ອມ​ຮັບ AEC ໃນ​ປີ 2015 ທີ່​ຈະ​ມາ​ເຖິງ​ນີ້.

IMG_6365
ໃນ​ງານ LITDC 2014 ນີ້ ບໍ​ລິ​ສັດ​ໄດ້​ມີ​ລະ​ບົບທີ່​ຈະ​ຊ່ວຍ​ເພີ່ມ​ປະ​ສິດ​ທິ​ພາບ​ການ​ບໍ​ລິ​ຫານ​ວຽກ​ໃນ​ອົງ​ກອນ​ໃຫ້​ວ່ອງ​ໄວ​ຂຶ້ນ, ງ່າຍ​ຂຶ້ນ, ປອດ​ໄພ​ຂຶ້ນ 3 ລະ​ບົບດັ່ງ​ນີ້:

  1. ລະບົບຄຸ້ມຄ້ອງບໍລິຫານເອກະສານແບບຮວມສູນ (CDMS: Centralize Document Management System)

ລະບົບ CDMS ແມ່ນລະບົບທີ່ນຳໃຊ້ເຂົ້າໃນການຄຸ້ມຄອງບໍລິຫານເອກະສານ ຊຶ່ງຈະ ຊ່ວຍໃຫ້ວຽກງານການຈັດການເອກະສານໃນອົງກອນ ມີຄວາມທັນສະໄຫມ ຕິດຕາມແລະບໍລິ ຫານເອກະສານໄດ້ໄວຂຶ້ນ, ສາມາດຄົ້ນຫາ ແລະ ຕິດຕາມໄດ້ງ່າຍຂຶ້ນ, ມີການເກັບຂໍ້ມູນແບບຮວມສູນເອກະສານ ພ້ອມທັງມີຄວາມປອດໄພຫຼາຍຂຶ້ນ.

IMG_6381

  1. ລະບົບຄຸ້ມຄອງແລະບໍລິຫານລັດຖະກອນ (HRMS: Human Resource Management System)

ລະບົບ HRMS ແມ່ນລະບົບທີ່ນຳໃຊ້ເຂົ້າໃນການຄຸ້ມຄອງ ແລະບໍລິຫານລັດຖະກອນ ໂດຍອີງຕາມແບບຟອມມາດຕະຖານລັດຖະກອນຂອງກະຊວງພາຍໃນ ຊຶ່ງຈະເຮັດໃຫ້ການຕິດຕາມຂໍ້ມູນຂອງລັດຖະກອນໃນອົງກອນມີຄວາມວ່ອງໄວ, ງ່າຍ ແລະ ສາມາດສ້າງລາຍງານ ສະຖິຕິຕ່າງໆອອກມາໄດ້. ນອກນັ້ນທາງດ້ານອົງກອນອື່ນໆ ອາດເປັນລັດວິສາຫະກິດ ບໍລິສັດ ຫ້າງຮ້ານ ທີ່ຕ້ອງ ການນຳໃຊ້ລະບົບດັ່ງກ່າວ ກໍສາມາດນຳໃຊ້ລະບົບດັ່ງກ່າວນີ້ໄດ້ເພື່ອຊ່ວຍເຂົ້າໄປໃນການຄຸ້ມຄອງ ແລະບໍລິຫານພະນັກງານໃນອົງກອນຂອງຕົນ ໂດຍການປັບປຸງຮູບແບບຟອມບັນທຶກປະຫວັດພະນັກງານຕາມແບບຟອມອົງການຂອງທ່ານໄດ້.

IMG_6417

  1. ລະບົບຕິດຕາມ, ຄຸ້ມຄອງ ແລະບໍລິຫານໂຄງການ (PTMS: Project Tracking Management System)

ລະບົບ PTMS ແມ່ນລະບົບນຶ່ງທີ່ໃຊ້ໃນການຕິດຕາມ, ຄຸ້ມຄອງ ແລະບໍລິຫານ ໂຄງການຫລືຫນ້າວຽກໃນອົງກອນ ຊຶ່ງສາມາດຊ່ວຍແກ້ບັນຫາຄວາມຫຍຸ້ງຍາກໃນການຕິດຕາມໂຄງການຕ່າງໆຂອງອົງກອນ, ສາມາດຕິດຕາມການເຄື່ອນໄຫວ, ຄວາມຄືບຫນ້າ ແລະບັນຫາຄວາມຊັກຊ້າຂອງໂຄງການຫລືຫນ້າວຽກທີ່ໄດ້ປະຕິບັດ, ໃຫ້ການບໍລິຫານໂຄງການໄດ້ຢ່າງວ່ອງໄວ ແລະມີປະສິດທິພາບສູງຂຶ້ນ.

IMG_6439

ທັງ 3 ລະບົບແມ່ນມີຄວາມສາມາດພິເສດທີ່ເດັ່ນໆຄື:

–    ຮອງຮັບພາສາລາວໄດ້ຢ່າງສົມບູນ
–    ຮອງຮັບທຸກລະບົບທີ່ສາມາດນຳໃຊ້ຜ່ານ ຄອມພິວເຕີ, ແທັບເລັດ, ໂທລະສັບມືຖື
–    ເຂົ້າເຖິງລະບົບໄດ້ທຸກສະຖານທີ່ທຸກເວລາຜ່ານອິນເຕີເນັດ ສາມາດຕິດຕາມວຽກໃນອົງກອນຂອງທ່ານໄດ້ທຸກເວລາບໍ່ວ່າທ່ານຈະຢູ່ໃສ ຫາກສາມາດເຂົ້າອິນເຕີເນັດໄດ້
–    ມີໂຕເລືອກດ້ານການຮັກສາຄວາມປອດໄພຫລາຍລະດັບ ເພື່ອຮັບປະກັນຄວາມປອດໄພຕໍ່ຂໍ້ມູນຂອງທ່ານ.

IMG_6519

ນອກ​ນັ້ນ​ໃນ​ງານ​ຍັງ​ມີ​ໂຕະ​ວາງ​ສະ​ແດງ​ໃຫ້​ແຂກ​ເຂົ້າ​ຮ່ວມ​ງານ​ໄດ້​ທົດ​ລອງ​ນຳ​ໃຊ້​ລະ​ບົບ​ທັງ 3 ໃນ​ຕົວ​ຈິງ​ເພື່ອ​ໃຫ້​ເຂົ້າ​ໃຈລະ​ບົບ​ທັ່ງ 3 ຫຼາຍ​ຂຶ້ນ. ສຳລັບອົງກອນໃດທີ່ຕ້ອງການທົດລອງນຳໃຊ້ລະບົບທັງ 3 ທີ່ໄດ້ນໍາສະເໜີໃນງານຄັ້ງນີ້ແມ່ນສາມາດຕິດຕໍ່ Lao IT Dev ໄດ້ຕາມເບີໂທ 021 562 905 ເພື່ອຂໍທົດລອງນຳໃຊ້ໄດ້ຟຣີ ເພື່ອໃຫ້ທ່ານໄດ້ທົດລອງນໍາໃຊ້ລະບົບຕ່າງໆ ທົດສອບວ່າລະບົບສອດຄ່ອງ ກັບວຽກງານຂອງທ່ານຫຼືບໍ່ ແລະ ນອກນັ້ນພວກເຮົາຍັງສາມາດພັດທະນາລະບົບຂອງພວກເຮົາເພື່ອປັບ ໃຫ້ເຂົ້າກັບຄວາມຕ້ອງການຂອງວຽກງານຕົວຈິງຫຼາຍຂຶ້ນ ຫລືວ່າຖ້າອົງກອນໃດຕ້ອງການລະບົບທີ່ເປັນ ລະບົບສະເພາະວຽກງານພິເສດທີ່ເຈາະຈົງ ທາງບໍລິສັດ ກໍສາມາດວິເຄາະ ອອກແບບ ແລະພັດທະນາລະບົບຕ່າງໆໃຫ້ທ່ານໄດ້ຕາມຄວາມຕ້ອງການ.

IMG_6543

ບໍລິສັດ Lao IT Dev ເປັນຜູ່ໃຫ້ບໍລິການທາງດ້ານໄອທີຄົບວົງຈອນ ເຊິ່ງບໍລິສັດໄດ້ຮັບລາງວັນຈາກການປະກວດໃນງານ ASEAN ICT Award 2012 ແລະ ໄດ້ຖືກສະເໜີຊື່ໂດຍຜູ້ຊ່ຽວຊານຈາກທົ່ວໂລກ ໃຫ້ເຂົ້າຜ່ານຮອບຮອງຊະນະເລີດຂອງງານ World Summit Award (WSA) 2013 ຂອງອົງການ UN.

ເບິ່ງ​ບັນ​ຍາ​ກາດ​ໃນ​ງານ​ເພີ່ມ​ເຕີມ: ຄ​ລິກ​ທີ່​ນີ້